ئێمە لە تۆرە کۆمەڵایەتیەکان

عێراق

دواین ئاماری قوربانیانی تەقینەوەکەی موسڵ ڕاگەیەنرا

خەڵک-

دواین ئاماری قوربانیانی تەقینەوەکەی ئێوارەی ئەمڕۆی شاری موسڵ ئاماژە بە گیان لەدەستدان و برینداربوونی زیاد لە ٥٠ ھاوڵاتی دەکات.

ئێوارەی ئەمڕۆ لەبەشی ڕۆژئاوای شاری موسڵ، لەبەردەم چێشتخانەیەکدا ئۆتۆمبێلێکی جۆری پیکاب تەقییەوە، بەھۆیەوە ژمارەیەک ھاوڵاتی گیانیان لەدەستدا و بریندار بوون.

میدیاکانی عیراق لە زاری سەرچاوە ئەمنییەکانی موسڵەوە دوایین ئاماری قوربانیانی تەقینەوەکەیان ڕاگەیاندووە و دەڵێن، ژمارەی قوربانییەکان زۆر زیاتر بووە لەوەی لە سەرەتادا ڕاگەیەنراوە.

لەو تەقینەوەیەدا ١٠ کەس گیانیان لەدەستداوە و ٤٨ کەسیش برینداربوون، برینی ھەندێکیان سەختە و دۆخی تەندروستییان ناجێگیرە.

 

عێراق

بەریتانیا بەشێك لە فڕۆكە جەنگییەكانی لە عیراق و سوریا دەكشێنێتەوە

خەڵك – بەشی هەواڵ

هێزی ئاسمانی پاشایەتی بەریتانیا ئاشكرایكرد، نیوەی فڕۆكە جەنگییەكانی وڵاتەكەی كە لە عێراق و سوریان، دەكشێنێتەوە.
بەپێی هەواڵێكی رۆژنامەی (دەیلی مەیڵ)ی بەریتانی كە تیایدا پشتی بە كاربەدەستە سەربازییەكان بەستووە، هەشت فڕۆكەی جەنگیی جۆری “RAF Typhoon”ی سەربە هێزی ئاسمانیی پاشایەتی بەریتانیا كە لە سوریا و عێراقن، مانگی داهاتوو دەكشێندرێنەوە.
لە هەواڵەكەدا باس لەوەكراوە، شەش فڕۆكەی جەنگیی جۆری “RAF Typhoon” و ١٠ فڕۆكەی بێفڕۆكەوان لە جۆری Reaper درێژە بە مانەوەیان لە خۆرهەڵاتی ناوەڕاست دەدەن.
سەرچاوەیەكی باڵای سەربازیش باسی لەوەكردووە، كشاندنەوەی فڕۆكە جەنگییەكانیان لە ناوچەكە، هیچ لە سووربوونیان لە ئەركەكانیان لە ناوچەكە كەم ناكاتەوە.
جێی ئاامژەیە، ئەم هەنگاوەی بەریتانیا دوای ماوەیەكی كەم لە بڕیاری كشانەوەی سوپای ئەمریكا لە سوریا دێت.

بەردەوام بە لە خوێندنەوە

عێراق

پۆمپیۆ: ئێران ئازادی و سەربەخۆیی عیراق پێشێل دەكات

خەڵك- بەشی هەواڵ
وەزیری دەرەوەی ئەمریكا، ئێران بە پێشێلكردنی ئازادی و سەربەخۆیی عیراق تۆمەتبار دەكات.

مایك پۆمپیۆ، وەزیری دەرەوەی ئەمریكا لە وتارێكیدا لەبەردەم كۆڕبەندی ئابوری (داڤۆس) رایگەیاند”ئێران مایەی هەڕەشەیەكی راستەقینەیە، تائێستاش بەو پەڕی تواناوە هەوڵ بۆ سنورداركردنی ئازادی و سەربەخۆیی عیراق دەدات”.

بە وتەی پۆمپیۆ”هەڕەشەكانی كۆماری ئیسلامی ئێران زۆر راستەقینەن لە یەمەن و سوریا و لوبنان، بە هەمان شێوە لە عیراقیش هەوڵ دەدات، ئازادی و سەربەخۆیی وڵاتەكە سنورداربكات، لە هەموو ئەو شوێنانەش ئێران كاریگەریی هەیە”.

سەبارەت بە دۆسێی یەمەنیش، وەزیری دەرەوەی ئەمریكا، هیوای خواست “پێشكەوتن لە دۆسێی تەنگژەكانی یەمەندا بێتەدی”.

بەردەوام بە لە خوێندنەوە

عێراق

سەرۆكی حزبێكی عیراقی بۆ (خەڵك): بودجە پەسەند دەكرێت

خەڵك- بەشی هەواڵ
سكرتێری گشتی حزبی شیوعی عیراق ڕایدەگەیەنێت، سبەینێ‌ پەرلەمان دەنگ لەسەر پڕۆژە یاسای بودجەی فیدڕاڵی دەدات و پاشماوەی كابینە وەزارییەكەش دەنگی لەسەر دەدرێت.

ڕائید فەهمی، پەرلەمانتاری هاوپەیمانی سائیرون و سكرتێری گشتی حزبی شیوعی عیراق لە چاوپێكەوتنێكی تایبەت لەگەڵ (خەڵك)، كە بەم زووانە بڵاودەكرێتەوە ڕایگەیاند، “بەپێی كارنامەی دانیشتنی سبەینێی پەرلەمان، بودجەی گشتی ساڵی 2019 و پاشماوەی كابینە وەزارییەكە دەنگیان لەسەر دەرێت”.

بە وتەی ڕائید فەهمی، “سبەینێ‌ دەنگ لەسەر پڕۆژە یاسای بودجە دەدرێت و ئەگەر سبەینێش پڕۆژە یاساكە پەسەند نەكرێت، ڕەنگە بكەوێت دانیشتنی دوای ئەو، بەڵام پێشبینی دەكرێت لە دانیشتنی سبەینێدا پڕۆژە یاساكە لەلایەن پەرلەمانەوە پەسەند بكرێت”.

كارنامەی پەرلەمانی عیراق بۆ دانیشتنی سبەینێ‌ چوار شەممە، دەنگدانە لەسەر پڕۆژە یاسای بودجەی فیدڕاڵی و پاشماوەی كابینە وەزارییەكە لەخۆدەگرێت، كە پێشتر لە دانیشتنەكانی ڕابردوودا نەتوانرابوو تێبپەڕێنرێن، بە تایبەتیش پاشماوەی كابینە وەزارییەكە، كە ناكۆكی نێوان كوتلە سیاسییەكان ڕێگربوون لەبەردەم تێپەڕاندنی.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین