ئێمە لە تۆرە کۆمەڵایەتیەکان

خۆشەویستی

بەر لەوەی داوای تەڵاق و جیابونەوە بکەیت، ئەم ٧ پرسیارە لە خۆت بکە

خێزان

بەپێی توێژینەوەکان توانای ژنان لە پاش تەڵاق و جیابونەوە بەڕێژەی ٧٣٪ و پیاوان بەڕێژەی ٤٣٪ دادەبەزێت، هەر بۆیە توێژەرانی دەروونی داوامان لێدەکەن پێش ئەوەی داوای جیابونەوە و تەڵاق لە هاوسەرەکەمان بکەین ئەم پرسیارانە لە خۆمان بکەین؟

 

– ئایا من لە باشترین دۆخی توانایی خۆمدام؟

هەستەکەی کە تۆ لەم پەیوەندیەدا دەتوانیت بەتەواوەتی تواناکانی خۆت و وزەکانت بەکاربخەیت؟ هاوسەرەکەت لەوەدا پشتگیریت دەکات؟ یاخود بەپێچەوانەوە هاوسەرەکەت ڕێگریەکی گەورەیە لەبەردەمت بۆ گەیشتن بە خواست و ئامانجەکانت؟

 

– پلانی هاوبەشمان هەیە؟

 

تۆ خەیاڵت لای منداڵە  و گەورەکردنیانە و هاوسەرەکەشت جاری هەر بیریشی لێناکاتەوە؟ ئەو دەیەوێت بچێت بۆ وڵاتێکی دیکە بژی و تۆش دەتەوێت لێرەبیت؟ پرسیاری ئەوە لە خۆت بکە کە ئایا ئێوە پلانی هاوبەشتان هەیە لە ژیان یان هەریەکەتان بە ئاراستەیەک دەڕۆن.

 

– قسەدەکەین بەیەکەوە؟

ئایا تۆ لەگەڵ هاوسەرەکت قسەکردن و گفتوگۆکردن هەیە لە نیوانتان ؟ یاخود تۆ لەژیانی ئەودا گرنگیت نییە و کەسێکی پلە دوویت؟ ئەمە دەتوانێت ئاستی خۆتت لە پەیوەندیەکە بۆ دیاری بکات.

 

 

– ئایا زۆرترین کات خەمبارم یان دڵخۆش

ئاساییە لە پەیوەندیدا ناخۆشی و خەفەت هەبێت، بەڵام دەبێت لەخۆت بپرسیت کە زۆرترین کات ژیانی تۆ کامەیانە و لەسەر ئەو بنەمایە بڕیار بدەیت، نەک ئەوەی تەنها ناخۆشیەکانت لەبەرچاو بێت.

 

 

– ئایا چاوپۆشی لە هەڵەی یەک دەکەین؟

 

لەژیانی ژن و مێرددا ئاساییە کە هەڵە ڕووبدات، بەڵام دەبێت ئەو پرسیارە لە خۆت بکەیت کە ئایا ئێوە چاوپۆشی لەهەڵەیی یەکدی دەکەن یاخود هەموو شتێک بۆ یەکدی هەڵدەگرن ە دەیدەنەوە بەڕووی یەکتردا.

 

– بۆچی دەتەوێت لەو کەسە دوور بکەویتەوە؟

 

ئایا ئەو کێشانەی هەتانە چارەسەری نییە؟ گەر جیابویتەوە لەگەڵ کەسێکی دیکەشدا هەمان کێشەو نابێتەوە؟

 

 

– ژیانم باشتر دەبێت پاش تەڵاق؟

تۆ دڵنیایت لەوەی کە گەر جیابویتەوە پاش ماوەیەک پەشیمان نابیتەوە؟ ئایا ژیانت لەپاش جیابونەوەکە لە رووی ماددی و مەعنەوەیەوە باشتر دەبێت یان خراپتر؟

 

 

لە دەرئەنجامی وەڵامی یەم پرسیارانە دەتوانیت دوا بڕیاری خۆت بدەیت، نەک بە شێوازێکی هەڵە و پەلە.

خۆشەویستی

چەند ئامۆژگاریەکی خۆشەویستی کە ئەو کەسانەی خۆیانت لێدەکەن بە پسپۆڕ پێتی دەڵێن و هەمووشی هەڵەیە! 

خێزان

زۆرجار کاتێک دەچیتە پەیوەندی خۆشەوویستیەوە یان تازە ژیانی هاوسەرگیری پێکدەهێنیت، هەموان لێتدەبن بە پسپۆڕ و قسە دەکەن، بەڵام گرنگە کە هەموو ئەو ئامۆژگاریانە وەرنەگریت چونکە بەشێکیان زیانی زیاترە، ئەمەی خوارەوە بەشێکیانە:

 

–  کەسێکی لەخۆت دەوڵەمەنتر بدۆزەرەوە:

کاتێک لەبەر پارە یان سودێکی تایبەتی لەگەڵ کەسێکدا دەژیت، ئەوا بزانە کە تۆ سۆز و خۆشەویستیەکەت دەخەیتە ڕیسکێکی گەورەوە، جونکە هەرکات ئەو حەزە کاتیانە پر بوەوە یان بەدی نەهات هاوسەرگیریەکەش تێک دەچێتەوە.

 

– خۆت هەموو شتێک بگەر دەست

ئەمەش یەکێکە لەو ئامۆژگاریە هەڵانەی نابێت بەقسەی بکەیت، ژیانی هاوسەرگیری لەسەر بنەمای بەرپرسیاریەتی جیاواز بنیادنراوە و هەریەکە و لە بواری خۆیدا سەرپەرشتیار دەبێت.

 

– داوای ڕۆمانسیەتی بەردەوام بکە

لەڕووی دەرونی و سروشتی مرۆڤەوە ئەمە نەگونجاوە و نایەتە دی، بۆیە بە پێی فیلمەکان تەماشای ژیانی ڕاستەقینە مەکە.

 

– بێدەنگ بە و خراپتری مەکە

هەڵەیە کە کێشەکان بە بێدەنگی تێپەرێنیت و باشترە گفتوگۆی لەسەر بکەیت، چونکە گەر وانەبێت لە شوێنێکدا دەتەقێتەوە.

 

– بەردەوام چاودێری بکە، چونکە ئەو مافەت هەیە

ژیانی هاوسەرگیری پێویستە لەسەر بنەمای متمانە بێت نەک چاودێری بەردەوام و ژیانێکی هەواڵگریانە.

 

– زۆر کەس باوەڕی بەم هاوکێشەیە هەیە، بەڵام تۆ ژیانت لەسەر ئەمە بنیاد مەنێ و بزانە کە خۆشەویستی راستەقینە دواجار دەبێت بە هاوسەرگیری کۆتایی بێت.

بەردەوام بە لە خوێندنەوە

خۆشەویستی

کۆمەڵێک ڕەفتاری ئافرەتان لەوانەیە جارێکی دیکە پیاو نزیکی نەبێتەوە

خێزان
کۆمەڵێک ڕەفتار هەن کە پیاوان حەزی پێناکەن لە کاتی گفتوگۆدا، گرنگترین ئەو خاڵانە کامانەن؟ خوێنەربن.

زۆر قسەکردن یەکێکە لەو ڕەفتارانەی خانمان، زۆر وتن لەسەر بابەتێک بەجۆڕێک ببێتە هۆی بێزارکردنی کەسانی بەرامبەر، هەوڵبدە لەو ڕەفتارانە دووربکەویتەوە و بەپێی پێویست بدوێیت.

یاری کردن بە لێوت یان خواردنی بەشێک لێو سیفاتێکی باش نییە لای پیاوان و هەندێک جار ڕقیان لێدەبێتەوە، هەوڵبدە ئەم ڕەفتارە نەنوێنیت و پارێزگاری لە خاوێنی دەم و بۆنیشی بکە.

زۆر خوراندنی قژ یان بێخی سەر و زیاد لەپێویست دەست بۆ بردنی یەکێکە لە رەفتارە خراپەکان، ئەگەر دەتەوێت بە جوانترین شێوە دەربکەویت لەبەردەمیدا وازبهێنە لەو کردارە.

کاتێک گفتوگۆ دەکەیت، دەست لە لێوت مەدە، هاوکات ئاگاداری جوینی بنێشت و یاری پێکردنی بە لەدەمتدا بەشێوازێکی ناشرین نەبێت.

بەردەوام بە لە خوێندنەوە

خۆشەویستی

توێژینەوەیەک: ئەوانەی بەردەوام شەڕ دەکەن لەگەڵ خۆشەویستەکانیان یەکتریان زۆر خۆش دەوێت

خێزان
بەپێی دواین توێژینەوە دەرکەوتووە ئەو هاوژینانەی بە بەردەوامی دەمەقاڵێیان هەیە لەگەڵ یەکتردا ئەوا زیاتر یەکتریان خۆش دەوێت، توێژینەوەکە دەری خستووە ئەوانەی هەفتەی جارێک تووشی ئەم گرفتە دەبن پەیوەندییەکەیان زۆر پتەو بووە و لە دواتردا زیاتر یەکتریان خۆش ویستووە.
هەروەها هەندێک جار شەڕ کردن بەمانای گرنگی پێدانی زۆر دێت بە بەرامبەر تاوەکوو زیاتر و زیاتر لە یەکدی تێبگەن و ئاگاداری شتەکان بن.


هەروەها پێویست ناکات هیچ کام لە هاوسەرەکان لەم گفتوگۆیەدا بێدەنگ بن و گرنگە هەوڵی زیاتری لێک تێگەشتن بدەن چوونکە لە دواتردا دەبێتە هۆی ئاسانکردنی گرفتەکان تاوەکو باشتر بە سەریدا زاڵ ببن.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین