ئێمە لە تۆرە کۆمەڵایەتیەکان

جیهانی

(به‌وێنه‌) پزیشکی هه‌ڵبژارده‌ی میسڕ به‌م شێوه‌یه‌ تێستی شانه‌ پێکراوه‌ سه‌ڵاح ده‌کات

خه‌ڵک سپۆرت

ئه‌مڕۆ ماڵپه‌ڕی “ده‌یلی مه‌یڵ” چه‌ند وێنه‌یه‌کی مه‌شقه‌کانی هه‌ڵبژارده‌ی میسڕی بڵاوکرده‌وه‌، تیایدا ده‌رده‌که‌وێت پزیشکی هه‌ڵبژارده‌که‌ تاقیکردنه‌وه‌ به‌ شانه‌ پێکراوه‌که‌ی موحه‌مه‌د سه‌لاحی میسڕی ده‌کات.

وه‌ک له‌ وێنه‌کاندا ده‌رده‌که‌وێت، چه‌ند مه‌شقێکی تایبه‌تی پێده‌کات تا بزانێت له‌ڕووی ئازار و چۆنیه‌تی جموجۆڵی ماسولکه‌ و ئێسکه‌کانی شانیه‌وه‌ کاردانه‌وه‌ی چۆنه‌، ئه‌وه‌ش ده‌یسه‌لمێنێت که‌ هێشتا یاریزانه‌ ناوداره‌که‌ی لیڤه‌رپوڵ نه‌گه‌ڕاوه‌ته‌وه‌ سه‌ر مه‌شقه‌ ئاساییه‌کانی هه‌ڵبژارده‌ی میسڕ له‌ “ئه‌حمه‌د ئارینا”.

له‌م باره‌یه‌وه‌ “میدۆ”ی ئه‌ستێره‌ی پێشوی هه‌ڵبژارده‌ی به‌چکه‌ فیرعه‌ونه‌کان ڕایگه‌یاندووه‌، تا یاریی ده‌ستپێک به‌رامبه‌ر ئۆرۆگوای، سه‌ڵاح به‌ته‌واوی ئاماده‌ ده‌بێت و ده‌گه‌ڕێته‌وه‌.

جیهانی

گۆڕانکاریه‌کان چین؟ سێ یاسای تۆپی پێ له ‌مۆندیالی یانه‌کاندا گۆڕانکاری تێدا ده‌کرێت

خه‌ڵک سپۆرت

لیژنه‌ی ناوبژیوانانی سه‌ر به‌ یه‌کێتی تۆپی پێی جیهان، له‌قۆناغه‌کانی نیوه‌ی کۆتایی به‌ره‌و دوای مۆندیالی یانه‌کان چه‌ند گۆڕانکاریه‌کی تاقیکاری له‌ سێ یاسای کارپێکراوی تۆپی پێدا ده‌کات.

ڕۆژنامه‌ی “مارکا”ی ئیسپانی ئاشکرای کردووه‌، لیژنه‌ی ناوبژیوانانی سه‌ر به‌ یه‌کێتی تۆپی پیی جیهان (IFAB) دوو ساڵ له‌مه‌وبه‌ر له‌یاریگای یۆکۆهاما سیستمی (ڤار)ی تاقیکرده‌وه‌، دواتر به‌فه‌رمی له‌ساڵی ٢٠١٨ بڕیاردرا پشتی پێببه‌سترێت، له‌ئێستاشدا چه‌ند گۆڕانکاریه‌کی جه‌وهه‌ری له‌ سێ یاسای کارپێکراوی بواری تۆپی پێدا له‌ئارادایه‌.

یه‌که‌م گۆرانکاری بریتی ده‌بێت له‌ هه‌ڵوه‌شاندنه‌وه‌ی یه‌کێک له‌هه‌ره‌ یاسا بێماناکان، ئه‌ویش ئه‌وه‌یه‌ کاتێک گۆڵپارێز تۆپ له‌نێو ناوچه‌ی سزاوه‌ ده‌چه‌سپینێت بۆ ئاڕاسته‌ کردن (ماڵی گۆڵ)، پێویسته‌ تۆپه‌که‌ له‌دوای گواستنه‌وه‌ی بچێته‌ ده‌ره‌وه‌ی ناوچه‌ی سزا ئینجا یاریی پێوه‌ بکرێت، له‌ئێستادا بڕیاردراوه‌ چیتر کار به‌م یاسایه‌ نه‌کرێت و یاریزان بۆی هه‌بێت بچێته‌ نێو ناوچه‌ی سزای خۆیه‌وه‌‌ (یاریزانی یانه‌که‌ی خۆی).

دووه‌م گۆڕانکاریش بریتی ده‌بێت له‌ ئاڵوگۆڕه‌کان، کاتێک یاریزانێک ئاڵوگۆڕ ده‌کرێت پێویست ناکات بگه‌ڕێته‌وه‌ بۆ سه‌نته‌ری یاریگا و کات به‌فیڕۆ بدات، به‌ڵکو له‌ نزیکترین جێگه‌وه‌ ده‌توانێت بچێته‌ ده‌ره‌وه‌ی یاریگا و شوێنگره‌وه‌ی بێته‌ نێو یاریگاوه‌.

سێیه‌م گۆڕانکاری تایبه‌ته‌ به‌ یاسای سزادانه‌کان و به‌ستنه‌وه‌ی پاڵه‌وانێتیه‌کان به‌یه‌که‌وه‌، به‌شێوه‌یه‌ک ئه‌گه‌ر یاریزانێکی ڕیاڵ مه‌درید له‌ یاریی کۆتایی جامی جیهانی یانه‌کان به‌کاردی سور یاخود به‌هۆی که‌ڵه‌که‌بونی کارده‌ زه‌رده‌کانه‌وه‌ بکرێته‌ ده‌ره‌وه‌ی یاریگا، ئه‌وا ده‌بێت له‌ یاریی داهاتو ئه‌گه‌رچی له‌ خولی ئیسپانیا به‌رامبه‌ر ڤیاڕیاڵ بێت به‌شداری نه‌کات.

بەردەوام بە لە خوێندنەوە

جیهانی

(وێنه‌ و ڤیدیۆ) یاریگا نوێیه‌که‌ی تۆتنهام ده‌رگای بۆ شه‌ش هه‌زار هانده‌ر کرده‌وه‌

خه‌ڵک سپۆرت

یانه‌ی تۆتنهامی ئینگلیزی ڕۆژی یه‌کشه‌ممه‌ی ڕابردو ده‌رگای بۆ شه‌ش هه‌زار هانده‌ری هه‌میشه‌یی یانه‌که‌ کرده‌وه‌ له‌ناوه‌وه‌ یاریگای “وایت هارت لینی نوێ” ببینن.

ئه‌و هانده‌رانه‌ی بانگهێشت کرابوون ئه‌وانه‌ن که‌ له‌م وه‌رزه‌ و وه‌رزه‌کانی ڕابردو بلیتی ته‌واوی ڕووبه‌ڕوبونه‌وه‌کانیان بڕیوه‌ و به‌رده‌وام بینه‌ری رووبه‌ڕوبونه‌وه‌کانی “سپێرز”ن.

به‌پێی زانیاریه‌کانی “ده‌یلی مه‌یڵ” ئه‌و هانده‌رانه‌ به‌شێوه‌یه‌کی کاتی و به‌ر له‌ کردنه‌وه‌ی یاریگاکه‌ به‌فه‌رمی ڕێگه‌یان پێدراوه‌ یه‌که‌مین که‌سه‌کان بن که‌ دیمه‌نه‌کانی ناوه‌وه‌ی یاریگا ببینن، به‌پێی ئه‌و وێنه‌ و گرتانه‌ش که‌ بڵاوکراونه‌ته‌وه‌، به‌شی باشوری یاریگا له‌ڕووی دیزاینه‌وه‌ هاوشێوه‌ی دیزاینی یاریگای سیگناڵ ئیدونا پارکی یانه‌ی بوروسیا دۆرتمۆنده‌ و ١٧ هه‌زار هانده‌ر له‌خۆ ده‌گرێت، به‌شێوه‌یه‌کی گشتی یاریگاکه‌ ٦١ هه‌زار هانده‌ر زیاتر له‌خۆده‌گرێت، به‌وشێوه‌یه‌ش ده‌توانن ئاتمۆسفیرێکی ناوازه‌ له‌کاتی ڕووبه‌ڕوبونه‌وه‌کاندا دروست بکه‌ن.

بەردەوام بە لە خوێندنەوە

جیهانی

دی لایت دوای به‌ده‌ستهێنانی خه‌ڵاتی “لاوی ئاڵتونی”: بارسا و سیتی نزیکترن و له‌گه‌ڵ ڕایۆلا بڕیار ده‌ده‌م

خه‌ڵک سپۆرت

ماتیاس دی لایتی به‌رگریکاری به‌هره‌مه‌ندی یانه‌ی ئه‌یاکس ئه‌مسته‌ردام خه‌ڵاتی “لاوی ئاڵتونی” به‌ده‌ست هێنا و له‌چاوپێکه‌وتنێکدا چه‌ندین زانیاری ده‌رباره‌ی داهاتوی ئاشکرا کرد.

ئاشه‌وانه‌ هۆڵه‌ندیه‌که‌ ئه‌مڕۆ له‌لایه‌ن ڕۆژنامه‌ی “توتۆ سپۆرت”ی ئیتاڵیه‌وه‌ وه‌ک باشترین یاریزانی لاوی خوار ته‌مه‌نی ٢١ ساڵ ده‌ستنیشان کرا و خه‌ڵاتی (لاوی ئاڵتونی) به‌ده‌ست هێنا، توانی به‌سه‌ر چه‌ندین ناوی گه‌وره‌ی وه‌ک کیلیان مباپێ و ڤینیسیۆز جونیۆر و جاستن کلایڤێرت -دا سه‌ربکه‌وێت.

له‌م باره‌یه‌وه‌ ڕایگه‌یاند :” خۆشحاڵم ئه‌م خه‌ڵاته‌ گه‌وره‌یه‌م به‌ده‌ستهێنا‌، که‌ لیستی ئه‌و لاوانه‌م خوێنده‌وه‌ پێش من خه‌ڵاته‌یان به‌ده‌ستهێناوه‌ له‌ نمونه‌ی لیۆ مێسی و ڤان دێر ڤارتی هاونیشتیمانم زۆر خۆشحاڵ بووم، ڤان دێر ڤارت به‌ نمونه‌ی ژیانم ده‌زانم، هه‌روه‌ها توانیم به‌سه‌ر جاستن کلایڤێرتی هاورێمدا سه‌ربکه‌وم”.

پاشان ده‌رباره‌ی داهاتوی و داواکردنی له‌لایه‌ن چه‌ندین یانه‌ی گه‌وره‌ی ئه‌وروپیه‌وه‌، ده‌ڵێت :” له‌ئێستادا هه‌موو شتێکم ده‌رباره‌ی داهاتوم وه‌ستاندووه‌ و بڕیارم له‌ هیچ هه‌نگاوێک نه‌داوه‌، هه‌ندێک له‌ یانه‌ داواکاره‌کانم خۆشتر ده‌وێت، ئه‌م وه‌رزه‌ له‌گه‌ڵ ئه‌یاکس کۆتایی پێده‌هێنم و دواتر له‌گه‌ڵ مینۆ رایۆلای لێپرسراوی کاره‌کانم له‌وباره‌یه‌وه‌ قسه‌ ده‌که‌م، به‌ڕای من به‌رشلۆنه‌ و مان سیتی زیاتر له‌ شێوازی ئه‌یاکسه‌وه‌ نزیکن، له‌وه‌ زیاتر نامه‌وێت هیچ بڵێم”.

له‌کۆتاییشدا جه‌خت ده‌کاته‌وه‌، که‌ ئیداره‌ی یانه‌ی ئه‌یاکس ئه‌مسته‌ردام ناوه‌کانی یانه‌ی بارسا و بایرن و مان سیتیان وه‌ک یانه‌ داواکاره‌کانی پێ ڕاگه‌یاندووه‌ و له‌وباره‌یه‌وه‌ گفتوگۆیان له‌گه‌ڵدا کردووه‌.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین