ئێمە لە تۆرە کۆمەڵایەتیەکان

جیهان

ئەمریكا دەستگیركردنی ژنێكی ئیسرائیلی بە تۆمەتی كۆمەككردنی داعش رادەگەیەنێت

خەڵك- بەشی هەواڵ
دەسەڵاتدارانی ئەمریكا، دەستگیركردنی ژنێكی ئیسرائیلی دانیشتووی ولایەتە یەكگرتووەكان، بە تۆمەتی كۆمەككردنی رێكخراوی داعش، رادەگەیەنن.

دەسەڵاتدارانی ئەمریكا رایانگەیاندووە”وەهیبە عیسا دیس (45 ساڵ)، لە شاری كوداهی نزیك میلووكی سەر رۆخی دەریاچەی میشیگن دەستگیركراوە، ئەمەش یەكەم كەسە كە لەماوەی شەش مانگی رابردوودا بە گومانی پێشكەشكردنی كۆمەك بۆ رێكخراوێكی جیهادی توندڕەو دەستگیربكرێت”.

بەپێی راپۆرتە رۆژنامەوانییەكان، گومانلێكراوەكە كە لە ساڵی 1992وە بەشێوەیەكی یاسایی لە ولایەتە یەكگرتووەكان نیشتەجێیە، چەندان حیسابی لەسەر تۆڕی كۆمەلایەتی فەیسبوك كردۆتەوە بۆ بانگەشەكردن بۆ رێكخراوی (داعش)، و ئاسانكاریی بۆ بەسەربازكردنی لاوان و رەوانەكردنیان بۆ عیراق و سوریا، ئەمەش لیستێكدا لەلایەن دادوەریی ئەمریكاییەوە ئامادەكراوە.

بە گوێرەی هەواڵ، وەهیبە كتێبخانەیەكی هەبوو كە رێنمایی تایبەت بە چۆنیەتی دروستكردنی بۆمب و چەكی بایۆلۆجی و ژەهرەكان و پشتێنی بۆمڕێژكراوی لەخۆگرتبوو، ئەمەش لەپێناو یارمەتیدانی لایەنگرانی رێكخراوی (داعش) بۆ ئەنجامدانی هێرشەكانیان.

گومانیش دەكرێت، شۆنیەتی دروستكردنی ریسینی بۆ كەسێك باسبكرێت كە پێدەچێت سەر بە پۆلیس بوبێت، پێشنیاریشی كردبوو بۆ ئەو كەسە تا ریسینەكە بكاتە نێو تەنكییەكانی ئاوەوە.

لەلایەكی ترەوە، دەسەڵاتدارانی دادوەریی ئەمریكایی، گومانیان وایە، وەهیبە چەند ئامانجێكی بۆ ئەنجامدانی هێرشەكان بە بۆمب پێشنیاركردبێت، لەوانە ئاهەنگەكان لە شەقامەكان و جەژن و بۆنەكانی تر.

جیهان

عیراق بە فڕۆكەی ئێف16 لەناو خاكی سوریا بۆردومانی داعش دەكات

خەڵك- بەشی هەواڵ
وەزارەتی بەرگری عیراق ئاشكرای دەكات، كە بە فڕۆكەی ئێف16 هێرشیان كردۆتە سەر پێگەكانی داعش لەناو خاكی سوریا.

فەرماندەیی پڕۆسە هاوبەشەكان لە وەزارەتی بەرگری عیراق لە بەیاننامەیەكدا ئاماژەی بەوەكردووە، لەسەر فەرمانی فەرماندەی گشتی هێزە چەكدارەكان و بە سەرپەرشتی فەرماندەیی پڕۆسە هاوبەشەكان، ئەمڕۆ فڕۆكە جەنگیەكانی جۆری ئێف16 بۆردومانی چەند پێگەیەكی داعش-یان لە ناوچەی سوسە لەناو خاكی سوریا كردووە.

بەپێی بەیاننامەكە، “هێرشە ئاسمانیەكە بە پشت بەستن بووە بە زانیاری وردی بەڕێوەبەرایەتی هەواڵگری سەربازی و دژە یترۆر و شانەی هەڵۆی هەواڵگری”.

ڕاشیگەیاندووە، فڕۆكە جەنگیەكان دوو ئامانجیان پێكاوە، كە یەكەمیان پێگەیەكی داعش بووە، كە 30 چەكداری تێدابووە و ویستویانە كۆبوونەوە ئەنجام بدەن لەگەڵ فەرماندە تاوانبارەكانیان و دووەمیشیان شوێنێك بوو، كە 14 تیرۆرستی تێدابووە، كە ناسراون بە ئینغماسیەكان.

جەختیشی كردۆتەوە، كە بەپێی زانیارییە هەواڵگریەكان، هەردوو ئامانجەكە پێكراوە و فڕۆكە جەنگیەكانیش بە سەلامەتی گەڕاونتەوە خاكی نیشتمان.

بەردەوام بە لە خوێندنەوە

جیهان

تۆڕی CNN: ترەمپ لە پۆستەكەی دەردەكرێت

خەلًك- بەشی هەواڵ
دۆناڵد ترەمپ، سەرۆكی ئەمریكا لە یەكەم ڕۆژی گەیشتنی بە پۆستی سەرۆكایەتی، ڕووبەڕووی چەندان كێشە بۆتەوە، كە لەنێو كۆشكی سپیدا بونەتە مایەی هەژاندنی عەرەشەكەی، لەمڕۆشدا تۆڕی CNNی ئەمریكایی بڵاویكردۆتەوە، كە سەرۆكی ئەمریكا چاوەڕوانی ئەوەیە دەربكرێت و ئەو بابەتەش زۆر نیگەرانی كردووە.

سەرچاوەیەكی باڵا، كە لە سەرۆكی ئەمریكاوە نزیكە، بە تۆڕی CNNی ڕاگەیاندووە، سەرۆك زۆر نیگەرانە و پێیوایە ئەگەرێكی زۆر هەیە لەسەركار لاببرێت، بەهۆی كۆنتڕۆڵكردنی زۆربەی كورسییەكانی كۆنگرێسەوە لەلایەن دیموكراتەكانەوە لە دوایین هەڵبژاردندا”.

بە وتەی ئەو سەرچاوەیە، “ترەمپ دڵنیایە، كە دیموكراتەكان ئەو پرسانە دەوروژێنن، كە پەیوەندییان بە ترەمپەوە هەیە، لەوانە دەستوەردانی ڕوسیا لە هەڵبژاردنی سەرۆكایەتی ئەمریكا بۆ بەرژەوەندی سەرۆكی ئێستا، سەرپێچییەكانی پەیوەست بە كۆمەك كردنی هەڵمەتی هەڵبژاردن، وێڕای زۆرێك لەو پرسانەی، كە پەیوەندییان بە بەدڕەوشتییەوە هەیە و ڕووبەڕووی ترەمپ كراونەتەوە، ئەمەش دەبێتە مایەی ئەوەی سەرۆك لە پۆستەكەی لابردرێت”.

دەستبەسەرداگرتنی دیموكراتەكان بەسەر كۆنگرێسدا، دەبێتە مایەی دەستگرتنی ئەندامەكانی بەسەر كۆشكی سپی و لەقاڵبدانی تواناكانی سەرۆكی ئەمریكا لە دەركردنی بڕیارەكان و سەپاندنی ئەو ستراتیژانەی، كە دەیەوێت جێبەجێیان بكات، ئاشكراشە دەستباڵابوونی دیموكراتەكان لە كۆنگرێسی ئەمریكا، لە دوای هەشت ساڵ بە یەكەم ڕووداوی لەو جۆرە لە وڵاتەكەدا دادەنرێت.

بەردەوام بە لە خوێندنەوە

جیهان

شەپۆلێكی بەهێزی بەفربارین ئەمریكا دەگرێـتەوە

خەڵك- بەشی هەواڵ

ئەو شەپۆلە بەهێزەی بەفربارین كە ویلایەتەكانی باشوری خۆڕهەڵاتی ئەمریكای گرتەوە, بووە هۆی گیان لە دەستدانی سێ كەس و بڕینی كارەبای سەدان هەزار ماڵ.

لە ویلایەتی كارولینای باشور بەهۆی بارینی زیاتر لە نیو مەتر بەفرەوە لە دوو رۆژی كۆتایی هەفتەی پێشوودا باری نائاسایی ڕاگەیەندرا.

بە هۆی كەوتنی درەختێك بەسەر ئۆتۆمبێلەكەیدا پیاوێك گیانی لە دەست دا و گەڕان بە دوای شۆفێرێكی دیكەدا كە ئۆتۆمبێلەكەی لە نزیك ڕووبارێكەوە دۆزراوەتەوە، بەردەوامە.

ڕوی كوپر سەرۆكی شارەوانی كارولینای باشور لە كۆنفڕانسێكی رۆژنامەوانیدا وتی ” لە هەندێك شوێن لە یەك ڕۆژدا بە ئەندازەی یەك ساڵ بەفر باریوە “.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین