ئێمە لە تۆرە کۆمەڵایەتیەکان

کوردستان

كەمئەندامان داوای 49 ملیۆن دینارەكە لە پەرلەمانتاران دەكەن

سلێمانی ـ نزار جەزا

خاوەن پێداویستییە تایبەتەكان تاكو ئێستا 13موچەیان فەوتاوە و بارودۆخیان ساڵ لە دوای ساڵ بەرەو خراپتر ڕۆیشتووە، لەم دۆخەشدا داوا لەپەرلەمانتاران دەكەن 49 ملیۆن دینارەكە بە خاوەن پێداویستییە تایبەتەكان ببەخشن.

كۆچەر كەریم سەرۆكی كۆمەڵەی تالاسیمای سلێمانی بە (خەڵك)ی ڕاگەیاند، خاوەن پێداویستی تایبەت پەراوێزترین كەسی ناو كۆمەڵگەن، زۆرێك لەپەرلەمانتارەكانیش بەڵێنی چاكسازی و باشكردنی دۆخی خاوەن پێداویستی تایبەتیان داوە، بەڵام ئێستا پەرلەمانتاران خەریكی كۆكردنەوەی ئیمتیازاتن، كە بە مافی ڕەوای خۆیانی دەزانن.

وتیشی “پەرلەمانتاران دەیانەوێت لە ئەو چوار ساڵەی چوار قسەی باشی تێدا نەكرا، زیاتر لە 49 ملیۆن دینار خانەنشینی وەربگرن، لەكاتێكدا خاوەن پێداویستییە تایبەتەكان موچەی مانگی دووی ئەمساڵیان وەرنەگرتووە”.

ئاماژەی بەئەوەشدا، تاكو ئێستا خاوەن پێداویستییە تایبەتەكان 13 موچەیان فەوتاوە، بۆیە پێویستە لەسەر ئەمە هەڵوێستیان هەبێت، نەك دوای بەرژەوەندی خۆیان بكەون.

دەشڵێت “لەبەرئەوەی پەرلەمانتاران نوێنەری خەڵكن، بۆیە داوا لەپەرلەمانتاران دەكەم، ئەگەر ئەو خانەنشینییەیان وەرگرت، ئەوا بیبەخشن بە ئەو شوێنانەی پێویستییانە، بەنمونە خاوەن پێداویستییە تایبەتەكان لەبارودۆخێكی ناهەمواردا ژیان دەگوزەرێنن”.

ئەوەشی خستەڕوو، هەموو ئەو بەڵێنانەی لەكاتی كاندیدبوونی پەرلەمانتارەكاندا دراون، وەلانراون و بەرژەوەندی تایبەتی پێش بەرژەوەندی گشتی خراون.

هێمای بۆ ئەوەشكرد، ئەگەر حكومەت و پەرلەمانی داهاتوو بەهەمان ڕێچكەی ساڵانی پێشوو بڕوات، ئەوا هیچ ئومێدێكیان پێیان نییە، كە گوزەرانی خاوەن پێداویستییە تایبەتەكان باشتر بكەن، چونكە دۆخی كەمئەندامان ساڵ لەدوای ساڵ خراپتر بووە، باشتر نەبووە.

کوردستان

داوای یەكهەڵوێستی حیزبەكانی باشووری كوردستان لە بەرامبەر شەڕی ئەمریكا و ئێراندا دەكرێت

خەڵك- بەشی هەواڵ

سیاسەتمەدارێكی كورد ئەمڕۆ هەینی داوای لە لایەنە سیاسییەكانی باشووری كوردستان كرد لەبەرامبەر حكومەتی نێوەندی و ململانێی ئەمریكا و ئێراندا هەڵوێستەكانیان یەكبخەن.

مەحمود عوسمان بۆ ئاژانسی بغداد الیوم ڕاشیگەیاند، هەرێمی كوردستان بەشێكە لە عیراق، بۆیە پێویستە لەگەڵ حكومەتی نێوەندی دابنیشێت و لێكتێگەیشتنیان هەبێت، هەڵوێستێكی یەكگرتووش بەرامبەر ململانێ یان شەڕی ئێران و ئەمریكا نیشانبدەن.

ئاماژە بەوەش دەكات، هەڵوێستی كورد لە حاڵی هەڵگیرسانی ململانێدا پێویستە بێلایەن بێت و پشتیوانی هیچ لایەك نەكات لەسەر حسابی لایەكەی دیكە، ئەمە دەبێتەهۆی پێوەندییەكی باش لەگەڵ هەردوولایەندا.

ڕوونیشیكردەوە، بۆ سەرجەم پێكهاتەكانی عیراق باشە كە شەڕ لە خۆیان دووربخەنەوە، بەڵام لەهەربارێكدا كە شەڕ ڕوو بدات، ئەوا ناوچەكە دەبێتە نێوەندی ململانێی هەردوولایەن، بەڵام باشترین ئەوەیە كە هەرێم و بەغدا بەشێوەیەكی گشتی خۆیان لە خاڵی ململانێ یان گۆڕەپانی جەنگ بەدوور بگرن.

بەردەوام بە لە خوێندنەوە

عێراق

“ململانێی بێكۆتا ناوچەكانی شەنگال و نەینەوای خستۆتە دۆخێكی دژوار”

خەڵك – بەشی هەواڵ

قایمقامی قەزای شەنگال داوا لە سەرۆك وەزیرانی عیراق دەكات، شەڕ و پێكدادان لە ناوچەكانی شەنگال كۆتایی پێبهێنرێت و ماددەی 140ی دەستوری عیراقیش جێبەجێبكات .

 

مەحما خەلیل، قایمقامی قەزای شەنگال، ڕایگەیاندوە “ململانێی بێكۆتا ناوچەكانی شەنگال و نەینەوای خستۆتە دۆخێكی دژوار، گەر بەم شێوەیەی ئێستا بمێنێتەوە ، تەنها خەڵك باجەكی دەدەن”.

 

مەحما خەلیل وتویەتی: قبوڵكراو نیە ناوچەكە لەژێر هەڕەشەی ململانێ سیاسیەكان و خواستە نەرێنیە نێودەوڵەتیەكاندا بێت، “ئەو ناوچانە تایبەتن و ئاستی رۆشنبیری خەڵكەكەی لە ناوچەكانی دیكەی باكور جیاوازە، بەڵام بە گشتی ئەو ناوچەیە لە ژێر كاریگەری پێكدادان و ململانێ سیاسیەكاندایە “.

خەلیل دەڵێت “هیوای زۆریان بە حكومەتەكەی عادل عەبدولمەهدی هەیە تا داوای لێ‌ بكەین بە هاوكاری سەرجەم لایەنەكان چارەسەر بۆ دۆخی شەنگال بدۆزێتەوە، پشت بەو بڕگە یاسایی و دەستوریانەی تا ئێستا كاران وچاوەڕوانی خستنە بواری جێبەجیكردنی بڕگەی 140ی دەستوری عیراقی دەكەین.

سەرچاوە/ ڕووداو

بەردەوام بە لە خوێندنەوە

کوردستان

ڕوونكردنەوەیەك لە نووسینگەی ڕاگەیاندنی بارەگای مەسعود بارزانی

خەڵك – بەشی هەواڵ

نووسینگەی ڕاگەیاندنی بارەگای مەسعود بارزانی، سەرۆكی پارتی دیموكراتی كوردستان، لە ڕاگەیەنراوێكدا، بەكاربەرانی تۆڕە كۆمەڵایەتییەكان ئاگادار دەكات، ئەكاونتە تایبەتییەكەی مەسعود بارزانی، لە تۆڕی كۆمەڵایەتی فەیسبوك، نیشانەی ڕاست و دانپێدانراو (☑)ـی تۆڕی كۆمەڵایەتیی فەیسبوكی لەسەرە و هەر ئەكاونتێك بە ناوی ئەو و بارەگاكەی ئەو تایبەتمەندییەی لەسەر نەبێت هیچ پەیوەندی بە “جەنابی سەرۆك و بارەگای بارزانییەوە” نییە.

 

دەقی ڕاگەیەنراوەكە

ڕوونكردنەوەیەك لە نووسینگەی ڕاگەیاندنی بارەگای بارزانی

ئاگاداری هەموو لایەك و بە تایبەت بەكاربەرانی تۆڕە كۆمەڵایەتییەكان دەكەین كە هەر لاپەڕەیەكی فەیسبووك ئەگەر بەناوی جەنابی سەرۆك بارزانی و بارەگای بارزانی بێت و نیشانەی ڕاست و دانپێدانراو (☑)ـی تۆڕی كۆمەڵایەتیی فەیسبوكی لەسەر نەبێت هیچ پەیوەندی بە جەنابی سەرۆك و بارەگای بارزانییەوە نییە.

نووسینگەی ڕاگەیاندنی بارەگای بارزانی

بەردەوام بە لە خوێندنەوە

کوردستان