ئێمە لە تۆرە کۆمەڵایەتیەکان

جیهان

نهێنی شێوازی ئەشكەنجەدانی دەزگای هەواڵگری ئەمریكا ئاشكرا دەكرێت

خەڵك-بەشی هەواڵ

نهێنی پڕۆژەیەكی دەزگای هەواڵگری ئەمریكی CIA ئاشكرادەكرێت كە لە بری ئەشكەنجە دەرمانی بەكارهێناوە بۆ وەرگرتنی زانیاری لە تۆمەتبارەكان.

ئاژانسی ئانادۆڵ بڵاویكردەوە، پڕۆژەی “Project Medication”كە دەزگای هەواڵگری ئەمریكی CIA خاوەندارێتی دەكات، لەلایەن رێكخراوەكانی كۆمەڵگەی مەدەنی ئەمریكاوە لەچوارچێوەی یاسای “مافی بەدەستهێنانی زانیاری” بەبڕیاری دادگا ئاشكرا كراوە.

راپۆرتەكە لەژێر ناونیشانی “بۆچوونەكانی وەزیری تەندروستی لەسەر بابەتی بەرنامەی لێپێچینەوە و دەستبەسەركردن و دەستگیركردنی ئۆفیسی خزمەتگوزاریی تەندروستییەوە” لەلایەن بەرپرسێكی باڵای تەندروستیی CIA ئامادەكراوە و بڵاوكراوەتەوە.

لە راپۆرتەكەدا ئاماژە بۆ ئەوە كراوە، دامەزراوەكە ساڵی 2002 لە گرتووخانە نهێنییەكانی دەرەوەی ئەمریكادا لەجێی ئەشكەنجە، داوای لە خزمەتگوزارییە تەندروستییەكان كردووە دەرمان بەكاربهێنن بۆ دانپێدادانی گومانلێكراوان بەڕاستییەكاندا.

راپۆرتەكە باس لەوەش دەكات، CIA دەرمانێكی بەكارهێناوە كە لە ساڵانی 1950 بۆ 60ەكاندا بە “MK-ULTRA” ناسراوە بۆ ئەو كەسانە بەكارهاتووە لەبەر ئەشكەنجەكاندا خۆڕاگربوون، لەئاست دەرمانەكەشدا خۆڕاگربوون.

راپۆرتەكە ئاشكرای كردووە، دەرمانەكە لەسەر 149 كەس تاقیكراوەتەوە و مادەی كاریگەر كە لە دەرمانەكەدا بەكارهێنراوە،“midazolam” بووە.

درۆر لادین پارێزەری سەندیكای ئازادییە شارستانییەكانی ئەمریكا لەوبارەوە ئاشكرایدەكات، كاریگەرترین بەشی راپۆرتەكە ئەوەیە پزیشكەكانی CIA بەخواستی خۆیان بەشدارییان لە شێوازی ئەشكەنجەكاندا كردووە، ئەمەش لەكاتێكدایە كە ساڵانێكی زۆر شێوازەكانی ئەشكەنجەكانی CIA لەئەمریكا جێگای مشتومڕ بوون.

بەپێی زانیارییەكان باراك ئۆباما سەرۆكی پێشووی ئەمریكا دوای ماوەیەكی كەم لە وەرگرتنی دەسەڵات، لە ساڵی 2009دا بەبڕیارێكی سەرۆكایەتی شێوازەكانی ئەشكەنجەی بۆ دانپێدانانی گومانلێكراو و تۆمەتباران قەدەغەكرد.

جیهان

ئیسرائیل هەڕەشەی رووخاندنی دەسەڵاتەكەی بەشار ئەسەد دەكات

خەڵك- بەشی هەواڵ

وەزیری وزەی ئیسرائیل هەڕەشەی لە نێوبردنی دەسەڵاتی بەشار ئەسەد سەرۆكی سوریای كرد لە حاڵی بەردەوامبوونی لە پشتیوانی بوونی سەربازی ئێران لە وڵاتەكەیدا.

یۆڤاڵ شێنتز وەزیری وزەی ئیسرائیل رایگەیاند، لە حاڵى رێدان بە هێرشی هێزە ئێرانییەكان بۆ سەر خاكی ئیسرائیل دەسەڵاتی بەشار ئەسەد دەكەوێتە مەترسییەوە، “چونكە ئێمە ناتوانین لەرەوشێكدا بژین بەردەوام لە سوریاوە هێرشبكرێتەسەرمان”.

لەم هەفتەیەدا سوپای ئیسرائیل گەورەترین هێرشی موشەكی كردە سەر پێگەكانی سوپای پاسدارانی ئێران لە سوریا و بەمهۆیەوە شەڕێكی قورسی راگەیاندن لە نێوان تاران و تەلئەبیب سەری هەڵداوە و هەڕەشەی بەرپاكردنی شەڕی گەورە لە دژی یەكدی دەكەن.

بەردەوام بە لە خوێندنەوە

جیهان

دیمەشق هەڕەشەی موشەكبارانكردنی فڕۆكەخانەی تەلئەبیب دەكات

خەڵك- بەشی هەواڵ

نوێنەری سوریا لە نەتەوە یەكگرتووەكان داوای لە ئەنجومەنی ئاسایشی نێودەوڵەتی كرد هەنگاوبنێت بۆ راگرتنی هێرشەكانی ئیسرائیل بۆ سەر خاكی سوریا.

بەشار جەعفەری هۆشداریشی دایە كۆمەڵگای نێودەوڵەتی لە حاڵی وەڵامنەدانەوەی داواكارییەكانی سوریا، ئەوا دیمەشق بە مافی خۆی دەزانێت وەڵامی هێرشەكانی ئیسرائیل بداتەوە.

ئاشكراشیكرد “رەنگە سوریا هێرش بكاتە سەر فڕۆكەخانەی تەلئەبیب”.

لەماوەی رابردوودا سوپای ئیسرائیل لە رێگای موشەك و فڕۆكەی شەڕكەرەوە چەندین جار بۆردومانی پێگەكانی ئێران و سوریای لە نێو خاكی سوریادا كردووە.

بەردەوام بە لە خوێندنەوە

جیهان

لەهێرشە مووشەكییەكەی ئیسڕائیل بۆ سەر سوریا 12 پاسدار كوژراون

خەڵك – بەشی هەواڵ

روانگەی سوريا بۆ مافەكانی مرۆڤ ئاشكرایدەكات، لە هێرشەكەی بەرەبەیانی رۆژی دووشەممەی رابردووی ئیسرائیل بۆ سەر بنكەكانی سوپای پاسداران لە نزیك دیمەشق، 12 پاسدار كوژراون.
رامی عەبدولڕەحمان لێپرسراوی روانگەی سوريا بۆ مافەكانی مرۆڤ رایگەیاند، بەهۆی هێرشەكەی رۆژی دووشەممەی رابردووی ئیسرائیل بۆ سەر بنكەكانی سوپای پاسداران لە سوریا، 21 كەس كوژراون، كە 12 كەسیان سەر بە سوپای پاسدارانی ئێران بوون.
رامی عەبدولڕەحمان وتیشی، شەش سەربازی سوپای سوریا بەهۆی ئەو هێرشەی ئیسڕائیلەوە كوژراون و زیانێكی زۆریش بەر بنكە و دامەزراوە سەربازییەكانی ئێران كەوتووە.
جێی ئاماژەیە، دوابەداوی هێرشە مووشەكییەكە سوپای ئیسڕائیل رایگەیاندبوو، هێرشەكە وەڵامدانەوەیەك بووە بۆ مووشەكبارانكردنی بەرزاییەكانی جۆلان لەلایەن سوپای پاسدارانی ئێرانەوە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 86%, 43
    43 86%
    43 - 86% هەموو دەنگەکان
  • وه‌زارەتی دارایی و ئابووری 8%, 4
    4 8%
    4 - 8% هەموو دەنگەکان
  • وه‌زارەتی بازرگانی و پیشه‌سازی 6%, 3
    3 6%
    3 - 6% هەموو دەنگەکان

کوردستان

دوایین