ئێمە لە تۆرە کۆمەڵایەتیەکان

عێراق

نوسینگەی سەرۆک کۆمار ڕاگەیەنراوێکی لەبارەی کۆبوونەوەی سێ سەرۆکایەتییەکە بڵاوکردەوە

خەڵک- بەشی هەواڵ

ئێوارەی ئەمڕۆ چوارشەممە ٢٠١٨/١٢/٥، سەرۆک کۆمار و سەرۆک وەزیران و سەرۆکی پەرلەمانی عیراق لە کۆشکی سەلام کۆبوونەوە و دۆخی سیاسیی و تەواوکردنی کابینەی نوێی حکومەتی عیراق، تەوەری سەرەکیی کۆبوونەوەکە بووە.

نوسینگەی رۆژنامەوانیی سەرۆکایەتیی کۆماری عیراق لە راگەیەندراوێكدا كە كۆپیەكی بۆ (خەڵك) نێردراوە نوسیویەتی” ‏‎لە کۆبوونەوەکەدا بارودۆخی سیاسی، ئابوری، ئەمنی و یاساییەکان تاوتوێکراون، بە تایبەتی بابەتی تەواوکردنی پرۆسه‌ی پێکهێنانی حکومەت لە چوارچێوەی رێوشوێنە دەستوری و یاساییەکاندا.”

ڕاگەیەنراوەکە لەزاری بەرھەم ساڵح سەرۆک کۆماری عیراقەوە دەڵێت: “هەرجیاوازییەک لە ئارادا بێت دەبێت لە چوارچیوەی دامەزراوە دەستورییەکاندا و رێوشوێنە دیموکراسییەکاندا گفتوگۆی لەبارەوە بکرێت لە پێناوی پارێزگاری کردن لە یەکڕیزی نیشتمانی و دەستکەوتە دیموکراسییەکان بۆ خزمەتی عێراق و گەلەکەی.”

بەهۆی‌ ناکۆکی‌ لایەنە سیاسیه‌کانەوە دوێنی سێشه‌ممه‌ دانیشتنی‌ پەرلەمانی‌ عێراق بۆ تەواوکردنی‌ کابینەی‌ حکومەتەکەی‌ عادل عەبدولمەهدی‌‌ شکستیهێناو سەرۆک وەزیران باڵەخانەی‌ پەرلەمانی‌ جێهێشت‌ و دانیشتنی‌ پەرلەمان بۆ ڕۆژی پێنجشەممە دواخرا.

عێراق

ئێران داوا لە هاووڵاتیانی دەكات لەم مەرزەوە بچنە نێو عیراق

خەڵك- بەشی هەواڵ
بەڕێوەبەری گشتی كاروباری سنورەكان لە وەزارەتی ناوخۆی ئێران، ئاماژە بە بڕیارێكی ئەنجوومەنی باڵای ئاسایشی نەتەوەیی ئێرانی دەكات، كە لێوەی ڕێگە بە زیارەتكەرانی نزرگە پیرۆزەكان دەدرێت، مەرزی خەسرەوی سنوری باشوور، بۆ سەردانی عیراق بەكاربهێنن.

شەهرەیار حەیدەری، بەڕێوەبەری گشتی كاروباری سنورەكان لە وەزارەتی ناوخۆی ئێران لە لێدوانێكی ڕۆژنامەوانیدا ڕایگەیاندووە، “ئەنجوومەنی باڵای ئاسایشی نەتەوەیی ئێرانی ئەو ڕێگەپێدانە تایبەتەی دەركردووە بۆ سەردانی هاووڵاتیانی ئێرانی بۆ نزرگە پیرۆزەكان لە عیراق، تا لەڕێی مەرزی سنوری خەسرەوییەوە بچنە وڵاتەكە، ئەمەش دوای ئەوەی وەزارەتی ناوخۆ بەدواداچوونی لەو بارەیەوە كردبوو”.

بە وتەی بەرپرسەكەی وەزارەتی ناوخۆی ئێران، “زیارەتكەرانی ئێرانی لەئێستادا دەتوانن لەڕێی پەیوەندیكردن بە كاروانەكانەوە لەڕێی مەرزی خەسرەوییەوە وڵات بەجێبهڵن و سەردانی نزرگە پیرۆزەكان بكەن لە عیراق”.

حەیدەری پێیوایە، ” مەرزی سنوری خەسرەوی، لەئێستادا لە باشترین مەرزە هاوبەشەكانە لەگەڵ عیراق، كە ئامادەی پێشوازیكردنە لە زیارەتكارانی ئێرانی، بەو پێیەی هەموو ژێرخان و توانا و پێداویستییە سەرەكییەكانی تێدا فەراهەمكراوە”.

بەردەوام بە لە خوێندنەوە

عێراق

(خەڵك) وردەكاری ڕێككەوتنی نێوان فەتح و سائیرون ئاشكرا دەكات

خەڵك- بەشی هەواڵ
پەڕلەمانتارێكی هاوپەیمانی فەتح وردەكاری ڕێككەوتنی هاوپەیمانی فەتح بە سەرۆكایەتی هادی عامری و هاوپەیمانی سائیرون، كە لەلایەن موقتەدا سەدرەوە سەرپەرشتی دەكرێت ئاشكرا دەكات و پییوایە لە دانیشتنەكانی یەكەم و دووەمی وەرزی داهاتووی یاسادانانی پەڕلەماندا كێشەی تەواوكردنی كابینە وەزارییەكە كۆتایی دێت.

وەلید عەبدولحەسەن، پەڕلەمانتاری هاوپەیمانی (فەتح) لە لێدوانێكی تایبەت بە (خەڵك) ڕایگەیاند، “لەگەڵ هاوپەیمانی سائیرون گەیشتوونەتە ئەو ڕێككەوتنەی، كە هەركەس لەلایەن سەرۆك وەزیرانەوە بە شیاو بزانرێت بۆ وەرگرتنی پۆستی وەزیری ناوخۆ، كە كێشەی سەرەكی نێوان هەردوولا بوو پەسەند بكرێت لە دانیشتنەكانی وەرزی داهاتووی یاسادانانی پەڕلەمان، بابەتی فالح فەیازیش لەنێوان هەردوولادا بەشێوەیەكی تێروتەسەل گفتوگۆی لەسەر كراوە و چارەسەرەكانیش لە ئاسۆوە دەركەوتوون”.

بە وتەی وەلید عەبدولحەسەن، “ناكۆكییەكان لەسەر وەزارەتەكانی ناوخۆ و بەرگری و داد كەشی گشتی پەرلەمانە و پێویستە لە دانیشتنەكانی داهاتووی وەرزی دووەمی یاساداناندا چارەسەر بكرێن، بۆیە هەردوو هاوپەیمانی فەتح و سائیرون لەسەر ئەوە ڕێككەوتوون، كە دەبێت لە دانیشتنەكانی یەكەم و دووەمی داهاتووی پەڕلەماندا پاشماوەی كابینە وەزارییەكە تەواوبكرێت”.

پەڕلەمانتارەكەی هاوپەیمانی فەتح دەڵێت: “فەتح و سائیرون لەسەر ئەوەش ڕێككەوتوون، كە نابێت بە هەمان شێوەی خولەكانی تری پەڕلەمان، یاساكان بۆ خولەكانی تر ڕەوانە بكرێن و كێشەكان بە هەڵپەسێردراوی بهێڵدرێنەوە، چونكە ئەوان دەیانەوێت ناكۆكییەكان وەلابنێن و حاڵەتێكی گونجان بهێننەئارا و دیدێكی هاوبەش لەنێوان فەتح و سائیرون دروست بكەن”.

سەبارەت بە كەسێتییەك بۆ پڕكردنەوەی وەزارەتی ناوخۆ وتی، “بۆ دیاركردنی كاندیدێك بۆ وەزارەتی ناوخۆ، پێموانییە تائێستا جێگرەوەیەك بۆ فالح فەیاز دۆزرابێتەوە، بەڵام لە دانیشتنی یەكەم و دووەمی وەرزی داهاتووی یاساداناندا بابەتی وەزارەتە ئەمنییەكان (وەزارەتەكانی ناوخۆ و بەرگری) یەكلایی دەكرێتەوە”.

دەشڵێت: “ڕێگەنادەین تەنگژەكان بپەڕنەوە بۆ خولەكانی داهاتوو، لەگەڵ ئەوەشدا كار بۆ تێپەڕاندنی ئەو یاسایانەش دەكەین، كە لەمێژە لەگەڕخراون، لەوانە یاساكانی نەوت و غاز، دادگای فیدڕاڵی، بەخاوەنكردنی زیادەڕۆییەكان، ئەو یاسایانەی ڕاستەوخۆ پەیوەندییان بە ژیانی هاووڵاتیانەوە هەیە، ئەمەش بە ڕێككەوتن لەگەڵ فراكسیۆنەكانی تر نەك هەر تەنیا لەنێوان فەتح و سائیرون”.

پەرلەمانتارەكەی هاوپەیمانی فەتح پێیوایە، “هاوپەیمانی فەتح لە بنیاتنان و هاوپەیمانی سائیرون لە چاكسازی، دوو كۆڵەكەی سەرەكی پەڕلەمانی عیراقیان پێكهێناوە، ئەگەر ئەو دوو هاوپەیمانییە ڕێكبكەون، زۆرێك لە كارەكان ڕایی دەبێت، بۆیە هەردوولا لەسەر ئەوە ڕێككەوتوون، كەشێكی دۆستانە و گونجاو دروست بكەن و ئاوڕ لە كەرتەكانی خزمەتگوزاریی بدەنەوە تا بتوانرێت بەشێوەیەكی شیاو خزمەت بە هاووڵاتیان بكرێت و بایەخ بەو لایەنانە بدرێت، كە بەشێوەیەكی ڕاستەوخۆ پەیوەندییان بە ژیانی خەڵكەوە هەیە”.

بەردەوام بە لە خوێندنەوە

عێراق

ژمارەی سەربازەكانی ئەمریكا لە عیراق ئاشكرا كرا

خەڵك- بەشی هەواڵ
شۆن ڕایان، وتەبێژی هاوپەیمانی نێودەوڵەتی دژی داعش ڕایدەگەیەنێت، زیاتر لە 5 هەزار ئەفسەر و سەربازی ئەمریكا لە عیراق-دا هەن و یارمەتی هێزە عیراقییەكان دەدەن و ڕاوێژیان پێشكەش دەكەن.

لای خۆیەوە، لیوا تەحسین خەفاجی، وتەبێژی وەزارەتی بەرگری عیراق ڕایگەیاندووە، هیچ هێزێكی شەڕكەری ئەمریكا و هیچ بنكەیەكی بیانی لە عیراقدا نییە، ئەو هێزە ئەمریكاییانەی لە عیراقن، تەنیا پاڵپشتی لۆجستی و مەشق و ڕاهێنان لەسەر چەك، بە عیراقییەكان دەكەن.

لە هەفتەی ڕابردوودا، باڵێوزخانەی ئەمریكا لە بەغدا ڕایگەیاندبوو، هێزەكانی ئەمریكا پاشەكشە دەكات لە عیراق، ئەگەر حكومەتی بەغدا داوایان لێبكات.

لە سەرەتای ئەم مانگەش، دۆناڵد ترەمپ، سەرۆكی ئەمریكا خواستی هێشتنەوەی هێزەكانی ئەمریكای لە عیراق خستبووەڕوو، كە بە وتەی ئەو “تا بتوانن چاودێری ئێران بكەن” كە بە كێشەیەكی ڕاستەقینە ناوی بردبوو.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان