ئێمە لە تۆرە کۆمەڵایەتیەکان

هەواڵەکان

گۆران ساڵح دەڵێت ئیتر بەسە

خێزان

هونەرمەند گۆران ساڵح نوێترین ڤیدیۆ کلیپی خۆی بڵاوکردەوە.

بەرهەمە نوێکەی گۆران ساڵی بەناوی (ئیتر بەسە) یە کە لە تێکست و ئاوازی خۆیەتی و کاری موزیکی لەلایەن شیاو کەمال ئەنجامدراوە.

گۆران ساڵح لەساڵی ١٩٨٥ لە شاری ھەولێر لەدایکبووە، دەرچووی بەشی دەرھێنانە لە پەیمانگای ھونەرە جوانەکانی ھەولێر و ژمارەیەکی زۆر کاری هونەری هەیە.

عێراق

كازم ساهر داواكەی موقتەدا سەدری قبوڵكرد

خەڵك- بەشی هەواڵ
هونەرمەندی عیراقی كازم ساهر، داوایەكی موقتەدا سەدر، ڕابەری ڕەوتی سەدر قبوڵ دەكات سەبارەت بەوەی، كە گۆرانی (سلام علیك) بكرێتە سرودی نیشتمانی عیراق.

بەپێی تۆڕی (نواعم)ی عەرەبی، كازم ساهر مەرجی هەیە لەگەڵ سەردانی عیراقدا گۆرانییەكە وێنە بگیرێت، دوای ئەوەی لەلایەن پەرلەمانەوە بە تەواوەتی ڕەزامەندی لەسەر دەردەبڕدرێت، تا سەرلەنوێ‌ دابەشكردن و شێوازی ئاوازی ئۆركێستراكەی، تۆماربكرێتەوە.

یەكێك لە مەرجەكانی كازم ساهر ئەوەیە، “دەبێت ئەو كۆڕاڵەی لەگەڵ قەیسەردا دەبێت، لە خوێندكارانی خوێندنگەكانی عیراق بن”.

پێشتر موقتەدا سەدر، ڕابەری ڕەوتی سەدر، ستایشی هونەرمەند كازم ساهری كردبوو، خۆشحاڵیشی دەربڕی بە گەڕانەوەی بۆ عیراق لەپێناو وتنەوەی گۆرانی (سلام علیك.. علی رافدیك.. عیراق القیم)، ئەمەش بە وتەی سینان عەزاوی، هونەرمەند و دەرهێنەری عیراقی.

عەزاوی لە نوسینێكیدا لەسەر هەژماری تایبەتی خۆی لە فەیسبووك ڕایگەیاندبوو، “چاوی بە موقتەدا سەدر كەوتووە و لە چاوپێكەوتنەكەدا، سەدر ستایشی قەسیدەكەی كردووە، كە وەك سرودێكی نیشتمانی وتراوە و داوای لێكردووە، ئەو سرودە لە موسڵ بڵێتەوە، وەك دوایین خاكی عیراق، كە لە دەست ڕێكخراوی داعش ڕزگار كرا”.

بە وتەی عەزاوی، “سەدر پێشنیاری كردووە، وتنی سرودەكە لە شوێنی مەناری حەدبای داڕوخاو لە موسڵ وێنە بیگرێت، چونكە بە هێز و بازوی عیراقییەكان و سوربونیان لەسەر مانەوە لە عیراقدا بنیات دەنرێتەوە”، باسی لەوەشكردبوو، كە لەلایەن سەدرەوە ڕاسپێردراوە بۆخۆی بەدواداچوون بۆ ئەو بابەتە بكات.

سینان عەزاوی ماوەیەك لەمەوبەر، هەڵمەتێكی لەژێر ناوی “گۆڕینی سرودی نیشتمانی داوایەكی نیشتمانییە” دەستپێكرد و داوای كرد هاوكاریی بكەن لە هەڵمەتی گۆڕینی سرودی نیشتمانی عیراقی.

گۆرانییەكەی (ساهر) كە بە (سلام علیك، علی رافدیك، عیراق القیم) دەناسرێت، لە ساڵی 2008دا تۆماركراوە و وتراوەتەوە، كە ڕۆژگاری شەڕی تایەفەگەری بوو لە عیراق، زۆرێك لە عیراقییەكان داوایان كردبوو ئەو گۆرانییە بكرێتە سرودی نیشتمانی عیراقی لە بری سرودی ئێستا، كە لەلایەن پەرلەمانەوە لە ساڵی 2005دا بەشێوەیەكی كاتی بە سرودی نیشتمانی پەسەندكرابوو.

بەردەوام بە لە خوێندنەوە

هەواڵەکان

کاندیدەکانی شاجوانی کوردستان لەکاتی ڕاهێنانی شێوازی جوڵان ببینە

خێزان

بڕیارە لە ١٢/٢٠ ی ئەم مانگە مەراسیمی هەڵبژاردنی شاجوانی کوردستان بەڕێوە بچێت و لە ئێستاشدا ساجوانەکان ڕاهێنان دەکەن بۆ مەراسیمەکە.

وەک ڕێکخەرانی مەراسیمەکە ئاماژەی پێدەدەن شاجوانەکان بۆ هەر بوارێک ڕاهێنەری تایبەتییان هەیە و لە وڵاتی ڕوسیاوە ڕاهێنەری شێوازی جوڵەیان بۆ هێندراون.

لەم تۆمارە ڤیدیۆییەدا کاتی ڕاهێنانی شاجوانەکان بۆ شێوازی خوڵەی سەر ستەیج ببینە:

 

بەردەوام بە لە خوێندنەوە

تەندروستی

بەكارهێنانی تەختە بۆ لەتكردنی گۆشت و میوە و سەوزە تەندروستە؟

خەڵك- بەشی هەواڵ

ئەندازیارێكی بواری خۆراك لە تەندروستی سلێمانی ڕایدەگەیەنێت بەكارهێنانی تەختەی لەتكردنی گۆشت و میوە و سەوزە بەهۆی پاك نەكردنەوەی سەرچاوەیەكی سەرەكی هەڵگرتنی بەكتریا و میكرۆبە و دەشڵێت: “ئەگەر ڕەچاوت نەكردووە لەمەودوا پابەندی ئەم ڕێنماییە تەندروستیانە بە”.

لەشكر حەمید، ئەندازیاری خۆراك بۆ سایتی تەندروستی سلێمانی ڕایگەیاندووە، بەكارهێنانی تەختەی دار بۆ لەتكردنی مریشك و گۆشت زۆر جار بەهۆی پاك نەكردنەوەی سەرچاوەیەكی سەرەكی هەڵگرتنی بەكتریا و میكرۆبە.

وتیشی، “بەهۆی ئەوەی لە كاتی وردكردنی گۆشت، تەختەكە چاڵ دەبێت و بەشێك لە گۆشتەكە لەناو چاڵەكە دەمێنێتەوە توانای پاككردنەوەی نییە دواتر، كە گۆشتی لەسەر ورد دەكرێتەوە ڕاستەوخۆ بەكتریاكە لەڕێگەی گۆشتەكەوە دەگوێزرێتەوە”.

جەختیشی كردەوە، لەوە مەترسیدارتر بەكارهێنانی هەمان تەختەی گۆشتە بۆ سەوزە و میوە، كە مادەی خاون و بێ كوڵاندن ڕاستوخۆ بەكاردێن و بەكتریا و میكرۆب دەگوازێتەوە بۆ لەشی مرۆڤ، بۆیە پێویستە بە پێی خۆراكەكان تەختەی جیاواز بەكاربێت.

لەشكر حەمید ڕێنمایی هاولاتیان دەكات و دەڵێت: “بۆیە باشترە مادەیەك بەكاربێت بۆ لەتكردن چاڵی و بۆشایی دروست نەكات و بتوانرێت دوای بەكارهێنان بە ئاوی گەرم بشۆردرێت”.

ئاشكراشی كردووە، بەپێی ڕێنماییەكانی سەلامەتی خۆراك بۆ ڕێگری لە بەكتریا گرنگە ئەو ئامێرانەی بەكاردێت بە تایبەت چەقۆ و تەختەی وردكردن، ڕەنگەكەی بە پێی خۆراكەكان جیاواز بێت بۆ ئەوەی بە پێی خۆراكەكە مامەڵەی لەگەڵ بكرێت، مەبەست لە دیاریكرنی ڕەنگەكان تەنها بۆ جیاكردنەوەیە واتە تەختەی خۆراكێك بۆ خۆراكێكی تر بەكارنەهێنرێت

ئەو پسپۆڕەی بواری خۆراك بەم جۆرە ڕەنگەكان و خۆراكەكان دیاری دەكات:

۱.رەنگی سەوز بۆ سەوزە و میوە
۲.رەنگی شین بۆ ماسی
۳.رەنگی جگەری بۆ گۆشتی نەكوڵاو
٤.رەنگی قاوەیی و رەش بۆ گۆشتی كوڵاو
٥.رەنگی زەرد بۆ مریشك
٦.شینی كاڵ بۆ شیرەمەنی و نان

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین