ئێمە لە تۆرە کۆمەڵایەتیەکان

جیهان

نەتەوە یەكگرتووەكان: داعش 7 هەزار كەسی دەستبەسەركردووە

خەڵك- بەشی هەواڵ
كۆمیسیۆنی باڵای مافەكانی مرۆڤی سەر بە نەتەوە یەكگرتووەكان دەڵێت، نەتەوە یەكگرتووەكان نیگەرانە لە چارەنوسی 7 هەزار مەدەنی، كە لەلایەن چەكدارانی ڕێكخراوی داعشەوە لە پارێزگای دیًَرەزور، دەستبەسەركراون.

میشێل باشیلێ‌، كۆمیسیاری لیژنەی مافەكانی مرۆڤی سەر بە نەتەوە یەكگرتووەكان لە جنێڤ بە ڕۆژنامەوانانی ڕاگەیاندووە، “ئێمە نیگەرانیین بەرانبەر بە ڕەوشی پارێزگای دێرەزور، كە تێیدا مەدەنییەكان وەك بارمتە بەكاردەهێنن و دەكرێن قوربانی ململانێكان، لەئێستاشدا لەو ناوچەیە نزیكەی 7 هەزار كەس دیلی ژێر دەستی داعشن”.

بە وتەی ئەو بەرپرسەی نەتەوە یەكگرتووەكان، “زانیاریی ئەوەمان بەدەست گەیشتووە، كە چەكدارانی ڕێكخراوی داعش، ئەو كەسانە گوللـەباران دەكەن، كە گومانیان لێیان هەیە پەیوەندییان بە هێزەكانی سوریای دیموكرات، یان لایەنەكانی ترەوە هەبێت”.

باشیلێ‌ دەڵێت: “دەمانەوێت داوا لە گروپە چەكدارەكانی ئۆپۆزسیۆنی سوریا بكەین، رێوشوێنی پێویست هەڵبنێن بۆ پاراستنی مەدەنییەكان و بردنە دەرەوەی هەموو كەرەستە سەربازییەكان و سەربازەكان لە ناوچەكانی جێنیشتەجێی هاوڵاتیان، ئەمەش لەلایەن یاسای مرۆیی نێودەوڵەتییەوە داواكراوە. بەكارهێنانی هێزی سەربازیش لەلایەن یەك لایەنەوە ناكرێت بكرێتە بیانوو بۆ ڕەچاونەكردنی یاسای مرۆیی نێودەوڵەتی لەلایەن لایەنەكانی ترەوە”.

جیهان

بەوێنە..نمایشی سەربازی دەریایی سوپای ئێران

خەڵك-بەشی هەواڵ

كۆماری ئیسلامی ئێران نمایشێكی هێزە دەریاییەكانی لە دەریای عەمان ساز كرد.

ئاژانسی میهری ئێرانی بڵاویكردەوە، نمایشە سەربازییەكەی كۆماری ئیسلامی ئێران لەلایەن هێزی سەربازی دەریایی سوپای ئێران لەژێر ناوی “ویلایەتی ۹۷” و بە دروشمی “یا زەهرا” دوێنێ هەینی لە دەریای عەمان دەتی پێكرد.

ئەمەش لەكاتێكدایە، ئەمریكا بەردەوام هەڕەشە لەو وڵاتە دەكات و بەپێی زانیارییەكانیش تا ئێستا دوو جار ئەمریكا لە هەوڵەكانی بۆ دروستكردنی هاوپەیمانی عەرەبی دژی ئێران یاخود ناتۆی عەربی شكستی هێناوە.

 

بەردەوام بە لە خوێندنەوە

جیهان

هەدەپە، كاندیدی خۆی بۆ سەرۆكی پارلەمانی توركیا دیاریكرد

خەڵك – بەشی هەواڵ

پارتیی دیموكراتیی گەلان (هەدەپە)، پەرلەمانتارێكی شاری ئیزمیری وەك كاندیدی هەدەپە بۆ سەرۆكی پەرلەمانی توركیا دەستنیشان كرد.

سەرپیل كەمالبای ، وەك كاندیدی پارتی دیموكارتیی گەلان بۆ پۆستی سەرۆكی پەرلەمانی توركیا دیاریكرا و لە لایەن شاندێك بە سەرۆكایەتیی سەرۆكی فراكسیۆنی هەدەپە فاتمە كورتولان، ناوەكەی بەفەرمی پێشكەشی سەرۆكایەتیی پەرلەمان كراوە.

بڕیارە ڕۆژی 24ی شوباتی 2019 هەڵبژاردنی سەرۆكی پەرلەمانی توركیا لەنێو پەرلەمان بەڕێوە بچێت.

بەردەوام بە لە خوێندنەوە

جیهان

باغۆز: سڤیلەكان دوایین ناوچەكانی بندەستی داعش چۆڵ دەكەن

خەڵك- بەشی هەواڵ

ئەمڕۆ هەینی هاووڵاتیانی سڤیل لە نێو ژمارەیەكبارهەڵگردا بینراون كە ئەگەری هەیە، ناوچەكانی بن دەستی داعش چۆڵ بكەن.

ئاژانسی ڕۆیتەرز بڵاویكردەوە، لە ناوچەی باغۆز لە سنووری سووریا و عیراق ژمارەیەكی زۆر بارهەڵگر  بینراون كە هاووڵاتیانی سڤیلیان تێدا بووە لە ناوچەكانی بن دەستی داعش لە ڕۆژهەڵاتی سووریا.

بەڵام بە تەواوەتی ڕوون نەبووەتەوە كە ئایا ئەو بارهەڵگرانە ئەو سڤیلانە دەگوازنەوە كە لە ناوچەكانی بن دەستی داعشدا گیریانخواردووە و هێزەكانی سووریای دیموكرات بە پشتیوانی ئەمریكا دەیانهەوێت كۆنتڕۆڵی بكەن یان نا.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان