ئێمە لە تۆرە کۆمەڵایەتیەکان

عێراق

گرفتی سەرەکیی تەواونەکردنی حکومەت چارەسەر نەکراوە

خەڵک-

لیستی فەتح و قەوارەی عەتائـ ڕەتیدەکەنەوە کاندیدی خۆیان کە فالح فەیازە بۆ وەزارەتی ناوخۆی بکشێننەوە و ھەواڵی لەو شێوەیە ڕەتدەکەنەوە.

حەیدەر ئەلفوئادی، پەرلەمانتاری قەوارەی عەتائـ کە فالح فەیاز سەرۆکایەتی دەکات و لە چوارچێوەی ھاوپەیمانێتییەکەی ھادی عامریدایە، ڕایگەیاند: کاندیدی خۆیان بۆ وەزارەتی ناوخۆ ناکێشنەوە، دوا بڕیاریش لای سەرۆکی حکومەت پەرلەمانە.

ھەر ئەمڕۆ ھاوپەیمانیی فەتح لە ڕاگەیەنراوێکدا ئەو ھەواڵەی ڕەتکردەوە، کە باس لە کشاندنەوەی فالح فەیاز دەکەن.

لە پرسی دانانی فالح فەیاز وەک وەزیری ناوخۆ، عادل عەبدولمەھدیی پشتی ھاوپەیمانێتییەکەی عامری دەگرێت.

لە بەرامبەردا موقتەدا سەدر و سائیرون و ھاوپەیمانەکانی لە پەرلەمانی عیراق، بە توندی بەرگریی لە بۆچوونی خۆیان دەکەن سەبارەت بەوەی، دەبێت کەسێکی بێلایەن بکرێت بە وەزیری ناوخۆ. فالح فەیاز پێشتر سەرۆکی دەزگای حەشدی شەعبییە و بە کەسایەتییەکی زۆر نزیک لە ئێرانەوە ھەژمار دەکرێت.

پێدەچێت عادل عەبدولمەھدی لە ژێر فشاری ئێراندا بەرگریی لە فالح فەیاز بکات، وەک ئەوەی چەند سەرچاوەیەکی نێو پەرلەمانی عیراق بۆ میدیاکانیان ڕاگەیاندووە.

گرفتی سەرەکیی لە بەردەم تەواوکردنی حکومەتی عیراق، دوو وەزارەتی ناوخۆ و بەرگرییە، پێنج وەزارەت کێشەیان لەسەر نییە و کێشەی وەزارەتی دادیش لە نێوان لایەنە کوردییەکاندایە.

ناوی کاندیدە نوێیەکانی عادل عەبدولمەھدیی بۆ وەزارەتە ماوەکان:

  • وەزارەتی خوێندنی باڵا: قوسەی عەبدولوەھاب سوھەیل.
  • وەزارەتی پەروەردە: سەبا خەیرەدین تائی.
  • وەزارەتی رۆشنبیری: عەبدولئەمیر حەمدانی.
  • وەزارەتی کۆچ و کۆچبەران: ھەنا ئیمانوێڵ گۆرگیس.
  • وەزارەتی پلاندانان: نوری سەباح دلێمی.
  • وەزارەتی داد: دارا نورەدین.
  • وەزارەتی ناوخۆ: فالح فەھد فەیاز.
  • وەزارەتی بەرگری: فەیسەڵ فەنەر جەربا.

عێراق

عادل عەبدولمەهدی بڕیارێكی نوێی دەربارەی ناوچەی سەوز دەركرد

خەڵك- بەشی هەواڵ
سەرۆك وەزیرانی عیراق بڕیاریدا كاتی كردنەوەی ناوچەی سەوز لە بەغدا درێژبكاتەوە تاوەكو كاتژمێر 5ی بەیانی.

بەپێی ڕأگەیەنراوێك، كە نووسینگەی سەرۆك وەزیرانی عیراق بڵاویكردۆتەوە، عادل عەبدولمەهدی، سەرۆك وەزیرانی عیراق و فەرماندەی گشتی هێزە چەكدارەكان بڕیاری داوە كاتی كردنەوەی ناوچەی سەوز لە كاتژمێر 5ی ئێوارەوە بەردەوام بێت تا كاتژمێر 5ی بەیانی.

لە 10ی ئەم مانگە و لەیادی تێپەڕبونی سالێك بەسەر تێكشكاندنی داعش، بە فەرمانی سەرۆك وەزیرانی عیراق ناوچەی سەوز بەڕووی هاوڵاتیان كرایەوە لە كاتژمێر 5ی ئێوارە بۆ 10ی شەو و دواتریش ماوەكەی درێژكرایەوە بۆ 1ی شەو.

بەردەوام بە لە خوێندنەوە

عێراق

بەرپرسێكی باڵای عیراق لە پۆستەكەی دوورخرایەوە

خەڵك- بەشی هەواڵ
بەپێی فەرمانێكی وەزارەتی گواستنەوەی عیراق، بەڕێوەبەری گشتی كۆمپانیای گشتی هێڵی فڕۆكەوانی عیراقی لە كارەكەی دووردەخرێتەوە و بەپێی نووسراوەكەش، فەرمانەكە لەمڕۆوە جێبەجێ‌ دەكرێت.

پاڵپشت بە فەرمانێكی وەزارەتی گواستنەوەی عیراق، ئەمڕۆ یەك شەممە 16-12-2018 بەڕێوەبەرایەتی گشتی فەرمانگەی كارگێڕی و دارایی ئەو وەزارەتە بڕیاری داوە (میران فەرید عەزیز) بەڕێوەبەری گشتی كۆمپانیای گشتی هێڵی فڕۆكەوانی عیراقی لە كارەكەی بەخشراوە و لە فەرمانگەی هونەری دەست بەكار دەبێت.

هەر بەپێی فەرمانەكە، (عەباس ناسر) بەڕێوەبەری گشتی كۆمپانیای گشتی خزمەتگوزاری هێزی ئاسمانی بە وەكالەت ئەو پۆستە بەڕێوەبەرێت.

جەختیش كراوەتەوە، كە فەرمانەكە لەمڕۆوە 16-12-2018 جێبەجێ‌ دەكرێت.

بەردەوام بە لە خوێندنەوە

عێراق

سەرۆك كۆماری عێراق دەستبەرداری رەگەزنامە بریتانییەكەی دەبێت

خەڵك- بەشی هەواڵ

لەڕوانگەی پابەند بوون بە دەستووری عێراقەوە، بەرهەم ساڵح سەرۆك كۆماری عێراق دەستبەرداری ڕەگەزنامە بریتانییەكەی دەبێت.

‏‎ئەمڕۆ یەك شەممە لوقمان فەیلی، وتەبێژ بە ناوی سەرۆكایەتی كۆماری عێراقەوە لە راگەیەندراوێكدا كە وێنەیەكی بۆ (خەڵك) نێردراوە ڕایگەیاند،‏‎ بەرهەم ساڵح لە ڕوانگەی پابەند بوون بە دەستووری عێراقەوە بە شێوەیەكی یاسایی دەستبەرداری ڕەگەزنامە (بریتانی)یەكەی بوو.

‏‎وتەبێژ بە ناوی سەرۆكایەتی كۆمارەوە دووپاتیكردەوە، ڕێوشوێنە یاساییەكانی پەیوەست بە ڕادەستكردنەوەی ڕەگەزنامە بریتانییەكەی تەواو بووە، سەرۆك كۆمار “لە كاتێكدا سوپاس و پێزانینی زۆری خۆی پێشكەش دەكات بە شانشینی بریتانیا كە ئەو ڕەگەزنامەیەی پێ بەخشیوە لەو رۆژگارانەی كە لە ڕیزەكانی ئۆپۆزیسیۆندا بووە دژی ڕژێمی لە ناوچوو ، هاوكات دەستبەردار بوونی بەڕێزیان لە ڕوانگەی پابەند بونیشیانە بە بڕگەی چوارەم لە مادەی ژمارە ۱۸ ی دەستووری عێراق كە بە دەق هاتووە، ڕێگە نادرێت بەو كەسانەی كە هەڵدەبژێرێن و پۆستی سیادییان پێ دەسپێردرێت لە كۆماری عێراقدا، ڕەگەز نامەی تریان هەبێت “.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین