ئێمە لە تۆرە کۆمەڵایەتیەکان

جیهان

داواكاریی گشتی ئیستەنبوڵ باس لە شوێنی تەرمەكەی خاشقچی دەكات

خەڵك- بەشی هەواڵ

سەرچاوەیەك لە داواكاریی گشتی ئیستەنبوڵەوە، رەتیدەكاتەوە تائێستاش هیچ زانیارییەك یان بەڵگەیەكیان لەبارەی شوێنی تەرمەكەی خاشقچییەوە دەستكەوتبێت.

ئەمڕۆ پێنج شەممە ئاژانسی (سپۆتنیك)ی روسی لە زاری سەرچاوەیەك لە داواكاریی گشتی ئیستەنبوڵەوە بڵاویكردەوە” تائێستا هیچ زانیاری یان بەڵگەیەكیان دەستنەكەوتووە كە ئاماژە بە شوێنی تەرمەكەی جەمال خاشقچی رۆژنامەنوسی سعودی بكات”.

لە وەڵامی ئەوەی كە ئایا داواكاریی گشتی گەیشتۆتە ئەو ئاكامەی تەرمەكەی خاشقچی بە ترشەڵۆكەكان توێنرابێتەوە بۆ ئەوەی بە شێوەیەكی تەواوەتی دیارنەمێنێت، سەرچاوەكە رایگەیاندووە”هیچ زانیارییەكمان دەستەبەرنەكردووە كە ئاماژە بە تواندنەوەی تەرمی خاشقچی بكات بە ترشەڵۆكەكان”.

جەمال خاشقچی لە 2ی تشرینی یەكەمی 2018، دوای ئەوەی چووە نێو كونسوڵخانەی وڵاتەكەی لە ئەستەنبوڵ بۆ تەواوكردنی مامەڵەی هاوسەرگریی لەگەڵ خەدیجە جەنگیزی هاوڵاتی توركی، دیارنەما و بێ‌ سەروشوێن بوو.

سعودیە لە سەرەتاوە رەتیكردەوە هیچ شتێك لەبارەی چارەنوسییەوە بزانێت، بەڵام دواتر ڕایگەیاند، كە بەهۆی دەمەقاڵە و شەڕی دەستەویەخە لەگەڵ ژمارەیەك كەسدا لەنێو كونسوڵخانەكە كوژراوە، ئەم ڕوونكردنەوەیەش لەسەر ڕووداوەكە، بووە جێگەی گومانی زۆرێك لە حكومەتە خۆرئاواییەكان و ڕێكخراوەكانی مافی مرۆڤ.

جیهان

حەشدی شەعبی خۆی بۆ بەرەوڕووبوونەوەی ئەمریكا لە ئەنبار ئامادە دەكات

خەڵك- بەشی هەواڵ

كاربەدەستێكی پایەبڵندی حكومەتی نێوخۆیی ئەنبار ئەمڕۆ هەینی ئاشكرایكرد، هێزەكانی حەشدی شەعبی بە توندی وەڵامی هەر هێرشێكی ئەمریكا دەدەنەوە كە لە ناوچەكانی خۆرئاوا بكرێنەئامانج.

ئاژانسی هەواڵی مەعلومە لە زاری سەرچاوەكەوە بڵاویكردووەتەوە، سەركردەكانی حەشدی شەعبی جەختیانكردووە لەسەر پشتیوانیكردن لە وەڵامدانەوەی توندی هەر هێرشێكی ئەمریكا لە ناوچەكانی پارێزگەی ئەنبار بۆ سەر پێگەكانیان و نابێت دەستبەستراو بن لە ئاست دەستدرێژییەكاندا.

بەپێی سەرچاوەكە، هێزەكانی حەشدی شەعبی دووبارە بڵاوەیانپێكراوە لە قەزای قائیم لە خۆرئاوای ئەنبار بۆ سنووری سووریا، ئەمەش وەك ڕێوشوێنێكی پێشوەخت بۆ پێشگرتن بە هەر دەستدرێژییەكی هێزە ئەمریكاییەكان.

دەشڵێت “هێزەكانی ئەمریكا كاری بێزاركەر دەكەن لە دژی حەشدی شەعبی لە خۆرئاوا و سەركردەكانیش داوای دانبەخۆداگرتنیان كردووە، تاكو خۆیان نەخزێننە نێو پێكدادانەوە لەگەڵ هێزە ئەمریكاییەكان”.

بەردەوام بە لە خوێندنەوە

جیهان

تەقینەوەیەك لە ئەفغانستان نزیكەی 20 قوربانی لێكەوتەوە

خەڵك- بەشی هەواڵ

ئەمڕۆ هەینی تەقینەوەیەك لە مزگەوتێكی كابوولی پایتەختی ئەفغانستان ڕوویدا لە كاتی نوێژی هەینیدا.

وەزارەتی ناوخۆی ئەفغانستان ڕایگەیاند، بەهۆی تەقینەوەكەوە كەسێك كوژراوە، كە بانگخوازێكی بەنێوبانگە و شازدەی دیكەش بریندار بوون.

ئاماژەی بەوەشكرد، كاتی تەقینەوەكە، مزگەوتەكە پڕبووە لە نوێژخوێن.

بەردەوام بە لە خوێندنەوە

جیهان

زەریف: ترەمپ كۆتاییهاتنی ئێران نابینێت

خەڵك- بەشی هەواڵ
وەزیری دەرەوەی ئێران دەڵێت “سەرۆكی ئەمریكا كۆتایی ئێران نابینێت”.

محەمەد جەواد زەریف وەزیری دەرەوەی ئێڕان ئەمڕۆ هەینی لە دیدار لەگەڵ كاربەدەستانی پاكستانی ڕایگەیاند، ئێران كۆتاییهاتنی ترەمپ دەبینێت، بەڵام ترەمپ كۆتاییهاتنی ئێران نابینێت.

پێشتر دۆناڵد ترەمپ سەرۆكی ئەمریكا لە تویتێكدا ڕایگەیاند، خوازیاری ئێران بۆ شەڕ دەبێتەهۆی كۆتاییهاتنی ئەو وڵاتە.

بەردەوام بە لە خوێندنەوە

کوردستان