ئێمە لە تۆرە کۆمەڵایەتیەکان

کوردستان

ئەمریكا موشەكبارانكردنی قەندیل ڕەتدەكاتەوە

خەڵك-بەشی هەواڵ

بەرپرسی ئەكادیمیای سیاسەت و هزری دیموكراسی ڕایدەگەیەنێت، ئەمریكا دەیەوێت كوردەكان پەرتەوازە بكات، هاوشێوەی ئەو هەوڵانەی لە ڕابردوودا لەبەرانبەر شیعەكانی عێراق كردی.

دوێنێ وڵاتە یەكگرتووەكانی ئەمریكا لە ڕێگای باڵیۆزخانەكەیەوە لە توركیا ئاشكرایكرد، بڕی 12 ملیۆن دۆلار وەك خەڵاتێك دەداتە ئەو كەسانەی هەر یەك لە موراد قەرەیلان و جەمیل بایك و دوران كاڵكان بەدەستەوە دەدەن و زانیارییان لەبارەوە ئاشكرا دەكەن.

فایەق گوڵپی بەرپرسی ئەكادیمیای سیاسەت و هزری دیموكراسی بە (خەڵك)ی ڕاگەیاند، لە ڕابردوودا پەكەكە لەلایەن ئەمریكاوە لەسەر داوای توركیا خراوەتە لیستی تیرۆرەوە، ئەم بڕیارەی ئێستاش پەیوەندی بەوەوە هەیە، ئەمریكا دەیەوێ هەندێك داواكاری توركیا جێبەجێ بكات، چونكە ئەمریكا پێویستی بە توركیا هەیە.

وتیشی”پێشتر توركیا چەند داواكارییەكی هەبوو لە ئەمریكا و هیچی جێبەجێ نەكرد، بەتایبەت بەدەستەوەدانی فەتحوڵڵا گولەن و پشتگیرینەكردنی هێزەكانی كورد بوو لە سوریا”.

ئاماژەی بۆ ئەوەش كرد، هەڵوێستی ئەمریكا لەبەرانبەر پەكەكە جیاواز بوو زۆر گرنگی بە پەكەكە نەداوە و هیچ بەرژەوەندییەكیشی لەگەڵدا نییە، بەڵام ئەوەی ئێستا دەیكات بۆ ڕازیكردنی توركیایە.

ئاماژەی بۆ ئەوەش كرد، ئەگەر قەندیل بەدەست پەكەكەوە نەبووایە، هێزە توندڕەوەكان كە لە دژی ئەمریكا بوون دەچونە ئەوێ، لەبەرئەوە بەشی سەربازی ئەمریكی لەگەڵ پەكەكە پەیوەندی هەبووە و دژایەتی پەكەكەشی نەكردووە لە هیچ شوێنێكدا.

ئاشكراشیكرد، پێشتر ئەمریكا هێرشی موشەكی كردەسەر ئەنسارولئیسلام لە ناوچەی هەورامان، ئەوكات هەندێك لە هێزە كوردییەكانیش داوایان لە ئەمریكا كرد لە پەكەكەش بدات، بەڵام ئەمریكییەكان نەیانكرد، چونكە پێیان وابوو بوونی پەكەكە بۆ ئاسایشی هەرێم و عێراق پێویستە.

رونیشیكردەوە، یەكێك لە ئاماجەكانی دیكەی ئەمریكا لەم بڕیارەی، دەیەوێ كورد پارچە پارچە بكات، چونكە زۆر هەوڵی دا لە ماڵی شیعەی عێراقیدا دووبەرەكی دروست بكات و لە ئێران دوریان بخاتەوە، ئەمەش لەوانەیە ئامانجێكی دیكەی ئەوە بێت كە كوردەكانی رۆژاوا لەژێر كاریگەری شیعەكان و پەكەكە دەربهێنێت و بیانخاتە ژێر ڕكێفی خۆیەوە، ئەمەش یەكێكە لە ئامانجەكانی توركیا، چونكە تا هێزێك بچوكتر بێت باشتر دەتوانێت كۆنتڕۆڵی بكات، تاكو هێزێك رەهەندی ئایدۆلۆجی فراوانتری هەبێت.

کوردستان

داوای یەكهەڵوێستی حیزبەكانی باشووری كوردستان لە بەرامبەر شەڕی ئەمریكا و ئێراندا دەكرێت

خەڵك- بەشی هەواڵ

سیاسەتمەدارێكی كورد ئەمڕۆ هەینی داوای لە لایەنە سیاسییەكانی باشووری كوردستان كرد لەبەرامبەر حكومەتی نێوەندی و ململانێی ئەمریكا و ئێراندا هەڵوێستەكانیان یەكبخەن.

مەحمود عوسمان بۆ ئاژانسی بغداد الیوم ڕاشیگەیاند، هەرێمی كوردستان بەشێكە لە عیراق، بۆیە پێویستە لەگەڵ حكومەتی نێوەندی دابنیشێت و لێكتێگەیشتنیان هەبێت، هەڵوێستێكی یەكگرتووش بەرامبەر ململانێ یان شەڕی ئێران و ئەمریكا نیشانبدەن.

ئاماژە بەوەش دەكات، هەڵوێستی كورد لە حاڵی هەڵگیرسانی ململانێدا پێویستە بێلایەن بێت و پشتیوانی هیچ لایەك نەكات لەسەر حسابی لایەكەی دیكە، ئەمە دەبێتەهۆی پێوەندییەكی باش لەگەڵ هەردوولایەندا.

ڕوونیشیكردەوە، بۆ سەرجەم پێكهاتەكانی عیراق باشە كە شەڕ لە خۆیان دووربخەنەوە، بەڵام لەهەربارێكدا كە شەڕ ڕوو بدات، ئەوا ناوچەكە دەبێتە نێوەندی ململانێی هەردوولایەن، بەڵام باشترین ئەوەیە كە هەرێم و بەغدا بەشێوەیەكی گشتی خۆیان لە خاڵی ململانێ یان گۆڕەپانی جەنگ بەدوور بگرن.

بەردەوام بە لە خوێندنەوە

عێراق

“ململانێی بێكۆتا ناوچەكانی شەنگال و نەینەوای خستۆتە دۆخێكی دژوار”

خەڵك – بەشی هەواڵ

قایمقامی قەزای شەنگال داوا لە سەرۆك وەزیرانی عیراق دەكات، شەڕ و پێكدادان لە ناوچەكانی شەنگال كۆتایی پێبهێنرێت و ماددەی 140ی دەستوری عیراقیش جێبەجێبكات .

 

مەحما خەلیل، قایمقامی قەزای شەنگال، ڕایگەیاندوە “ململانێی بێكۆتا ناوچەكانی شەنگال و نەینەوای خستۆتە دۆخێكی دژوار، گەر بەم شێوەیەی ئێستا بمێنێتەوە ، تەنها خەڵك باجەكی دەدەن”.

 

مەحما خەلیل وتویەتی: قبوڵكراو نیە ناوچەكە لەژێر هەڕەشەی ململانێ سیاسیەكان و خواستە نەرێنیە نێودەوڵەتیەكاندا بێت، “ئەو ناوچانە تایبەتن و ئاستی رۆشنبیری خەڵكەكەی لە ناوچەكانی دیكەی باكور جیاوازە، بەڵام بە گشتی ئەو ناوچەیە لە ژێر كاریگەری پێكدادان و ململانێ سیاسیەكاندایە “.

خەلیل دەڵێت “هیوای زۆریان بە حكومەتەكەی عادل عەبدولمەهدی هەیە تا داوای لێ‌ بكەین بە هاوكاری سەرجەم لایەنەكان چارەسەر بۆ دۆخی شەنگال بدۆزێتەوە، پشت بەو بڕگە یاسایی و دەستوریانەی تا ئێستا كاران وچاوەڕوانی خستنە بواری جێبەجیكردنی بڕگەی 140ی دەستوری عیراقی دەكەین.

سەرچاوە/ ڕووداو

بەردەوام بە لە خوێندنەوە

کوردستان

ڕوونكردنەوەیەك لە نووسینگەی ڕاگەیاندنی بارەگای مەسعود بارزانی

خەڵك – بەشی هەواڵ

نووسینگەی ڕاگەیاندنی بارەگای مەسعود بارزانی، سەرۆكی پارتی دیموكراتی كوردستان، لە ڕاگەیەنراوێكدا، بەكاربەرانی تۆڕە كۆمەڵایەتییەكان ئاگادار دەكات، ئەكاونتە تایبەتییەكەی مەسعود بارزانی، لە تۆڕی كۆمەڵایەتی فەیسبوك، نیشانەی ڕاست و دانپێدانراو (☑)ـی تۆڕی كۆمەڵایەتیی فەیسبوكی لەسەرە و هەر ئەكاونتێك بە ناوی ئەو و بارەگاكەی ئەو تایبەتمەندییەی لەسەر نەبێت هیچ پەیوەندی بە “جەنابی سەرۆك و بارەگای بارزانییەوە” نییە.

 

دەقی ڕاگەیەنراوەكە

ڕوونكردنەوەیەك لە نووسینگەی ڕاگەیاندنی بارەگای بارزانی

ئاگاداری هەموو لایەك و بە تایبەت بەكاربەرانی تۆڕە كۆمەڵایەتییەكان دەكەین كە هەر لاپەڕەیەكی فەیسبووك ئەگەر بەناوی جەنابی سەرۆك بارزانی و بارەگای بارزانی بێت و نیشانەی ڕاست و دانپێدانراو (☑)ـی تۆڕی كۆمەڵایەتیی فەیسبوكی لەسەر نەبێت هیچ پەیوەندی بە جەنابی سەرۆك و بارەگای بارزانییەوە نییە.

نووسینگەی ڕاگەیاندنی بارەگای بارزانی

بەردەوام بە لە خوێندنەوە

کوردستان