ئێمە لە تۆرە کۆمەڵایەتیەکان

هەواڵەکان

دكتۆر ڕەوا كاتی بڵاوكردنەوە نوێترین سیدی لە(خەڵك)ەوە ئاشكرادەكات

سلێمانی- نزار جەزا

گۆرانیبێژ دكتۆر ڕەوا جەمال لەڕێگەی (خەڵك)ەوە ئاشكرای كرد، لەهەفتەی ئایندەدا نوێترین سیدی خۆی كە لە 15 گۆرانی پێكدێت بڵاودەكاتەوە.

گۆرانیبێژ ڕەوا جەمال بە(خەڵك)ی ڕاگەیاند، لەئێستادا خەریكی ئامادەكارییە بۆ بڵاوكردنەوەی سیدییەكی نوێ، كە لەهەفتەی ئایندەدا لەچاپ دەگەڕێتەوە و بڵاودەكرێتەوە.

ئاماژەی بەئەوەشدا، سیدییە نوێیەكەی لە پانزە بەرهەم پێكدێت، كە ئاوازەكانی لەلایەن هونەرمەندان بورهان موفتی زادە و سەڵاح ڕەوف و توانا فەرەج و ڕۆژ كەریم و ئەفشین شوكری و نامۆ-وە داندراوە.

ماوەی پێنج ساڵە گۆرانیبێژی ناوبراو خەریكی بەرهەمهێنانی ئەم سیدییەیە و باسی لەئەوەشكرد، ستایلی گۆرانییەكان جۆراوجۆرن و بەهیوایە سیدییەكەی لەئاستی چاوەڕوانی گوێگرەكانیدا بێت.

ئەوەشی خستەڕوو، سێ دانە لەگۆرانییەكانی بەشێوەی كلیپ بڵاوكراونەتەوە، بەڵام 12 گۆرانییەكانی دیكە پێشتر بڵاونەكراونەتەوە و نوێن.

وتیشی:”هەموو گۆرانییەكان بۆ دیالێكتی سۆرانی وتومن، لەبەرئەوەی بەشێوەیەكی باش ناتوانم بەدیالێكتەكانی دیكە قسە بكەم، بەڵام لەدەرفەتێكی دیكەدا و لەسیدییەكی دیكەدا بەدیالێكتەكانی دیكەش گۆرانی دەڵێم”.

گۆرانیبێژ ڕەوا جەمال لەساڵی 2013دا یەكەم سیدی بەناوی “گەڕامەوە”ی بڵاوكردەوە، كە لە 14 گۆرانی پێكهاتبوو.

کوردستان

بەوێنە.. پێشانگەی دەستڕەنگینی بۆ ژمارەیەك قوتابخانە كرایەوە

خەڵك – ئارام سەردار

چالاكی قوتابخانەكانی بەڕێوەبەرایەتی پەروەردەی ناوەندی هەولێر پێشانگای شێوەكاری و نیگاركێشان و كاری دەستی هاوبەشی بۆ قوتابخانەكانی ئامادەیی سازانی كچان، ئامادەیی توانای ئینگلیزی، ئەرگۆشی بنەڕەتی، ئەتابەكی بنەڕەتی، نەهری بنەڕەتی كردەوە.

پشتیوان سادق وەزیری پەروەردە لە كۆنفڕانسێكی ڕۆژنامەوانیدا ڕایگەیاند ، هەموو ئەو كارە دەستی و بەرهەمە هونەری و جل و بەرگ و ئاڵا و ئەو بەرهەمە جوانانەی لەو پێشانگایە نمایشكراون ئەوەمان پێدەڵێت پێویستە لە خوێندنگاكان گرینگی بە وانەی هونەر و وەرزش بدەین، جگەلە بابەتە ئەدەبی و زانستییەكان.

وتیشی “خوێندكاران زۆر بەهرەمەند و دەستڕەنگینن، لە وڵاتان كەسێكی هونەرمەند یان وەرزشوان ناوی وڵاتان دەبەنە ئاستی زۆر بەرز، ئێمەش لە كوردستان كەسانی بەهرەمەندمان هەیە و پێویستە گرینگیان پێبدرێت”.

بەردەوام بە لە خوێندنەوە

کوردستان

بەوێنە.. هەڵپەڕکێی کوردی لەدیداری نێرگزی گەشتیاری

سلێمانی ـ نزار جەزا

لەمیانی بەڕێوەچونی یەکەمین دیداری نێرگزی گەشتیاری چالاکی هەڵپەڕکێی کوردی بەڕێوەچوو.

بەردەوام بە لە خوێندنەوە

ئۆتۆمبێل و تەکنەلۆژیا

مۆبایلەکانی گالەکسی S10 و +S10 ـی بە تایبەتمەندی بەرزەوە نمایش کران

خەڵک

ئەمشەو کۆمپانیای سامسۆنگ لە کۆنگرەیەکی تایبەتدا بە ناوی Unpacked لە شاری سان فرانسیسکۆی ویلایەتی کاڵیفۆڕنیای ئەمریکا هەر دوو مۆبایلی ئاست بەرزی گالەکسی S10 و +S10 ـی نمایشکرد. لەگەڵ ئەوەشدا تەواوی زانیارییەکانی دەربارەی دوو مۆبایلەکە و نرخ و کاتی بەردەستکردنی ئاشکرا کرد.

گشت تایبەتمەندییەکانی گالەکسی S10:

  • ڕوونما: قەبارە 6.1 ئینج بە وردی نیشاندانی 3.040 بە 1.440 پێکسڵ لە جۆری Infinity-O و Dynamic AMOLED خاوەن چاڵی ژێر ڕوونما و ڕوونی HDR10+.
  • پڕۆسێسەر: Snapdragon 855 (بۆ جۆری ئەمریکی)، Exynos 9820 بۆ جۆرەکانی دیکە.
  • گرافیک: Adreno 640.
  • ڕام: 8 گێگابایت.
  • بیرگە: 128 و 512 گێگابایت.
  • ئەستووری: 7.8 ملیمەتر.
  • کێش: 157 گرام.
  • پاتری: 3.400 ملی ئەمپێر.
  • بارگاویکردنەوە: پشتگیری کردن لە بارگاویکەرەوەی خێرا. پشتگیری کردن لە بارگاویکەرەوەی بێوایەر. توانای بارگاویکردنەوەی مۆبایل و ئامێری دیکەی هەیە بە شێوەی بێوایەر.
  • کامێرای پشتەوە: یەکەم: 12 مێگاپێکسڵ بە تیرەی F2.4. دووەم: 12 مێگاپێکسڵ بە تیرەی F1.5/F2.4. سێیەم: 16 مێگاپێکسڵ بە تیرەی F2.2. توانای نزیککردنەوە بۆ دوو ئەوەندە.
  • کامێرای پێشەوە(سێڵفی): 10 مێگاپێکسڵ بە تیرەی F1.9
  • هەستەوەری ئاسایشی: هەستەوەری پەنجەمۆری سەر ڕوونما، ناسێنەرەوەی دەموچاو.
  • دەرچە: USB-C، بیستۆک.
  • دەنگ: AKG.
  • ڕەنگ: شین، سەوز، ڕەش، سپی، پەمەیی.
  • سیستەمی کارپێکەر: One UI (بنچینەکراو لەسەر Android 9 Pie).

گشت تایبەتمەندییەکانی گالەکسی +S10:

  • ڕوونما: قەبارە 6.4 ئینج بە وردی نیشاندانی 3.040 بە 1.440 پێکسڵ لە جۆری Infinity-O و Dynamic AMOLED خاوەن چاڵی ژێر ڕوونما و ڕوونی HDR10+.
  • پڕۆسێسەر:Snapdragon 855 (بۆ جۆری ئەمریکی)، Exynos 9820 بۆ جۆرەکانی دیکە.
  • گرافیک: Adreno 640
  • ڕام: 8 و 12 گێگابایت
  • بیرگە: 128 و 512 گێگابایت و 1 تێرابایت
  • ئەستووری: 7.8 ملیمەتر
  • کێش: 175 گرام
  • پاتری: 4.100 ملی ئەمپێر
  • بارگاویکردنەوە: پشتگیری کردن لە بارگاویکەرەوەی خێرا. پشتگیری کردن لە بارگاویکەرەوەی بێوایەر. توانای بارگاویکردنەوەی مۆبایل و ئامێری دیکەی هەیە بە شێوەی بێوایەر.
  • کامێرای پشتەوە: یەکەم: 12 مێگاپێکسڵ بە تیرەی F2.4. دووەم: 12 مێگاپێکسڵ بە تیرەی F1.5/F2.4. سێیەم: 16 مێگاپێکسڵ بە تیرەی F2.2. توانای نزیککردنەوە بۆ دوو ئەوەندە.
  • کامێرای پێشەوە(سێڵفی): دوو کامێرا بە ڕوونی 10 و 8 مێگاپێکسڵ
  • هەستەوەری ئاسایشی: هەستەوەری پەنجەمۆری سەر ڕوونما، ناسێنەرەوەی دەموچاو
  • دەرچە: USB-C، بیستۆک
  • دەنگ: AKG
  • ڕەنگ: شین، سەوز، ڕەش، سپی، پەمەیی، سیرامیکی ڕەش، سیرامیکی سپی.
  • سیستەمی کارپێکەر: One UI (بنچینەکراو لەسەر Android 9 Pie).Image result for galaxy s10

گالەکسی S10 نرخی لە 899$ ـەوە دەست پێدەکات و گالەکسی +S10 نرخی لە 999$ ـەوە دەست پێدەکات. داواکاری پێشوەختەی کڕین لە سبەینێوە دەست پێدەکات و لە ڕێکەوتی 8 ـی مانگی داهاتوودا دەست دەکرێت بە فرۆشتنیان.

سەرچاوە: Kitn.net

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان