ئێمە لە تۆرە کۆمەڵایەتیەکان

کوردستان

پێكنەهێنانی هاوپەیمانێتی لەبەرژەوەندی یەكێتی‌و پارتییە
سەركردەیەكی كۆمەڵ كاتی یەكلاییكردنەوەی هاوپەیمانیەتییەكە ئاشكرا دەكات

خەڵك-بەشی هەواڵ

ئەندامێكی سەركردایەتی كۆمەڵی ئیسلامی ئاشكرایدەكات، نەبوونی لیستێكی هاوبەش لەنێوان شەش لایەنی ناڕازی هەرێم لە بەرژەوەندی یەكێتی‌و پارتییە.

دوای ئەنجامی هەڵبژاردنەكانی عێراق، هەریەك لە گۆران، كۆمەڵ، یەكگرتوو، بزووتنەوە، هاوپەیمانی و شیوعی لە دژی دیزینی دەنگەكانیان نارەزایەتیان دەربڕی و لە ئێستاشدا ئەو لایەنانە پێیان باشە بە لیستێك بەشداری هەڵبژاردنەكانی هەرێم بكەن.

سەعید هەركی ئەندامی سەركردایەتی كۆمەڵی ئیسلامی بە (خەڵك)ی راگەیاند، پێكهێنانی هاوپەیمانیەتییەك زۆر پێویستە، چونكە ماڵجیایی حزبەكان قازانجێكی گەورەیە بۆ پارتی و یەكێتی.

وتیشی، یەك بەرەیی نێوان لایەنەكان دەتوانرێت خەڵك رزگار بكات لەو نەهامەتەییەی كە ئێستا تێیكەوتووە.

ئاماژەی بۆ ئەوەش كرد، ئێمە وەكو لایەنە ناڕازییەكان، وەكو پارتی و یەكێتی نین، ئەو خەڵكەی دەنگمان پێدەدا ئازادە كە دێت یان نایەت بۆ دەنگدان، بەڵام یەكێتی و پارتی خەڵكەكانیان بە زۆریش بێت دێنن بۆ دەنگدان، كەواتە ئێمە زیانمەند دەبین كە بە پەرتەوازەیی بەشداری بكەین.

رونیشیكردەوە، ئەگەر ئێمە بە لیستێك بەشداری هەڵبژاردنەكان بكەین، گەڕانەوەی ئومێدێكە بۆ خەڵك، هەروەها ئەگەر دەنگەكانی عێراق بەدەست هەژمار بكرێتەوە ئومێدێكیترە بۆ خەڵك و بەشداری هەڵبژاردنەكانی داهاتووی هەرێم دەكەن، چونكە دەزانێت گۆڕانكاری دەكرێت ئەمەش تەنها پارتی و یەكێتی زیانی لێدەكەن.

سەبارەت بە هەنگاوەكانیان بۆ پێكهێنانی ئەو هاوپەیمانیەتییە، سەعید هەركی ئاشكرایكرد، قسە لەسەر ئەو هاوپەیمانیەتییە كراوەو دەبێت دوای جەژنی رەمەزان خۆمان یەكلابكەینەوە.

بەپێی بڕیارەكانی كۆمسیۆن دەبێت لایەنەكان بۆ پێكهێنانی هاوپەیمانی خۆیان یەكلایی بكەنەوە، چونكە راستەوخۆ دوای جەژن ناوی هاوپەیمانیەتییەكان تۆمار دەكرێن.

ژینگە

كەشناسی هەرێم: پێشبینی دەكرێت ڕۆژی شەممە سەرەتای باران بارین دەستپێبكات

خەڵك – بەشی هەواڵ

بەڕێوەبەرایەتی كەشناسی و بومەلەرزەزانی هەرێم ڕایدەگەیەنێت، لە ئەنجامی كاریگەری نزمە پاڵەپەستۆی كەنداوی عەرەبی پێشبینی دەكرێت لە ئێوارەی ڕۆژی شەممە سەرەتای باران بارین بە شێوەیەكی پچڕ پچڕ لە ناوچەكانی ڕۆژئاوای هەرێم دەست پێبكات.

بەڕێوەبەرایەتی كەشناسی و بومەلەرزەزانی هەرێم ئاماژەبەوەشدەكات، لە ڕۆژی یەكشەممە لە تەواوی ناوچەكانی هەرێم نمە بارانی پچڕ پچڕ دەبارێت و پلەكانی گەرما لەگەڵ خۆی نزم دەكاتەوە، لە ناوچە شاخاوییە سنوورییەكان باران بارین زیاتر دەبێت پێشبینی دەكرێت لە هەندێ ناوچە لە كاتی باران بارین هەورە تریشقەشی لەگەڵ بێت.

بەڕێوەبەرایەتی كەشناسی و بومەلەرزەزانی هەرێم ئەوەش دەخاتەڕوو، ڕۆژی دووشەممە ئاسمانی هەرێم نیمچە هەور دەبێت وە كاریگەری باران بارین كەم دەبێت.

بەردەوام بە لە خوێندنەوە

جیهان

نێچیرڤان بارزانی: پێشهاتەكان مەترسی جددی لەسەر سەرهەڵدانەوەی داعش دروست دەكەن

خەڵك – بەشی هەواڵ

نێچیرڤان بارزانی سەرۆكی هەرێمی كوردستان، لە كۆنفرانسێكی ڕۆژنامەوانی هاوبەشدا، لەگەڵ جان ئیف لۆدریان وەزیری دەرەوەی فەڕەنسا ڕایگەیاند، لە كۆبوونەوەیاندا دوایین پێشهاتەكانی ناوچەكەیان تاووتوێكرد، بەتایبەتیش هێرشەكانی سەر ڕۆژئاوای كوردستان (باكووری ڕۆژهەڵاتی سوریا).

نێچیرڤان بارزانی ڕایگەیاند، بەشداریكردنی گروپە توندڕەوەكانی ئۆپۆزسیۆنی سوریا، نیگەرانییەكانی زیاتر كردووە و دەبنە هۆی كارەساتی مرۆیی و ئاوارەبوونی هاووڵاتییەكی زۆری ناوچەكە، ئەو ناسەقامگیرییە دەبێتە هۆی دووبارە سەرهەڵدانەوەی داعش.

نێچیرڤان بارزانی، دووپاتیشیكردەوە، دۆخەكە پێویستی بە هەوڵ و هەڵوێستی جددیتری كۆمەڵگەی نێودەوڵەتییە و ئامادەیی هەرێمی كوردستانیشی ڕاگەیاند و وتی: “بۆ سەقامگیری ناوچەكە هەر ئەركێك بكەوێتە ئەستۆی ئێمە ئامادەین جێبەجێی بكەین”.

لای خۆیەوە جان ئیف لۆدریان وەزیری دەرەوەی فەڕەنسا لە بارەی ناوەڕۆكی كۆبوونەوەی لەگەڵ سەرۆكی هەرێمی كوردستان، ئەوەی خستەڕوو، كە تاووتوێی بارودۆخی ناوچەكە و باكووری ڕۆژهەڵاتی سوریا “ڕۆژئاوای كوردستان” یان كردووە.

دووپاتی لەوەشكردەوە، بەهۆی ئەو هێرشانەی توركیا دۆخێكی ناسەقامگیری هاتووەتە ئارا لە ناوچەكە و دەرفەتی دووبارە سەرهەڵدانەوەی داعش دەدات.

وەزیری دەرەوەی فەڕەنسا، نیگەرانییەكانی وڵاتەكەشی خستەڕوو و وتی: “لە دۆخی ناوچەكە زۆر نیگەرانین و ئەمڕۆ هاتووم پێتان بڵێم پشتگیریتان دەكەم، هێشتا داعش شكستی نەهێناوە و هۆكارەكانی پێكهێنانی هاوپەیمانی نێودەوڵەتی دژی داعش، هێشتا ماوە”.

ئاماژەی بەوەشكرد، ئەوەی ئێستا لە باكووری سوریا دەگوزەرێت، مەترسییەكانی سەرهەڵدانەوەی توندڕەو و تیرۆریستانی زیاتر كردووە.

جان ئیف لۆدریان وەزیری دەرەوەی فەڕەنسا ئەوەشی خستەڕوو، كە لە گفتوگۆكان بەردەوام دەبن و هەڵسەنگاندنیش بۆ دۆخەكە دەكەن، ئەوەشی ڕاگەیاند، كە تەواوی وڵاتانی ئەندام لە یەكێتی ئەوروپا، بە باشی دەزانن كۆبوونەوەی هەماهەنگی هاوپەیمانی نێودەوڵەتی دژی داعش ئەنجام بدرێت و بە پێویستیشی دەزانێت كە هاوپەیمانی نێودەوڵەتی لە چالاكییەكانی خۆی لە دژی داعش بەردەوام بێت.

بەردەوام بە لە خوێندنەوە

جیهان

جێگری سەرۆكی ئەمریكا: توركیا ئۆپراسیۆنە سەربازییەكەی ڕادەگرێت

خەڵك – بەشی هەواڵ

جێگری سەرۆكی ئەمریكا ئاشكرایكرد، توركیا ئۆپراسیۆنەكەی ڕادەگرێت.

دوای كۆبوونەوەی لەگەڵ ڕەجەب تەیب ئەردۆغان سەرۆكی توركیا، مایك پێنس جێگری سەرۆكی ئەمریكا لە كۆنفڕانسی ڕۆژنامەوانیدا ڕایگەیاند، ئەمریكا و توركیا بۆ ئاگربەست لە سوریا ڕێككەوتن و توركیا ئۆپراسیۆنەكەی ڕادەگرێت.

ئەمەش لە كاتێكدایە، پێشتر ڕەجەب تەیب ئەردۆغان سەرۆكی توركیا ڕایگەیاندبوو:”بەهیچ شێوەیەك ئۆپراسیۆنە سەربازییەكانی بۆ سەر ڕۆژئاوای كوردستان و باكووری ڕۆژهەڵاتی سوریا ڕاناگرێت”.

بەردەوام بە لە خوێندنەوە

کوردستان