ئێمە لە تۆرە کۆمەڵایەتیەکان

جیهان

عەلی خامنەیی: نوێژكردنی بە كۆمەڵی فێرخوازانە گەرەنتی سەركەوتنی كۆمەڵگایە

خەڵك- بەشی هەواڵ

عەلی خامنەی، رابەری باڵای شۆڕشی ئیسلامی ئێران رایگەیاند، نوێژكردنی بە كۆمەڵی گەنجان و لاوان لە ناوەندە فێركارییەكان و قۆتابخانەكاندا گەورەترین گەرەنتی سەركەوتن و مانەوەی كۆمەڵگایە.

لە نامەیەكدا كە خامنەیی بۆ كۆنگرەی گشتی نوێژخوێنانی ئێرانی ناردووە، باسی لەوەكردووە، كۆمەڵگەی ئیسلامی لەبەردەم هەڕەشەی جیدایە، بەڵام نوێژخوێنان گەرەنتی پاراستنی كۆمەڵگان.

خامنەیی دڵخۆشی خۆی دەبڕیووە كە گەنجان لە قوتابخانەكاندا بە كۆمەڵ نوێژ دەكەن و ئەركە ئاینییەكانیان جێبەجێ‌ دەكەن.

جیهان

پوتن هەڕەشە لە ئەمریكا دەكات
ناتۆ وەڵامدەداتەوە

خەڵك – بەشی هەواڵ

سەرۆكی ڕوسیا هەڕەشەی هێرشكردنە سەر ئەمریكا دەكات و ڕایدەگەیەنێت: چەكی نوێ دروستدەكەین كە توانای هەیە ئەو سەنتەرانە بكاتە ئامانج بڕیاردەرانی ئەمریكای تێدان. هاوكات، پەیمانی باكوری ئەتڵەسی (ناتۆ) دەڵێت: هەڕەشەكانی پوتن قبوڵ ناكەین.
ڤلادیمیر پوتن سەرۆكی ڕوسیا لە وتاری ساڵانەیدا لە پەرلەمانی وڵاتەكەی، ڕایگەیاند، ڕوسیا حەزی بە ڕووبەڕووبوونەوەی ئەمریكا نییە و نابێتە یەكەم لایەنیش كە مووشەك بڵاوبكاتەوە.
سەرۆكی ڕوسیا وتیشی:” ئەگەر ئەمریكا مووشەك لە وڵاتانی نزیك ڕوسیا بڵاوبكاتەوە، مۆسكۆ ئامادەیە هێرشبكاتە سەر خودی ئەمریكا نەك تەنیا ئەو شوێنانەی ئەمریكای لێیە”.
پوتن ئاماژەی بەوەشدا:”چەكی نوێ دروستدەكەن كە توانای هەیە ئەو سەنتەرانە بكاتە ئامانج كە سیاسیی و لێپرسراوانی ئەمریكا بڕیاری تێدا دەدەن”.
دوابەدوای لێدوانەكەی سەرۆكی ڕوسیا، پێرس كازالێت وتەبێژی پەیمانی باكوری ئەتڵەسی (ناتۆ) ڕایگەیاند: هەڕەشەكانی ڤلادیمیر پوتن قبوڵ ناكەن و بە تەواوەتی ڕەتیدەكەنەوە.
جێی ئاماژەیە، لە سەرەتای ئەم مانگەدا ئەمریكا ڕایگەیاند، لە ڕێككەوتنی هێزەكانی ئەتۆمی مامناوەند دەكشێتەوە و دۆناڵد ترەمپ هۆكاری كشانەوەی لە ڕێككەوتنەكەى خستە ئەستۆی ڕوسیا.
بەپێی ڕێككەوتنی هێزەكانی ئەتۆمی مامناوەند، ئەو مووشەكە ئەتۆمییانە قەدەغەكراون كە توانای ڕۆیشتنی 310 بۆ 400 میلیان هەیە.

بەردەوام بە لە خوێندنەوە

جیهان

تەقینەوەیەك لە ئەنقەرە ڕوویدا

خەڵك – بەشی هەواڵ

لە فەرماندەیی تۆپخانە و مووشەكیی ئەنقەرەی پایتەختی توركیا تەقینەوەیەك ڕوویدا.
وەزارەتی بەرگری توركیا ڕایگەیاند، بەهۆی ڕووداوێك لە كاتی مەشق و ڕاهێنانی چەكی قورسدا لە فەرماندەیی تۆپخانە و مووشەكی پۆڵاتڵی، پێنج سەرباز برینداربوون و لێكۆڵینەوە لەبارەی ڕووداوەكەوە دەستپێكراوە.
ماڵپەڕی وەزارەتی بەرگریی توركیا لەبارەی تەقینەوەكەی فەرماندەیی تۆپخانە و مووشەكی پۆڵاتڵییەوە ڕاگەیەندراوێكی بڵاوكردەوە و تێیدا هاتووە، بەهۆی ڕووداوێك لە كاتی مەشق و ڕاهێنانی چەكی قورسدا لە فەرماندەیی تۆپخانە و مووشەك، بە داخەوە پێنج سەرباز بریندار بوون.
ئاماژە بەوەشدراوە، بریندارانی ڕووداوەكە گەیەندراونەتە نەخۆشخانە و لێكۆڵینەوە لە ڕووداوەكەش بەردەوامە.

بەردەوام بە لە خوێندنەوە

جیهان

داعش داوایەكی لە (هەسەدە) كردووە

خەڵك- بەشی هخەواڵ
چەكدارانی ڕێكخراوی داعش لە سوریا، داوایان لە هێزەكانی سوریای دیموكرات (هەسەدە) كردووە ڕێڕەوێكیان بۆ بكەنەوە تا بگەنە سنورەكانی عیراق.

بەپێی سەرچاوە ئاگادارەكان، هێزەكانی سوریای دیموكرات، ئەمڕۆ چوار شەممە، توانیان ناوچەی باغوز ڕزگار بكەن، كە بە دوایین مۆڵگەی داعش لە پارێزگای دێرئەلزور لە سوریا دادەنرێت، شەڕ و پێكدادانەكانیش لە ناوچەكەدا بۆ ماوەی سێ‌ ڕۆژە ڕاوەستاون.

هەر بە وتەی ئەو سەرچاوانە، “چەكدارانی داعش داوایان لە هێزەكانی سوریای دیموكرات كردووە، ڕێڕەوێكیان بۆ بكەنەوە تا بگەنە سنورەكانی عیراق یان ئیدلیب، بەڵام ئەو هێزانە، كە نزیكەی 10 هەزار چەكدار و خێزانەكانیانی گەمارۆداوە لە خۆرهەڵاتی سوریا، ئەو داوایەیان ڕەتكردۆتەوە”.

سەرچاوەكان دەڵێن: “داعش مەدەنییەكان وەك قەڵغانی مرۆیی بەكاردەهێنێت تا پێشڕەوییەكانی هێزەكانی سوریای دیموكرات ڕابگرێت، كە ماوەیەكە بە هەماهەنگی هاوپەیمانی نێودەوڵەتی هەڵمەتە سەربازییەكانی بۆ سەر پاشماوەی چەكدارانی ڕێكخراوەكە دەستپێكردووە”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان