ئێمە لە تۆرە کۆمەڵایەتیەکان

عێراق

رۆژنامەیەكی عەرەبی وادەڵێت
عەبادی و مالیكیش دەچنە نێو هاوپەیمانییەكەی سەدر و عامرییەوە

خەڵك- بەشی هەواڵ
رۆژنامەیەكی عەرەبی دەڵێت، هاوپەمانییەكەی نێوان موقتەدا سەدر رابەری رەوتی سەدر و هادی عامری سەرۆكی لیستی فەتح، چوونەناوەوەی حەیدەر عەبادی سەرۆكی لیستی نەسر و نوری مالیكی سەرۆكی ئیئتیلافی دەوڵەتی یاساش بەخۆوەدەبینێت، مالیكیش لەو نێوەندەدا وازی لە هەموو مەرجەكانی پێشووی هێناوە.

ئەمڕۆ پێنج شەممە، رۆژنامەی (العربی الجدید)ی قەتەری لە زاری سەركردەیەكی دەركەوتووی رەوتی سەدرەوە بڵاوكردەوە”هاوپەیمانی سائیرون فەتج، بەردەوامن لە وتوێژەكانیان بۆ پێكهێنانی گەورەترین كوتلە لەپێناو پێكهێنانی حكومەتی داهاتووە”، ئاماژەی بەو وتوێژە چڕانەش كرد كە بۆ راكێشانی هاوپەیمانی نسەر بە سەرۆكایەتی حەیدەر عەبادی سەرۆك وەزیران، و ئیئتیلافی دەوڵەتی یاسا بە سەرۆكایەتی نوری مالیكی ئەنجام دەدرێن.

رەوتی بەپێی رۆژنامەكە”لەئێستادا هیچ هێڵێكی سور بۆ كەس دانانرێت، سەدر كە پێشتر رەتیدەكردەوە هاوپەیمانییەكەی لەگەڵ میلیشیاكانی بزوتنەوەی ئەهلی حەق (بەشێك لە هاوپەیمانی فەتح) هاوپەیمانی بكات، لەمڕۆدا هاوپەیمانی كرد، قەیس خەزعەلی سەرۆكی ئەو ملیشیایانەش گفتوگۆ لەگەڵ مالیكی دەكات تا بێتە نێو هاوپەیمانییە نوێیەكە”، ئاماژەی بە وازهێنانی مالیكیش كرد لە هەموو مەرجەكانی پێشوو، و بە وتەی سەركردەكەی رەوتی سەدر،”رازیی بووە ببێتە بەشێك لە هاوپەیمانییە نوێیەكە و راگەیاندنەكەیشی تەنیا پەیوەندی بە كاتەوە هەیە”.

سەركردەكەی رەوتی دەڵێت”وتوێژەكان بەردەوامن لەگەڵ عەبادی، نزیكبوونەوەیەكی زۆریش لەنێوان هەردوولادا هەیە”، هاوپەیمانییەكەیشی بە كۆپییەكی نوێی هاوپەیمانییە شیعییەكەی پێشوو وەسفكرد و باسی لەو هەوڵانەش كرد كە خوستویانەتەگەڕ تا هەموو ئەو لایەنانە بێننەوە كە پێشتر جیابووبونەوە.

لە 12ی حوزەیرانی 2018، موفتەدا سەدر لە كۆنفراسێكی رۆژنامەوانیدا لە شاری نەجەف رایگەیاند” كوتەلی سائیرون هاوپەیمانی لەگەڵ لیستی فەتج كردووە”، بەستنی ئەم هاوپەیمانییەش سەبارەت بە زۆرێك لە عیراقییەكان رووداوێكی لەناكاو و چاوەڕواننەكراو بوو.

سەدر رایگەیاندبوو”هاوپەیمانی لەگەڵ فەتح، لە چوارچێوەی فەزایەكی نیشتمانییە، و پارێزگاریش لە هاوپەیمانییە سێقۆڵییەكە دەكەن لەنێوان حیكمە و سائیرون و وەتەنیە”، سوتاندنی سندوقەكانی دەنگدانیشی بە تاوانێكی گەورە وەسفكرد، و وتی”لەدوای راگەیاندنی ئەنجامەكان هەڵوێستی خۆیان رادەگەیەنن”.

لای خۆیەوە هادی عامری سەرۆكی هاوپەیمانی فەتح، رایگەیاندبوو”دەرگاكانی هاوپەیمانییەكەی لەگەڵ (سائیرون) كراوە لەبەردەم هەمواندا، كێشەشمان نییە لەگەڵ جیاكردنەوەی دەنگەكان بەدەست، بەڵام دەبێت رێژەی جیاكردنەوەكە لەنێوان لەسەدا 5 بۆ لەسەدا 10 بێت”.

3 رۆژ بەر لەوە، لێكگەیشتنێكی سەرەتایی لەنێوان هاوپەیمانییەكانی سائیرون بە سەرۆكایەتی موفتەدا سەدر، و رەوتی حیكمە بە سەرۆكایەتی عەممار حەكیم، و ئیئتیلافی وەتەنیە بە سەرۆكایەتی ئەیاد عەللاوی راگەیەندرا.

عێراق

حاكم زاملی بۆ (خەڵك): سائیرون ئامادەی دانیشتنەكەی سبەینێی پەرلەمان دەبێت

خەلًك- بەشی هەواڵ
سەركردەیەكی ڕەوتی سەدر دەڵێت، فراكسیۆنی سائیرون ئامادەی دانیشتنەكەی سبەینێی پەرلەمانی عیراق دەبێت، كە بۆ دەنگدان لەسەر پاشماوەی كابینە وزارییەكەی عادل عەبدولمەهدی تەرخان دەكرێت.

حاكم زاملی، سەركردەی ڕەوتی سەدر، لە لێدوانێكی تایبەت بە (خەڵك)ی ڕاگەیاند، “بەدڵنیاییەوە فراكسیۆنی سائیرون ئامادەی دانیشتنەكەی سبەینێی پەرلەمان دەبێت و هیواداریشین عادل عەبدولمەهدی، سەرۆك وەزیران ئامادەبێت بۆ تەواوكردنی پاشماوەی كابینە وزارییەكەی”، هیواشی خواست ئەو ناوانەی لەم جارەدا بۆ پاشماوەی هەشت وەزارەتەكە پێشكەشیان دەكات، كەسانی لێوەشاوە و پیشەگەربن و لەو ڕووەوە نەكەوێتە ژێر گوشاری حزبەكان.

زاملی وتی، “هەندێك ناو هەن، ڕەوتی سەدر تێبینی لەسەرییان هەیە، بۆیە ئەگەر عادل عەبدولمەهدی سور بوو لەسەر ناوەكان و بۆخۆی بەرپرسیارێتی سەركەوتن و شكستی ئەو ناوانەی گرتە ئەستۆ، ئەوا دەنگدانەكە بەپێی خواست و ویستی ئەندامانی پەرلەمان دەبێت، ئەگەر ناوەكان دەنگییان لەسەر درا و پەسەندكران، ئەوا كابینە وەزارەییەكە تەواو دەبێت، بەپێچەوانەشەوە ئەگەر ناوەكان لەلایەن پەرلەمانتارانەوە ڕەتكرانەوە، ئەوا پێویستە بە كەسانی تر بگۆڕدرێن”.

سەبارەت بە بەشداری یان بایكۆتكردنی هاوپەیمانی سائیرون بۆ دانیشتنەكەی سبەینێی پەرلەمان، سەركردەكەی ڕەوتی سەدر ڕایگەیاند، “ناوەكان و ڕەوشی دانیشتنەكەی سبەینێ‌ ئەگەر ئەرێنی بن، یان بە پێچەوانەوە، پەرلەمانتاران بۆخۆیان بڕیاری لەسەر دەدەن”.

بەپێی كارنامەی سبەینێی پەرلەمانی عیراق، دانیشتنی سبەینێ‌ سێ‌ شەممە، بۆ دەنگدان لەسەر پاشماوەی كابینە وەزارییەكەی عادل عەبدولمەهدی سەرۆك وەزیران تەرخان دەكرێت، كە هەشت وەزارەت لەخۆدەگرێت و گرنگترینیشیان، وەزارەتەكانی بەرگری و ناوخۆ و وەزارەتی داد-ە.

ئەمە لەكاتێكدایە، كە ڕێبوار تەها، ئەندامی پەرلەمانی عیراق لە فراكسیۆنی یەكێتی لە بەیاننامەیەكدا ڕایگەیاندبوو، كە بایكۆتی كۆبوونەوەی سبەینێ‌-ی پەرلەمان دەكەن.

بەردەوام بە لە خوێندنەوە

عێراق

هەردوو كوتلە گەورەكەی شیعە ڕێكەوتن

خەڵك- بەشی هەواڵ
هاوپەیمانی بنیاتنان لە پەرلەمانی عیراق، ئاماژە بە رێكەوتن لەگەڵ هاوپەیمانی چاكسازیی و ئاوەدانكردنەوە دەكات لەبارەی دانانی بڕگەی دەنگدان لەسەر پاشماوەی كابینە وزارییەكەی عەبدولمەهدی لە دانیشتنی سبەینێی پەرلەمان.

فازڵ عەبد شنین، پەرلەمانتاری هاوپەیمانی بنیاتنان، لە لێدوانێكی ِرۆژنامەوانیدا ڕایگەیاندووە، “چاكسازیی و بنیاتنان، لەبارەی دانانی بڕگەی دەنگدان لەسەر پاشماوەی كابینە وزارییەكەی عادل عەبدولمەهدی، سەرۆك وەزیران لە دانیشتنی سبەینێی پەرلەمانی عیراق ڕێكەوتوون”.

بە وتەی ئەو پەرلەمانتارە، “بەخشینی متمانە بە كاندیدەكانی هەشت وەزارەتەكە، لەنێو گومەزی پەرلەماندا یەكلایی دەكرێتەوە”.

لە دوایین دانیشتنی پەرلەمانی عیراق بۆ دانگدان لەسەر پاشماوەی كابینە وەزارەییەكەی عادل عەبدولمەهدی، كە لە هەشت وەزارەت پێكدێت و وەزارەتەكانی بەرگری و ناوخۆ و داد گرنگترینیانن، سەرۆك وەزیران هەشت ناوی بۆ ئەو وەزارەتانە پێشكەش بە پەرلەمان كردبوو، بەڵام بەهۆی ناكۆكی لەسەر ناوەكان، هاوپەیمانی چاكسازیی و ئاوەنكردنەوە لەگەڵ چەند فراكسیۆنێكی تری پەرلەمانی عیراق، بایكۆتی دانیشتنەكەیان كرد و ڕێگەیان نەدا لیستی ئەو ناوانەی لەلایەن عەبدولمەهدییەوە ئامادەكرابوو، دەنگی لەسەر بدرێت.

بەردەوام بە لە خوێندنەوە

عێراق

عەبادی و مالكی سوێندیان نەخواردووە
تائێستا 8 پەرلەمانتار سوێندی یاساییان نەخواردووە

خەڵك- بەشی هەواڵ
پەرلەمانی عیراق ڕایدەگەیەنێت، تائێستا 8 پەرلەمانتار سوێندنی یاساییان نەخواردووە، كە هەریەك لە حەیدەر عەبادی، سەرۆكی هاوپەیمانی نەسر و نوری مالكی، سەرۆكی هاوپەیمانی دەوڵەتی یاسایان تێدایە.

ئەمڕۆ دوو شەممە، فەرمانگەی پەرلەمانی لە ئەنجومەنی نوێنەرانی عیراق لە بەیاننامەیەكدا ڕایگەیاندووە، “تائێستا 8 پەرلەمانتاری براوە لە هەڵبژاردنە پەرلەمانییەكەی مانگی ئایاری ڕابردوو، سوێندی یاساییان نەخواردووە”.

بەپێی بەیاننامەكەی پەرلەمانی عیراق، “پەرلەمانتارەكان بریتین لە، عەبدولئەمیر عەبدولغەفار توعمە، حسێن جاسم ناسر حسێن، حەیدەر جەواد كازم عەبادی، ڕاكان سەعید عەلی ڕەزوان، عەبدولحسێن عەبدولڕەزا باقر محەمەد، عەتوان سەید حەسەن سامر، قاسم محەمەد جەلال حسێن، نوری كامل محەمەد حەسەن”.

هەڵبژاردنی پەرلەمانی عیراق لە 12ی ئایاری ڕابردوو ئەنجامدرا و لە 3ی ئەیلولی ڕابردووشدا، پەرلەمان یەكەم دانیشتنی خۆی سازكرد، بەڵام وێڕای تێپەڕینی سێ‌ مانگ، تاوەكو ئێستا هەندێك لەوانەی لە هەڵبژاردنەكەدا بەشدارییان كرد و توانیان دەنگی پێویست بۆ چوونە پەرلەمان بەدەستبهێنن، سوێندی یاساییان نەخواردووە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین