ئێمە لە تۆرە کۆمەڵایەتیەکان

عێراق

خەڵك؛ بەرنامەی كاری كۆبووونەوەی ئەمڕۆی پەرلەمانی عیراق ئاشكرادەكات

خەڵك- بەشی هەواڵ
بڕیارە نیوەڕۆی ئەمڕۆ شەممە پەرلەمانی عیراق كۆببێتەوە، بەڵام گفتوگۆ لەسەر تەواوكردنی كابینەی نوێی حكومەت و پڕۆژە یاسای بودجە ناكرێت.

سەرچاوەیەك لە پەرلەمانی عیراق بۆ (خەڵك) ئاماژەی بەوەكرد، كە ئەمڕۆ شەممە لە كاتژمێر 1ی نیوەڕۆ كۆبوونەوەی پەرلەمان ئەنجام دەدرێت و خشتەی بەرنامەی كاری ئەمڕۆش دراوە بە پەرلەمانتاران.

ڕاشیگەیاند، كە لە كۆبوونەوەی ئەمڕۆدا دەنگ دەدرێت لەسەر پێكهێنانی لیژنەیەك بۆ دەرخستنی ڕاستیەكان، كە تایبەتە بە پڕۆژەی باڵەخانەی بانكی ناوەندی و هەروەها دەنگ دەدرێت لەسەر ئەو دادوەرانەی كاندیدن بۆ دادگای پێداچوونەوەی فیدڕاڵی.

وەك سەرچاوەكە وتیشی، “بابەتی گشتی هەیە گفتوگۆی لەسەر دەكرێت، ئەویش وەك خێمەی ئاوارەكان و ئەو شارانەی بەهۆی بارانەوە تووشی لافاو بوون”.

جەختیشی كردەوە، كە هەرچەندە عادل عەبدولمەهدی، سەرۆك وەزیران ڕایگەیاندبوو، كە كابینە وزاریەكەی تەواو دەكات و ئەو وەزارەتانەی پڕنەكراونەتەوە كاندیدەكانیان پێشكەش بە پەرلەمان دەكات، بەڵام تا ئێستا ناوی هیچ كاندیدێك پێشكەش نەكراوە و لە بەرنامەی كاریشدا ئەو بابەتەی تێدا نییە.

لە كۆی 22 وەزارەتی حكومەتی عیراق تا ئێستا 14 وەزیر سوێندی یاساییان لە پەرلەمان خواردووە و بەهۆی ناكۆكی حزبەكانەوە تا ئێستا پۆستی 8 وەزارەت بە بەتاڵی ماونەتەوە و لەلایەن وەزیرە نوێیەكانەوە بە وەكالەت بەڕێوەدەبرێن.

عێراق

فەیاز: داعش دەیەوێت بەشێوەیەكی تر خۆی ڕێكبخاتەوە

خەڵك – بەشی هەواڵ
ڕاوێژكاری ئەنجومەنی ئاسایشی نیشتمانی عیراق، ئاشكرایكرد: داعش هەوڵدەدات بەشێوەیەكی نوێ لە عیراق و ناوچەكە خۆی رێكبخاتەوە.
فالح فەیاز ڕاوێژكاری ئاسایشی نیشتمانی عیراق ڕایگەیاند:” بەپێی هەندێ بەڵگەنامە و زانیاری ورد و بڵاوكراوە، ئاماژەیەك هەیە بۆ دەركەوتنی داعش لە شێوەی بەرگێكی نوێدا”.
ڕاوێژكاری ئاسایشی نیشتمانی عیراق ڕوونیشكردووەتەوە:” داعش دەیەوێت لەچوارچێوەیەكی نوێی ڕێكخراوەی لە عیراق و سوریا خۆی رێكبخاتەوە و هەروەها دەیەوێت ئاوارەكان و چەندین شێوەی تر بەكاربهێنێت”.

بەردەوام بە لە خوێندنەوە

عێراق

وێنە.. سەرۆك كۆماری عیراق و فەرماندەی هێزەكانی سوپای ئەمریكا لە ڕۆژهەڵاتی ناوەڕاست كۆبوونەوە

خەڵك – بەشی هەواڵ

سەرۆك كۆماری عیراق و فەرماندەی هێزەكانی سوپای ئەمریكا لە ڕۆژهەڵاتی ناوەڕاست كۆبوونەوە و جەختیان لە سەروەری عیراق كردەوە.

نووسینگەی ڕاگەیاندنی سەرۆكایەتی كۆمار لە ڕاگەیەندراوێكدا كە وێنەیەكی بۆ (خەڵك) نێراوە نوسیویەتی”ئەمڕۆ یەك شەممە ١٧|٢|٢٠١٩ د. بەرهەم ساڵح سەرۆك كۆماری عیراق لە كۆشكی سەلام لە بەغدا لەگەڵ ژەنەڕاڵ جۆزیف ڤۆتێل فەرماندەی هێزەكانی سوپای ولایەتە ‌یەكگرتووەكانی ئەمریكا لە ڕۆژهەڵاتی ناوەڕاست و شاندی یاوەری كۆبووەوە، لەكۆبوونەوەكەدا ڕەوشی ئەمنی ‌ناوچەكە و جەنگی دژ بە تیرۆر لە ‌عیراق و سوریا و هەوڵەكان بۆ كۆتایی هێنان بە ڕێكخراوی تیرۆریستی داعش و ڕاگەیاندنی سەركەوتنی یەكجاری تاووتوێ‌ كران.”

لە میانی كۆبوونەوەكەدا سەرۆك كۆمار دووپاتی ‌گرنكی بەرەوپێشبردنی هاریكاری ئەمنی و سەربازی نێوان هەردوو وڵات و بەشداری ولا‌یەتە‌ یەكگرتووەكانی ئەمریكا لە ‌پڕچەككردن و پێشخستنی توانا سەربازییەكانی عیراق كردەوە.

هەر لەو كۆبوونەوەیەدا سەرۆك كۆمار ئاماژەی بە پێویستی هاریكاری و پابەندبوونی كۆمەڵگەی نێودەوڵەتی كرد لە پێشكەشكردنی كۆمەك و پشتیوانی ئەو وڵاتانەی كەبەهۆی جەنگی دژ بە تیرۆر زیانیان لێكەوتووە، هاوكات سەرۆك بەرهەم ساڵح ڕۆڵی ولایەتە یەكگرتووەكان و هاوپەیمانی نێودەوڵەتی لە ‌تێكشاندنی تیرۆریستانی داعشدا بەرزنرخاند.
لەلای خۆیەوە ژەنەڕاڵ جۆزیف ڤۆتێل پابەندبوونی وڵاتەكەی بۆ‌ پشتیوانیكردنی هێزە ئەمنییەكانی عیراق دووپاتكردەوە لە مەشق و پڕچەككردن و بەرزكردنەوەی ئاستی توانای سەربازیان.

لە میانەی كۆبوونەوەكەدا جەخت لە سەروەری عیراق كرایەوە، بوونی هەر هێزێكیش بە مەبەستی پشتیوانی لە جەنگی دژ بە تیرۆر بە ڕەزامەندی حكومەتی عیراق بووە لە چوارچێوەی ئەو ئامانجانەی لە سەری ڕێككەوتوون.

بەردەوام بە لە خوێندنەوە

عێراق

نرخی بلیتی فڕۆكە بۆ نەخۆشانی شێرپەنجە هەرزان كرا

خەڵك- بەشی هەواڵ

وەزارەتی گواستنەوەی حكومەتی‌ عیراق بڕیاریدا بە هەرزان كردنی نرخی‌ بلیتی گەشتكردن بە فڕۆكە بۆ نەخۆشانی شێرپەنجە و بەڕێوەبەری گشتی كۆمپانیای هێڵی ئاسمانی دەڵێت: “بە ڕێژەی‌ 90% نرخی بلیت دادەشكێنرێت”.

عەباس ناسر، بەڕێوەبەری گشتی كۆمپانیای هێڵە ئاسمانییەكانی عیراق لە ڕاگەیەندراوێكدا ئاماژەی بەوەكردووە، لەسەر ڕاسپاردەی نەعیم لعێبی‌، وەزیری گواستنەوەی عیراق بڕیاریان داوە نرخی بلیتی گەشتكردن بە ڕێژەی 90% بۆ تووشبووانی شێرپەنجە دابەزێنرێت.

ئاشكراشی كردووە، كە دابەزاندن و داشكاندنی نرخەكە بۆ نەخۆشانی شێرپەنجە لە ساڵێكدا بۆ دوو گەشت دەبێت.

جەختیشی كردۆتەوە، كە مەبەست لەو دەستپێشخەرییە كەمكردنەوەی ئەو قورساییەیە، كە لەسەر نەخۆشانی شێرپەنجەیە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین