ئێمە لە تۆرە کۆمەڵایەتیەکان

جیهان

ئێران وەڵامی دەداتەوە
ئیسرائیل: ئێران لە وشكە ساڵی رزگار دەكەین

خەڵك-بەشی هەواڵ

ئاژانسی تەسنیمی ئێران بڵاویكردەوە، وتەبێژی وەزارەتی دەرەوەی ئێران وەڵامی بنیامین ناتانیاهۆ سەرۆك وەیرانی ئیسرائیل سەبارەت بە كێشەی ئاو و وشكەساڵی دەداتەوە‌و ئاماژە بۆ ئەوە دەكات، نازانم تا چەند دەبێت وەڵامی قسەكانی ئەم ساختەكارە بدەینەوە، ئەمەش جاری یەكەمی نییە ئەم جۆرە قسانە دەكات، واباشتر ئەو سەرەتا دەستبەرداری ئەو كوشتارو كوشتوبڕییەی هاووڵاتیانی فەلەستینی بێت.

وتیشی، بە هەموو شێوەیەك ئێران‌و هاووڵاتییەكانی توانای ئەوەیان هەیە كێشەكانی خۆیان چارەسەر بكەن‌و پێویستیان بە خەڵكیتر نییە.

ئاشكراشیكرد، هەست دەكەم لەكاتی گەشتەكەی بۆ 3 وڵاتی ئەوروپی لەسەر رازیكردنیان تاكو كار لەگەڵ ئەمریكا بكەن‌و شكستی هێنا، خەریكی ئەنجامدانی ئەم رەفتارە منداڵانەیە.

دوێنێ سەرۆك وەیرزانی ئیسڕائیل رایگەیاند، سەبارەت بە رووبەرووبونەوەی كێشەی ئاو لە ئێران هاوكاری ئەو وڵاتە دەكەین تاكو لە كێشەی بێ ئاوی رزگاری ببێت، ئاشكرایكردووە، ئێران لە وشكە ساڵی رزگار دەكەین.

جیهان

پـۆلیس؛ باوكێك كوڕە گەورەكەی دەكوژێت تا كوڕە بچوكەكەی ڕزگاربكات

خەڵك – بەشی هەواڵ
لە ناوچەی مارتنی ڕۆژهەڵاتی ویلایەتی فلۆریدا باوكێك لە پـێناو ئەوەی كوڕە بچوكەكەی لە دەستی برا گەورەكەی ڕزگار بكات، بە دەمانچە كوڕە گەورەكەی كوشت، پۆلیس-یش دەڵێت،”بەپـێی بەڵگەكان باوكەكە ناچاربووە دەمانچەكەی بەكاربهێنێت بۆیە بە تاوانكار دانانرێت”.

ولیەم سنایدەر، بەرپرسی پـۆلیسی ناوچەی مارتن لە كۆنگرەیەكی ڕۆژنامەوانی ڕایگەیاندووە، دوایی ئەوەی ئاگاركراینەوە لەوەی دوو برا لە كاتی یاریكردنی بلیارد بۆتە شەریان برا گەورەكە قەچۆی لە ملی برا بچوكەكەی توند كردووە، بە مەبەستی كوشتنی دواتر باوكیان لە رێگەی چەكی جۆری دەمانچەوە كورە گەورەكەی داوەتە بەر دەسترێژی گوللە و كوشتویەتی .

وتیشی ،”بەپـێی شایەتحاڵەكان برا گەورەكە (جۆزێف مەلۆنی، تەمەن 30 ساڵ) و برا بچوكەكەی (جێمس مەلۆنی، تەمەن 26 ساڵ) یاری بلیاردیان كردووە و پاشان بووە بە شەڕیان، هەرچەندە زۆر هەوڵیان دابوو لە ژێر دەستی ڕزگاریبكەن، بەڵام بێ سوود بووە، بۆیە باوكیان (جۆن مەلۆنی، تەمەن 56 ساڵە) چووە دەمانچەكەی هێناوە و كوڕە گەورەكەی بەر گولـلە داوە و كوشتویەتی”.

ڕاشیگەیاندووە، بەپـێی بەڵگەكان و قسەی شایەتحاڵەكان باوكەكە ناچاربووە دەمانچەكەی بەكاربهێنێت هەتا كوڕە بچوكەكەی ڕزگاربكات، بۆیە بە تاوانكار دانانرێت.

VOA

بەردەوام بە لە خوێندنەوە

جیهان

سەرۆكوەزیرانی كەنەدا؛ كار بۆ هەڵوەشاندنەوەی گرێبەستی چەك لەگەڵ سعودیـیە دەكەین

خەڵك – بەشی هەواڵ
سەرۆكوەزیرانی كەنەدا ڕایدەگەیەنێت، هەرچەندە كارێكی قورسە بەڵام وڵاتەكەی هەوڵ دەدات ڕێگەیەك بدۆزیتەوە بۆ هەڵوەشاندنەوەی گرێبەستێكی چەك لەگەڵ عەرەبستانی سعودیـیە.

جەستن ترودو، سەرۆكوەزیرانی كەنەدا لە چاوپـێكەوتنێكی تەلەفیزیۆنیدا لە كەناڵی CTV ڕایگەیاندووە، بەهای گرێبەستەكە 15 ملیار دۆلاری كەنەدیـیە و حكومەتی پـێشوو، كە كۆنەپارێزەكان سەرۆكایەتیان دەكرد ئەو گرێبەستەیان لەگەڵ سعودیـیەكان مۆركردووە.

ڕاشیگەیاندووە، زۆر قورسە كەنەدا بتوانێت بەبێ ئەوەی پارە بە سعودیـیەكان بدات لە گرێبەستەكە بكشێتەوە، بەپـێی گرێبەستەكە ئەگەر بێت و كەنەدا لێی بكشێتەوە، ئەوا دەبێت زیاتر لە یەك ملیار دۆلاری كەنەدی بدات بە عەرەبستانی سعودیـیە.

دەشڵێت،”گرێبەستەكە لە ساڵی 2014 وە مۆركراوە بۆ فرۆشتنی زیاتر 700 ماشێنی زرێپـۆش جۆری LAV 6 بە سعودیـیە، ئەمەش گەورەترین گرێبەستی فرۆشتنی چەكی كەنەدیـیە لە مێژوودا بڕیارە كۆمپانیای General Dynamic Land Systems بەو كارە هەستێت”.

ئاماژەی بۆ ئەوەشكردووە، هەرچەندە كارێكی قورسە، بەڵام وڵاتەكەی هەوڵ دەدات ڕێگەیەك بدۆزیتەوە بۆ هەڵوەشاندنەوەی گرێبەستێكی چەك لەگەڵ عەرەبستانی سعودیـیە.

بەردەوام بە لە خوێندنەوە

جیهان

وێنەی كاروانە تەنكەرەكان دەخاتەڕوو
“گروپە توندڕەوەكان بە چاودێری ئەمریكا نەوتی سوريا بەرەو توركيا دەبەن”

خەڵك- بەشی هەواڵ
ئاژانسی دەنگوباسی فەرمی سوریا (سانا) وێنەی كاروانێكی تەنكەر دەخاتەڕوو، كە دەڵێت لەلایەن “گروپە تیرۆرستییەكانی خۆرهەڵاتی ڕوباری فوڕات-ەوە” بەڕێخراون بەرەو توركیا و بە چاودێری ڕاستەوخۆی ئەمریكا ئەو كارە دەكرێت.

ئەمڕۆ دوو شەممە، ئاژانسی (سانا) وێنەیەكی بڵاوكردۆتەوە كە دەڵێت، لەلایەن مانگە دەستكردەكان و فڕۆكەكانی توركیاوە گیراون و تێیاندا كاروانێكی تانكەری نەوت دەركەوێت، بەپێی ئاژنسەكەش “ئەو نەوتە لەلایەن گروپە تیرۆرستییەكانی خۆرهەڵاتی ڕوباری فوڕات-ەوە بە سەرپەرشتی هاوپەیمانی نێودەوڵەتی، كە لەلایەن ئەمریكاوە سەركردایەتی دەكرێت، بەرەو سوریا بەقاچاخ دەرێت”.

ئاژانسەكەی سوریا پێیوایە، “ئەو كارە بەڕوونی پاڵپشتی هاوپەیمانییەكەی ئەمریكا بۆ گروپە تیرۆرستیییەكانی سوریا و پێشكەشكردنی یارمەتی بۆ ئەو گروپانە دەردەخات لەبەرانبەر دزینی نەوتی وڵاتەكە و داهاتەكەشی دەچێتە گیرفانی ڕێكخراوە تیرۆرستییەكان و لەپێش هەمووشیاوە، رێكخراوی داعش و هێزە ناشەرعییەكانی ناوچەكە”.

پێشتر وەزارەتی بەرگری ڕوسیا چەند جارێك ڕایگەیاندبوو، “حكومەتی توركیا بەكاربەری سەرەكی ئەو نەوتەیە، كە لەلایەن ریَِكخراوی داعشەوە لە سوریا و عیراق بە قاچاخ دەبرێت، و وێنەی ئەو تانكەرە نەوتانەشی خستبووە ڕوو، كە لە ناوچەكانی ژێر دەستی داعشەوە لە نزیك شاری ڕەقە بەرەو قوڵایی خاكی توركیا بەڕێدەخران”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 84%, 32
    32 84%
    32 - 84% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین