ئێمە لە تۆرە کۆمەڵایەتیەکان

عێراق

یەكگرتوو لە بەشێكی دەنگەكانی خۆش دەبێت
موسنا ئەمین: هەڵبژاردن پێویستی بە دووبارە كردنەوەی نیە

خەڵك – بەشی هەواڵ
سەرۆكی فراكسۆنی یەكگرتوو لە ئەنجومەنی نوێنەرانی عیراق ڕایدەگەیەنێت، دووبارە كردنەوەی هەڵبژاردن پرسێكی ئاسان نیە و زۆرێك لەوانەی براوە بوون خاوەن هێزی چەكداران و عیراقیش دۆخی ئەمنی باش نیە، دەشڵێت: “ئێمە ڕزاین بە دەنگەكان، كە بەدەست هەژمار دەكرێتەوە، ئەگەر لانی كەم 70% ی دەنگەكانمان بۆ بگەڕێتەوە لەوەی دیكە خۆش دەبین”.

موسەننا ئەمین، سەرۆكی فراكسۆنی یەكگرتوو لە ئەنجومەنی نوێنەرانی عیراق بە (خەڵك)ی ڕاگەیاند، هەڵبژاردن پێویستی بە دووبارە كردنەوەی نیە، ئەگەر بە پاك و بە نەزاهەتەوە ئەم پڕۆسەی جیاكردنەوەی دەنگدانە ئەنجام بدرێت ڕاستیەكان دەرئەكەون و حەقی دەنگدەر دەگەڕێتەوە.

وتیشی، “دوبارەكردنەوەی هەڵبژاردن لە عیراق پرسێكی ئاسان نابێت، چونكە ئەو هێزانەی ئێستا زۆرینەی كورسیەكانیان بەدەستهێناوە، خاوەن هێزی چەكدارن و دۆخی ئێستای عیراقیش زۆر ئارام نیە لە ڕووی ئەمینەوە، چونكە بە سەربازگە كراوە و تەقینەوەكانی ناوچەی سەدر و كەركوك و سوتانی كۆگاكانی شاهیدی ئەوەن، كە دۆخەكە خراپ و لەدەست دەچێت”.

ڕاشیگەیاند، خەڵكانێكی زۆر هەیە دەیەوێت گەمە بە چارەنوسی عیراق بكات و ئامادەیە بۆ تێكدان، بۆیە مادام ئەو یاسایە دەركراوە و بە پاكی و نەزاهەوە دەنگەكان بژمێرێتەوە، ئێمە ڕازین دەنگەكان چۆنن وەك خۆیان پابەندی ئەنجامەكانی دەبین، ئەگەر لانی كەم 70%ی دەنگەكانیشمان بۆ بگەڕێتەوە لە وەی دیكە خۆش دەبین.

ئاشكراشی كرد، ئێمە تیمی پسپۆری ئەلكترۆنیمان هەیە بەردەوام خەریكن، بە دەیان هەزار دەنگی تەزویریان ئاشكراكراوە، بۆیە بەس ئەو دەنگانە لادرێن ئیتر هیچ شتێك نامێنێتەوە بۆ قبوڵ كردنی ئەنجامەكان.

ئەمە لەكاتێكدایە، ئەمڕۆ هەژمار كردنەوەی دەستی دەنگەكانی هەڵبژاردنی 12ی ئایاری ڕابردوو دەستی پێكردووە و بڕیارە تا 10 ڕۆژ بەردەوام بێت.

عێراق

سەرۆک کۆماری عیراق کۆتایی بە یەکەمین گەشتی دەرەکیی ھێنا

خەڵک

پاش ئەنجامدانی یەکەمین سەردانیی ڕەسمیی خۆی بۆ دەرەوەی وڵات، ئێوارەی ئەمڕۆ دووشەممە بەرھەم ساڵح سەرۆک کۆماری عیراق گەیشتەوە شاری بەغداد.

ئێوارەی ئەمڕۆ دو,شەممە ٢٠١٨/١١/١٢، د. بەرهەم ساڵح سەرۆک کۆماری عیراق دوای کۆتایی هاتنی سەردانە فه‌رمییه‌كه‌ی بۆ هەر یەک لە وڵاتانی کوەیت و میرنشینی یەکگرتووی عەرەبی، گەیشتەوە بەغدادی پایتەخت، وەک ئەوەی لە ڕاگەیەنراوی نوسینگەی تایبەتی سەرۆک کۆماردا ھاتووە.

ڕاگەیەنراوەکە ئاماژە بەوەش دەکات: سه‌رۆك كۆمار له‌ سه‌ردانه‌كه‌یدا زنجیرە کۆبوونەوە و دیدارێکی لەگەڵ گەورە لێپرسراوانی هەردوو وڵاتی کەنداودا ئه‌نجام داوە و کۆبوونەوەکانی بەرهەمی باشیان هەبووە، کە جێ بایەخ و گرنگن بۆ پەیوەندییە دوو قۆڵییەکان و بەرژەوەندییە هاوبەشەکان لەگەڵ ئەو وڵاتانەدا، هاوکات سەردانەکەی سەرۆک کۆمار خواست و نیازەکانی عێراقی خستەڕوو بۆ پتەوکردنی پەیوەندییەکانی لەگەڵ وڵاتانی دراوسێی دەوروبەری، بەتایبەت وڵاتانی عەرەبی.

بەردەوام بە لە خوێندنەوە

عێراق

١٢ رۆژە قەزای حەویجە کارەبای نییە

خەڵک-

بەھۆی تەقاندنەوەی تاوەرێکی کارەبا و بە ئامانجگرتنی تیمی سیانەکردنی تاوەرەکان لە لایەن گروپە چەکدارییەکانی ناوچەکە، ماوەی ١٢ رۆژە تەواوی قەزای حەویجە و گوندەکانی دەروبەری بێ کارەبان.

لە کۆتایی مانگی ڕابردوو تاوەرێکی گواستنەوەی وزەی کارەبا لە نزیک گوندی (ئەلسیحە) تەقێنرایەوە، دواتر تیمی سیانەکردنی تاوەرەکان چوونەتە شوێنەکە و بۆمبێکی چێنراویان پێدا تەقیوەتەوە، بەھۆی ئەو ڕووداوەش کارمەندێکی تیمەکە گیانی سپاردووە.

لەپاش ڕووداوەکەش کارمەندانی کارەبای کەرکوک ڕەتیدەکەنەوە بچنە ئەو ناوچەیە بۆ چاککردنەوەی ئەو تاوەرە، کە بەھۆیەوە ماوەی ١٢ رۆژە وزەی کارەبا لە تەواوی قەزای حەویجە و دەوروبەری بڕاوە و بەھۆیەوە خزمەتگوزارییە سەرەتاییەکانی وەک نەخۆشخانەکان و سەرچاوەکانی دابەشکردنی ئاو لەکار کەوتوون.

لە ماوەی کەمتر لە ساڵێکدا ٣٦ جار تاوه‌ره‌كانی‌ گواستنه‌وه‌ی‌ كاره‌با بۆ‌ سنوری‌ قه‌زای‌ حه‌ویجه،‌ ته‌قێنراونه‌ته‌وه‌، ڕووداوەکانی تەقاندنەوەی تاوەرەکان لە حاڵەتەوە بۆتە دیاردە و بەرپرسانی ئەو قەزایەش ڕەزامەندیی وەزارەتی ناوخۆیان وەرگرتووە بۆ پێکھێنانی ھێزێکی تایبەت بە پاراستنی تاوەرەکانی گواستنەوەی کارەبا و لە ئایندەیەکی نزیکیشدا ئەو ھێزە پێکدەھێنرێت.

قەزای حەویجە (ھەڵکەوتوو لە ٥٥ کیلۆمەتری باشوری رۆژئاوای شاری کەرکوک) لە حوزەیرانی ٢٠١٤ کەوتە دەست چەکدارانی داعش و لە ئۆکتۆبەری ٢٠١٧ لە لایەن ھێزە ئەمنییەکانی عیراقەوە کۆنترۆڵ کرایەوە.

ئەو قەزایە کە زۆرینەی دانیشتووانەکەی عەرەبی سوننە مەزھەبن، لە ساڵی ٢٠٠٥ ــەوە بە دۆخێکی سەختی ئەمنیدا دەڕوات و تا ئێستاش نەتوانراوە چارەسەر بکرێت، لە ئێستاشدا چالاکیی چەکداریی لە ناوچەکە دژ بە ھێزە ئەمنییەکانی عیراق درێژەی ھەیە.

بەردەوام بە لە خوێندنەوە

عێراق

شوێنی خۆحەشاردانی ئەبوبەكر بەغدادی ئاشكراكرا

خەڵك- بەشی هەواڵ

دەزگای هەواڵگری عیراق، شوێنی ئەبوبەكر بەغدادی، سەكردەی ڕێكخراوی داعش ئاشكرا دەكات.

ئەمڕۆ دوو شەممە، سەرچاوەیەكی باڵا لە دەزگای هەواڵگری عیراق بە ئاژانسی دەنگوباسی عیراقی (واع)ی ڕاگەیاندووە، زانیاری وردیان پێگەیشتووە لەبارەی شوێنی ئەبوبەكر بەغدادی، سەركردەی ریَِكخراوی داعش، كە لە ناوچەی (هەجین)ی سوریایە.

بە وتەی ئەو سەرچاوەیە، “فڕۆكەكانی هاوپەیمانی نێودەوڵەتی دوو ڕۆژ لەمەوبەر 11 هێرشی ئاسمانیان كردە سەر مۆڵگەكانی ڕێكخراوەكە لە هەجین، كە گومان كراوە سەركردەی ڕێكخراوی داعش لەو شوێنانەدا بوبێت، كە بۆردومان كراون”، پێشبینیشی كردووە لەماوەی ئەم چەند ڕۆژەدا هێرشێكی گەورە بكرێتە سەر هەجین.

پێشتر هێزە عیراقییەكان ڕایانگەیاندبوو، هەوڵێكی دزەكردنی چەكدارانی داعشیان لە خاكی سوریاوە بەرەو سنورەكانی عیراق پوچەڵكردەوە، كە لە ژمارەیەك چەكداری ڕێكخراوەكە پێكهاتبوون و دەیانویست لە شارۆچكەی ئەلبوكەمالی سوریاوە بێنە شارۆچكەی قائیمی عیراقی، بەڵام هێزە عیراقییەكان و هێزەكانی حەشدی شەعبی، ئەو دزەكردنەیان پوچەڵكردەوە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین