ئێمە لە تۆرە کۆمەڵایەتیەکان

جیهان

بۆ گفتوگۆی نێوان ئاینەكانە
پاپای ڤاتیكان سەردانی وڵاتێكی كەنداو دەكات

خەڵك- بەشی هەواڵ
ڤاتیكان، سەردانێكی چاوەڕوانكراوی پاپا فرانسیس بۆ دەوڵەتی ئیمارات لە مانگی شوباتی داهاتوو رادەگەیەنێت، ئاماژەش بە ئامادەبوونی دەكات لە دیداری دیالۆگی جیهانی نێوان ئاینەكان.

وتەبێژی ڤاتیكان رایگەیاندووە”پاپا لە ماوەی نێوان 3 بۆ 5ی شوبات، سەردانی ئەبو زەبی دەكات و بەشداریی لە دیداری دیالۆكی جیهانی نێوان ئاینەكان لەبارەی برایەتی مرۆڤایەتی، دەكات”.

وتەبێژی ڤاتیكان دەڵێت”ئەو سەردانەی پاپا، لەسەر داوای شێح محەمەد بن زاید ئال نهەیان، جێنشینی میری ئیمارات، و كڵێسای كاسۆلیكی ئیماراتیە”.

لای خۆیەوە بن زاید رایگەیاندووە”ئەوان لە دەوڵەتی ئیمارات، خۆشحاڵن بە سەردانەكەی قەداسەتی پاپا فرانسیس، پاپای ڤاتیكان رەمزێكی جیهانییە بۆ ئاشتی و لێبوردەیی و پتەوكردنی پەیوەندیی برایەتی و مرۆڤایەتی”.

بن زاید لە ئەكاونتی خۆی لەسەر تۆڕی كۆمەڵایەتی (تویتەر) نوسیویەتی”بە جۆشەوە چاوەڕوانی ئەو سەردانە مێژووییە دەكەین، تا لێوەی زیادبوونی هەلی دیالۆگ و پێكەوەژیانی ئاشتیانەی نێوان گەلان، و گەشەسەندنی ئاشتی، و هاتنەدی دۆستایەتی و قبوڵكردنی ئەوی دی ببینین”.

محەمەد بن راشد بن ئال مەكتوم، حاكمی دوبەی لای خۆیەوە، خۆشحاڵی بەرانبەر بە سەردانە چاوەڕوانكراوەكەی پاپا دەربڕیوە و هیوای خواستووە لێوەی رێزگرتن لە یەكدی و دیالۆگی نێوان ئاینەكان، و كاركردن بۆ هێنانەدی ئاشتی، قوڵتربكرێنەوە.

ئەو سەردانە مێژووییە، بە یەكەم سەردانی پاپا فرانسیس بۆ ناوچەی كەنداوی عەرەبی دادەنرێت.

جیهان

بەوێنە..نمایشی سەربازی دەریایی سوپای ئێران

خەڵك-بەشی هەواڵ

كۆماری ئیسلامی ئێران نمایشێكی هێزە دەریاییەكانی لە دەریای عەمان ساز كرد.

ئاژانسی میهری ئێرانی بڵاویكردەوە، نمایشە سەربازییەكەی كۆماری ئیسلامی ئێران لەلایەن هێزی سەربازی دەریایی سوپای ئێران لەژێر ناوی “ویلایەتی ۹۷” و بە دروشمی “یا زەهرا” دوێنێ هەینی لە دەریای عەمان دەتی پێكرد.

ئەمەش لەكاتێكدایە، ئەمریكا بەردەوام هەڕەشە لەو وڵاتە دەكات و بەپێی زانیارییەكانیش تا ئێستا دوو جار ئەمریكا لە هەوڵەكانی بۆ دروستكردنی هاوپەیمانی عەرەبی دژی ئێران یاخود ناتۆی عەربی شكستی هێناوە.

 

بەردەوام بە لە خوێندنەوە

جیهان

هەدەپە، كاندیدی خۆی بۆ سەرۆكی پارلەمانی توركیا دیاریكرد

خەڵك – بەشی هەواڵ

پارتیی دیموكراتیی گەلان (هەدەپە)، پەرلەمانتارێكی شاری ئیزمیری وەك كاندیدی هەدەپە بۆ سەرۆكی پەرلەمانی توركیا دەستنیشان كرد.

سەرپیل كەمالبای ، وەك كاندیدی پارتی دیموكارتیی گەلان بۆ پۆستی سەرۆكی پەرلەمانی توركیا دیاریكرا و لە لایەن شاندێك بە سەرۆكایەتیی سەرۆكی فراكسیۆنی هەدەپە فاتمە كورتولان، ناوەكەی بەفەرمی پێشكەشی سەرۆكایەتیی پەرلەمان كراوە.

بڕیارە ڕۆژی 24ی شوباتی 2019 هەڵبژاردنی سەرۆكی پەرلەمانی توركیا لەنێو پەرلەمان بەڕێوە بچێت.

بەردەوام بە لە خوێندنەوە

جیهان

باغۆز: سڤیلەكان دوایین ناوچەكانی بندەستی داعش چۆڵ دەكەن

خەڵك- بەشی هەواڵ

ئەمڕۆ هەینی هاووڵاتیانی سڤیل لە نێو ژمارەیەكبارهەڵگردا بینراون كە ئەگەری هەیە، ناوچەكانی بن دەستی داعش چۆڵ بكەن.

ئاژانسی ڕۆیتەرز بڵاویكردەوە، لە ناوچەی باغۆز لە سنووری سووریا و عیراق ژمارەیەكی زۆر بارهەڵگر  بینراون كە هاووڵاتیانی سڤیلیان تێدا بووە لە ناوچەكانی بن دەستی داعش لە ڕۆژهەڵاتی سووریا.

بەڵام بە تەواوەتی ڕوون نەبووەتەوە كە ئایا ئەو بارهەڵگرانە ئەو سڤیلانە دەگوازنەوە كە لە ناوچەكانی بن دەستی داعشدا گیریانخواردووە و هێزەكانی سووریای دیموكرات بە پشتیوانی ئەمریكا دەیانهەوێت كۆنتڕۆڵی بكەن یان نا.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان