ئێمە لە تۆرە کۆمەڵایەتیەکان

ئابوری

چەند زانیارییەك لەبارەی پرۆژە یاسای بودجەی 2019وە

خەڵك- بەشی هەواڵ
دوو وەزیری پێشووی حكومەتی عیراق دەڵێن، تائێستا لە پەرلەمان رێكەوتن لەسەر ئەو پرۆژە یاسای بودجەیە نەكراوە كە لەلایەن حكومەتەكەی حەیدەر عەبادیەوە ئامادەكرابوو.

میدیاكانی عیراق لە زاری سەرچاوەیەكی سیاسی نزیك لە محەمەد شیاع سودان و محەمەد ئیقبال، دوو وەزیری حكومەتی پێشوو، بڵاویان كردۆتەوە”رێكەوتن لەسەر ئەو پرۆژە یاسای بودجەیە نەكرا كە لەلایەن حكومەتەكەی عەبادییەوە ئامادەكرا، و دواتر بە زۆرینەیەكی كەم، لەلایەن ئەنجومەنی وەزیرانەوە رەوانەكرا”.

لەم چەند رۆژەی رابردوودا، ئەنجومەنی وەزیرانی عیراق، گفتوگۆی لەسەر رەشنوسی پرۆژە یاسای بودجەی 2019 كرد و بەرزیكردەوە بۆ پەرلەمان.

بەپێی رەشنوسەكە، داهاتی مەزەندەكراو 105 ترلیۆن و 569 ملیار و 686 ملیۆن و 870 هەزار دینارە، و پشت بەوەبەستراوە كە رۆژانە 3 ملیۆن و 880 هەزار بەرمیل نەوت هەناردە بكرێت.

رەشنوسەكە، خەرجی گشتی ساڵی 2019ی لەخۆگرتووە كە دەگاتە 128 ترلیۆن و 443 ملیار و 52 ملیۆن و 427 هەزار دینار، كورتهێنانیش لە بودجەدا لە دەوروبەری 22 ترلیۆن و 873 ملیار و 365 ملیۆن و 557 هەزار دیناردا دەبێت و لەڕێی زیادبوونی نرخی نەوت و زیادكردنی بەرهەم و قەرزی ناوخۆیی و دەرەكییەوە پڕدەكرێتەوە.

ئابوری

فواد حسێن: دەبێت كێشەی دواكەوتنی مووچەی فەرمانبەران، لای حكومەتی‌ هەرێمەوە چارەسەر بكرێت

خەڵك – بەشی هەواڵ

وەزیری دارایی حكومەتی عیراق، دەڵێت، دواكەوتنی مووچەی فەرمانبەران لە هەرێمی كوردستان بۆ لێكەوتەكانی ئەو قەیرانە دەگەڕێتەوە كە لە ماوەی ڕابردوودا تووشی هەرێمی كوردستان بووە، وەك حكومەتی عیراقیش، مووچەی‌ چوار مانگیان ڕەوانەكردووە.

 

فوئاد حسێن وەزیری دارایی حكومەتی عیراق لەبەرنامەیەكی كەناڵی ئاسمانی شەرقیەدا، ڕایگەیاند “مووچەی‌ چوار مانگمان ڕەوانەی‌ هەرێمی‌ كوردستان كردووە، لە هەرێم بەهۆی‌ قەیرانی‌ داراییەوە كە حكومەتی ئەوكاتی عیراق بۆ چەند ساڵێك بودجەی بۆ ڕەوانە نەكردوون، دەرەنجامی دواكەوتنی دابەشكردنی‌ مووچەی‌ فەرمانبەرانی لێكەوتۆتەوە”.

 

بە وتەی وەزیری دارای عیراق، كێشەی دواكەوتنی مووچەی فەرمانبەران، دەبێت لە لایەنی حكومەتی‌ هەرێمەوە چارەسەر بكرێت.

بەردەوام بە لە خوێندنەوە

ئابوری

لیژنەی ناوچە كوردستانییەكانی دەرەوەی هەرێم: بەهیمەتی بارزانی كێشەی جوتیاران كۆتاییهات

خەڵك- بەشی هەواڵ
لیژنە ناوچە كوردستانییەكانی دەرەوەی هەرێم لە پەڕلەمانی كوردستان ڕایگەیاند، بە هیممەتی مەسعود بارزانی سەرۆكی پارتی دیموكراتی كوردستان ڕێگریكراوە لە هێرشێكی هێرشێكی نەخشە بۆ داڕێژراو بۆ سەر كێڵگە كشتوكاڵییەكانی خانەقین و دوبزو گوندەكانی سەر بەناحیەی سەرگەڕانی پارێزگای كەركووك.

لیژنەكە لە ڕاگەیەندراوێكدا ڕاشیگەیاند “توانرا ڕێگە لەو پلانە بگیرێت و بەفەرمانێك ئێستا ڕێگە دەدرێت ئەو جووتیارانە كاری دروێنەی خۆیان بكەن”.

ڕاشیگەیاند “ئێمە وەك چۆن سەرەتا بەڵێنمان پێدان تەواوی هەوڵەكانمان دەخەینە گەڕ كە ئەم كێشەیە بەزوویی چارەسەر بكەین، بەڵێنی ئەوەشیان پێدەدەین بەزوویی لەڕێگەی یاساوە مافەكانیان بپارێزرێن”.

بەردەوام بە لە خوێندنەوە

ئابوری

بەشەخۆراكی دوو مانگ بەسەر هاووڵاتیاندا دابەش دەكرێت

خەڵك – بەشی هەواڵ
بەرێوەبەری گشتی كۆمپانیای دابەشكردنی خۆراك لە سلێمانی ڕایدەگەیەنێت، دوای جەژنی ڕەمەزان دەست بە دابەشكردنی زەیت و شەكری مانگی ئایار دەكرێت، دەشڵێت: “بەشە نیسەكەكەی وەك دیاری درا بەهاووڵاتیان هەمووی دابەشكرا”.

شەوكەت محەمەد، بەڕێوەبەری گشتی كۆمپانیای دابەشكردنی خۆراك لە سلێمانی بە (خەڵك)ی ڕاگەیاند، ئەمڕۆ دابەشكردنی بەشە زەیت و شەكر و برنجی مانگی ئازار تەواو بووە و دەستمان بە دابەشكردنی بەشە برنجی مانگی ئایاری ئەمساڵ كردووە، ڕۆژانە دابەشكردنمان هەیە و بەردەوام دەبین”.

ڕاشیگەیاند، ئەگەر پێش جەژن فریاكەوتین دەست بە دابەشكردنی بەشە زەیت و شەكری مانگی ئایار دەكەین، ئەگەر نا دەكەوێتە دوای جەژنی ڕەمەزان.

سەبارەت بە قەرەبووی بەشەخۆراكی فەوتاوی ساڵانی پێشوو وتی، “ئەوە پەیوەستە بە بڕیاری حكومەتی عیراق و هەر كاتێك ئەوان بڕیار بدەن قەرەبووی هاووڵاتیان دەكرێتەوە”.

بەردەوام بە لە خوێندنەوە

کوردستان