ئێمە لە تۆرە کۆمەڵایەتیەکان

جیهان

پادشای ئوردن فەرمانی بۆ پێكهانی حكومەتی نوێ‌ دەركرد

خەڵك- بەشی هەواڵ
شا عەبدوڵڵای دووەمی پادشای ئوردن، بەپێی مەرسومێكی شاهانە، فەرمانی بۆ پێكهێنانی حكومەتی نوێی وڵاتەكەی دەركرد بە سەرۆكایەتی عومەر رەزاز دەرچووی زانكۆی هارڤارد و پسپۆڕی ئابوری و سەرۆكی پێشووی بانكی نێودەوڵەتی.

بەپێی سایتی (الرأی)ی ئوردنیش، ئەمە ناوە كاندیدەكانن بۆ حكومەتەكەی عومەر رەزاز كە پاش كەمێكی تر لەبەردەم شا عەدبوڵڵای دووەمی پادشای ئوردن سوێندنی یاسایی دەخۆن.
ئەو ناوانەنی كاندیدن بۆ بەشداریی لە حكومەتەكە:

دكتور رەجائی مەعشەر، جێجگرلا سەرۆك وەزیران بۆ كاروباری ئابوری

ئەیمەن سەفەدی، وەزیری دەرەوە و كاروباری كۆچبەران

تارق حەموری، وەزیری پیشەسازی و بازرگانی

دكتۆر عەزمی موحافزە، وەزیری پەروەردە و فێركاریی

سەمیر موبیزین، وەزیری ناوخۆ

ئەندازیار مونیر عویس، وەزیری سامانەكانی ئاو

دكتۆر عادل تویسی، وەزیری خوێندنی باڵا

موسا موعایتە، وەزیری كاروباری سیاسی و پەرلەمانی

موبارەك ئەبو یامین، وەزیری دەوڵًەت بۆ كاروباری یاسایی

میری قعوار، وەزیری پلاندانان و هەماهەنگی نێودەوڵەتی

سەمیر موراد، وەزیری كار

مەحمود شیاب، وەزیری تەندروستی

ئەندازیار وەلید میسری، وەزیری گواستنەوە و شارەوانییەكان

نایف فایز، وەزیری ژینگە

هالە زواتی، وەزیری وزە و سامانی كانزایی

جومانە غونەیمات، وەزیری دەوڵەت بۆ كاروباری راگەیاندن

یەحیا كەسبی، وەزیری ئیشغاڵی گشتی و نیشتەجێكردن

عەوەز ئەبو جەڕاد، وەزیری داد

موسەننا غەرایبە، وەزیری پەیوەندییەكان

عزەدین كەناكریە، وەزیری دارایی

خالید، حنەیفات، وەزیری كشتوكاڵ

موكەڕەم قەیسی، وەزیری لاوان

عەبدولناسر ئەبو لبەسەل، وەزیری ئەوقاف و كاروباری پیرۆزییە ئیسلامییەكان

مەجد شوەیكە، وەزیری پەرەپێدان لە كەرتی گشتی

لینا عەناب، وەزیری گەشتوگوزار و شوێنەوارەكان

هالە لەتوف بەسیسو، وەزیری گەشەپێدانی كۆمەلایەتی

بەسمە نەسور، وەزیری رۆشنبیری

جیهان

ترامپ: گویلەن ڕادەست ناکەینەوە

خەڵک-

پاش ئەوەی چەند میدیایەکی ئەمریکایی ئاماژەیان بەوە کردبوو، ئەمریکا تاوتوێی ڕادەستکردنەوەی فەتحوڵڵا گویلەن دەکات بە تورکیا، ئەمڕۆ دۆناڵد ترامپ سەرۆکی ئەمریکا بڕیاری کۆتایی وڵاتەکەی لەو بارەیەوە ئاشکرا کرد.

دۆناڵد ترامپ، لە وەڵامی رۆژنامەنوسێک کە لەو بارەیەوە پرسیاری لێکردبوو، وتی:”ئەمەریکا بیری لە رادەستکردنەوەی فەتحوڵڵا گویلەن نەکردۆتەوە”.
وتیشی: “لە ئێستادا پەیوەندییەکانی تورکیا و ئەمریکا زۆر باشە، ئەمریکا چی لەدەست بێت بۆ ھاوکاریکردنی تورکیا، دەیکات”.

رۆژی هەینیی ڕابردوو، ئاژانسی هەواڵی ئێن بی سی، ڕایگەیاند: وەک ڕێکەوتنێکی سیاسی و بۆ کۆتایی ھێنان بە کەیسی کوشتنی جەمال خاشقچی، ئەمریکا بیری لە ڕادەستکردنەوەی فەتحوڵڵا گویلەن بە تورکیا کردۆتەوە و ھەموو لایەنەکان دەیانەوێت ئەو کەیسە دابخرێت.

فەتحوڵڵا گویلەن، سەرۆک و دامەزرێنەری بزاڤی خزمەت لە تورکیا، لە لایەن تورکیاوە داواکراوە بە تۆمەتی ڕێکخستنی ئەو کودەتا سەربازییەی لە ھاوینی ٢٠١٦ دژ بە دەسەڵاتی رەجەب تەیب ئەردۆغان ئەنجامدرا، ناوبراو ئێستا لە ویلایەتی ڤێرجینیای ئەمریکا نیشتەجێیە.

بەردەوام بە لە خوێندنەوە

جیهان

سەرۆكی عیراق و ئێران كۆبوونەوە
ڕۆحانی: ئاستی بازرگانی بۆ 20 ملیار دۆلار زیاد دەكات

خەڵك- بەشی هەواڵ
سەرۆك كۆماری عیراق بە سەردانێك گەیشتە كۆماری ئیسلامی ئێران و لەلایەن هاوتا ئێرانیەكەیەوە پێشوازی لێ‌ كرا و ڕۆحانی ڕایگەیاند، كە ئاستی بازرگانی لەگەڵ عیراق ساڵانە دەگاتە 20 ملیار دۆلار.

حەسەن ڕۆحانی، سەرۆك كۆماری ئێران لە میانی پێشوازی كردن لە بەرهەم ساڵح، سەرۆك كۆماری عیراق ڕایگەیاند، عیراق و ئێران دەتوانن ئاستی ئاڵوگۆڕی بارزگانی بۆ 20 ملیار دۆلاری ساڵانە زیاد بكەن لەكاتێكدا لە ئێستادا گەیشتۆتە 12 ملیار دۆلار.

لای خۆشیەوە، بەرهەم ساڵح، سەرۆك كۆماری عیراق جەختی لە بنیاتنانی پەیوەندی بەهێز لەگەڵ ئێران كردووە و ڕایگەیاندووە، گەشەپێدانی پەیوەندییەكان لە بەرژەوەندی عیراق و ناوچەكەیە.

ڕاشیگەیاندووە، عیراق هیچ كاتێك پاڵپشتی ئێران لەیاد ناكات لەو كاتەی ڕووبەڕووی ستەم و زۆرداری سەدام بووبووەوە، هەروەها ئێران ڕۆڵی گەورەی گێڕا لە شەڕی دژی تیرۆر لە عیراق.

ئەم وتانەی ڕۆحانی لەكاتێكدایە، كە وڵاتەكەی گوشارێكی زۆری ئەمریكای لەسەرە و گەمارۆیەكی گەورەی ئابووری خراوەتە سەر و چەندین سزای لە بوارەكانی بانكی و دارایی و وزە بەسەردا سەپێنراوە.

بەردەوام بە لە خوێندنەوە

جیهان

سی ئای ئەی: كوڕەكەی پادشا فەرمانی بۆ كوشتنی خاشقچی دەركردووە

خەڵگ- بەشی هەواڵ
رۆژنامەی واشنتۆن پۆست نوسیویەتی و دەڵێت، دەزگای ئاژانسی هەواڵگری ئەمریكا (سی ئای ئەی) گەیشتوە ئەو ئاكامەی كە محەمەد بن سەلمانی جێنشینی شاهانەی سعودیە فەرمانی كوشتنی بۆ جەمال خاشقچی رۆژنامەنوسی سعودی دەركردووە كە لە مانگی تشرینی یەكەمی رابروود لە ئیستەمبوڵ كوژرا.

بەپێی رۆژنامەكە” (سی ئای ئەی) بە پشت بەستن بە چەند سەرچاوەیەكی هەواڵگری، لە نێویاندا پەیوەندی تەلەفونی نێوان جەمال خاشقچی و برایەكی محەمەد بن سەلمان كە باڵیۆزی سعودیەیە لە واشنتۆن، گەیشتووە بەو ئاكامەی كە محەمەد بن سەلمان فەرمانی كوشتنی بۆ خاشقچی دەركردووە”.

واشنتۆن پۆست بلاویكردۆتەوە” خالد بن سەلمان كە برای محەمەد سەلمانی جێنشینی شاهانەی سعودیەیە، بە جەمال خاشقچی راگەیاندووە كە لەرووی ئەمنییەوە باشە سەردانی كونسوڵخانەی سعودیە لە ئیستەمبوڵ بكات و بەڵگەنە پێویستەكان بەدەست بهێنیت، ئەمەش لەكاتێكدایە كە خالد بن سەلمان لەسەر داوای محەمەد بن سەلمانی برای ئەو پەیوەندییە تەلەفونییەی لەگەڵ خاشقچییدا ئەنجامداوە، بەڵام روون نییە خالد بن سەلمان ئاگاداری ئەوە بووبێت كە دواتر جەمال خاشقچی دەكوژرێت”.

شانشینی عەرەبی سعودیە چەند جارێك سەبارەت بە كوژرانی جەمال خاشقچی رۆژنامەنوسی وڵاتەكەی لەنێو كونسوڵخانەی ئیستەنبوڵ لە 2ی تشرینی یەكەمی 2018، لێدوانە فەرمییەكانی وڵاتەكەی گۆڕیوە، بەو پێیەی لە سەرەتادا رەتیدەكردەوە ئاگاریی بێسەروشوێنبوونی خاشقچی بێت، دواتر دانی بە كوژرانەكەیدانا لەنێو كونسوڵخانەكە و لە دوایین راگەیەندراویش لەو بارەیەوە، داواكاریی گشتی سعودیە رایگەیاندبوو، ئەوانەی خاشقچییان كوشتووە لەنێو كوسنسوڵخانەكە، تەرمەكەیان پارچەپارچە كردووە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین