ئێمە لە تۆرە کۆمەڵایەتیەکان

جیهانی

 (بۆندی گه‌وره‌) مۆرینیۆ “بیرۆکه‌ی شێتانه‌”ی هه‌یه‌ و سه‌رۆکی ڕیاڵ مه‌درید ده‌سته‌کانی له‌یه‌کتر ده‌خشێنێت !

خه‌ڵک سپۆرت

گاریس به‌یلی وێڵزی ئه‌ستێره‌ی یانه‌ی ڕیاڵ مه‌درید وه‌رز له‌دوای وه‌رز ئاستی به‌ره‌وخوار ده‌چێت، بۆیه‌ به‌ دوور نازانرێت له‌ هاوینی ٢٠١٩ کۆتایی به‌ “سه‌رده‌می سپی”بهێنێت و بۆ گێڕانه‌وه‌ی شکۆی پێشوی په‌یوه‌ندی به‌ زه‌به‌لاحێکی خولی ئینگلزیه‌وه‌ بکات.

پۆرتاڵی “دۆن بالۆن”ی ئیسپانی پرسیار ده‌کات: چی ده‌بێت ئه‌گه‌ر مۆرینیۆ ئه‌و هه‌نگاوه‌ بنێت که‌ به‌دڵی هه‌ردوو یانه‌ی مانچسته‌ر یونایتد و ڕیاڵ مه‌دریده‌ له‌یه‌ک کاتدا؟

به‌پێی سه‌رچاوه‌که‌، مۆرینیۆ پێشوه‌خت ٢٠٠ ملیۆن یورۆی وه‌ک کۆتا چانس له‌ ئیداره‌ی “شه‌یتانه‌ سوره‌کان” وه‌رگرتووه‌، به‌و پاره‌یه‌ له‌گواستنه‌وه‌کانی هاوینه‌ چه‌ند یاریزانێک دابین ده‌کات و مه‌رجیشه‌ ئه‌و بۆندانه‌ی ئیمزایان ده‌کات گه‌وره‌ بن، واتا ئیداره‌ی یانه‌ به‌و مه‌رجه‌ پاره‌یان خستۆته‌ به‌رده‌ست تا گواستنه‌وه‌ی گه‌وره‌ و گرانی پێ ئه‌نجام بدات نه‌ک پڕکردنه‌وه‌ی که‌لێنه‌کان به‌ یاریزانی که‌م ئه‌زمون و نه‌ناسراو.

به‌م هۆیه‌وه‌ مۆرینیۆ بڕیاریداوه‌ ناوه‌کانی نایمار و موحه‌مه‌د سه‌ڵاح و هازارد بکاته‌ ئامانج، به‌ڵام وه‌ک ئاشکرایه‌ ئه‌و یاریزانانه‌ نرخیان خه‌یاڵییه‌ و یانه‌ زه‌به‌لاحه‌کانی تریش بۆ گواستنه‌وه‌یان له‌سه‌ر خه‌تن، ئه‌مه‌ش وایکردووه ‌ڕاهێنه‌ره‌ پورتوگالیه‌ سپێشه‌ڵه‌که‌ بیر له‌ گواستنه‌وه‌ی گاریس به‌یل بکاته‌وه‌ که‌ له‌ یه‌ک کاتدا یاریزانێکی گه‌وره‌یه‌ و له‌گه‌ڵ ئه‌وه‌شدا نرخه‌که‌ی له‌ ١٥٠ ملیۆنه‌وه‌ بۆ ١٠٠ ملیۆن دابه‌زیوه‌ و له‌هاوینی داهاتو بۆ‌ ٨٠ ملیۆن داده‌به‌زێت.

یانه‌ی شاهانه‌ و به‌تایبه‌ت فلۆرنتینۆ پێرێرێز شه‌رم له‌ گواستنه‌وه‌ی “شه‌مه‌ندۆفێره‌ وێڵزیه‌که‌” ده‌که‌ن، له‌لایه‌ک نه‌یتوانیوه‌ تواناکانی بسه‌لمێنێت و له‌لایه‌کی تریشه‌وه‌ نه‌یتوانیوه‌ به‌هیچ شێوه‌یه‌ک له‌شێوه‌کان که‌لێنی کریستیانۆ ڕۆناڵدۆ پڕ بکاته‌وهو کوالیتی مامناوه‌ند بووه‌‌، ده‌شزانن به‌و ئاست و شێوه‌ یارییکردنه‌وه‌ له‌ وه‌رزه‌کانی تردا قورسایی له‌ده‌ست ده‌دات، به‌م هۆیه‌وه‌ بیریان له‌ فرۆشتن و قبوڵکردنی هه‌ر ئۆفه‌رێک کردۆته‌وه‌‌ که‌ له‌ مۆرینیۆوه‌ پێیان ده‌گات.

ئایا مۆرینیۆ ئه‌و ده‌رگایه‌ ده‌کاته‌وه‌؟ با چاوه‌ڕوانی گواستنه‌وه‌کانی هاوینه‌ بین…

جیهانی

(خولی نه‌ته‌وه‌کانی ئه‌وروپا) خشته‌ و کاتی یارییه‌کانی ئه‌مڕۆ (سێشه‌ممه‌)

خه‌ڵک سپۆرت

ئه‌مڕۆ ململانێی هه‌ڵبژارده‌کانی ئه‌وروپا له‌ خولی نه‌ته‌وه‌کان (قۆناغی کۆمه‌ڵه‌کان – جه‌وله‌ی شه‌شه‌م) به‌رده‌وامی ده‌بێت، چه‌ندین رووبه‌ڕوبونه‌وه‌ی به‌هێز ئه‌نجام ده‌درێن، گرنگترینیان ئه‌مانه‌ن:

خولی نه‌ته‌وه‌کانی ئه‌وروپا

پورتوگال – پۆڵه‌ندا (١٠:٤٥)

سوید – ڕوسیا (١٠:٤٥)

سکۆتله‌ندا – ئیسرائیل (١٠:٤٥)

سڕبیا – لیتوانیا (١٠:٤٥)

مۆنتینیگرۆ – ڕۆمانیا (١٠:٤٥)

کۆسۆڤۆ – ئه‌زه‌ربیجان (١٠:٤٥)

ماڵته‌ – دورگه‌کانی فارۆ  (١٠:٤٥)

یارییه‌ دۆستانه‌کان

ئوسترالیا – لوبنان (١١:٣٠ نیوه‌ڕۆ)

ژاپۆن – قیرغستان (١:٢٠)

ئێران – ڤه‌نزوێلا (٦:٠٠)

عیراق – بۆلیڤیا (٧:٠٠)

تونس – مه‌غریب (٨:٠٠)

ئه‌فریقای باشور – پاراگوای (٨:٠٠)

ئوردن – سعودیه‌ (٨:٠٠)

تورکیا – ئۆکرانیا (٨:٣٠)

ئه‌لبانیا – وێڵز (١٠:٠٠)

به‌رازیل – کامیرۆن (١٠:٣٠)

ئیتاڵیا – ئه‌مریکا (١٠:٤٥)

فه‌ره‌نسا – ئۆرۆگوای (١١:٠٠)

ئه‌رجه‌نتین – مه‌کسیک (٣:٠٠ به‌ره‌به‌یان)

چیللی – هندۆراس (٣:١٥ به‌ره‌به‌یان)

پیرۆ – کۆستاریکا (٣:٣٠ به‌ره‌به‌یان)

پانه‌ما – ئیکوادۆر (٤:٠٠ به‌ره‌به‌یان)

سلڤادۆر – هایتی (٤:٠٠ به‌ره‌به‌یان)

بەردەوام بە لە خوێندنەوە

جیهانی

(گالاکتیکۆسی نوێ) پێرێز ئه‌ستێره‌یه‌کی “فول کوالیتی” وه‌ک جێنشینی مۆدریچ ده‌ستنیشان کردووه‌ !

خه‌ڵک سپۆرت

فلۆرنتینۆ پێرێزی سه‌رۆکی یانه‌ی ڕیاڵ مه‌درید هیوایه‌کی ئه‌وتۆی به‌ لوکا مۆدریچی کرواتی نه‌ماوه‌ و بۆ شوێنگرتنه‌وه‌ی پلانی بۆ گواستنه‌وه‌یه‌کی گه‌وره‌ و هه‌ژێنه‌ر داڕشتووه‌.

پۆرتاڵی “دۆن بالۆن”ی ئیسپانی له‌زاری ئالبێرتۆ ڕامبلای ڕۆژنامه‌نوسی ناوداره‌وه‌ ئاشکرای کردووه‌، لوکا مۆدریچ به‌هۆی هه‌ڵکشانی ته‌مه‌نیه‌وه‌ (٣٣ ساڵ) توانا جه‌سته‌ییه‌کانی له‌ده‌ستداوه‌ و ئه‌وه‌ش به‌ڕونی له‌لایه‌ن ده‌سته‌ی هونه‌ری یانه‌ی شاهانه‌وه‌ هه‌ستی پێکراوه‌، هه‌روه‌ها یاریزانه‌که‌ له‌گواستنه‌وه‌کانی هاوینه‌ی ڕابردوه‌وه‌ هه‌وڵیداوه‌ په‌یوه‌ندی به‌ یانه‌ی ئینته‌رمیلانه‌وه‌ بکات و وه‌ک ده‌رده‌که‌وێت چیتر به‌ مانه‌وه‌ی له‌ڕیزه‌کانی شاهانه‌ خۆشحاڵ نه‌بێت.

سه‌رچاوه‌که‌ نوسیویه‌تی: ئیداره‌ی ڕیاڵ هیوایه‌کی ئه‌وتۆیان به‌ “لوکیتا” نه‌ماوه‌ و ده‌یانه‌وێت له‌ گواستنه‌وه‌کانی زستانه‌، یاخود هاوینه‌ی داهاتو بۆ ئینته‌رمیلان، یاخود یه‌کێک له‌ یانه‌ زه‌به‌لاحه‌کانی چین ده‌ستبه‌رداری بن، وه‌ک شوێنگره‌وه‌ش ناوێکی گه‌وره‌ی ئینگلزییان ده‌ستنیشان کردووه‌.

ئه‌و یاریزانه‌ی پێرێز و هاوه‌ڵانی ده‌یانه‌وێت جێگه‌ی مایسترۆ کرواتیه‌که‌ی پێبگرنه‌وه‌ “دیلی ئالی” ئه‌ستێره‌ی ئینگلیزی یانه‌ی تۆتنهامه‌، که‌ له‌ئێستادا یه‌کێکه‌ له‌ باشترینه‌کانی جیهان و ته‌مه‌نی ته‌نها ٢٢ ساڵه‌، ئه‌گه‌ر ته‌مه‌ن و ئاستی له‌به‌رچاو بگرین ئاشکرایه‌ بۆ ماوه‌ی پێنج تا شه‌ش ساڵی تر ده‌توانێت له‌نێو یاریگادا ئه‌سپی خۆی تاو بدات.

گواستنه‌وه‌ی دیلی ئالی ئاسان نابێت، دانێل لیڤی سه‌رۆکی “که‌ڵه‌شێره‌ ڕومیه‌کان” پێداگری له‌مانه‌وه‌ی ده‌کات و نرخی سه‌ره‌تایی ٨٠ ملیۆن پاوه‌نده‌، هه‌موو ئه‌گه‌ره‌کان به‌و ئاڕاسته‌یه‌ن ئه‌گه‌ر ڕیاڵ به‌فه‌رمی داوای بکات ئه‌وا نرخه‌که‌ی بۆ ١٠٠ ملیۆن پاوه‌ند به‌رز ده‌بێته‌وه‌.

بەردەوام بە لە خوێندنەوە

جیهانی

(کلاسیکۆی لێدان به‌ لێدان) ڕیاڵ و بارسا بۆ دوو لاوی به‌هره‌دار ئه‌مسه‌ر و ئه‌وسه‌ریان له‌یه‌کتری گرتووه‌ !

خه‌ڵک سپۆرت

ئیداره‌ی یانه‌ی به‌رشلۆنه‌ ئاماده‌کاری بۆ گواستنه‌وه‌ی ئه‌ستێره‌یه‌کی لاوی هۆڵه‌ندی ده‌کات و له‌بازاڕی گواستنه‌وه‌کاندا ناچارن به‌ره‌نگاری یانه‌ی ڕیاڵ مه‌درید ببنه‌وه‌.

پۆرتاڵی “دۆن بالۆن”ی ئیسپانی له‌زاری سه‌رچاوه‌کانیه‌وه‌ ئاشکرای کردووه‌، به‌رپرسانی یانه‌ی به‌رشلۆنه‌ جموجۆڵیان بۆ گواستنه‌وه‌ی ماتیاس دی لیختی هۆڵه‌ندی ئه‌ستێره‌ی هه‌ڵکشاوی یانه‌ی ئه‌یاکس ئه‌مسته‌ردام ده‌ست پێکردووه‌ و نزیکن ڕێکه‌وتنی سه‌ره‌تایی ئیمزا بکه‌ن، له‌به‌رامبه‌ردا فلۆرنتینۆ پێرێزی سه‌رۆکی یانه‌ی شاهانه‌ی مه‌درید هه‌مان یاریزانی خستۆته‌ ئه‌جێندای گواستنه‌وه‌کانی هاوینه‌وه‌ و ئه‌گه‌ر زۆره‌ له‌هه‌ر ئان و ساتێکدا تێهه‌ڵکێشی گفتوگۆکان ببێت له‌گه‌ڵ یانه‌ مێژووییه‌که‌ی هۆڵه‌ندا.

به‌پێی سه‌رچاوه‌که‌، ئه‌گه‌ر پێرێز ئه‌م هه‌نگاوه‌ بنێت ئه‌وا بارسا وه‌ک وه‌ڵامێک لێدان ئاڕاسته‌ی “مێره‌نگی” ده‌کات و پلانی (بی) به‌کار ده‌خه‌ن، پلانه‌که‌ش بریتیه‌ له‌ داواکردنی یاریزانی شوێنگره‌وه‌ که‌ بۆند داڤینسۆن سانچێزی کۆڵۆمبی به‌رگریکاری به‌توانای یانه‌ی تۆتنهامه‌، هۆکاره‌که‌ش زیاتر له‌ تۆڵه‌ سه‌ندنه‌وه‌ ده‌چێت به‌وپێیه‌ی ئه‌م ٢٢ ساڵه‌ کۆڵۆمبیه‌ له‌لایه‌ن یانه‌ی شاهانه‌وه‌ داواکراوه‌.

به‌پێی زانیارییه‌ سه‌ره‌تاییه‌کان، گواستنه‌وه‌ی سانچێزی کۆڵۆمبی له‌ له‌نده‌نه‌وه‌ بۆهه‌ر یانه‌یه‌کی تر زیاتر له‌ ٤٠ ملیۆن پاوه‌ندی تێده‌چێت، که‌ نزیکه‌ له‌ نرخی ماتیاس دی لیختی داواکراوی یه‌که‌مه‌وه‌.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین