ئێمە لە تۆرە کۆمەڵایەتیەکان

ی.سلایدەر

بەهای دۆلار بەشێوەیەكی بەرچاو بەرزبووەوە

خەڵك- بەشی هەواڵ
بۆ ماوەی چەند ڕۆژێكە، بەهای دۆلار ڕۆژانە بەڕێژەیەكی دیاریكراو ئاڵوگۆڕی بەسەردا دێت و ئێوارەی ئەمڕۆ لەكاتی داخستنی بازاڕی دراوەكان بەهاكەی بەرزبووەوە.

خاوەن نووسینگەیەكی ئاڵوگۆڕی دراو لە بازاڕی دۆلارەكەی سلێمانی بۆ (خەڵك) ڕایگەیاند، نرخی دۆلار چەند ڕۆژێكە ڕووی لە بەرزبوونەوە كردووە و ئەمڕۆ بەهای 100 دۆلار گەیشتە 120 هەزار و 650 دینار .

وتیشی، “لە چەند ڕۆژی ڕابردوودا بەهای 100 دۆلار بۆ 119 هەزار و 500 دینار دابەزی و ئەوەش پەیوەندی بە قەبارەی دۆلار و خواست لەسەری لە بازاڕدا هەیە و دواتر بۆ چەند ڕۆژێكە بەرزبۆتەوە”.

بانكی ناوەندی عیراق ڕۆژانە بڕێكی زۆر دۆلار بەشێوەی كاش و حەواڵە بە كۆمپانیاكانی ئاڵوگۆڕی دراو و بانكەكان دەفرۆشێت، كە بۆ 100 دۆلار بە كاش 118 هەزار و 500 دینار وەردەگرێت و بە حەواڵە 119 هەزار دینار وەردەگرێت.

ی.سلایدەر

یەپەگە كوژرانی 5 سەربازی توركیای لە عەفرین راگەیاند

خەڵك- بەشی هەواڵ

لەناوچەی شێراوای عەفرین لە ئەنجامی چالاكییەكدا ٥ سەربازی سوپای توركیا كوژران.

یەپەگە لە راگەیەندراوێكدا ئاشكرایكرد “لە ڕۆژی ١٣ی كانوونی یەكەمدا لە گوندی كێمارێ-ی ناوچەی شێراوای عەفرین لەدژی سەربازانی سوپای توركیا چالاكی ئەنجامدا. بە پێی ڕاگەیەنراوەكە لەو چالاكییەدا ٥ سەربازی سوپای توركیا كوژراون”.

بەردەوام بە لە خوێندنەوە

کوردستان

توركیا لە ترسی پێكهێنانی دەوڵەتی رۆژئاوای كوردستان لەشكركێشی دەكات

خەڵك- بەشی هەواڵ

ئاژانسی ئەنادۆڵۆی فەڕمی توركیا لە راپۆرتێكدا بەپشت بەستن بە چەند سەرچاوەی زانیاری و لێدوانی گەورە كاربەدەستانی ئەمریكا باس لە بەردەوامی هەوڵەكان بۆ پێكهێنانی دەوڵەت لە رۆژئاوای كوردستان دەكات.

ئاژانسەكە لەراپۆرتەكەیدا بڵاویكردەوە، سەرۆكایەتی ئەركانی سوپای ئەمریكا رایگەیاندووە راهێنانی لە سەدا ٢٠ی ئەو هێزە ٣٥-٤٠ هەزار كەسیەی تەواو كردووە كە بە پێویستیان دەزانێت لە ناوچانەی یەپەگە/پەكەكە دا، وەزارەتی بەرگری ئەمریكاش پێشتر رایگەیاندبوو كە پاسەوانانی سنوور لە ئەندامانی یەپەگە/پەكەكە دادەمەزرێنێت.

ئاماژەی بەوەشكردووە، وەك دوا كار ئیدارەی ئەمریكا رایگەیاندبوو بە دروستكردنی خاڵەكانی چاودێری لە رۆژهەڵاتی فوڕات ئامانجیان ئەوەیە یەپەگە/پەكەكە لە دەستدرێژییەكانی توركیا بپارێزێت.

هەروەها ئاژانسەكە لەزاری سەرچاوە ئەمنییە توركییەكانەوە ئەوەشی ئاشكراكردووە، ئامانجی ئەمریكا لە دروستكردنی خاڵەكانی چاودێری بۆ پاراستنی رۆژئاوای كوردستانە لە توركیا و لە ماوەی مامناوەنددا ئەمریكا دەیەوێت یەپەگە/پەكەكە بەناوی هێزە ناوخۆییە ئەمنییەكان بەشێوەیەكی رێكخراو بكاتە سوپا و بەردەوامی به مانەوەی یەكجارەكیان بدات لە ناوچەكە.

ئاژانسەكەی توركیا ئاشكراشیكردووە، هەوڵەكانی پەكەكە و یەپەگە بۆ دروستكردنی دەوڵەت بەردەوامە و كۆنترۆڵی دەوڵەمەندترین سەرچاوەكانی وزە، ناوچە كشتوكاڵییەكان و سەرچاوەكانی ئاوی كردووە و بە ھەزاران چەكداریش ئاستی ھەڕەشەكردنی بەرزكردووەتەوە بۆ سەر توركیا.

بەردەوام بە لە خوێندنەوە

کوردستان

كۆڵبەرێك رەقبووەوە و كۆڵبەرێكیش بریندار بوو

خەڵك- بەشی هەواڵ

كۆڵبەرێكی خەڵكی ئورمیە بە هۆی هەرەسی بەفرەوە گیانی لە دەست دا و كۆڵبەرێكی دیكەش بە تەقەی ڕاستەوخۆ بریندار بوو.

بەپێی ڕاپۆرتی ڕێكخراوی مافی مرۆڤی هەنگاو “ڕۆژی هەینی (٢٣ی سەرماوەزی ٢٧١٨ / ١٤ی دێسامبری ٢٠١٨)، تەرمی كۆڵبەرێكی خەڵكی ئورمیە كە دوو دوو ڕۆژ پێش كەوتبووە ژێر هەرەسی بەفرەوە، دۆزرایەوە”.

ناسنامەی ئەو كۆڵبەرە تەمەن ٣٥ ساڵە ”جەواد گولابی“ خەڵكی گوندی ”ملوانە“ سەر بە ناوچەی سۆما و برادۆستی ئورمیە ڕاگەیەندراوە.

ئەو كۆڵبەرە لاوە خێزاندار و باوكی منداڵێكیش بووە كە لە ناوچەی سنووری سێروو لە نێوان ڕۆژهەڵات و باكووری كوردستان گیانی لە دەست داوە.

لەلایەكی دیكەوە، ڕۆژی پێنج شەممە ٢٢ی سەرماوەز، لە ناوچەی سنووری قوتوور هێزە چەكدارەكانی ئێران تەقەیان لە پۆلێك لە كۆڵبەران كردووە و لە ئاكامدا كۆڵبەرێك بە سەختی بریندار بووە.

ناسنامەی ئەو كۆڵبەرە ”هادی نێعمەتی“ تەمەن ٢٩ ساڵ ڕاگەیەندراوە كە پشت و ڕانی بە سەختی پێكراوە و بە مەبەستی چارەسەریی پزیشكی ڕەوانەی ناوەندە دەرمانییەكانی شاری تەورێز كراوە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 84%, 32
    32 84%
    32 - 84% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین