ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

ڕۆت چییە و كاری چییە لەئۆتۆمبێلدا؟

خەڵك- بەشی هەواڵ

ئۆتۆمبێل لەچەندین پارچەی جۆراوجۆر پێكدێت كە هەریەكەیان ئەرك‌و كاری جیاوازیان هەیەو بەیەكێشەوە هاوسەنگی‌و سەلامەتی ئۆتۆمبێلەكە دەپارێزن، یەكێك لەو پارچانەش ڕۆت (Tie Rod)ە.

كار و گرنگی ڕۆت چییە؟

1. ڕۆت گەیەنەرو بەستەرو یامەتیدەری تایم (هاوسەنگكردن)ە لەنێوان كۆمەڵەی سوكان‌و ستاپ ئەكسلی ئۆتۆمبێلدا.

2. ڕۆت یارمەتیدەری سەرەكی سوكانە بۆ پێچكردنەوەی بەلای ڕاست‌و چەپدا.

3. ڕۆت یارمەتیدەری سەرەكی تایمی میزانیەیە.

خراپبونی چی لێدەكەوێتەوە؟

1. خراپبونی ڕۆت دەبێتە هۆی تێكچونی میزانیەی ئۆتۆمبێل‌و بەوەش ئۆتۆمبێل بەلای ڕاست‌و چەپدا دەڕوات.

2. خراپبونی ڕۆت دەبێتە هۆی كرتەكرت‌و تەقەتەق لەتەگەرو لەمەجموعەی سوكاندا لەكاتی تاسەو ڕەگەڵەدا.

3. خراپبونی ڕۆت‌و ئیهمالكردنی، دەبێتە هۆی قرتانی ڕۆت‌و نەمانی سوكان، بەوەش ئاڕاستەی ئۆتۆمبێل لەكۆنترۆڵدا نامێنێت‌و هەڕەشە بۆ سەر سەلامەتی دەوربەرو خودی شۆفێرو ئۆتۆمبێلەكەش دروستدەكات.

1. هەموو ئۆتۆمبێلێك دوو ڕۆتی هەیە لەپێشەوە.

2. قەبارەو شێوەی ڕۆتی زۆرینەی ئۆتۆمبێلەكان لەیەكتر جیاوازن.

3. هەمیشە هەوڵبدە لەكاتی كڕینی ڕۆتدا باشترین بكڕیت، چونكە ڕاستەوخۆ پەیوەندیدارە بەژیان‌و سەلامەتی خۆت‌و ئەوانی تریشەوە.

لە ماڵپەڕی بەڕێوەبەرایەتی هاتوچۆی سلێمانییەوە وەرگیراوە

ئۆتۆمبێل و تەکنەلۆژیا

گرنگترین نیشانەكانی لاوازی ‌و لەكاركەوتنی فیول پەمپ چین؟

خەڵك- ئۆتۆمبێل
پێویستە شۆفێران پێش ئەوەی فیول پەمپی ئۆتۆمبێلەكەیان لەكاربكەوێت، نیشانەكانی لاوازی ‌و لەكاركەوتنی بزانن، كە گرفتی زۆربەی شۆفێرانە بەتایبەت لەوەرزی هاویندا.
شارەزایانی بواری ئۆتۆمبێل چەند خاڵێكیان دیاری كردووە وەك نیشانە بۆ لاوازبوون و لەكاركەوتنی فیول پەمپ:
1- لەناكاو وەستانی بزوێنەر لەكاركەوتن: كاتێ فیول پەمپی ئۆتۆمبێلەكە لەكاردەكەوێت، ئەوا بزوێنەری ئۆتۆمبێلەكە لەكاردەكەوێت یان كاتێ كاردەكات، فیول پەمپەكە باش كاری خۆی ناكات، كە گەیاندنی سوتەمەنییە بۆ مەكینەكە.
2- تێبینی لەرزینی ئۆتۆمبێل لەكاتی سلۆلیدا.
3- لاوازی گوڕی بزوێنەر ‌و لاوازی فیول پەمپ دەبێتە هۆی لاوازی بزوێنەر ‌و لاوازی گەیاندنی سوتەمەنی بۆ بزوێنەر.
4- بەگران كاركردنی بزوێنەری ئۆتۆمبێلەكە.
5- بڕینی ئۆتۆمبێلەكە لەكاتی ڕۆیشتنیدا.
6- لەكاتی پشكنینی ئۆتۆمبێلدا بەكۆمپیوتەر چەند كۆدێك دەدات، كە باس لەگرفتی كەمی هەوا‌ و سوتەمەنی دەكات.

بەردەوام بە لە خوێندنەوە

ئۆتۆمبێل و تەکنەلۆژیا

کارگەیەکی نوێ لەچین بنیات دەنرێت کە تیایدا ڕۆبۆتەکان خۆیان دروست دەکەن

خەڵک-
گرووپی ABB سویسری بۆ ئامێری ئەندازیاری پرۆژەیەکی نوێی ڕاگەیاند بۆ دامەزراندنی کارگەیەکی نوێ لە شاری شانگهای لە چین بۆ دروستکردنی ئامێری ڕۆبۆت بەتێچوونی 150 ملیۆن دۆلار.

چین لەدوای وڵاتەیەکگرتوەکانی ئەمریکا دووهەم گەورە بازاڕی گرووپی ABB یە، سەرۆکی جێبەجێکاری کۆمپانیاکە ئۆڵریچ سپیسۆڤەر لە بڵاوکراوەیەکدا پرۆژەکەی ڕاگەیاند و لەم بارەیەوە ووتی “شانگهای بۆتە ناوەندێکی زیندووی بەڕێوبەرایەتی تەکنەلۆجیای پێشکەوتوو بۆ گرووپی ABB و جیهان.
لەگەڵ بەرزبوونەوەی کرێی کاری مرۆڤ، چین لەهەوڵدایە بۆ فراوانکردنی توانای کارداری و بەکارهێنانی ڕۆبۆت.
ABB ووتی هەر یەک لە 3 لەو ئامێرانەی لە ساڵی 2017 لەسەر ئاستی جیهان فرۆشراون، چین گەورە کڕیاری بووە و نزیکەی 138 هەزار ئامێری کڕیوە.

هەروەها کۆمپانیاکە ووتی کارگە نوێکەی لەسەر ڕووبەری 23 (کم²) دادەمەزرێت، پرۆگرامی پێشکەوتوو بەکاردێنێت، ڕێگا بە مرۆڤ و ئامێرە ڕۆبۆتەکان دەدات پێکەوە ڕۆژانە کار بکەن و ئەرکی دروستکردنی پارچەی وورد جێبەجێکەن بۆ دروستکردنی ئامێری ڕۆبۆت.

ووتیشی ئامێرەکانی ABB ئەرکی جۆراوجۆری هەیە لەوانە دروستکردنی ئۆتۆمبێل و کۆکردنەوەی ئامێری ئەلیکترۆنی بۆ دروستکردنی ڕۆبۆت بۆ ژمارەیەک لە پیشەسازیەکان لە کۆمپانیاکەی شانگهای.

کۆمپانیاکە ژمارەی کارمەندانی ئاشکرانەکرد کە دەتوانن لەم پرۆژه نوێیەدا کار بکەن، بەڵام ووتی پشتبەستن بە ئامێری ڕۆبۆت بۆ کارکردن زیاتر دەکات کە لەئێستادا لەچین زیاترە لە 2 هەزار ئامێری ABB هەیە.

بەردەوام بە لە خوێندنەوە

ئۆتۆمبێل و تەکنەلۆژیا

وێنەیەکی سادەی هێلکەیەک لە ئینستەگرام زۆرترین لایکی بۆ هات

خەڵک-

لە ماوەی ڕابردوودا ئەستێرەی تۆڕە کۆمەڵایەتیەکان کایلی جینر کە یەکێکە لە ئەندامەکانی بنەماڵەی کارداشیان، خاوەنی بڵاوکراوەیەک بوو زۆرترین بەدڵبوونی بە دەستهێنابوو لە تۆڕی ئینستەگرام، ئەویش وێنەی منداڵە تازە لە دایکبووەکەی بوو بە ناوی ستۆرمی وێبستر، ئەم وێنەیە پاش ماوەیەکی کەم توانی ڕێژەی 18.1 ملیۆن بە دڵبوون بە دەست بهێنێت بەم شێوەیە پێوانەی مێژووی زۆرترین بەدڵبوونی لە ئینستەگرام شکاند بەڵام وا دیارە ئەم پێوانەیە هەتا هەتایی نییە چونکە لە ماوەی چەند ڕۆژی ڕابردوودا وێنەی هێلکەیەک ئەم پێوانەیەی شکاند.

چیرۆکی ئەم هێلکەیە لەوەوە دەست پێدەکات ئێوارەی ڕۆژی یەکشەممەی ڕابردوو دیاریکراوتر لە بەرواری 4/1/2019ـدا وێنەی هێلکەیەکی سادەی خاوەن پاشەبنەمایەکی سپی بڵاوکرایەوە و لە ماوەیەکی کورتدا و لە پێنجشەممەی ڕابردوو توانی پێوانەکەی کەیلی جینر بشکێنێت و بگاتە 18 ملیۆن بەدڵبوون، بەڵام چیرۆکی ئەم هێلکەیە لێرەدا کۆتایی نەهات و بە بەردەوامی و هەموو چرکەیەک هەزارەها بەدڵبوونی بە دەست دەهێنا، بە شێوەیەک هەتاوەکو ساتی نووسینی ئەم بابەتە وێنەی هێلکەکە 48.7 ملیۆن بەدڵبوونی بە دەستهێناوە لەگەڵ 2.8 ملیۆن لێدوان.

شایەنی باسە هەژماری بڵاوکەرەوەی وێنەکە خۆی بە کۆمەڵەی هێلکە Egg Gang ناودەبات و ناوی پەڕەی ئینستەگرامەکەش World Egg Recordـە، هەروەها لەگەڵ وێنەی هێلکەکەدا خاوەن هەژمارەکە نووسیویەتی:-

با هەموومان پێکەوە پێوانەیەکی جیهانی دروست بکەین و ببینە خاوەنی زۆرترین بەدڵبوون لە ئینستەگرام.

لە ئێستادا هەژمارەکە خاوەنی 7.8 ملیۆن شوێنکەوتووە و وێنەی هێلکەیەکی دیکەشی بڵاوکردووەتەوە ئەم جارەیان هێلکەکە لە بەشی سەرەوەی شکانێکی تێکەوتووە، بێگومان ئەمە شتێکی زۆر سەیرە وێنەی هێلکەیەک بەم شێوەیە کاردانەوەی لێبکەوێتەوە و ژمارەیەکی زۆری بەدڵبوونیش بە دەست بهێنێت، بە هەر حاڵ ئیدی دەبێت ئەم جۆرە دەنگۆیانە و بەناوبانگبوونی شتانێکی بێمانای وەک ئەم هێلکەیە بەلاوە ئاسایی بێت چونکە نەک تەنها لە کۆمەڵگای کوردی خۆماندا شتی بێمانا هەمیشە بڵاوترە لە بەسوودەکان بەڵکو ئێستا هەموو جیهان بەم شێوەیەن.

سەرچاوە:Kitn.net

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 86%, 42
    42 86%
    42 - 86% هەموو دەنگەکان
  • وه‌زارەتی دارایی و ئابووری 8%, 4
    4 8%
    4 - 8% هەموو دەنگەکان
  • وه‌زارەتی بازرگانی و پیشه‌سازی 6%, 3
    3 6%
    3 - 6% هەموو دەنگەکان

کوردستان

دوایین