ئێمە لە تۆرە کۆمەڵایەتیەکان

کوردستان

داعشێك، ڕاستییەكان دەدركێنێت
هۆكاری نمایشكردنی پێشمەرگە دیلەكان لە حەویجە ئاشكرا دەبێت

خەڵك- بەشی هەواڵ
ئەبو حەمزەی كوردی كە بە ناو (والی داعش) بووە لە كەركوك، هۆكاری نمایشكردنی پێشمەرگە دیلەكان لە قەفەسە ئاسنینەكاندا لە حەویجە ئاشكرا دەكات و دەڵێت: “بۆ بەرزكردنەوەی ورەی چەكدارانی ڕێكخراوەكە بووە”.

ئەبو حەمزەی كوردی لە میانی دانپێدانانەكانی لەبەردەم دادگای لێكۆڵینەوە لە كەرخ ڕایگەیاندووە، “لە شەڕێكدا 18 پێشمەرگە دەستگیركران و لە دواتردا لەگەڵ سێ‌ دیلی تردا جلی تایبەت بە دیالەكانیان لەبەركراوە و بەنێو قەزای حەویجەدا سوڕێنراونەتەوە و وێنەیان گرتوون”، ئەمەش بە وتەی ئەو داعشە كوردە، بۆ كاریی میدیایی خۆیان و بەرزكردنەوەی ورەی چەكدارەكانیان بووە، كە بەهۆی زیانە گەورەكانیانەوە دابەزی بوو.

ئەبو حەمزەی كوردی بە لێكۆڵەرانی ڕاگەیاندووە، “پێشمەرگە دیلەكان لە دواییدا گوازرانەوە بۆ نەینەوا، ئەمەش لە ترسی ئەنجامدانی پڕۆسەی تایبەت بۆ ڕزگاركردنیان لەلایەن پێشمەرگە و هێزە عیراقییەكانەوە”.

ئەو داعشە  دەڵیت: “لە كۆبوونەوەیەكدا، كە هەموو والییەكانی ئیمارەتەكانی داعشی لەخۆگرتبوو، چاوی بە ئەبو بەكری بەغدادی كەوتووە و لە كۆبوونەوەكەدا، كە دوو ڕۆژی خایاندووە، باس لە ئاستەنگەكانی بەردەم ڕێكخراوەكە و پێویستی هاندانی هاوڵاتیان بۆ پەیوەندیكردن بە داعشەوە كراوە، بەغدادیش بە جیا لەگەڵیدا كۆبۆتەوە و بڕێك پارەی ڕادەستكردووە لەبەرانبەر ئەو دەستكەوتانەی لە ناوچەكەدا هێناویانەتەدی”.

ئەبو حەمزەی كوردی وەك خۆی باسی كردووە، “پێشتر ئەفسەر بووە لە ڕیزەكانی سوپای عیراق و لە سەرەتاوە لەلایەن ئەبو موسلیمی چیچانی، بەرپرسی ئیمارەتەكانی داعش كراوە بە والی باكووری بەغدا، دواتر لەپاش برینداربوونی والی كەركوك لە بۆردمانێكی فڕۆكەكانی سوپای عیراق، كراوەتە والی كەركوك، كە حەویجە و ڕیاز و ڕەشاد و داقوق و چەند ناوچەیەكی تری لەخۆگرتبوو”.

ئەبو حەمزەی كوردی، كە نازناوی ئەو بەرپرسەی داعشە، لەلایەن هێزە ئەمنییەكانی عیراقەوە دەستگیركراوە و لەئێستادا لەلایەن دادگاكانی تایبەت بە كەیسەكانی تیرۆر دادگایی دەكرێت، تا بەرانبەر ئەو تاوانانەی ئەنجامیداوە، سزای دادپەروەرانەی خۆی وەربگرێت.

ژینگە

لە پێنجوێن 10 كەو ئازاد كران

خەڵك- بەشی هەواڵ

لە سنوری پێنجوێن توانرا دەست بەسەر (10) باڵندەی كێوی كەودا بگیرێت.

هێمن كەمەرخان بەڕێوەبەری ڕاگەیاندنی پۆلیسی دارستان و ژینگەی سلێمانی ڕایگەیاند “مەفرەزەكانی بەشی پۆلیسی دارستان و ژینگەی (پێنجوێن / خاڵی باشماخ) لە دەرچونی مەیدانیاندا و كێوماڵكردنی سنورەكەیان توانیان دەست بەسەر (10) باڵندەی كێوی كەودا بگرن كە بەڕێگەی قاچاخ هاوردەكرابوون”.

ڕاشیگەیاند “دوای وەرگرتنی بڕیاری بەڕێز دادوەر سەرجەم (كەو)ەكان ئازادكران جارێكی تر گەڕێنرانەوە بۆ سروشت و ژینگەی كوردستان”.

بەردەوام بە لە خوێندنەوە

کوردستان

لافاو چەند ناوچەیەكی گەرمیانی داپۆشی

خەڵك- بەشی هەواڵ
بەهۆی باران بارینەوە، لافاو لە چەند شوێنێكی سنوری ئیدارەی گەرمیان دروستبووە.

یونس جاف، جێگری سەرپەرشتیاری ئیدارەی گەرمیان بە (خەڵك)ی ڕاگەیاند، تائێستا هیچ زیانێكی گیانی و ماددی لە سنورەكەدا تۆمارنەكراون و تەنها باران بارین دەستی پێكردووە و لافاو لە چەند شوێنێك دروستبووە.

وتیشی”دوای بارانەكە دەست بە بەدواداچوون دەكرێت، ئەگەر زیانێك هەبێت ئەو كاتە بە تەواوەتی دەردەكەوێت”.

بەردەوام بە لە خوێندنەوە

کوردستان

بەوێنە.. لافاوێكی مێژوویی لە ئێران و ڕۆژهەڵاتی كوردستان هەستا

خەڵك- بەشی هەواڵ

بەهۆی شەپۆلێكی بەهێزی باران بارینەوە لە شەوی ڕابردووەوە لافاوێكی گەورە لە چەند شارێكی ئێران و ڕۆژهەڵاتی كوردستان دروستبوو.

لە شاری شیراز لافاو دەیان ئۆتۆمبێلی بردووە و خانوو و باڵەخانەی داڕووخاندووە.

تاكو ئێستا زانیاری پێویست لە بارەی زیانەكانی لافاوەكەی ئێرانەوە بڵاونەكراوەتەوە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان