ئێمە لە تۆرە کۆمەڵایەتیەکان

جیهان

حوسێن سەلامی: گەمارۆكان بە سەركەوتنی ئێران كۆتایی دێت

خەڵك-بەشی هەواڵ

جێگری فەرماندەی گشتی سوپای پاسدارانی ئێران ئاشكرایدەكات، پیلانی ئەمریكا شكستدەهێنێت و هاوكێشەكانی ناوچەكە لە بەرژەوەندی ئێراندایە.

ئاژانسی ئیسنای ئێرانی بڵاویكردەوە، حوسێن سەلامی جێگری فەرماندەی گشتی سوپای پاسدارانی ئێران ڕایگەیاند، هەڕەشە و گەمارۆ و شەڕی دەروونی دوژمنان بە تایبەت ئەمریكا بۆ ئێمە بابەتێكی نوێ نییە كە ڕووبەڕوومان بووەتەوە و ئێمە قۆناغی لەوە دژوارترمان تێپەڕاندووە.

وتیشی” لە هەلومەرجێكدا كە هێز و توانامان لە ئاستی ئێستادا نەبووە، بە هێزی بیر و بڕوای دانیشتووانی ئێران و ئیمام خومەینی ڕووبەڕووی هەموو ئەو هەڕەشانە بووینەتەوە.”

ئاماژەی بۆ ئەوەش كرد، كاتێك لە بەرامبەر دوژمنان خۆڕاگری دەكەین و ڕادەوەستین، هەموو ئەو گوشار و هەڕەشانە دەبنە دەرفەتی مێژوویی بۆ گەلی ئێران.

ئاشكراشیكرد، ئەمجارە گەمارۆكان تێپەڕ دەبێت و سەرجەم كێشە ئابووری و سیاسییەكان بە سەركەوتوویی ئێران و سەرشۆڕی دوژمنان كۆتایی دێت.

جیهان

حەشدی شەعبی خۆی بۆ بەرەوڕووبوونەوەی ئەمریكا لە ئەنبار ئامادە دەكات

خەڵك- بەشی هەواڵ

كاربەدەستێكی پایەبڵندی حكومەتی نێوخۆیی ئەنبار ئەمڕۆ هەینی ئاشكرایكرد، هێزەكانی حەشدی شەعبی بە توندی وەڵامی هەر هێرشێكی ئەمریكا دەدەنەوە كە لە ناوچەكانی خۆرئاوا بكرێنەئامانج.

ئاژانسی هەواڵی مەعلومە لە زاری سەرچاوەكەوە بڵاویكردووەتەوە، سەركردەكانی حەشدی شەعبی جەختیانكردووە لەسەر پشتیوانیكردن لە وەڵامدانەوەی توندی هەر هێرشێكی ئەمریكا لە ناوچەكانی پارێزگەی ئەنبار بۆ سەر پێگەكانیان و نابێت دەستبەستراو بن لە ئاست دەستدرێژییەكاندا.

بەپێی سەرچاوەكە، هێزەكانی حەشدی شەعبی دووبارە بڵاوەیانپێكراوە لە قەزای قائیم لە خۆرئاوای ئەنبار بۆ سنووری سووریا، ئەمەش وەك ڕێوشوێنێكی پێشوەخت بۆ پێشگرتن بە هەر دەستدرێژییەكی هێزە ئەمریكاییەكان.

دەشڵێت “هێزەكانی ئەمریكا كاری بێزاركەر دەكەن لە دژی حەشدی شەعبی لە خۆرئاوا و سەركردەكانیش داوای دانبەخۆداگرتنیان كردووە، تاكو خۆیان نەخزێننە نێو پێكدادانەوە لەگەڵ هێزە ئەمریكاییەكان”.

بەردەوام بە لە خوێندنەوە

جیهان

تەقینەوەیەك لە ئەفغانستان نزیكەی 20 قوربانی لێكەوتەوە

خەڵك- بەشی هەواڵ

ئەمڕۆ هەینی تەقینەوەیەك لە مزگەوتێكی كابوولی پایتەختی ئەفغانستان ڕوویدا لە كاتی نوێژی هەینیدا.

وەزارەتی ناوخۆی ئەفغانستان ڕایگەیاند، بەهۆی تەقینەوەكەوە كەسێك كوژراوە، كە بانگخوازێكی بەنێوبانگە و شازدەی دیكەش بریندار بوون.

ئاماژەی بەوەشكرد، كاتی تەقینەوەكە، مزگەوتەكە پڕبووە لە نوێژخوێن.

بەردەوام بە لە خوێندنەوە

جیهان

زەریف: ترەمپ كۆتاییهاتنی ئێران نابینێت

خەڵك- بەشی هەواڵ
وەزیری دەرەوەی ئێران دەڵێت “سەرۆكی ئەمریكا كۆتایی ئێران نابینێت”.

محەمەد جەواد زەریف وەزیری دەرەوەی ئێڕان ئەمڕۆ هەینی لە دیدار لەگەڵ كاربەدەستانی پاكستانی ڕایگەیاند، ئێران كۆتاییهاتنی ترەمپ دەبینێت، بەڵام ترەمپ كۆتاییهاتنی ئێران نابینێت.

پێشتر دۆناڵد ترەمپ سەرۆكی ئەمریكا لە تویتێكدا ڕایگەیاند، خوازیاری ئێران بۆ شەڕ دەبێتەهۆی كۆتاییهاتنی ئەو وڵاتە.

بەردەوام بە لە خوێندنەوە

کوردستان