ئێمە لە تۆرە کۆمەڵایەتیەکان

جیهان

پۆلیسی ئەمریكا ناسنامەی هێرشبەرەكەی كالیفۆرنیا ئاشكرا دەكات

خەڵك-بەشی هەواڵ
پۆلیسی ولایەتی كالیفۆرنیای ئەمریكا، توانی ناسنامەی ئەو كەسە دەستنیشان بكات كە دەستڕێژی گوللـەی بەنێو خەڵكدا كردبوو لە باڕێكی ولایەتەكە.

ئاژانسی (ئەسۆشێتد پرێس) لە زاری سەرچاوەیەكی ئەمنی ئەمریكاوە بڵاویكردەوە”تاوانبارەكە لە هێرشەكەدا كوژراوە و تەمەنی 29 ساڵە، لەو پەلامارەشدا بۆمبی دووكەڵ و دەمانچەی بەكارهێناوە”.

دۆناڵد ترەمپ سەرۆكی ئەمریكا، ستایشی كارمەندانی دەزگا ئەمنییەكانی كردبوو، ئاماژەی بەو ئازایەتییەش كردبوو كە هێزەكانی پۆلیس لەكاتی هێرشەكەدا نواندیان.

شەوی رابردوو، چەكدارێكی نەناسراو هێرشی كردە سەر باڕی (بۆردڵاین ئەند گریڵ) لە ولایەتی كالیفۆرنیای ئەمریكایی و دەستدڕێژی گوللـەی بەنێو ئەو خەڵكەدا كرد كە لە هەوادارانی سەما و میوزیكی (كانتری)ی لادێی ئەمریكایی بوون، لە ئەنجامی هێرشەكەشدا 12 كەس كوژران.

جیهان

حەشدی شەعبی خۆی بۆ بەرەوڕووبوونەوەی ئەمریكا لە ئەنبار ئامادە دەكات

خەڵك- بەشی هەواڵ

كاربەدەستێكی پایەبڵندی حكومەتی نێوخۆیی ئەنبار ئەمڕۆ هەینی ئاشكرایكرد، هێزەكانی حەشدی شەعبی بە توندی وەڵامی هەر هێرشێكی ئەمریكا دەدەنەوە كە لە ناوچەكانی خۆرئاوا بكرێنەئامانج.

ئاژانسی هەواڵی مەعلومە لە زاری سەرچاوەكەوە بڵاویكردووەتەوە، سەركردەكانی حەشدی شەعبی جەختیانكردووە لەسەر پشتیوانیكردن لە وەڵامدانەوەی توندی هەر هێرشێكی ئەمریكا لە ناوچەكانی پارێزگەی ئەنبار بۆ سەر پێگەكانیان و نابێت دەستبەستراو بن لە ئاست دەستدرێژییەكاندا.

بەپێی سەرچاوەكە، هێزەكانی حەشدی شەعبی دووبارە بڵاوەیانپێكراوە لە قەزای قائیم لە خۆرئاوای ئەنبار بۆ سنووری سووریا، ئەمەش وەك ڕێوشوێنێكی پێشوەخت بۆ پێشگرتن بە هەر دەستدرێژییەكی هێزە ئەمریكاییەكان.

دەشڵێت “هێزەكانی ئەمریكا كاری بێزاركەر دەكەن لە دژی حەشدی شەعبی لە خۆرئاوا و سەركردەكانیش داوای دانبەخۆداگرتنیان كردووە، تاكو خۆیان نەخزێننە نێو پێكدادانەوە لەگەڵ هێزە ئەمریكاییەكان”.

بەردەوام بە لە خوێندنەوە

جیهان

تەقینەوەیەك لە ئەفغانستان نزیكەی 20 قوربانی لێكەوتەوە

خەڵك- بەشی هەواڵ

ئەمڕۆ هەینی تەقینەوەیەك لە مزگەوتێكی كابوولی پایتەختی ئەفغانستان ڕوویدا لە كاتی نوێژی هەینیدا.

وەزارەتی ناوخۆی ئەفغانستان ڕایگەیاند، بەهۆی تەقینەوەكەوە كەسێك كوژراوە، كە بانگخوازێكی بەنێوبانگە و شازدەی دیكەش بریندار بوون.

ئاماژەی بەوەشكرد، كاتی تەقینەوەكە، مزگەوتەكە پڕبووە لە نوێژخوێن.

بەردەوام بە لە خوێندنەوە

جیهان

زەریف: ترەمپ كۆتاییهاتنی ئێران نابینێت

خەڵك- بەشی هەواڵ
وەزیری دەرەوەی ئێران دەڵێت “سەرۆكی ئەمریكا كۆتایی ئێران نابینێت”.

محەمەد جەواد زەریف وەزیری دەرەوەی ئێڕان ئەمڕۆ هەینی لە دیدار لەگەڵ كاربەدەستانی پاكستانی ڕایگەیاند، ئێران كۆتاییهاتنی ترەمپ دەبینێت، بەڵام ترەمپ كۆتاییهاتنی ئێران نابینێت.

پێشتر دۆناڵد ترەمپ سەرۆكی ئەمریكا لە تویتێكدا ڕایگەیاند، خوازیاری ئێران بۆ شەڕ دەبێتەهۆی كۆتاییهاتنی ئەو وڵاتە.

بەردەوام بە لە خوێندنەوە

کوردستان