ئێمە لە تۆرە کۆمەڵایەتیەکان

کوردستان

ئەندامێكی ئەنجومەنی پارێزگای سلێمانی پرسی پێدانی پارەی كەم بە كرێكاران دەوروژێنێت

خەڵك – بەشی هەواڵ
ئەندامێكی ئەنجومەنی پارێزگای سلێمانی لە فراكسیۆنی هاوپەیمانی نیشتیمانی ڕایدەگەیەنێت، هەندێك لە كۆمپانیاكان پێچەوانەی ئەو گرێبەستەی لەگەل حكومەت كردوویانە مووچەی كەمتر بە كرێكاران دەدەن، دەشڵێت،”ڕۆژی دووشەممە ئەو پرسە یەكلادەبێتەوە”داوایەكیش ئاڕاستەی كرێكاران دەكات.

كاسترۆ مەعروف، ئەندامی ئەنجومەنی پارێزگای سلێمانی لە (خەڵك) ی راگەیاند، هەر كۆمپانیایەك پێچەوانەی ئەو گرێبەستەی، كە لەگەڵ حكومەت كردوویەتی كە كار بكات ئەو موچەی دیاریكراوە بۆ كریكاران كەمتریان پێ بدات رووبەرووی دادگا دەكرێتەوە.

وتیشی،”لەمیانەی بە دواداچوونم بۆ گرفتی كرێكارانی ژینگە پاریز لەسنوری ئیدارەی راپەرین بەهۆی كەمكردنەوەی پارەی مانگانە و دوورخستنەوەی بەشێك لە كرێكاران سەردانی لیپرسراوی ئیدارەی راپەرین-م كرد بۆ لە نزیكەوە ئاگاداربوون لەو گرفتە ئەوانیش پشتگیری تەواوی خۆی نیشاندا كە پشتیوانی كرێكاران بكەن، بەڵینیدا ئەوەی لە گرێبەستەكەدا دیاریكرا بێت بۆ كرێكاران دەبێت وەكو خۆی خەرجبكریت”.

ئاماژەی بۆ ئەوەشكرد، كە لیپرسراوی ئیدارەی راپەرین لە بارەی دەركردنی كرێكاران ڕایگەیاندووە، دەبێت بەرێوەبەرایەتی كار و دەستەبەری كۆمەڵایەتی بێتە دەنگ پشتگیری كرێكاران بكەن لە كاتێكدا مانگانە بۆ هەر كرێكاریك ٥١ ھەزار لە كۆمپانیا وەردەگرێت بۆیە دەبێت كاتێك كرێكاریك بێ كار دەبێت پارەی بۆ خەرج بكات تا دەچێتەوە سەر كارەكەی ئەگەرنا رێگا نادەن هیچ كۆمپانیایەك پارەی زەمانی كرێكاریان پێ بدات.

ئاشكراشیكرد، ڕۆژی دووشەممەی هەفتەی داهاتوو بریاری یەكلاكەرەوە دەدرێت داواش لە كرێكاران دەكەین لەژێر هیچ فشارێك گرێبەست لەگەڵ كۆمپانیا نەكەن.

كاسترۆ مەعروف ڕاشیگەیاند، هەر كۆمپانیایەك پێچەوانەی ئەو گرێبەستەی كە لەگەڵ حكومەت كردویەتی كەمتر پارە بدات بە كرێكاران وەكو فراكسیۆنی هاوپەیمانی ئەو كۆمپانیایە رووبەرووی دادگا دەكەینەوە، ھەموو ریكارە یاسایەكان دەگرینە بەر بەرامبەریان

کوردستان

داوای یەكهەڵوێستی حیزبەكانی باشووری كوردستان لە بەرامبەر شەڕی ئەمریكا و ئێراندا دەكرێت

خەڵك- بەشی هەواڵ

سیاسەتمەدارێكی كورد ئەمڕۆ هەینی داوای لە لایەنە سیاسییەكانی باشووری كوردستان كرد لەبەرامبەر حكومەتی نێوەندی و ململانێی ئەمریكا و ئێراندا هەڵوێستەكانیان یەكبخەن.

مەحمود عوسمان بۆ ئاژانسی بغداد الیوم ڕاشیگەیاند، هەرێمی كوردستان بەشێكە لە عیراق، بۆیە پێویستە لەگەڵ حكومەتی نێوەندی دابنیشێت و لێكتێگەیشتنیان هەبێت، هەڵوێستێكی یەكگرتووش بەرامبەر ململانێ یان شەڕی ئێران و ئەمریكا نیشانبدەن.

ئاماژە بەوەش دەكات، هەڵوێستی كورد لە حاڵی هەڵگیرسانی ململانێدا پێویستە بێلایەن بێت و پشتیوانی هیچ لایەك نەكات لەسەر حسابی لایەكەی دیكە، ئەمە دەبێتەهۆی پێوەندییەكی باش لەگەڵ هەردوولایەندا.

ڕوونیشیكردەوە، بۆ سەرجەم پێكهاتەكانی عیراق باشە كە شەڕ لە خۆیان دووربخەنەوە، بەڵام لەهەربارێكدا كە شەڕ ڕوو بدات، ئەوا ناوچەكە دەبێتە نێوەندی ململانێی هەردوولایەن، بەڵام باشترین ئەوەیە كە هەرێم و بەغدا بەشێوەیەكی گشتی خۆیان لە خاڵی ململانێ یان گۆڕەپانی جەنگ بەدوور بگرن.

بەردەوام بە لە خوێندنەوە

عێراق

“ململانێی بێكۆتا ناوچەكانی شەنگال و نەینەوای خستۆتە دۆخێكی دژوار”

خەڵك – بەشی هەواڵ

قایمقامی قەزای شەنگال داوا لە سەرۆك وەزیرانی عیراق دەكات، شەڕ و پێكدادان لە ناوچەكانی شەنگال كۆتایی پێبهێنرێت و ماددەی 140ی دەستوری عیراقیش جێبەجێبكات .

 

مەحما خەلیل، قایمقامی قەزای شەنگال، ڕایگەیاندوە “ململانێی بێكۆتا ناوچەكانی شەنگال و نەینەوای خستۆتە دۆخێكی دژوار، گەر بەم شێوەیەی ئێستا بمێنێتەوە ، تەنها خەڵك باجەكی دەدەن”.

 

مەحما خەلیل وتویەتی: قبوڵكراو نیە ناوچەكە لەژێر هەڕەشەی ململانێ سیاسیەكان و خواستە نەرێنیە نێودەوڵەتیەكاندا بێت، “ئەو ناوچانە تایبەتن و ئاستی رۆشنبیری خەڵكەكەی لە ناوچەكانی دیكەی باكور جیاوازە، بەڵام بە گشتی ئەو ناوچەیە لە ژێر كاریگەری پێكدادان و ململانێ سیاسیەكاندایە “.

خەلیل دەڵێت “هیوای زۆریان بە حكومەتەكەی عادل عەبدولمەهدی هەیە تا داوای لێ‌ بكەین بە هاوكاری سەرجەم لایەنەكان چارەسەر بۆ دۆخی شەنگال بدۆزێتەوە، پشت بەو بڕگە یاسایی و دەستوریانەی تا ئێستا كاران وچاوەڕوانی خستنە بواری جێبەجیكردنی بڕگەی 140ی دەستوری عیراقی دەكەین.

سەرچاوە/ ڕووداو

بەردەوام بە لە خوێندنەوە

کوردستان

ڕوونكردنەوەیەك لە نووسینگەی ڕاگەیاندنی بارەگای مەسعود بارزانی

خەڵك – بەشی هەواڵ

نووسینگەی ڕاگەیاندنی بارەگای مەسعود بارزانی، سەرۆكی پارتی دیموكراتی كوردستان، لە ڕاگەیەنراوێكدا، بەكاربەرانی تۆڕە كۆمەڵایەتییەكان ئاگادار دەكات، ئەكاونتە تایبەتییەكەی مەسعود بارزانی، لە تۆڕی كۆمەڵایەتی فەیسبوك، نیشانەی ڕاست و دانپێدانراو (☑)ـی تۆڕی كۆمەڵایەتیی فەیسبوكی لەسەرە و هەر ئەكاونتێك بە ناوی ئەو و بارەگاكەی ئەو تایبەتمەندییەی لەسەر نەبێت هیچ پەیوەندی بە “جەنابی سەرۆك و بارەگای بارزانییەوە” نییە.

 

دەقی ڕاگەیەنراوەكە

ڕوونكردنەوەیەك لە نووسینگەی ڕاگەیاندنی بارەگای بارزانی

ئاگاداری هەموو لایەك و بە تایبەت بەكاربەرانی تۆڕە كۆمەڵایەتییەكان دەكەین كە هەر لاپەڕەیەكی فەیسبووك ئەگەر بەناوی جەنابی سەرۆك بارزانی و بارەگای بارزانی بێت و نیشانەی ڕاست و دانپێدانراو (☑)ـی تۆڕی كۆمەڵایەتیی فەیسبوكی لەسەر نەبێت هیچ پەیوەندی بە جەنابی سەرۆك و بارەگای بارزانییەوە نییە.

نووسینگەی ڕاگەیاندنی بارەگای بارزانی

بەردەوام بە لە خوێندنەوە

کوردستان