ئێمە لە تۆرە کۆمەڵایەتیەکان

کوردستان

مەکتەبی سیاسیی یەکێتی ڕاگەیەنراوێکی بڵاوکردەوە

خەڵک-بەشی ھەواڵ

بەھۆی کۆچی دوایی عەبدولرەزاق فەیلی، یەکێک لە ئەندامانی دەستەی دامەزراندنی یەکێتی، مەکتەبی سیاسیی ئەو حزبە ڕاگەیەنراوێکی بڵاو کردەوە.

ئەمشەو بەھۆی نەخۆشی و لە نەخۆشخانەی فاروق لە شاری سلێمانی، پێنجەمین ئەندامی دەستەی دامەزراندنی یەکێتی کۆچی دوایی کرد.

دەقی راگەیەنراوەکە:

بەداخ و پەژارەیەكی زۆرەوە هەواڵی كۆچی دوایی سەركردەو و دامەزرێنەرێكی یەكێتیی نیشتمانی كوردستان عەبدولرەزاق فەیلی رادەگەینین، گەلی ئازادی خوازی كوردستان
كەسوكاری شەهیدان
هاوسەنگەرانی سەرۆك مام جەلال
ئەی فەیلییە مەینەت بارەكان
هەڤاڵانی یەكێتیی

مەكتەبی سیاسی ی.ن.ك بە داخ و پەژارەیەكی قوڵەوە، بە خەم و كەسەرێكی ناخ هەژێنەوە هەواڵی كۆچی دوایی عەبدولرەزاق فەیلی یەكێكی تر لە دامەزرێنەرانی یەكێتیی، دوای كەمتر لە مانگێك لە كۆچی دوایی كاك عادل موراد فەیلی دامەزرێنەرێكی تری یەكێتی كاكە رەزاقیش بەرەو جیهانی سەروەریی كوردستان و هەڤاڵ و هاوسەنگەرانی و گەلەكەی دڵە هەمیشە پڕ لە ئومێدەكەی لە لێدان كەوت، جەماوەری دڵسۆزی یەكێتی.

عەبدولرەزاق فەیلی لە ناو چەوساندنەوەی نەتەوایەتی و سیاسەتی ستەمكاری بەرامبەر فەیلییەكان و پەروەردەی كۆڵنەدان بوو، لە شەستەكانەوە وەكو لاوێكی شۆڕشگێڕ ئەركی تێكۆشانی هەڵگرتووە و زیاتر لە نیو سەدە بۆ یەك رۆژیش پشووی نەداوە، و هەردەم لە سەنگەری رزگاری و دیموكراسی و عەدالەت خوازیدا بووە.

لە دامەزراندنی كۆمەڵەی رەنجدەرانی كوردستانەوە لەسەر دەستی شەهید شەهاب و بە هاورێیەتی شەهید ئارام و رابەرایەتی مام جەلال رێبازی چەپی دیموكراسی گرتۆتەبەر، لەدوای خیانەتنامەی 6 ی جەزائیریشەوە دەستبەجێ‌ خۆی دەگەیەنێتە سوریا و شانبەشانی سەرۆك مام جەلال دەبێتە یەكێك لە وەفادارترین تێكۆشەرانی یەكێتی، لەبواری رێكخستن، راگەیاندن و دیبلۆماسی چالاكی جەماوەری و هەڵمەتەكان دژی فاشییەكان پشووی نەداوە ، كاك رەزاق كەسایەتییەكی هێمن، پاك، بێباك، فیداكار، راستگۆ، دڵسۆز بۆ راێبازەكەی و رابەرەكەی و هاورێكانی بووە، دژی هەڵپەهەڵپ و هەڵپەرستی و خۆپەرستی هەمیشە یەكێتی ناو یەكێتی یەكڕیزی كوردایەتی و هاوهەڵوێستی دیموكراتی خوازان، ئامانجی دوور و نزیكی بووە .

بەداخەوە ئەو تێكۆشەرە دێرین و سەنگین و پڕاو پڕ لە ئومێدە، ماوەیەك بوو دووچاری نەخۆشی ببوو، سەرەنجام هەر بەهۆی نەخۆشییەوە چاوی دوور لە كینەو چرای پڕ رووناكی ژیانی لێكنا و كوردستان ئاوایی لە كورد و كوردستان و هاوسەنگەرەكانی كرد.

مەكتەبی سیاسی یەكێتی لە كاتێكدا هەواڵی ئەم كۆسپە جەرگبڕە بە گەلەكەمان رادەگەیەنێت لە هەمان كاتدا پەیمان دووپاتدەكاتەوە كەوا یەكێتییەكەی مام جەلال و عەبدولرەزاق، وەكو فێرگەی رەوشتی بەرزی كوردایەتی و حزبایەتی و هاوڕێیایەتی، لە ویژدانماندا بە نەمری دەمێننەوە.

سڵاو لە پاكی و بێباكی كاك رەزاق فەیلی
هەزاران رەحمەت لە ئارامگاكەی.
مەكتەبی سیاسی ی.ن.ك
٢٠١٧/٦/١٣

کوردستان

میدیای فەرمی ئێران گفتوگۆی بەرپرسێكی ئێران و بەرهەم ساڵحی ئاشكرا كرد

خەڵك- بەشی هەواڵ

بەرپرسێكی كۆماری ئیسلامی ئێران بە تەلەفۆن قسەی لەگەڵ سەرۆك كۆماری عێراق كردوە و باسیان لە پەیوەندی و هەماهەنگی نێوان هەرێمی كوردستان و عێراق لەگەڵ ئێران كردوە.

ئاژانسی هەواڵی”ئێرنا“ی فەرمی ئێران ئاشكرای كرد، بەهمەن مورادنیان، پارێزگاری كوردستان”سنە” لە سەردانەكەیدا بۆ سلێمانی بە تەلەفۆن قسەی لەگەڵ بەرهەم ساڵح سەرۆك كۆماری عێراق كردوە و لەسەر هەماهەنگی نێوان عێراق و هەرێم و ئێران گفتوگۆیان كردوە.

بەپێی زانیارییەكانی ئاژانسەكە بەرهەم ساڵح پشتیوانی بۆ رێكەوتنی هاوكاری بازرگانی و رۆشنبیری نێوان سلێمانی و سنە دەربڕیوە و وتویەتی هاوكاری بەهێزكردنی پەیوەندییەكانی لەگەڵ ئێران دەكات.

سەرەتای هەفتەی رابردوو وەفدێكی ئێران بە سەرۆكایەتی پارێزگاری كوردستان سەردانی سلێمانیان كرد و دوو رۆژ مانەوە و رێكەوتنێكیان لەگەڵ پارێزگاری سلێمانیدا ئیمزاكرد لەسەر ئاسانكاری بۆ ئاڵۆگۆڕی بازرگانی و هاوكاری كردنی زیاتری یەكتر.

بەردەوام بە لە خوێندنەوە

کوردستان

توركیا لە ترسی پێكهێنانی دەوڵەتی رۆژئاوای كوردستان لەشكركێشی دەكات

خەڵك- بەشی هەواڵ

ئاژانسی ئەنادۆڵۆی فەڕمی توركیا لە راپۆرتێكدا بەپشت بەستن بە چەند سەرچاوەی زانیاری و لێدوانی گەورە كاربەدەستانی ئەمریكا باس لە بەردەوامی هەوڵەكان بۆ پێكهێنانی دەوڵەت لە رۆژئاوای كوردستان دەكات.

ئاژانسەكە لەراپۆرتەكەیدا بڵاویكردەوە، سەرۆكایەتی ئەركانی سوپای ئەمریكا رایگەیاندووە راهێنانی لە سەدا ٢٠ی ئەو هێزە ٣٥-٤٠ هەزار كەسیەی تەواو كردووە كە بە پێویستیان دەزانێت لە ناوچانەی یەپەگە/پەكەكە دا، وەزارەتی بەرگری ئەمریكاش پێشتر رایگەیاندبوو كە پاسەوانانی سنوور لە ئەندامانی یەپەگە/پەكەكە دادەمەزرێنێت.

ئاماژەی بەوەشكردووە، وەك دوا كار ئیدارەی ئەمریكا رایگەیاندبوو بە دروستكردنی خاڵەكانی چاودێری لە رۆژهەڵاتی فوڕات ئامانجیان ئەوەیە یەپەگە/پەكەكە لە دەستدرێژییەكانی توركیا بپارێزێت.

هەروەها ئاژانسەكە لەزاری سەرچاوە ئەمنییە توركییەكانەوە ئەوەشی ئاشكراكردووە، ئامانجی ئەمریكا لە دروستكردنی خاڵەكانی چاودێری بۆ پاراستنی رۆژئاوای كوردستانە لە توركیا و لە ماوەی مامناوەنددا ئەمریكا دەیەوێت یەپەگە/پەكەكە بەناوی هێزە ناوخۆییە ئەمنییەكان بەشێوەیەكی رێكخراو بكاتە سوپا و بەردەوامی به مانەوەی یەكجارەكیان بدات لە ناوچەكە.

ئاژانسەكەی توركیا ئاشكراشیكردووە، هەوڵەكانی پەكەكە و یەپەگە بۆ دروستكردنی دەوڵەت بەردەوامە و كۆنترۆڵی دەوڵەمەندترین سەرچاوەكانی وزە، ناوچە كشتوكاڵییەكان و سەرچاوەكانی ئاوی كردووە و بە ھەزاران چەكداریش ئاستی ھەڕەشەكردنی بەرزكردووەتەوە بۆ سەر توركیا.

بەردەوام بە لە خوێندنەوە

کوردستان

حكومەتی هەرێم بەفەرمی دوو رۆژ پشووی راگەیاند

خەڵك- بەشی هەواڵ

حكومەتی هەرێمی كوردستان هەرێمی كوردستان دوو رۆژ پشووی راگەیاند بە بۆنەی دوو بۆنەوە.

نەبەز ئیسماعیل، وتەبێژی وەزارەتی ئەوقاف و كاروباری ئاینی حكومەتی هەرێمی كوردستان رایگەیاند، رۆژی سێ‌ شەممە 25ی 12ی 2018، بەهۆی ساڵیادی لەدایكبونی حەزرەتی مەسیحەوە پشووی فەرمییەوە و ساڵانی پێشوویش هەر پشوو بوە.

وتیشی”بەپێی خشتەی ساڵانەیش سەری ساڵیش پشووی فەرمییە، وەك ساڵانی پێشوو”.

بەپێی خشتەی ساڵانە رۆژی سێ‌ شەممە 1ی كانوونی دووەمی ساڵی داهاتووش پشووی فەرمییە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 84%, 32
    32 84%
    32 - 84% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین