ئێمە لە تۆرە کۆمەڵایەتیەکان

جیهان

ئەمریکا.. کۆمارییەکان شەش ویلایەتیان لەدەستدا

خەڵک-

بەپێی دوایین زانیارییەکان لەبارەی ئەنجامەکانی ھەڵبژاردنی نیوەی خولی سەرۆکایەتیی ئەمریکا، دیموکراتەکان توانیویانە فەرمانڕەوایی ٧ ویلایەت لە دەستی کۆمارییەکان دەربھێنن و فەرمانڕەوایی خۆیان بۆ ٢٢ ویلایەت زیاد بکەن.

دوایین ئەنجامەکان ئاماژە بەوە دەکەن، ویلایەتەکانی مەین، میشیگن، ویسکەنسن، ئیلینۆی، کەنساس، نیو مەکسیکۆ، نیڤادا کە پێشتر لە دەستی کۆماریـیەکاندا بوون، دەکەونە دەستی دیموکراتەکان، ویلایەتی جۆرجیاش ماوەتەوە بەوەی، ستەیسی ئەبرامز نوێنەری دیموکراتەکان کە ٤٨.٦٪ ـی دەنگەکانی بەردەستھێناوە بەرامبەر ٥٠.٥٪ ـی کۆمارییەکان، ئامادەی خۆ بەدەستەوەدان نییە و دەڵێت لەسەر دوایین دەنگ شەڕ دەکەین، ئەو دەڵێت: دەبێت دەنگەکانی ویلایەتەکە دووبارە ھەژمار بکرێنەوە.

لە بەرامبەریشدا کۆمارییەکان تونیویانە لە ویلایەتی ئالاسکا براوە بن، پێشتر ئەو ویلایەتە لە لایەن کەسێکی سەربەخۆ (بیڵ واکەر) ــەوە بەڕێوە دەبرا.

ئەنجامی تا ئێستاش ئەوەیە، دیموکراتەکان لە ٢٢ ویلایەت و کۆمارییەکانیش لە ٢٦ ویلایەت حوکمڕانی دەکەن.

 

جیهان

حەشدی شەعبی خۆی بۆ بەرەوڕووبوونەوەی ئەمریكا لە ئەنبار ئامادە دەكات

خەڵك- بەشی هەواڵ

كاربەدەستێكی پایەبڵندی حكومەتی نێوخۆیی ئەنبار ئەمڕۆ هەینی ئاشكرایكرد، هێزەكانی حەشدی شەعبی بە توندی وەڵامی هەر هێرشێكی ئەمریكا دەدەنەوە كە لە ناوچەكانی خۆرئاوا بكرێنەئامانج.

ئاژانسی هەواڵی مەعلومە لە زاری سەرچاوەكەوە بڵاویكردووەتەوە، سەركردەكانی حەشدی شەعبی جەختیانكردووە لەسەر پشتیوانیكردن لە وەڵامدانەوەی توندی هەر هێرشێكی ئەمریكا لە ناوچەكانی پارێزگەی ئەنبار بۆ سەر پێگەكانیان و نابێت دەستبەستراو بن لە ئاست دەستدرێژییەكاندا.

بەپێی سەرچاوەكە، هێزەكانی حەشدی شەعبی دووبارە بڵاوەیانپێكراوە لە قەزای قائیم لە خۆرئاوای ئەنبار بۆ سنووری سووریا، ئەمەش وەك ڕێوشوێنێكی پێشوەخت بۆ پێشگرتن بە هەر دەستدرێژییەكی هێزە ئەمریكاییەكان.

دەشڵێت “هێزەكانی ئەمریكا كاری بێزاركەر دەكەن لە دژی حەشدی شەعبی لە خۆرئاوا و سەركردەكانیش داوای دانبەخۆداگرتنیان كردووە، تاكو خۆیان نەخزێننە نێو پێكدادانەوە لەگەڵ هێزە ئەمریكاییەكان”.

بەردەوام بە لە خوێندنەوە

جیهان

تەقینەوەیەك لە ئەفغانستان نزیكەی 20 قوربانی لێكەوتەوە

خەڵك- بەشی هەواڵ

ئەمڕۆ هەینی تەقینەوەیەك لە مزگەوتێكی كابوولی پایتەختی ئەفغانستان ڕوویدا لە كاتی نوێژی هەینیدا.

وەزارەتی ناوخۆی ئەفغانستان ڕایگەیاند، بەهۆی تەقینەوەكەوە كەسێك كوژراوە، كە بانگخوازێكی بەنێوبانگە و شازدەی دیكەش بریندار بوون.

ئاماژەی بەوەشكرد، كاتی تەقینەوەكە، مزگەوتەكە پڕبووە لە نوێژخوێن.

بەردەوام بە لە خوێندنەوە

جیهان

زەریف: ترەمپ كۆتاییهاتنی ئێران نابینێت

خەڵك- بەشی هەواڵ
وەزیری دەرەوەی ئێران دەڵێت “سەرۆكی ئەمریكا كۆتایی ئێران نابینێت”.

محەمەد جەواد زەریف وەزیری دەرەوەی ئێڕان ئەمڕۆ هەینی لە دیدار لەگەڵ كاربەدەستانی پاكستانی ڕایگەیاند، ئێران كۆتاییهاتنی ترەمپ دەبینێت، بەڵام ترەمپ كۆتاییهاتنی ئێران نابینێت.

پێشتر دۆناڵد ترەمپ سەرۆكی ئەمریكا لە تویتێكدا ڕایگەیاند، خوازیاری ئێران بۆ شەڕ دەبێتەهۆی كۆتاییهاتنی ئەو وڵاتە.

بەردەوام بە لە خوێندنەوە

کوردستان