ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

هواوی پەردە لەسەر سەردەمێكی تازەی كامیرای مۆبایل لادەدات

كامێرای مۆبایل لەهەموو ساڵێك پێشكەوتن بەخۆیەوە دەبینێت، توانا و لێهاتویی و تایبەتمەندی زیاتر دەبێت ، كوالیتی بەرزتر و زوومی فراوانتر و تایبەتمەندی باشتركردنی وێنە، هەندێك لەو كامێرانە لەئاستێكی بەرزدایە كە ڕێگا بە هەوادارانی وێنەگرتن دەدات وەك پیشەگەر وێنە بگرن .

ساڵی 2018 سەردەمێكی تازە لەجیهانی كامێرای مۆبایل سەریهەڵدا ، لەگەرمەی ململانێ لەنێوان مۆبایلەكاندا ، كۆمپانیاكان بەردەوام لەهەوڵدابوون بۆ بەرو پێشبردنی كامێرای مۆبایل بۆ ئاسۆیەكی تازە، لەمباریەوە یەكێك لە مۆبایلەكان، پێش ركابەرەكانی كەوت ئەویش مۆبایلی ” HUAWEI P20 Pro “كە كامێرایەكی سیانی هەیە پاڵپشت بەتەكنەلۆژیای زیرەكی دەستكرد، بەهەماهەنگی لەگەڵ كۆمپانیای لایكا دروستكراوە، ئەم كامێرایە توانای ئەوەی هەیە لەبارودۆخی رووناكی كەمدا وێنەی سەرنجراكێش بگرێت .

مۆبایلی” HUAWEI P20 Pro ” پڕفرۆشترین مۆبایل بوو لەوڵاتی ئیمارات لەساڵی 2018 ، لەدوای یەك هەفتە لەهاتنە ناو بازار ژمارەكانی فرۆشتنی مۆبایلی” HUAWEI P10 Plus ” شكاند كەساڵی رابردوو تۆماریكرد و فرۆشتنی گەیشتە سێ بەرابەر لە رۆژی یەكەمدا، زنجیرەی مۆبایلی ” HUAWEI P “سەركەوتووترین زنجیرە بوو لەمیژووی كۆمپانیا لەم وڵاتە، ئەو مۆبایلە بووە جێگای بایەخی هەوادارانی ئەم جۆرە ئامێرە لە ئیمارات لەو كاتەی كەلەشاری پاریس نمایش كرا و لەگەڵ مۆبایلی نایاب”PORSCHE DESIGN HUAWEI Mate RS “وەشێندرا كە كامێرایەكی سیانی لەلایكای هەیە بەكوالیتی 40 میگا پیكسل بەتەكنەلۆژیای زیرەكی دەستكرد، كامێرای مۆبایلی ” HUAWEI P20 Pro “،بەرزترین نمرەی وەرگرت (109 نمرە) بەپێی ماڵپەڕی DxOMark كەتایبەتە بەهەڵسەنگاندنی وێنە و زوومی كامێرای مۆبایلەكان .

كۆمپانیای هواوی ئاشكرای كرد، فرۆشتنی ئامێرەكانی ژمارەی پێوانەیی لە پێگەی بازرگانی ئەلكترۆنی Vmall شكاندووە، لەماوەی 10 چركەدا لە وەشاندنی مۆبایلی ” HUAWEI P20″داهاتەكەی 100 ملیون یوانی چینی بووە،لەئەوروپاش ” HUAWEI P20 Pro ” بەرێژەی 316% بەپێش ئامێرەكانی پێشووی خۆی كەوتەوە .

ئەم مۆبایلە، ئەزموونی وێنەگرتنی فۆتۆگرافی لە مۆبایلدا بەرەو پێش برد ، چۆن ئەوكارەی ئەنجامدا ؟
كامێرای سیانی لە لایكا بە كوالێتی 40 میگپیكسل لە پێشەوەی كامێرای مۆبایلەكانی دیكەیە
مۆبایلەكانی HUAWEI P Series بەوە ناسراوە كە ستایلەكەی و تەكنەلۆژیاكەی و كامێراكەی باشترینن ، ئەمڕۆش هواوی لەم كارە بەردەوامە لەرێگای مۆبایلی HUAWEI P20 Pro كە لەنێوان هەستی هونەری و تازەترین تەكنەلۆژیای مۆبایل كۆدەكاتەوە و ئەزموونێكی پیشەگەری لەبواری وێنەگرتن دەبەخشێت .

مۆبایلی HUAWEI P20 Pro یەكەم مۆبایلە لەبازاڕ كە كامێرای سیانی هەیە بەكوالیتی 40 میگا پیكسل بەزوومی (f/1.8) لەگەڵ هەستیاری یەكەی رەنگی بە كوالیتی 20 میگاپیكسل بەزوومی (f / 1.6) ، هەروەها هەستیاری پێوەری وێنەكان بە كوالیتی 8 میگاپیكسل بە زوومی (f/2.4) كەپشت بەتەكنەلۆژیای OIS دەبەستێت ، دوو هەستیارەكەی دیكە پشت بە تەكنەلۆژیای زیرەكی دەستكرد AIS دەبەستێت .

كۆمپانیای لایكا كامێراكان و هەرسێ هەستیاری دروستكردووە، هەر هەستیارێك رۆڵی تایبەتی خۆی هەیە، هەستیاری ڕەنگەكان  (40 میگاپیكسل) رەنگەكان دەگرێت، هەستیاری یەك ڕەنگی (20 میگاپیكسل) وردەكاریەكان دەگرێت، دیاركردنی كاریگەریەكانی بوكێ ، هەستیاری سێیەم (8 میگاپیكسل) بۆ نزیكردنەوەیە، لەرێگای دانانی كامێرای سیانی لە لایكا لە مۆبایلی HUAWEI P20 Pro هواوی برەو بەبواری وێنەگرتن دەدات لە مۆبایلدا .
هواوی شانازی بە نمرەی 109-114 دەكات لە كوالیتی وێنە و 98 نمرە بۆ كوالیتی ڤیدیۆ بەپێی هەڵسەنگاندنی پێگەی DxOMark.com.

باشترین توانكانی زیرەكی دەستكرد بۆ وێنەی رەونەق و كوالیتی بەرز
هواوی وەبەرهێنانی لە زنجیرەی Mate ئەنجامدا كەبۆیەكەمجار پرۆسێسەرێكی بەتەكنەلۆژیای زیرەكی دەستكرد بەكارهێنا، كامێرای ئەو مۆبایلە دەتوانێ 19 شێوەو دیمەن بناسێتەوە لەگەڵ ئامادەكردنی كامێرا بەشێوەیەكی راستەخۆ بۆ زامنكردنی باشترین كوالیتی بۆ وێنەكان ، مۆبایلی HUAWEI P20 Pro ئەزموونێكی بێ هاوتای وێنەگرتن فەراهەم دەكات بە تەكنەلۆژیای زیرەكی دەستكرد كەیارمەتیدەرە بۆ وێنەگرتنی وێنەی سەرنجراكێش .

كامێرای پێشەنگ لەبارودۆخی رووناكی كەمدا
وێنەگرتن لەبارودۆخی رووناكی كەمدا پێویستی بە كامێرایەكی پیشەگەر هەیە ، كامێراكانی ئەمڕۆ ركابەری یەكتر دەكەن بۆ وێنەگرتن لە رووناكیەكی كەمدا ، مۆبایلی HUAWEI P20 Pro پێوەری تازەی لەم بوارە داهێنا ، بەهۆی هەستیارەكانی و زوومەكانی مۆبایلی HUAWEI P20 Pro رێگا بەهەمووان دەدات بۆ ئەوەی وێنەی پیشەگەرانە بە كوالیتی بەرز بگرن ، مۆبایلی HUAWEI P20 Pro وێنەی رەونەقدار و وردەكاری روون بەكەمترین ژاژاوە دەدات ، كەدەیكاتە باشترین مۆبایل بۆ وێنەگرتنی باشترین وێنە یان گرتەی ڤیدیۆیی لەبارودۆخی رووناكی كەمدا .

قەبارەی كرانەوەی زووم ئەركی گەیاندنی رووناكی لەسەرە بۆ هەستیاری وێنە ، مۆبایلی HUAWEI P20 Pro سێ زوومی جۆری لایكای هەیە بە پێوەری (108/f؛ و f/1.6؛ وf/2.4 ) كە رووناكی زیاتر دەگەیەنێتە هەستیارەكە ، كەدەبێتە هۆی وێنە رەونەقدارتر و روونتر لەبارودۆخی كەم رووناكیدا .

لەئەنجامدا مۆبایلی HUAWEI P20 Pro بژاردەی یەكەم و نمونەیە بۆ ئەوانەی ئارەزووی باشترین كامێرای مۆبایلیان هەیە لە بازاردا ، و چێژ لە تەكنەلۆژیای پێشكەوتوو و توانای ئەم مۆبایلە وەردەگرن وەك ئەوەی كامێرایەكی دیجتال بەكاربهێنن .

ئۆتۆمبێل و تەکنەلۆژیا

فێڵێكی كورتكردنەوە لە ئایفۆندا كەم كەس دەیزانێت

خەڵك- بەشی هەواڵ
زۆرێك لە بەكارهێنەرانی مۆبایلەكانی ئایفۆن، كورتكردنەیەكی بەسود نازانن، كە لە كیبۆردی ئامێرەكانیاندا هەیە و تا ئەندازەیەكی زۆر بەرهەمهێنەرە لەكاتی نوسینی دەقە دوورودرێژەكان.

كریسی برایەر دایڤیس، ئەو تایبەتمەندییەی (زۆرێك نایزانن) مۆبایلی ئایفۆنی لە تۆڕی كۆمەڵایەتی (تویتەر) بڵاوكردۆتەوە و دەڵێت: “ڕێگە بە جوڵاندنی دەستەواژەی نوسین دەدرێت لە ناوەڕاستی دەقەكەدا بەبێ‌ ماندووبوون و تەواوكاریی بەدوادادێت، بەكارهێنەران دەتوانن، ئەو دەستەواژەی نوسینە لە ناوەڕاستی دەقی نامەكاندا بجوڵێنن بە گوشاری بەردەوام لەسەر سپەیس، لە ناوەڕاستی تابلۆی پیتەكان، پاشان بە ڕاستی و چەپ بەشێوەیەكی خێرا بجوڵێنرێت بەبێ‌ ئەوەی پەنجەی لەسەر شاشەكە هەڵبگیرێت”.

دایڤیس لە تویتەكەیدا نوسیویەتی، “بۆچی كەس ئەم فێڵەی لە ئایفۆندا پێنەوتووم؟”.

ئەو تویتەی دایڤیس كارلێكێكی گەورەی لە تۆڕە كۆمەڵایەتییەكاندا لەگەڵ كرا و زۆرێك سەرسامییان بەرانبەر بەو تایبەتمەندییە دەربڕی، كە پێشتر نەیانزانی بوو.

تایمەتمەندییەكی یاریدەدەرە بۆ ڕاستكردنەوەی ئەو دەقانەی لەو ئەپانەدا دەنوسرێن، كە پشت بە (ئێس ئێم ئێس) دەبەستن، وەك (واتساپ) و (فەیسبوك ماسنجەر) و (سناپ چات).

بەردەوام بە لە خوێندنەوە

ئۆتۆمبێل و تەکنەلۆژیا

فەیسبوك و ئینیستاگرام لەكاركەوتن

خەڵك- بەشی هەواڵ
هەردوو پێگەی كۆمەڵایەتی (فەیسبوك) و (ئینیستاگرام) لە هەندێك وڵاتدا لەكاردەكەون، ئەمەش وادەكات لە زۆرێك لە وڵاتانی جیهاندا بكەونە دەرەوەی بازنەی خزمەتگوزارییەكان.

ئەمڕۆ سێ‌ شەممە، ڕاپۆرتەكان باس لە بوونی كێشەكانی گەیشتن بە خزمەتگوزاریی (فەیسبوك) و (ئینیستاگرام)یان كرد لە هەموو ناوچەكانی جیهان، بە ولایەتە یەكگرتووەكانی ئەمریكا، ڤێتام، ئەرجەنتین، بەریتانیا و تەنانەت عیراق و هەرێمی كوردستانیشەوە.

بەكارهێنەرانی تۆڕە كۆمەڵایەتییەكان، لەدوای كاتژمێر یەكی نیوەڕۆوە (بە كاتی گرێنیچ)، سكاڵایان كردبوو بەرانبەر بە بوونی كێشەكانی گەیشتن بە ئاپەكان.

هاوكات لە بەدواداچوونێكی (خەڵك)دا دەركەوتووە، كە كێشە لە فەیسبووك و ئینیستاگرام دروست بووە و هاوڵاتیان بە ئاسانی ناتوانن وێنە و پۆستەكانیان بڵاوبكەنەوە.

لەو بارەیەشەوە، ڕەوەند جەمال، شارەزا لەبواری ئایتی بۆ (خەڵك) ڕایگەیاند، كێشەكە زۆربەی خەڵكی گرتۆتەوە و پەیوەندی ڕاستەوخۆ بە كۆمپانیاكانی خاوەنی ئەو پێگە كۆمەڵایەتییانەوە هەیە.

بەردەوام بە لە خوێندنەوە

ئۆتۆمبێل و تەکنەلۆژیا

جیپ پیکابێکی نوێی لەسەر بنچینەی رانگلەر ڕاگەیاند

خەڵک-

کۆمپانیای جیپ سەر بە گروپی کرایسلەر ڕایگەیاندووە، لە پێشانگەی ساڵانەی لۆس ئەنجیلێس لە مانگی داھاتوو ئۆتۆمبێلێکی نوێ ڕادەگەیەنن، بەڵام پێش وادەی خۆی ھەواڵەکان دزەیان کردووە و ئاشکرا کرا، ئۆتۆمبێلە نوێیەکەی جیب پیکابێکە لەسەر بنچینەی جیپ رانگلەر.

وێنەکانی ئەو ئۆتۆمبێلە نوێیە دزەیان پێکراوە و بە خێرایی بڵاوبوونەوە، ئەوەش وای لە کۆمپانیاکە کرد، چەند زانیارییەکی لەبارەی ئۆتۆمبێلە نوێیەکەوە ڕابگەیەنێت.

ئۆتۆمبێلە نوێیەکە ناوی Jeep Gladiator 2020 ـی لێنراوە، لەسەر بنچینەی رانگلەری 2019 دروستکراوە، درێژی حەوزەکەی ١٥٢ سانتیمەترە لەگەڵ چەند جیاوازییەکی سادە لە دیزاینی پێشەوەیدا.

سەبارەت بە بزوێنەرەکانی ئەم پیکابە نوێیە، کۆمپانیاکە ڕایگەیاندووە، بە 2 جۆر بزوێنەر بەردەست دەبێت:

یەکەم: بزوێنەرێکی V6 ـی قەبارە 3.6 لە جۆری پێنتاستار، بە ھێزی 285 HP و تۆرکی 352 NM. ئەم بزوێنەرە لەسەر ژمارەیەکی زۆر لە ئۆتۆمبێلەکانی گروپی کرایسلەر ھەیە، وە: کرایسلەر S300 و دۆج چارجەر و دۆج چالێنجەر و جیپ گراند چێرۆکی.

دووەم: بزوێنەرێکی دیزڵ V6 ـی قەبارە 3.0، بە ھێزی 260 HP و تۆرکی 598 NM.

ھەردوو جۆر بزوێنەرەکەش بە گێربۆکسێکی نویێ ٨ نمرەییەوە پەیوەست دەکرێن.

پیکابە نوێیەکەی جیپ دەتوانێت کێشی 725 کیلۆگرام بۆ گواستنەوەی دوور ماوە ھەڵبگرێت و توانای ڕاکێشانی 3470 کیلۆگرامیشی ھەیە.

تا ئێستا ھیچ زانیارییەک لەبارەی نرخی جیپ گڵادیەیتەر ڕانەگەیەنراوە، بەڵام پێدەچێت نرخەکەی نزیک بێت لە نرخی ھاوتاکەی خۆی، جیپ رانگلەر 2019.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین