ئێمە لە تۆرە کۆمەڵایەتیەکان

ئابوری

“بودجە و مووچەی هەرێم كەم دەكات”
دوایین دەستنوسی سەرۆك وەزیران لەسەر بودجە بڵاوكرایەوە

خەڵ:- بەشی هەواڵ
ئەندامێكی كوردی لیژنەی دارایی لە پەرلەمانی عیراق دوایین دەستنووسی سەرۆك وەزیران لەسەر پڕۆژە یاسای بودجەی 2019ی فیدڕاڵی بڵاودەكاتەوە و ڕایدەگەیەنێت، پشكی هەرێم لەو بڕەی، كە دانراوە ۹.۳ كەم دەكات و دەشڵێت: “دەبێت ڕێگاكانی زیادكردنی پشكی هەرێم ئەو پلانە بێت، كە لەگەڵ وەزیری داراییدا تاوتوێمان كرد” .

ئەحمەدی حاجی ڕەشید، ئەندامی پەرلەمانی عیراق لە فراكسیۆنی كۆمەڵ و ئەندامی لیژنەی دارایی لە نووسینێكدا لە هەژماری خۆی لە فەیسبووك بەناوی “بوجەی گشتی بەكوێ گەشت؟” دەڵێت: “ئەم بەڵگەنامە دەست نوسە، كە بە خەتی سور لەسەری نوسراوە لەلایەن سەرۆك وەزیرانی عێراقەوە كۆتا موناقەشەی پڕۆژە یاسای بوجەی گشتیە، كە سەرۆكی ئەنجومەنی وەزیران ئەم پێشنیارانەی كردوە”.

سەبارەت بە پێشنیارەكانی عادل عەبدولمەهدی، سەرۆك وەزیران، ئەو پەرلەمانتارە كوردە بە چەند خاڵێك ڕوونی كردۆتەوە و دەڵێت: “دوو نرخ هەبێت بۆ نەوت فڕۆشتن، نرخێكی نەگۆڕ بۆ بوجەی بەكاربەر و نرخێكی گۆڕاو بۆ بوجەی وەبەرهێنان، كە ئەو نرخەی نەگۆرە (٥٠) $ بێت بۆ هەر بەرمیلێك نەوت”.

ڕاشیگەیاندووە، بڕی داهاتی نەوت لە ۹۷.۷ ترلیۆنەوە دەبیت بە ۷٠.۸ ترلیۆن دینار ئەگەر بڕی ۱۱.۸ داهاتی جگە نەوتی بەدەست بێت ئەوا بری داهاتی گشتی دەبیتە ۸۲.٦ ترلیۆن و بری ۱۲ ترلیۆن كورتهینانی بۆ زیاد بكرێت، بەوجۆرە سەرجەم خەرجیە تەرخانكراوەكان دەبێت بە نزیكەی ۹٥ ترلیۆن دینار، ئەگەر ئەم بڕە لە خەرجیە گشیەكانی نوسخەی پیشوو تەرخانكراوە، كە ۱۳۲ ترلیۆن دینارە دەربكەین ئەوا دەبێت ۳۷ ترلیۆن دینار لە خەرجیە گشتیەكان كەم بكرێنەوە.

ئەحمەدی حاجی ڕەشید دەڵێت: “بڕی كورتهێنان لە ۲٦.۷ ترلیۆنەوە كەم دەكریتەوە بۆ ۱۲_۱٥ ترلیۆن، واتە گۆڕانكانی لە تەواوی وەزارەت و بەشەكاندا دەبیِت ڕووبدات”.

ئاشكراشی كردووە، بۆیە پشكی هەرێمیش لەو بڕەی، كە دانراوە ۹.۳ كەمدەكات، بۆیە دەبێت ڕێگاكانی زیادكردنی پشكی هەرێم ئەو پلانە بێت، كە لەگەڵ وەزیری داراییدا تاوتوێمان كرد .

ئابوری

نرخی زێڕ و دراوەکان

خەڵک – بەشی هەواڵ

 

نرخی زێڕ و دراوەکان بۆ ئەمڕۆ شەممە لەبازاڕەکانی هەرێمی کوردستان بەم جۆرەى خوارەوەیە:

 

نرخی 100 دۆلاری ئەمریكی بەرامبەر 123هەزار و 200 دینارە.

نرخی 100 یۆرۆ بەرامبەر 144 هەزار دینارە.

نرخی 100 پاوەن بەرامبەر 156 هەزار دینارە.

نرخی 100 هەزار تمەن بەرامبەر ٥ هەزار و 750 دینارە.

نرخی 100 لیرەی توركی بەرامبەر 16 هەزار و 500 دینارە.

 

نرخی مسقاڵێک زێڕی عەیارە 18 بەرامبەر 289 هەزار دینارە.

نرخی مسقاڵێک زێڕی عەیارە 21 بەرامبەر 346 هەزار دینارە.

نرخی مسقاڵێک زێڕی عەیارە 24 بەرامبەر 385 هەزار دینارە.

بەردەوام بە لە خوێندنەوە

ئابوری

باندێکی ساختەکاری پارە دەستگیرکرا

 

خەڵک – بەشی هەواڵ

باندێکی ساختەکاری پارە لەڕەواندوز دەستگیرکران، کە لەدەرەوە هاتبوو و دەیانویست پارەى ساختە لەناو بازاڕەکانی هەرێمی کوردستان سافبکەنەوە.

 

حاتم زوبێر بەڕێوەبەری ئاسایشی ڕەواندوز لەکۆنفڕانسێکی ڕۆژنامەوانیدا ڕایگەیاند، باندێکی سێ کەسییان دەستگیرکرد، کە پارەی ساختەیان پێبووە و ویستوویانە ساغیبکەنەوە.

 

ئاماژەى بەئەوەشدا، ئەو پارە ساختانە بەشێوەیەکی زۆر ورد دروستکرابوو، کە زەحمەتبوو پارەکە بناسرێنەوە، بەڵام لەکاتی مامەڵەکردنیان بەپارەکەوە هەستیان پێکراوە، بۆ نمونە بۆ شەربەتێک ١٠٠ دۆلاریان بەشەربەت فرۆشکەداوە.

 

ئەوەشی خستەڕوو، شەو و ڕۆژ لەخزمەتى هاوڵاتییاندان و داوا لەهاوڵاتییانیش دەکات هەر شتێکی گوماناوییان بینی ئاگاداریان بکەنەوە.

 

بەردەوام بە لە خوێندنەوە

ئابوری

نرخی نەوت لە بازاڕەكانی جیهان بەرز بووەوە

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ شەممە، 19ی ئەیلولی 2020، بەشێوەیەك بووە كە نرخی‌ نەوتی برێنت بە 43 دۆلار و 9 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 40 دۆلارو 97 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

کوردستان