ئێمە لە تۆرە کۆمەڵایەتیەکان

ژینگە

كەشناسی هەرێم هۆشداری دەداتە پارێزگایەك ..بەفر دەبارێت

خەڵك- بەشی هەواڵ
كەشناسی هەرێم هۆشداری بارانی بەلێزمە و لافاو دەدات و جەختیشدەكاتەوە، كە بەفر دەبارێت.

بەڕێوەبەرایەتی گشتی كەشناسی و بوومەلەرزەزانی هەرێم پەیامێكی هۆشداری بۆ پارێزگای هەولێر بڵاودەكاتەوە و ڕایدەگەیەنێت، “گەواڵەیەكی هەوری ڕەش لە ئاسمانی هەولێر نزیك دەبێتەوە و پیشبینی دەكرێ بارانی بە لێزمە و هەورە تریشقە دەست پێ بكات”.

پێشتریش كەشناسی هەرێم لە ڕاگەیەنراوێكدا ئاماژەی بەوەكردبووە، كە سبەینێ‌ پێنج شەممە ئاسمانی پارێزگاكانی باشووری كوردستان هەوری تەواو و باراناوی دەبێت و لە هەندێك كاتدا بارانەكە زیاتر دەبێت.

ڕاشیگەیاندووە، كە لە ناوچە شاخاوییە سنورییەكان بەفر دەبارێت.

ژینگە

شەپۆلێكی سەرما و كڕێوە هەرێمی كوردستان دەگرێتەوە

خەڵك- بەشی هەواڵ
بەپێی پێشبینییە كەشناسییەكان، شەپۆلێكی سەرما و كڕێوە بەشێكی ناوچەكانی عیراق و هەرێمی كوردستان دەگرێتەوە.

سادق عەتیە، پسپۆڕی كەشناسی عیراقی لە هەژماری خۆی لە فەیسبووك ڕایگەیاندووە، پلەكانی گەرما دادەبەزن و شەپۆلێكی سەرمای بەهێز ناوچەكانی عیراق دەگرێتەوە بەتایبەت ناوچەكانی ناوەڕاست و ڕۆژئاوای وڵات و هەرێمی كوردستان.

ڕاشیگەیاندووە، ئەو شەپۆلە سەرمایە لە ڕۆژی هەینی-یەوە دەستپێدەكات و ڕۆژی شەممە بەهێزتر دەبێت.

ئاشكراشی كردووە، كە ئەو شەپۆلە سەرمایە هاوكاتە لەگەڵ هاتنی وەرزی زستان و لە هەرێمی كوردستان پلەكانی گەرما دەگاتە خوار سفری سەدی و لە هەندێك ناوچەی عیراق دەگاتە خوار 9 پلەی سەدی.

ڕۆژی هەینی 21-12-2018 هاوكاتە لەگەڵ یەكەم ڕۆژی وەرزی زستان لەڕووی گەردونییەوە و پێشی دەوترێت (وەرگەڕانی زستانە) كە شەوی 20 لەسەر 21ی 12 بە درێژترین شەوی ساڵ و ڕۆژەكەی 21ی 12، كە یەكەم ڕۆژی زستانە بە كورتریت ڕۆژی ساڵ دادەنرێت و لە هەرێمی كوردستان پێی دەوترێت (شەوی یەڵدا).

بەردەوام بە لە خوێندنەوە

ژینگە

كەش و هەوای ئەمڕۆ و سبەی شارەكانی هەرێمی كوردستان

سلێمانی. فۆتۆ: نزار جەزا

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم كەش و هەوای ئەمڕۆ و سبەینێی بڵاوكردەوە.

بەپێی پێشبینییەكانی كەشناسی هەرێم، ئەمڕۆ سێ شەممە بەرزترین پلەی گەرما لە هەولێر 11 پلە و لە سلێمانی 10 پلە و لە دهۆك 11 پلەو لە كەركوكیش 12 پلە دەبێت‌و لە سەرجەم شارەكانی هەرێمی كوردستانیش باران دەبارێت و لە ناوچە شاخاوییەكانیش بەفر دەبارێت و پلەكانی گەرما نزم دەبنەوە.

هەر بەپێی پێشبینییەكانی كەشناسی، سبەینێ چوار شەممە بەرزترین پلەی گەرما لە هەولێر 14 پلە و لە سلێمانی 13 پلەو لە دهۆك 14 پلەو لە كەركوكیش 15 پلە دەبێت و لە سەرجەم شارەكانی هەرێمی كوردستانیش هەور و هەتاو دەبێت.

بەردەوام بە لە خوێندنەوە

ژینگە

لە پێنجوێن بەفر باری

خەڵك-بەشی هەواڵ

قائیمقامی پێنجوێن رایدەگەیەنێت، بارانێكی زۆر لە قەزاكە باریوەو بەفریش چواردەوری پێنجوێنی سپی پۆش كردووە.

زانا رەحمان قائیمقامی پێنجوێن بە (خەڵك)ی راگەیاند، بارانێكی زۆر لە قەزای پێنجوێن باریوەو دەوروبەری پێنجوێنیش بەفر باریوە، بەڵام هیچ ئاستەنگێكی بۆ هاتووچۆ و هاووڵاتیان دروست نەكردووە.
وتیشی”ناوچەكانی گەرمگ و ملەكەوە و جادەی سەیران بەند شوێنی سەختی قەزاكەن و بەفر تێیاندا باریوە، بەڵام ئاستەنگی دروستنەكردووە و رێژەی بەفرەكە زۆر نییە”.

لە ئێستادا پلەكانی گەرما زۆر دابەزیون، بەڵام قائیمقامی پێنجوێن ئاشكرایكرد، پێنجوێن ناوچەیەكی كوێستانی سەختە، بارینی بەفر و باران ئاساییە و لە ئێستادا دەوامی فەرمی بوونی هەیە، بەڵام ئەگەر بەفرێكی زۆر ببارێت ئەوكات دەوامی خوێندنگاكان و فەرمانگەكان دەكەینە پشووی فەرمی.

سەبارەت بە چارەسەركردنی پردی چەمی چەقان كە لە چەند رۆژی رابردودا لافاو بردی، ناوبراو رایگەیاند، ئەو پردە پردێكی كاتی بوو سەر بە قەزای سەید سادقە، بەشێوەیەكی كاتی كرابووەوە بۆ هاتووچۆی هاووڵاتیان تاكو پردە سەرەكییەكە تەواو دەبێت، بەڵام لافاو بردی و چاك نەكراوەتەوە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین