دوای سەری ساڵ خشتەی مووچە ڕادەگەیەنرێت

  • 542 بینین


 

وتەبێژی حكومەتی هەرێمی كوردستان ئاشكرایكرد، دوای جەژنی سەری ساڵ خشتەی مووچەی مانگی 12 ڕادەگەیەنرێت.

جوتیار عادل وتەبێژی حكومەتی هەرێمی كوردستان بۆ مێدیاكانی نزیك لە حكومەت ئاشكرایكرد دوای جەژنی سەری ساڵ خشتەی مووچەی مانگی 12 ڕادەگەیەنرێت.

ئاشكراشیكرد ئەمساڵ حكومەتی عێراق تەنها دوو جار 200 ملیار دینارەكەی ناردووە.

ئاماژەی بە ئەوەشكرد، كابینەی نۆیەمی حكومەتی هەرێمی كوردستان نەك قەرزی نەكردووە، بەڵكو قەرزیشی داوەتەوە.

هەرچەندە مووچەخۆرانی هەرێمی كوردستان چاوەڕوانبوون پێش جەژنەكانی سەری ساڵ مووچە وەربگرن و چاوەڕێی هاتنی 400 ملیار دینارەكەی بەغدا بوون، بەڵام تا ئێستا ئەو 400 ملیارە نەهاتووە.

پێشتر ڕێككەوتنی هەردوو حكومەتی هەرێم و ناوەندی لەسەر ناردنی بڕی 400 ملیار دینار لەلایەن بەغداوە بۆ هەرێم ڕاگەیەندرا، بەڵام دواتر زانیاری بڵاوبووەوە كە لە وەزارەتی دارایی عێراق گرفت بۆ ناردنی پارەكە دروستبووە.

 

هونەرمەندانی كورد لە فەڕەنسا گردبوونەوە
پێشت هونەرمەندانی كورد لە فەڕەنسا گردبوونەوە
ئەمریكا لەبارەی كامپی هۆڵەوە هۆشداری دا
دواتر ئەمریكا لەبارەی كامپی هۆڵەوە هۆشداری دا
پەیوەندیدار