ئێمە لە تۆرە کۆمەڵایەتیەکان

وتار

ئه‌ته‌كێتی یاریزانی كورد

ماوه‌ی رابردوو قسه‌یه‌كی خه‌سره‌و گورونی راهێنه‌ری ناوداری كوردستان له‌ تۆپی پێ سه‌رنجێكی به‌هێزی راكێشام كه‌ وتی ئاستی رۆشنبیری یاریزانی كورد زۆر كه‌مه‌ ، ئه‌مه‌ ئه‌و دێره‌ بوو چه‌ند ساڵێك من سه‌رنجم له‌سه‌ری هه‌بوو زۆر كات گه‌یشتوومه‌ نیوه‌ی نووسین له‌سه‌ر ئه‌و بابه‌ته‌ به‌ڵام دواتر پاشه‌كشه‌م پێكردوه‌و سریومه‌ته‌وه‌و چونكه‌ زانیومه‌ هاورێ وه‌رزشكاره‌كانمان به‌رگه‌ی زۆر راستی ناگرن .

به‌ڵام دوای قسه‌كه‌ی كاك خه‌سره‌و گه‌یشتمه‌ ئه‌و بروایه‌ی ئه‌مه‌ گرفتێك نییه‌ هه‌ر من دركم پێ كردبێت به‌ڵكو ئه‌وه‌تا ئه‌ویش و ده‌یانی ئه‌و وه‌ك ئه‌و سه‌رنجیان له‌سه‌ر نه‌بوونی ئه‌و رۆشنبیری و بێ ئه‌ته‌كێتییه‌ هه‌یه‌ .

جارێ با بزانین ئه‌ته‌كێتی یاریزان هه‌ر ئه‌وه‌نییه‌ له‌ نێو یاریگه‌ یارییه‌كی جوان بكات و هه‌وڵی سه‌ركه‌وتن و گۆڵكردن و ته‌نانه‌ت خۆیشی بێت كه‌ ئینزارێك وه‌رنه‌گرێت به‌ڵكو به‌شی زۆری ئه‌و ئه‌ته‌كێته‌ی هه‌یه‌ له‌ ده‌ره‌وه‌ی یاریگه‌ی به‌رجه‌سته‌ ده‌بێت ، به‌ حوكمی كاره‌كه‌مه‌وه‌ ده‌یان ساڵه‌ سه‌دان وه‌رزشكار ده‌ناسم به‌ تایبه‌ت له‌ ناوخۆ ره‌نگه‌ ره‌فتارو كرداری رۆژانه‌یان زۆر شاره‌زا بم له‌گه‌ڵ به‌شێكی زۆریشیان به‌ریككه‌وتنم هه‌یه‌ به‌ڵام به‌داخه‌وه‌ به‌ داخه‌وه‌ زۆر به‌ كه‌می رۆشنبیری و ئه‌ته‌كێتی ته‌نانه‌ت به‌ به‌راورد یاریزانێكی ناوچه‌كه‌یان تێدا به‌دی ده‌كه‌م ، ره‌نگه‌ نه‌شتنی گۆره‌ویه‌ك و خاوێنی ئه‌و یاریزانه‌ كه‌مترین بایه‌خ و ئه‌ته‌كێت بێت كه‌ ده‌بێته‌ بنچه‌ی كاری هه‌ر وه‌رزشكارێك ، ده‌ی سوێن به‌خوا یاریزان هه‌یه‌ له‌م كوردستانه‌ تا ئێسته‌ش جوته‌ گۆره‌وییه‌كانی یان خێزانه‌كه‌ی یان دایكی بۆی ده‌شوا ، سێته‌ ئاره‌قاویییه‌كانی زۆر كات هه‌فته‌و هه‌فته‌ ده‌یشتوات ئیتر دڵی چیت به‌ سه‌ركه‌وتنی ئه‌مه‌ خۆش بێت، به‌شی زۆری یاری كه‌ ده‌كرێت بردنه‌وه‌ ده‌ستكه‌وته‌ بۆ یاریزان و شكست باجه‌كه‌یه‌تی بۆ راهێنه‌ر، ئاخر باشه‌ یانی راهێنه‌ر ئه‌وه‌نه‌ زۆرداره‌ ، یاریزانێك كه‌ جوتێك گۆره‌وی خۆی پێ ناشۆرێت ره‌نگه‌ كه‌ ئه‌شخه‌وێت ئه‌وه‌نه‌ له‌ش به‌ بار بێت گۆره‌ویه‌كان و كاله‌كه‌ی له‌ ته‌نیشت خۆیه‌وه‌ داده‌نێ ئیتر دڵی چیت به‌و یاریزانه‌ خۆشه‌ كه‌ پلانی خۆی بۆ جێبه‌جێ ناكرێت ئێسته‌ یه‌ت پلانی راهێنه‌ری جێبه‌جێ بكات و گوێ بگرێت .

به‌شێكی زۆری یاریزانی كورد تا ئێسته‌ش نازاننێ پرۆگرامی خۆراكی چییه‌ ؟ یانی بۆ نموونه‌ نازانێت چۆن ئه‌خوات و چی ئه‌خوات چی بۆی باشه‌ ؟ چۆن ده‌خه‌وێت چۆن هه‌ڵده‌ستێت ؟ یاریزان هه‌یه‌ سه‌عات 2:00ـی نیوه‌رۆ یاری هه‌یه‌ سه‌عاتێك پێش یارییه‌كه‌ له‌ چێشتخانه‌كان دوو عه‌وازه‌و قاپێك فاسۆلیاو فروجاوێكی خواردۆته‌وه‌ و له‌ به‌رده‌م مه‌لعه‌به‌كه‌ش دوو رانه‌ قه‌لی هه‌ڵیاوه‌ .

ده‌یان كه‌ره‌ت یاریزانمان هه‌بوو حه‌ساسترین یاری هه‌بووه‌ پێنجی به‌یانی خۆت ئۆنلاین بكه‌ ئه‌و ئۆنلاینه‌و دوای یارییه‌كه‌ش ملی رێگه‌ بگریت به‌شی زۆریان له‌ كافتریاكان به‌ ده‌م نێرگه‌له‌وه‌ ده‌بینی .

ئه‌م گشتاندنه‌ ته‌واوی وه‌رزشكاران ناگرێته‌وه‌ هه‌ندێكیان تیایه‌ زۆر به‌ كه‌می ره‌چاوی ئه‌وه‌دكه‌ن به‌ڵام ده‌بێت یاریزانه‌كانمان بای ئه‌وه‌نه‌ ئه‌ته‌كێتیان هه‌بێت وه‌ك كه‌سێكی پیشه‌گه‌ر مامه‌ڵه‌یان له‌گه‌ڵ بكرێت كه‌ له‌ روانگه‌ی ئه‌ته‌كێته‌وه‌ باسمكرد هۆشیاریان زۆر زۆر كه‌مه‌ .

وتار

مۆرینهۆ من هه‌ڵه‌نیم، تۆ هه‌ڵه‌ی

هه‌رچه‌نده‌ مانچسته‌ر یونایتد زیاتر وه‌كو كاكڵه‌ی تیپێك ته‌نیا ناوه‌كه‌ی ماوه‌ته‌وه‌ و ناجێگرترین تیپی گه‌وره‌ی ئه‌وروپایه‌، دیاره‌ بۆ ئه‌مه‌ش هۆكار هه‌یه‌ وایكردووه‌ مۆرینهۆ كه‌ خۆی كه‌سێكی هونه‌ری به‌رگرییه‌ ناتوانێت له‌وه‌ زیاتر به‌ باشی تیپه‌كه‌ی ساز بكاته‌وه‌، وه‌ك بڵێی سه‌رقاڵی به‌ میدیا و ئه‌ستێره‌كان، له‌ مه‌شق و پلانی ته‌كتیكی وه‌رز گرنگتر بێت لاى. له‌ به‌رامبه‌ردا ئه‌مشه‌و ئه‌رسناڵ به‌دوای دۆزینه‌وه‌ی شوناس و گه‌وره‌یی خۆیه‌وه‌ یارییه‌كه‌ ئه‌نجام ده‌دات و ئیمری ده‌یه‌وێت ئه‌و بۆچوونانه‌ به‌درۆ بخاته‌وه‌، كه‌ ده‌ڵێن: ئه‌و ناتوانێت له‌ده‌رگای یانه‌ گه‌وره‌كان بدات و ته‌نیا پلانی له‌سه‌ر شانی تیپه‌ بچووكه‌كان داڕشتووه‌.

به‌رگری سوور پۆشه‌كان ئه‌م وه‌رزه‌ لاواز و خاوه‌، به‌ هیچ جۆرێك ناتوانن 90 خوله‌ك به‌رپه‌رچی هێرشبه‌رانی ڕكابه‌ر بده‌نه‌وه‌، كه‌ ئه‌مه‌ش سه‌رجه‌م یاریزانه‌كانی ئه‌وێی گرتۆته‌وه‌ كه‌ پێكهاتوون له‌ (سمۆلین و فیل جۆنز و لیندیلۆف و ئیرك بایلی) به‌ تایبه‌تی دووانه‌ی لاكان ئه‌دایه‌كی خراپیان هه‌بووه‌ له‌ یارییه‌كانی پێشوو، كاتێك ئه‌ركیان دێته‌ سه‌ر ئه‌وه‌ی ڕووماڵ بۆ هێرشبه‌ره‌كان بكه‌ن، هه‌روه‌ها ماتیچی ناوه‌ندكاریش به‌هۆی ئه‌وه‌ی خێرایی زۆر نییه‌ نا توانێت هێرشی هه‌ڵگه‌ڕاوه‌ دروست بكات و كه‌متریش هاوئاهه‌نگی هه‌یه‌، به‌هۆیه‌وه‌ ڕووبه‌ڕی میحوه‌ری به‌رگری بۆشایه‌كی گه‌وره‌یی بۆ یاریزانی به‌رامبه‌ر تێدایه‌، به‌وه‌ش تیپه‌كه‌ی له‌نده‌ن به‌هۆی تێگه‌یشتن و خێرایی ئۆبامیانگ و لاكازیت دوورنیه‌ زۆرترین ده‌رفه‌تیان له‌و خاڵه‌ لاوازه‌ بۆ دروست بێت، له‌ یارییه‌كه‌ی ئه‌مشه‌ودا.

یه‌كێكی دیكه‌ له‌ گرفته‌كانی تیپه‌كه‌ی مۆرینهۆ ئه‌وه‌یه‌: یاریزانه‌كانی به‌ خراپی مامه‌ڵه‌ له‌گه‌ڵ تۆپه‌كاندا ده‌كه‌ن، یاخود ناتوانن به‌ ئاسانی تۆپ له‌ به‌رگری و هێرش ڕزگار بكه‌ن به‌ر له‌وه‌ی بپچڕێت، بۆیه‌ هه‌میشه‌ ده‌بێت دوای گوشارێكی زۆر و ماندوێتی بێ‌ وێنه‌ تۆپه‌كان بخه‌نه‌ سه‌ر گۆڵی دژ، كه‌ ئه‌وه‌ش هۆكاره‌كه‌ی ئه‌و هه‌ڕه‌مه‌كیه‌یه‌ یاریزانه‌كانی پێكه‌وه‌ به‌ستووه‌، كه‌ زه‌حمه‌ته‌ به‌وردی له‌ژێر ته‌كتیكی به‌رزدا تۆپه‌كه‌ بهێڵنه‌وه‌ و بینای هێرشی پێ ئه‌نجام بده‌ن، دیاره‌ نه‌بوونی پۆگبا و ناجێگری ئاستی ئه‌و سمه‌ره‌ وایكردووه‌ كۆنتڕۆڵی یاریی یانه‌كه‌ی مۆرینهۆ هێنده‌ خراپ بێت، هه‌میشه‌ له‌ گێمی دووه‌م زۆرترین زه‌حمه‌تیان ده‌كه‌وێته‌ سه‌ر بۆ یه‌كسان كردنه‌وه‌ی ئه‌نجامی یارییه‌كان.

بەردەوام بە لە خوێندنەوە

وتار

باڵۆندۆر یان هەر نازناوێکی دیکە ….

دواجار بەفەرمی [ لۆکا مۆدریج] بووە براوەی خەڵاتی ئەمجارەی باڵۆندۆر .

پێش وردەکاری دەربارەی هەر هۆکاری بوونە بەپاڵەوانی یاریزان [مۆدریج ] هەندێک بابەت هەیە پێویستە هەڵوێستەی لەسەر بکەین ؛ سەرەتا پێویستە هەموو لایەک ئەوە بزانین گرفتی هەرە بنەڕەت لە تۆپی پێدا تاکو ئێستا نەبوونی خاڵێکە پێی دەوترێ ٭ پێوەر ٭ چون هەر بوارێکی دیکەی کۆمەڵاتی و مرۆی لەسەر بناغەی پێوەر بوون دێت و دەچێت بەڕاستی جێگای سەرسوڕمانە تا ئێستا تۆپی پێ بەو قەبارە بێشومارە لە هاندەر بێ پێوەر و سیستەمێکی زانستی دەجوڵێت هەر بۆیە هەمیشە هەڵبژاردنی باشترینەکان زۆرترین ڕەخنەی لێ دەگیرێت ! کێ چوزانێ چۆن و بە چ شـێوازێک ئەم باشترینە دەست نیشانکرا ؟ هۆکارەکان دەگەڕێنەوە بۆ دەسکەوتە تاکیەکان یان گشتیەکان ؟ ئەگەر گشتیە بۆ بەس ئەو یاریزانە ؟!
ئەوەی گرفتی هەڵبژاردنی باشترینەکانی ساڵی ئاڵۆز و قورس کردووه دووجەمسەرەکەی تۆپی پێ ٭ میسی ٫ ڕۆناڵدۆ ٭ن ؛ ئەم دوو یاریزانە ماوەی دە ساڵە ئەم نازناوە تاکە کەسیانەیان قۆرخکردووە بەشی کەسی لێ نادەن بۆیە چەندین ساڵ هەبووە یاریزانێکی دیکە شائیستە بوون بەڵام هەر دراوە بە ناوبراوان

٭ هەست و سۆز

بەهۆی مێژووی دێرینی باڵاندۆر قورسایی تەواوی پەیداکردووە ئەوەی سەپۆرتی زۆر بەهێزبوو لەم دوایەندا فرانس فوتبۆڵ کە بەرپرسی پێدانی باڵۆندۆرن لەگەڵ یەکێتی نێودەوڵەتی فیفا یەکیان گرتوو پێکەوە باشترینیان دەستنیشان دەکرد ؛ بە بڕوای هەر دوو لایەن کۆمەڵێک فلتەر هەبوون بۆ پاڵاوتنی ئەستێرەکان بۆ بوون بە باشترین وێنای دەنگی ڕاهێنەران ـ کاپتنی تیمەکان ـ دەنگی ڕۆژنامەنوسان …. بەڵام ئەم پێوەر و فلتەرانە زۆر نا زانستی بوو چونکە سەد لە سەد لە ژێر کاریگەری هەست و سۆز دێت و دەڕوات ٫ هیچ گومان لەوەدا نییە ڕاهێنەرێک کە یاریزانێکی هاونیشتیمانی خۆی ڕکابەری بکات ناچێت دەنگ بدات بە یاریزانێکی بیانی دیکە هەمان سەرنج بۆ کاپتن و میدیاکاران .

٭ لایەنی بازرگانی

ئەو شۆڕشە پارەیەی ئێستای دنیای پێ تێپەڕ دەبێت یەخەی هەموو جومگەکانی گرتۆتەوە لە گۆمەڵگادا گرتۆتەوە بۆیە هەر یاریزانێک زۆرترین چاوی لەسەر بێت و مارکێتنی باشتر و لە پێشتر بێت چەنسی زۆر زیاتر دەبێت گەر سەرنج بدەین هەمیشە یانە خاوەن سامانەکان یاریزانەکانیان دەبێتە پاڵەوان ؛ لایەنێکی دیکە خوودی سەرمایەدارەکانی تۆپی پێیە بۆ پارێزگاری لە پێگە و سەنگ و سامانیان ئەم خەڵاتە و وێنای ئەم خەڵاتانایەن بە پارە تاریک و لێل کردووه بۆیە دەبینین پاش تێپەڕینی چەند ساڵێک ئاشکرا دەبێت چەندین دەنگ کڕدراوە .

٭ میدیا

بەهاری ئەمجۆرە لە بۆنە ڕازاندنەوەی عایدی میدیایە ئامانجی بنەڕەت و سەرەکی هەر میدیایە کۆکردنەوەی خوێنەر و بینەرە ؛ سەرنج بدەین میدیا دەیان جار یاریزانەکانێکی زۆر ئاسایی دەکاتە شا ئەستێرە و شا ئەستێرەیەک خاپوور دەکات ٫ ئیشی میدیا و میدیاکار نییە دەستی تێکەڵی بوارێکی دیکە بکات بێ بەڵگەی زانستی دەست بکات بە هەڵسەنگاندن .
یان زۆرجاران هەبووە بۆ گەوجاندن دێت تێکەڵی دەکات پاش کۆتایی هاتنی بۆنەکان بۆ نموونە ئاماژە بۆ ئەوە ئەکات بۆچی ئەم یاریزانە لە جێگای ئەو یاریزانە نەبێت ؟ بۆ چەند ساڵێک بەر لە ئێستا ئەم یاریزانە هەڵبژێردرا ؟

لە کۆتایدا ؛ پێویستە هەرچی زووە پێوەری بنەڕەت دیاری بکرێت بۆ هەڵبژاردنی باشترینەکان ٫ دواتر هەر لە گۆڵپارێزەوە تا هێرشبەران دیاری بکرێت نەک تەنیا یەک یاریزان لە تیمێکدا چونکە ناکرێت هەرچی وزە و توانای ئەندامەکانی دیکەیە بخرێتە خزمەتی تەنیا یاریزانێک
گەر وانەبێت دیاریکردنی باشترین گاڵتە جاڕیە و هیچی تر ………………….

بەردەوام بە لە خوێندنەوە

وتار

بەرشەلۆنە لە غیابی “مێسی”دا قورسترین تاقیکردنەوەی تێپەڕاند

بڕیار ته‌ها

لە پشووی نێوان تایمەکان ئاماژەم بە چوار خاڵ کرد، بەڵام لە تایمی دووەمدا لۆپیتیگی راهێنەری ریاڵ مەدرید بە گۆڕینی داڕشتەکەی لە 443 وە بۆ 352ـی هێرشبەری توانی تەواوی لاوازییەکانی خۆی لە هێڵی بەرگری و ناوەند چارەسەر بکات و بە پێچەوانەوە پاڵەپەستۆ بخاتە سەر بەرشەلۆنە هەر چوار خاڵەکەی لە تایمی یەکەم نووسیم پێچەوانەی بکاتەوە، ئەویش بە هێنانە دەرەوەی ڤاران و بردنەوە ناوەوەی لۆکاس ڤازکوێز، دواتر بردنەوە پێشەوەی مارسێلۆ و ڤازکوێز بۆ نیوە یاریگای بەرشەلۆنە لۆپیتیگی توانی بە ئاسانی هێرشەکانی بگەیەنێتە ناوچەی سزای بەرشە و تا وای لێهات جیاوازییەکە بۆ گۆڵێک کەم بکاتەوە.

بەڵام هۆکار چی بوو ریاڵ گۆڵی یەکسانی تۆمار نەکردەوە؟

لە ڕیاڵ مەدرید هێرشبەرێکی بە ئەزموون و لێهاتوو و قەناس بوونی نەبوو، کە بتوانێت لەو ماوە کەمەی تایمی دووەمدا گۆڵی یەکسان بوو تۆمار بکاتەوە سوود لە شپرزەبوونی بەرگریکارانی بەرشەلۆنە وەربگرێت، لە بەرانبەریشدا یاریزانەکانی بەرشەلۆنە بەهۆی ئەزموونی زۆریان لەگەڵ ئەو دۆخەی تێکەوتبوون توانیان بە ژیارانە مامەڵە بکەن، بەتایبەتی هێڵی ناوەندی ئەم یانە کەتەلۆنییە بە سەرکردایەتی بۆسکێتس توانیان هەر زوو ببەن فریاد رەسی یانەکەیان، لەگەڵ هەموو ئەمانەشدا نابێت ئەوەمان لە یاد بچێت کە یاریگای کامپ نۆ هەمیشە قورسترین یاریگایە بۆ یانەی بەرانبەر.

هۆکاری سەرەکی بردنەوەی بەرشەلۆنە چی بوو؟
بەرشەلۆنە سوودی لە ئەنجام و ئاستی تایمی یەکەم وەرگرت، بە درێژایی تایمی یەکەم بەرشەلۆنە توانی باڵادەستی خۆی بەسەر ریاڵ مەدریددا بسەلمێنیت و کۆنتڕۆڵی یارییەکە بکات، ئەمەش بووە هۆی دروست بوونی متمانەیەکی زۆر بۆ یاریزانەکانی بەرشەلۆنە، راستەوخۆش کاریگەری خراپی لەسەر یاریزانانی ریاڵ مەدرید دروستکرد، چونکە دۆخی یانەی شاهانە زۆر ناسک بوو، هەموو بەیانییەک چاوەڕوان دەکرێت لۆپیتیگی ڕاهێنەر دووربخرێتەوە، بۆیە دەرکەوتنی ریاڵ مەدرید بەو ئاستە خراپەوە لە تایمی یەکەم تەواوی دەروونی ریاڵ مەدریدی روخاندبوو.
ڤاڵڤێردی ڕاهێنەری بەرشلۆنەش تایمی یەکەم مامەڵەیەکی دروستیکرد، بەتایبەت لە گۆڵی یەکەمدا کاتێک تۆپەکەیان بۆ نیوە یاریگای خۆیان گەڕاندەوە تا ئەوەی بۆشای لە پشت بەرگریکارانی ریاڵەوە دروست ببێت و سوودی لێوەربگن و ئەوشیان بە 30 پاسی یەک لە دوای یەک ئەنجامدا، لە تایمی دووەمیشدا کاتێک بەرشەلۆنە فشارێکی زۆری لەسەر بوو، لە خولەکی 69دا ڤاڵڤێردی بە هێنانە دەرەوەی ڕافینیا و بردنەوە ناوەوەی سیمیدۆ لە شوێنی توانی نیوە یاریگای خۆی ڕێکبخاتەوە و دوای ئەو گۆڕانکارییەش هێندەی نەبرد بلوگرانا گۆڵێ سێیەمیشی تۆمار کرد و تەواو ریاڵ مەدرید لە یەکسانکردنەوەی ئەنجامەکە نا ئومێد بوو.

ئارسەر و بۆسکێتس و کۆتینیۆ توانیان زۆر بەرپرسیارانە مامەڵە بکەن و ئاستێکی بێ وێنە لە هێڵی ناوەند نیشان بدەن، بەڵام دەرکەوتنی لویس سوارێز بەم ئاستە بەرزە و پشوو درێژی و پڕ جوڵەییە جێگای سەرنج بوو، چونکە ماوەی دوو وەرزە سوارێز جگە لەوەی رەخنەیەکی زۆری لەسەر، بە درێژایی دوو ساڵی ڕابردوو زۆر بەدەگمەن ئاستی هێندەی ئەمشەو بەرز بووە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 85%, 33
    33 85%
    33 - 85% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین