ئێمە لە تۆرە کۆمەڵایەتیەکان

هەواڵەکان

سیمپۆزیۆمێك لەسەر دیجیتەڵ میدیای كوردی ئەنجام دەدرێت

خێزان

بە دروشمی ژینگەی میدیایی و پێویستیی چاودێرییكردنی، رێكخراوی چاودێریی میدیای كوردی و زانكۆی راپەڕین سیمپۆزیۆمێكی رەخنەیی رێكدەخەن.

ئەو سیمپۆزیۆمە هاوبەشە رۆژی سێشەممەی داهاتوو (11ی كانونی یەكەمی 2018) بەناونیشانی؛ یجیتەڵ میدیای كوردی لە بەرفراوانكردنی ئازادیی رادەربڕینەوە بۆ تیرۆری كەسایەتی لە نهۆمی دووەمی هۆڵی چالاكییەكانی كۆلێژی پەروەردەی بنەڕەتی زانكۆی راپەڕین لە رانیە رێكدەخرێت.

د.شوان ئادەم ئەیڤەس؛ رێكخەر و سەرپەرشتیاری سیمپۆزیۆمەكە لە لێدوانێكیدا بۆ ماڵپەری چمك وێڕای پشتڕاستكردنەوەی زانیارییەكان، ئاماژەی بەوەدا، بەبەشداریی هەشت كەسایەتی ئەكادیمیی و لەچوارێوەی دوو پانێلدا بابەتەكانیان پێشكەشدەكەن.

هەواڵەکان

داوای خوێن لە هەڤاڵ ئەبوبەکر و ئەحمەد جۆڵا دەکرێت

خێزان

بەڕێوەبەری پۆلیسی پارێزگای سلێمانی تەحەدای د.هەڤاڵ ئەبوبەكر ،پارێزگاری سلێمانی و هونەرمەند ئەحمەد جۆڵا دەكات و داوای خۆوێن بەخشینیان لێدەکات.

ئه‌مرۆ عه‌میدی‌ مافپه‌روه‌ر ئاسۆ شێخ ته‌ها به‌رێوه‌به‌ری‌ پۆلیسی‌ پارێزگای‌ سلێمانی به‌شداری‌ له‌هه‌ڵمه‌تی‌ خوێن به‌خشیندا كرد بۆ نه‌خۆشانی‌ تالاسیمیاو ئه‌و نه‌خۆشانه‌ی‌ پێویستیان به‌خوێنه‌.

عه‌مید ئاسۆ شێخ ته‌ها  رایگه‌یاند”نه‌خۆشێكی‌ زۆرمان هه‌یه‌ رۆژانه‌ پێویستیان به‌خوێنه‌، بۆیه‌ ئه‌ركی‌ هه‌مومانه‌ كه‌ هاوكاریی بانكی‌ خوێن بكه‌ین به‌به‌خشینی‌ خوێن، به‌خشینی‌ خوێن بۆ ئه‌و نه‌خۆشانه‌ی‌ پێویستیانه‌ ئه‌ركێكی‌ مرۆڤایه‌تییه‌، ئه‌و كه‌سانه‌ی‌ ده‌توانن‌و نه‌خۆش نیین، داوایان لێده‌كه‌م هاوكاربن‌و بێن‌و خوێن ببه‌خشن”

راشیگه‌یاند، به‌پێی‌ خشته‌یه‌ك مانگانه‌ كۆمه‌ڵێك ئه‌فسه‌رو پۆلیس ده‌نێرین بۆ بانكی‌ خوێن تا خوێن ببه‌خشن به‌نه‌خۆشانی‌ تالاسیمیاو ئه‌و نه‌خۆشانه‌ی‌ پێویستیان به‌خوێنه‌.

به‌رێوه‌به‌ری‌ پۆلیسی‌ پارێزگای‌ سلێمانی داوای‌ له‌ بەڕێزان د. هه‌ڤاڵ ئه‌بوبه‌كر پارێزگاری‌ سلێمانی‌‌و هونه‌رمه‌ند ئه‌حمه‌د جۆڵا كرد كه‌ بچنه‌ بانكی‌ خوێن‌و خوێن ببه‌خشن‌و به‌شداری‌ له‌هه‌ڵمه‌ته‌كه‌دا بكه‌ن.

بەردەوام بە لە خوێندنەوە

کوردستان

پڕۆفایلی هونەرمەندی نێوداری كورد ئیسماعیلی سابووری

خەڵك –بەشی هەواڵ

هونەرمەندی نێوداری كورد ئیسماعیلی سابووری ئێوارەی دوێنێ شازدەی حوزەیرانی 2019 لە شاری سلێمانی بە هۆی جەڵتەی دڵەوە كۆچی دواییكرد.

ئیسماعیلی سابووری یەكێك بوو لە هونەرمەندە نێودارەكانی كورد و بە هونەر و دەنگە ڕەسەنەكەی ببووە جێی سەرنجی زۆرێك لە هۆگرانی گۆرانی و مۆسیقای ڕەسەنی كوردی.

سابووری بە زیندووكردنەوەی ئاوازە ڕەسەنە كوردییەكان و ڕێچكە هونەرییە تایبەتە كوردییەكەی خۆی، جێی خۆی لە هونەری ڕەسەنی كوریدا كردبووەوە.

ئەم هونەرمەندە لە ساڵی 1964ی زاینی یان 1335ی هەتاوی لە شارۆچكەی نۆدشەی سەر بە پارێزگەی كرماشانی ڕۆژهەڵاتی كوردستان لەدایكبووە.

ئەو لە تەمەنی 23 ساڵاندا بەشی هونەرە جوانەكانی لە زانكۆی تاران تەواو كردووە و لەوە بەدوا شارەزاییەكی زۆری لە بواری ئاواز و گۆرانی و مەقامەكاندا پەیداكردووە.

ناوبراو تاكاتی مانەوەی لە ڕۆژهەڵاتی كوردستان و ئێران، 105 گۆرانی و ئالبوومێكی بەنێوی سەفەرنامەی كوردستان تۆماركردووە و لە ساڵی 2003ش كە هاتووەتە هەرێمی كوردستان و لە شاری سلێمانی نیشتەجێبووە، ئالبوومێكی تۆماركردووە.

هەروەها بەشداری لە چەندین بەرنامەی تەلەفزیۆنی و چالاكی هونەریدا كردووە و چەندین كلیپیشی بۆ بەرهەمەكانی لەگەڵ كۆمپانیا و كۆمەڵە هونەرییەكاندا كردووە.

ناوبراو لە نێو باشوری كوردستاندا هۆگرێكی زۆری هەبووە و گۆرانییەكانی بەسەر زاری خەڵكییەوە بوون، بەتایبەت گۆرانی ئەی یاری نازدار.

بەردەوام بە لە خوێندنەوە

کوردستان

هونەرمەندێكی دیاری كورد كۆچی دوایی كرد

خەڵك- بەشی هەواڵ
ئەمڕۆ یەك شەممە، 16ی حوزەیرانی 2019، هونەرمەندی گەورەی كورد (ئیسماعیل سابوری) كۆچی دوایی كرد.

بەپێی زانیارییەكان، ئەو هونەرمەندە بەهۆی جەڵتەی دڵەوە كۆچی دوایی كردووە.

هونەرمەند ئیسماعیل سابوری ، خەڵكی ڕۆژهەڵاتی كوردستانە و لەساڵی 1970ەوە گۆرانی دەڵێت و زیاتر لە 100 بەرهەمی هەیە، لەساڵی 2003وە هاتۆتە باشوری كوردستان.

بەردەوام بە لە خوێندنەوە

کوردستان