ئێمە لە تۆرە کۆمەڵایەتیەکان

عێراق

سەرۆكایەتی كۆمار لەبارەی سەردانەكانی بەرهەم ساڵحەوە رونكردنەوە دەدات


خەڵك-بەشی هەواڵ
وتەبێژی سەرۆكایەتی كۆكاری عیراق لەبارەی سەردانەكانی ئەم دواییەی بەرهەم ساڵح سەرۆك كۆماری عیراق، رونكردنەوە دەدات و دەڵێت، زۆربەی ئەو سەردانانەی ئەنجامیان دەدات، زیاتر لە رۆژێك ناخایەنن.

ئەمڕۆ پێنج شەممە، لوقمان فەیلی وتەبێژی سەرۆكایەتی كۆماری لە لێدوانێكی رۆژنامەوانیدا رایگەیاند”سەردانەكەی ئەمڕۆی بەرهەم ساڵح سەرۆك كۆماری عیراق بۆ ئوردن، تەنیا بۆ یەك رۆژە، زۆربەی سەردانەكانیشی لەپێناو تاوتوێكردنی چۆنیەتی پەرەپێدانی پەیوەندییەكانی عیراقە لەگەڵ وڵاتان”.

بە وتەی لوفمان فەیلی” هەموو ئەو سەردانانەی سەرۆك كۆمار بۆ چەند وڵاتێك ئەنجامیدا، تەنیا بۆ یەك رۆژ بوو”.

وتەبێژی سەرۆكایەتی كۆماری عیراق دەڵێت”زۆربەی ئەو كۆبوونەوانەی سەرۆك كۆمار ئەنجامیان دەدات دوو قۆڵی بوون، و بۆ تاوتوێكردنی چۆنیەتی پەرەپێدانی پەیوەندییەكان و راماڵینی ئاستەنگەكانن، چونكە تەنیا بە دیالۆگ و پێكگەیشتن دەتوانیین وڵات ئاوەدان بكەینەوە”.

لەم ماوەیەی دواییدا، بەرهەم ساڵح سەرۆك كۆماری عیراق سەردانی چەند وڵاتێكی كەنداوی كرد و ئەمڕۆش بەسەردانێكی فەرمی گەیشتە شانشینی ئوردنی هاشمی.

عێراق

هەڵمەتێکى سەربازى لە قەزاى دوز دەستى پێکرد


خەڵک- بەشى هەواڵ

بەرەبەیانى ئەمڕۆ دووشەممە هەڵمەتێکى سەربازى فراوان لە نزیک شارۆچکەى دوز دەستى پێکرد بۆ کوشتن یان دەستگیرکردنى پاشماوەى چەکدارانى داعش.

میدیاکانى عیراق بڵاویانکردەوە، هەڵمەتەکە زنجیرە چیاکانى نێوان ناوچەکانى ژێر دەسەڵاتى حکومەتى عیراق و هەرێم دەگرێتەوە.

هەڵمەتەکە دواى ئەوەدێت کە لە چەند ڕۆژى ڕابردوودا چەند بۆمبێکى چێنراو لە شارۆچکەکەدا تەقینەوە و بەهۆیانەوە چەند کەسێک برینداربوون.

بەردەوام بە لە خوێندنەوە

عێراق

عیراق هۆكاری دابەزینی نرخی نەوت ئاشكرادەكات


خەڵك- بەشی هەواڵ
وەزیری نەوتی عیراق، كە ئەندامی ڕێكخراوی ئۆپیك-ە ئاشكرای دەكات، كە هۆكاری دابەزینی نرخی نەوت دەگەڕێتەوە بۆ ناكۆكی نێوان سعودیە و ڕوسیا لە سەرەتای ئەم مانگە و هەروەها قەیرانی كۆرۆنا و دەشڵێت: “بڕێكی زۆری نەوت بە نرخی هەرزان خرایە بازاڕەوە، كە پێشترهاوشێوەی نەبووە”.

سامر غەزبان، وەزیری نەوتی عیراق لە لێدوانێكی بۆ تەلەفزیۆنی فەرمی (العراقیە) ئاماژەی بەوەكردووە، بڵاوبوونەوەی ڤایرۆسی كۆرۆنا هۆكارێكە بۆ قەیرانێكی ئابووری و تەندروستی لە جیهاندا.

ڕاشیگەیاندووە، كە بەهۆی قەدەغەی هاتووچۆوە، كە بووە هۆی وەستانی زۆربەی جوڵەی ئابووری (هاووڵاتیان و فڕۆكەوانی و هۆیەكانی گواستنەوە) بووە هۆی كەمبوونەوەی خواست لەسەر سووتەمەنی و ئەمەش كاریگەری كردە سەر چالاكی پاڵێوگەكان و كەمبوونەوەی فرۆشتنی نەوت.

جەختیشی كردۆتەوە، كە داكشانی ئابووری چین لەكاتی بڵاوبوونەوەی پەتای كۆرۆنا، كە یەكەم وڵاتی كڕیاری نەوتە لەجیهان ڕۆڵی گرنگی هەبوو لە پاشەكشەی خوسات لەسەر نەوت.

وەزیری نەوتی عیراق، كە وڵاتەكەی ئەندامی ڕێكخراوی ئۆپیك-ە، كە لە 13 وڵاتی بەرهەمهێنەری نەوت پێكهاتووە دەشڵێت: “دابەزینی نرخی نەوت هۆكاری دیكەشی هەیە، وەك شەڕی نرخ لەنێوان سعودیە و ڕوسیا بەهۆی ڕێكنەكەوتنیانەوە و بەوەش نرخ زیاتر دابەزی بەهۆی زۆربوونی بەرهەمهێنانی نەوتەوە”.

بەردەوام بە لە خوێندنەوە

عێراق

بەشیر حەداد: بەغدا مووچەی دوو مانگی بۆ هەرێم نەناردووە


خەڵك – بەشی هەواڵ
جێگری سەرۆكی پەڕلەمانی عیراق ڕایدەگەیەنێت، ئێستا عیراق بۆ خۆی پێویستی بەوەیە یارمەتی بدرێت و ناتوانێت بارودۆخی خۆی بەڕێوەببات و لە پارەی یەدەگی خۆی بەكاردەهێنێت، دەشڵێت: “زۆر نالۆژیكییە بڵێین بەغدا مووچەی دوو مانگی بۆ هەرێمی كوردستان ناردووە”.

د. بەشیر حەداد، جێگری سەرۆكی پەڕلەمانی عیراق لە ڕاگەیەنراوێكدا، ئاماژەی بەوەكردووە، ئەو قسەیە زۆر دوورە لە ڕاستیەوە و دوورە لە مەنتیق و لۆژیك، ئەگەر عیراق لەسەر یەك، دوو مووچە بۆ هەرێمی كوردستان بنێرێت، چونكە ئێستا عیراق بۆ خۆی پێویستی بەوەیە یارمەتی بدرێت، عیراق لە ئێستادا ناتوانێت بارودۆخی خۆی بەڕێوەببات و لە پارەی یەدەگی خۆی بەكاردەهێنێت بۆ ئەوەی مووچەی فەرمانبەرانی دابین بكات.

ڕاشیگەیاندووە، ئیتر چۆن عەقڵ تەقەبول دەكات، كە لە مانگێكدا دوو مووچە بۆ هەرێمی كوردستان بنێرێت، ئەوە هیچ بنەمایەكی دروستی نییە.

ڕوونیشی كردۆتەوە، مووچەی ئەم مانگە و مانگی پێشوو كەمێك دواكەوت لە كاتی خۆی بەهۆی ئەو بارودۆخە و نەبوونی دەوامەوە بووە.

بەردەوام بە لە خوێندنەوە

کوردستان