ئێمە لە تۆرە کۆمەڵایەتیەکان

جیهان

ئەوانەی داواكاریی پەنابەرییان ڕەتدەكرێتەوە ڕوانەی ئەم دوورگەیە دەكرێن

خەڵك- بەشی هەواڵ
حكومەتی دانیمارك، بڕیاریداوە ئەوانەی داواكاریی پەنارییان ڕەتدەكرێتەوە، ڕەوانەی دوورگەی لیندهۆڵم بكرێن، كە دوورگەیەكی چۆڵە، ئەمەش تا ڕێگەی بێزاركردنی دانیشتوانیان لێبگیرێت.

بەپێی هەواڵێكی ماڵپەڕی (سی ئێن ئێن)، ئەوانەی داواكاریی پەنابەرییان ڕەتدەكرێتەوە، ئەوانە دەگرێتەوە، كە لە تاوانە جیاجیاكان تێوەگلاون، بە جۆرێك لە دوورگەكەدا ئەفسەر و كارمەندی تایبەت بە چاودێریكردنی تاوانباران، خراونەتەگەڕ.

دوورگەی لیندهۆڵم، لەئێستادا بۆ مەبەستی ئەنجامدانی توێژینەوەی زانستی لەلایەن زانكۆی دانیماركی تەكنیكی بەكاردەهێنرێت، بەڵام ئەو چالاكیانە بۆ شوێنێكی تر دەگوازرێنەوە بە مەبەستی دەستكردن بە ڕەوانەكردنی ئەو پەنابەرانە بۆ دوورگەكە.

حكومەتی دانیمارك، لە هەینی ڕابردوودا ئاماژەی بە توندكردنی سیاسەتەكانی كرد لەبارەی كۆچەوە، ئەمەش دوای دانوستانەكانی لەبارەی بودجەی 2019 لەگەڵ حزبی میللی، كە دژ بە كۆچە و هاوپەیمانی سەرەكی حزبی فەرمانڕوایە لە وڵاتەكە.

جیهان

بەوێنە..نمایشی سەربازی دەریایی سوپای ئێران

خەڵك-بەشی هەواڵ

كۆماری ئیسلامی ئێران نمایشێكی هێزە دەریاییەكانی لە دەریای عەمان ساز كرد.

ئاژانسی میهری ئێرانی بڵاویكردەوە، نمایشە سەربازییەكەی كۆماری ئیسلامی ئێران لەلایەن هێزی سەربازی دەریایی سوپای ئێران لەژێر ناوی “ویلایەتی ۹۷” و بە دروشمی “یا زەهرا” دوێنێ هەینی لە دەریای عەمان دەتی پێكرد.

ئەمەش لەكاتێكدایە، ئەمریكا بەردەوام هەڕەشە لەو وڵاتە دەكات و بەپێی زانیارییەكانیش تا ئێستا دوو جار ئەمریكا لە هەوڵەكانی بۆ دروستكردنی هاوپەیمانی عەرەبی دژی ئێران یاخود ناتۆی عەربی شكستی هێناوە.

 

بەردەوام بە لە خوێندنەوە

جیهان

هەدەپە، كاندیدی خۆی بۆ سەرۆكی پارلەمانی توركیا دیاریكرد

خەڵك – بەشی هەواڵ

پارتیی دیموكراتیی گەلان (هەدەپە)، پەرلەمانتارێكی شاری ئیزمیری وەك كاندیدی هەدەپە بۆ سەرۆكی پەرلەمانی توركیا دەستنیشان كرد.

سەرپیل كەمالبای ، وەك كاندیدی پارتی دیموكارتیی گەلان بۆ پۆستی سەرۆكی پەرلەمانی توركیا دیاریكرا و لە لایەن شاندێك بە سەرۆكایەتیی سەرۆكی فراكسیۆنی هەدەپە فاتمە كورتولان، ناوەكەی بەفەرمی پێشكەشی سەرۆكایەتیی پەرلەمان كراوە.

بڕیارە ڕۆژی 24ی شوباتی 2019 هەڵبژاردنی سەرۆكی پەرلەمانی توركیا لەنێو پەرلەمان بەڕێوە بچێت.

بەردەوام بە لە خوێندنەوە

جیهان

باغۆز: سڤیلەكان دوایین ناوچەكانی بندەستی داعش چۆڵ دەكەن

خەڵك- بەشی هەواڵ

ئەمڕۆ هەینی هاووڵاتیانی سڤیل لە نێو ژمارەیەكبارهەڵگردا بینراون كە ئەگەری هەیە، ناوچەكانی بن دەستی داعش چۆڵ بكەن.

ئاژانسی ڕۆیتەرز بڵاویكردەوە، لە ناوچەی باغۆز لە سنووری سووریا و عیراق ژمارەیەكی زۆر بارهەڵگر  بینراون كە هاووڵاتیانی سڤیلیان تێدا بووە لە ناوچەكانی بن دەستی داعش لە ڕۆژهەڵاتی سووریا.

بەڵام بە تەواوەتی ڕوون نەبووەتەوە كە ئایا ئەو بارهەڵگرانە ئەو سڤیلانە دەگوازنەوە كە لە ناوچەكانی بن دەستی داعشدا گیریانخواردووە و هێزەكانی سووریای دیموكرات بە پشتیوانی ئەمریكا دەیانهەوێت كۆنتڕۆڵی بكەن یان نا.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان