ئێمە لە تۆرە کۆمەڵایەتیەکان

عێراق

بۆ پێكهێنانی حكومەت سەدر پێشنیارێكی لەلایەن قاسم سلێمانییەوە پێگەیشتووە

خەڵك- بەشی هەواڵ
سەرچاوە ڕۆژنامەوانییەكان باس لەوە دەكەن، كە موقتەدا سەدر، رابەری ڕەوەتی سەدر، كە پشتیوانی لە هاوپەیمانی سائیرون دەكات، پێشنیارێكی لەلایەن قاسم سلێمانی، فەرماندەی فەیلەقی قودسی ئێرانیەوە پێگەیشتووە سەبارەت بە پێكهێنانی حكومەتی داهاتوو.

ماڵپەڕەی كەناڵی (دیجلە) لە زاری سەرچاوە ڕۆژنامەوانییەكانەوە بڵاویكردەوە، كە موقتەدا سەدر لەلایەن قاسم سلێمانی، فەرماندەی قودسی ئێرانی، چەند پێشنیارێكی سەبارەت بە پێكهێنانی حكومەتی داهاتووی عیراقەوە پێگەیشتووە و بنەمای ئەو پێشنیارانەش ئەوەیە، كە سەرۆك وەزیرانێك لەنێو شیعەكاندا هەڵببژێرێت.

بە وتەی ئەو سەرچاوانە، سەدر تائێستاش ئەو سیناریۆیە بۆ پێكهێنانی حكومەت ڕەتدەكاتەوە و پێداگرە لەسەر پێكهێنانی كوتلەیەكی پەرلەمانی بەهێز، كە پێكهاتەكان تێبپەڕێنێت، ئاماژەیان بە تویتەكانی ئەم دواییەی ڕابەری ڕەوتی سەدریش كردووە، كە تێیاندا بەدەستهێنانی وەزارەتەكان لەبەرانبەر زیندووكردنەوەی هاوپەیمانی نیشتمانی شیعەكان، ڕەتدەكاتەوە.

لە 12ی ئایاری 2018، پرۆسەی دەنگدانی گشتی لە 19 پارێزگای عیراقدا بۆ هەڵبژاردنی پەرلەمانی ئەنجامدرا، لە هەڵبژاردنەكەشدا هاوپەیمانی سائیرونی سەر بە ڕەوتی سەدر، بە كۆكردنەوەی 54 كورسی لە پلەی یەكەمدایە و هاوپەیمانی فەتحی سەر بە هادی عامری بە 48 كورسی لە پلەی دووەمدایە، هاوپەیمانی نەسری سەر بە حەیدەر عەبادیش بە 42 كورسی لە پلەی سێیەمی براوەكانی هەڵبژاردنە.

عێراق

كاندیدی نوێ‌ بۆ وەزیری بەرگری عیراق ئاشكرا دەكرێت

خەڵك- بەشی هەواڵ
پەرلەمانتارێك، كاندیدكردنی لیوا ڕوكن عەبدولغەنی ئەسەدی، فەرماندەی پێشووی دەزگای بنبڕكردنی تیرۆر، بۆ پۆستی وەزیری بەرگری، لەلایەن محەمەد حەلبوسی، سەرۆكی پەرلەمانی عیراقەوە ئاشكرادەكات.

فائق شێخ عەلی، پەرلەمانتاری عیراقی لە توییتێكیدا لەسەر تۆڕی كۆمەڵایەتی (تویتەر) ڕایگەیاندووە، “حەلبوسی، ئەسەدی بۆ وەرگرتنی پۆستی وەزیری بەرگری كاندید دەكات”.

بە وتەی شێخ عەلی، “وەزارەتی بەرگری لە دابەشكردنی دەوڵەتە تایەفەگەرییەكەمان، لە پشكی سوننەكانە، بەڵام كاتێك شەق لە تایەفەگەری هەڵدەدەیت و دەتەوێت دەوڵەتێك بنیات بنێیت، كە پشت بە پێوەرەكانی پیشەگەریی ببەستێت، ئەوا محەمەد حەلبوسی، سەرۆكی پەرلەمان نمونەیەكە بۆ ئەوە و دەكرێت وەك پێشەنگ تەماشا بكرێت”.

ئەو پەرلەمانتارە دەڵێت: “ئەبو زەینەب، دەستی داگیركەرانی شكاند و كاندیدی هەموو عیراقییەكانە بۆ وەزارەتی بەرگری”، ئەمەش وەك ئاماژەكردنێك بۆ عەبدولغەنی ئەسەدی، فەرماندەی دەزگای بنبڕكردنی تیرۆر لە شەڕەكانی ڕزگاركردنی موسڵ.

فراكسیۆنەكانی ژێر سایەی هاوپەیمانی چاكسازیی و ئاوەدانكردنەوە، بایكۆتی دانیشتنی 4ی كانوونی یەكەمی 2018یان كرد، كە بۆ دەنگدان بوو لەسەر كاندیدەكانی پاشماوەی هەشت وەزارەتەكەی كابینەكەی عادل عەبدولمەهدی، سەرۆك وەزیران.

بەردەوام بە لە خوێندنەوە

عێراق

هۆشداری خۆپیشاندان دەدرێت
نەتەوە یەكگرتووەكان لە عیراق نێوەندگیری دەكات

خەڵك- بەشی هەواڵ
سەرچاوەیەكی سیاسی بەرپرس ڕایگەیاندووە، هەوڵەكان بۆ چارەسەركردنی تەنگژەی وەزارەتە بەتاڵەكان بە پشتیوانی نەتەوە یەكگرتووەەكان دەستیپێكردووە، هەندێك لایەنی عیراقیش ئاماژە بە پەنابردنە بەر خۆپیشاندان دەكەن.

ڕۆژنامەی (العربی الجدید)ی قەتەری، لە زاری سەرچاوەیەكی سیاسی بەرپرسی عیراقیەوە بڵاویكردۆتەوە، “هەوڵێك لەئارادایە بۆ ڕازیكردنی لایەنە سیاسییەكان بە دەستپێشخەرییەكی تایبەت بە چارەسەكردنی تەنگژەی وەزارەتە بەتاڵەكان، كە خۆی لەوەدا دەبینێتەوە، هەردوو لایەنی سەرەكی (بنیاتنان و چاكسازی)، كاندیدی خۆیان بۆ وەزارەتەكان پاشەكشەپێبكەن و ئازادی تەواوەتی بدەنە سەرۆك وەزیران تا كێی بەلاوە باش بوو بیكاتە وەزیر لە حكومەتەكەی”.

هەر بە وتەی ئەو سەرچاوەیە، “لەماوەی چەند كاتژمێری داهاتوو، بە پشتیوانی نێردەی نەتەوە یەكگرتووەكان، جارێكی تر هەوڵەكان بۆ دانوستان دەخرێنەوە گەر لە بەغدا”، ئاماژەی بە هەڵوێستی هەندێك لایەنی سیاسی عیراقیش كردووە، كە باسیان لە پەنابردنە سەر جوڵاندنی شەقام و سازدانی خۆپیشاندان كردووە، گەر ڕەوشی ئێستا بەمشێوە بەردەوام بێت و پێكهێنانی حكومەت لەگەڕبخرێت.

پێشتر، هۆشیار عەبدوڵڵا، پەرلەمانتاری بزوتنەوەی گۆڕان لە پەرلەمانی عیراق، ڕەخنەی لە سیاسەتی دوفاقی عادل عەبدولمەهدی، سەرۆك وەزیران گرتبوو سەبارەت بە پێكهێنانی كابینە وەزارییەكەی، كە بە وتەی ئەو، “لەلایەك عەبدولمەهدی باس لە سەربەخۆیی كابینەكەی دەكات و لەلایەكی ترەوە دەچێتە ژێر گوشاری سەركردە سیاسییەكان”.

بەردەوام بە لە خوێندنەوە

عێراق

تائێستا نۆ ملیۆن كارتی نیشتمانی بۆ هاوڵاتیان دەركراوە

خەڵك- بەشی هەواڵ
وەزارەتی ناوخۆی عیراق، دەركردنی نۆ ملیۆن كارتی نیشتمانی بۆ هاوڵاتیان لە تەواوی ناوچەكانی عیراقدا ڕادەگەیەنێت.

ئەمڕۆ سێ‌ شەممە، لیوا سەعد مەعن، وتەبێژی وەزارەتی ناوخۆی عیراق، لە بەیاننامەیەكدا ڕایگەیاندووە، “لیوا هەیسەم غەرباوی، بەڕێوەبەری گشتی پاسپۆرت و ڕەگەزنامە ڕایگەیاندووە، كە 9 ملیۆن كارتی نیشتمانی لە تەواوی ناوچەكانی عیراقدا، بۆ هاوڵاتیان دەركراوە”.

حكومەتی عیراق لە 25ی تەمموزی 2015، پڕۆژەی كارتی نیشتمانی یەكگرتووی ڕاگەیاند، لەو دەمەشدا حەیدەر عەبادی، سەرۆك وەزیرانی پێشوو ڕایگەیاندبوو، پڕۆژەكە سودی ئەمنی هەیە و یەكێكە لە ئامرازەكانی ئاسانكاریی لە مامەڵەكان، جەختیشی لەسەر پێویستی پارێزگاریی لە تایبەتمەندی هاوڵاتی كردبۆوە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین