ئێمە لە تۆرە کۆمەڵایەتیەکان

جیهان

ئەمریكا: ئێران ئامادەی دانوستان نییە

خەڵك- بەشی هەواڵ
وەزیری دەرەوەی ئەمریكا دەڵێت، ئێران ئامادە نییە بێتە سەر مێزی دانوستان.

ئەمڕۆ پێنج شەممە، مایك پۆمپیۆ، وەزیری دەرەوەی ئەمریكا بە كەناڵی (بی بی سی)ی بەریتانیای راگەیاند”ولایەتە یەكگرتووەكان هیچ دەستەواژەیەك بەدی ناكات بۆ ئەوەی ئێران بێتە سەر مێزی دانوستان، بەڵام هیواخوازن تاران ئەو هەنگاوە هەڵبنێت”.

سەبارەت ئەگەری دەربڕینی ئامادەیی لەلایەن ئێرانەوە بۆ دانوستان، پۆمپیۆ دەڵێت”تائێستا هیچ دەستەواژەیەكيان بەدی نەكردووە كە ئامادەیی دەسەڵاتدارانی ئێران بۆ دانوستان بسەلمێنێت، بەڵام هیواخوازن ئێرانییەكان ئەو كارە بكەن”.

بە وتەی وەزیری دەرەوەی ئەمریكا”لەوبڕوایەدان گەلی ئێران داوا لە دەسەڵاتدارانی وڵاتەكەی بكات ئەو هەنگاوە هەڵبنێن و بێنە سەر مێزی دانوستان”.

لە 5ی ئەم مانگە، بەهۆی بەرنامەى ئەتۆمی وڵاتەكە، ولایەتە یەكگرتووەكان قۆناغی دووەمی سزاكانی بەسەر ئێراندا سەپاند، ئەو سزایانەش هەردوو كەرتی نەوت و دارایی ئێرانی دەكەنە ئامانج.

جیهان

بەوێنە..نمایشی سەربازی دەریایی سوپای ئێران

خەڵك-بەشی هەواڵ

كۆماری ئیسلامی ئێران نمایشێكی هێزە دەریاییەكانی لە دەریای عەمان ساز كرد.

ئاژانسی میهری ئێرانی بڵاویكردەوە، نمایشە سەربازییەكەی كۆماری ئیسلامی ئێران لەلایەن هێزی سەربازی دەریایی سوپای ئێران لەژێر ناوی “ویلایەتی ۹۷” و بە دروشمی “یا زەهرا” دوێنێ هەینی لە دەریای عەمان دەتی پێكرد.

ئەمەش لەكاتێكدایە، ئەمریكا بەردەوام هەڕەشە لەو وڵاتە دەكات و بەپێی زانیارییەكانیش تا ئێستا دوو جار ئەمریكا لە هەوڵەكانی بۆ دروستكردنی هاوپەیمانی عەرەبی دژی ئێران یاخود ناتۆی عەربی شكستی هێناوە.

 

بەردەوام بە لە خوێندنەوە

جیهان

هەدەپە، كاندیدی خۆی بۆ سەرۆكی پارلەمانی توركیا دیاریكرد

خەڵك – بەشی هەواڵ

پارتیی دیموكراتیی گەلان (هەدەپە)، پەرلەمانتارێكی شاری ئیزمیری وەك كاندیدی هەدەپە بۆ سەرۆكی پەرلەمانی توركیا دەستنیشان كرد.

سەرپیل كەمالبای ، وەك كاندیدی پارتی دیموكارتیی گەلان بۆ پۆستی سەرۆكی پەرلەمانی توركیا دیاریكرا و لە لایەن شاندێك بە سەرۆكایەتیی سەرۆكی فراكسیۆنی هەدەپە فاتمە كورتولان، ناوەكەی بەفەرمی پێشكەشی سەرۆكایەتیی پەرلەمان كراوە.

بڕیارە ڕۆژی 24ی شوباتی 2019 هەڵبژاردنی سەرۆكی پەرلەمانی توركیا لەنێو پەرلەمان بەڕێوە بچێت.

بەردەوام بە لە خوێندنەوە

جیهان

باغۆز: سڤیلەكان دوایین ناوچەكانی بندەستی داعش چۆڵ دەكەن

خەڵك- بەشی هەواڵ

ئەمڕۆ هەینی هاووڵاتیانی سڤیل لە نێو ژمارەیەكبارهەڵگردا بینراون كە ئەگەری هەیە، ناوچەكانی بن دەستی داعش چۆڵ بكەن.

ئاژانسی ڕۆیتەرز بڵاویكردەوە، لە ناوچەی باغۆز لە سنووری سووریا و عیراق ژمارەیەكی زۆر بارهەڵگر  بینراون كە هاووڵاتیانی سڤیلیان تێدا بووە لە ناوچەكانی بن دەستی داعش لە ڕۆژهەڵاتی سووریا.

بەڵام بە تەواوەتی ڕوون نەبووەتەوە كە ئایا ئەو بارهەڵگرانە ئەو سڤیلانە دەگوازنەوە كە لە ناوچەكانی بن دەستی داعشدا گیریانخواردووە و هێزەكانی سووریای دیموكرات بە پشتیوانی ئەمریكا دەیانهەوێت كۆنتڕۆڵی بكەن یان نا.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان