ئێمە لە تۆرە کۆمەڵایەتیەکان

جیهان

سوپای پاسدارانی ئێران : بە توندی وەڵامی پەلامارەكەی ئەمڕۆ دەدەینەوە

خەڵك- بەشی هەواڵ

سوپای پاسدارانی ئێران دەڵێت، وەڵامێكی بەهێزمان دەبێت بۆ ئەو پەلامارە تیرۆرستییەكەی لە شاری  چوارمەهالی پارێزگای بەلوچستان، ئەنجامدرا.

عەمید رەمەزان شەریف، وتەبێژی سوپای پاسدارانی ئێران لە لێدوانێكی رۆژنامەوانیدا رایگەیاند”وەڵامی وڵاتەكەی بۆ پەلامارەكەی تیرۆریستییەكەی چوارمەهال بەهێو دەبێت”.

بە وتەی رەمەزان”ئەو پەلامارە تیرۆیستیانەی دەكرێنە سەر گەلی ئێران، هەروا بە ئاسانی تێناپەڕن و بەشێوەیەكی بەهێز وەڵامی ئەوانە دەدەینەوە كە تاوانەكەیان ئەنجامداوە”.

ئەو بەرپەسی سوپای پاسداران دەڵێت” بە توندترین سزا لێپێچینەوە لەگەڵ ئەنجامدەرانی تاوانەكەدا دەكرێت و هێزەكانی ئێرانیش بەمزوانە دەیاندۆزێتەوە”.

ئەمڕۆ پێنج شەممە، لە شاری چوارمەهالى پارێزگای بەلوچستانی باشوری رۆژهەڵاتی ئێران تەقینەوەیەك روویدا و بەهۆیەوە 20 كەس كوژران و بریندار بوون.

بەپێی سەرچاوەكانی هەواڵ، لەگەڵ تەقینەوەكەدا، هێرشی چەكداریش كراوەتە سەر بنكەی پۆلیسی شارەكە و شەڕ ڕووی داوە، ئاماری قوربانییەكانیش لە هێرشەدا ئاماژە بە كوژرانى 5 كەس و برینداربوونى 15ی تر دەكەن، كە فەرماندەی پۆلیسی شاری چوارمەهال لە نێو كوژراوەكاندایە.

جیهان

بەوێنە..نمایشی سەربازی دەریایی سوپای ئێران

خەڵك-بەشی هەواڵ

كۆماری ئیسلامی ئێران نمایشێكی هێزە دەریاییەكانی لە دەریای عەمان ساز كرد.

ئاژانسی میهری ئێرانی بڵاویكردەوە، نمایشە سەربازییەكەی كۆماری ئیسلامی ئێران لەلایەن هێزی سەربازی دەریایی سوپای ئێران لەژێر ناوی “ویلایەتی ۹۷” و بە دروشمی “یا زەهرا” دوێنێ هەینی لە دەریای عەمان دەتی پێكرد.

ئەمەش لەكاتێكدایە، ئەمریكا بەردەوام هەڕەشە لەو وڵاتە دەكات و بەپێی زانیارییەكانیش تا ئێستا دوو جار ئەمریكا لە هەوڵەكانی بۆ دروستكردنی هاوپەیمانی عەرەبی دژی ئێران یاخود ناتۆی عەربی شكستی هێناوە.

 

بەردەوام بە لە خوێندنەوە

جیهان

هەدەپە، كاندیدی خۆی بۆ سەرۆكی پارلەمانی توركیا دیاریكرد

خەڵك – بەشی هەواڵ

پارتیی دیموكراتیی گەلان (هەدەپە)، پەرلەمانتارێكی شاری ئیزمیری وەك كاندیدی هەدەپە بۆ سەرۆكی پەرلەمانی توركیا دەستنیشان كرد.

سەرپیل كەمالبای ، وەك كاندیدی پارتی دیموكارتیی گەلان بۆ پۆستی سەرۆكی پەرلەمانی توركیا دیاریكرا و لە لایەن شاندێك بە سەرۆكایەتیی سەرۆكی فراكسیۆنی هەدەپە فاتمە كورتولان، ناوەكەی بەفەرمی پێشكەشی سەرۆكایەتیی پەرلەمان كراوە.

بڕیارە ڕۆژی 24ی شوباتی 2019 هەڵبژاردنی سەرۆكی پەرلەمانی توركیا لەنێو پەرلەمان بەڕێوە بچێت.

بەردەوام بە لە خوێندنەوە

جیهان

باغۆز: سڤیلەكان دوایین ناوچەكانی بندەستی داعش چۆڵ دەكەن

خەڵك- بەشی هەواڵ

ئەمڕۆ هەینی هاووڵاتیانی سڤیل لە نێو ژمارەیەكبارهەڵگردا بینراون كە ئەگەری هەیە، ناوچەكانی بن دەستی داعش چۆڵ بكەن.

ئاژانسی ڕۆیتەرز بڵاویكردەوە، لە ناوچەی باغۆز لە سنووری سووریا و عیراق ژمارەیەكی زۆر بارهەڵگر  بینراون كە هاووڵاتیانی سڤیلیان تێدا بووە لە ناوچەكانی بن دەستی داعش لە ڕۆژهەڵاتی سووریا.

بەڵام بە تەواوەتی ڕوون نەبووەتەوە كە ئایا ئەو بارهەڵگرانە ئەو سڤیلانە دەگوازنەوە كە لە ناوچەكانی بن دەستی داعشدا گیریانخواردووە و هێزەكانی سووریای دیموكرات بە پشتیوانی ئەمریكا دەیانهەوێت كۆنتڕۆڵی بكەن یان نا.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان