ئێمە لە تۆرە کۆمەڵایەتیەکان

جیهان

دەنگۆی یەكگرتنی داعش و قاعیدە هەیە

خەڵك- بەشی هەواڵ
بەڕێوەبەری بەرژەوەندی ئاسایشی فیدڕاڵی ڕوسیا ڕایدەگەیەنێت، “دەستەواژەكانی لێكنزكبوونەوەی نێوان هەردوو ڕێكخراوی داعش و قاعیدە دەركەوتووە”، هۆشداریش دەدات لە مەترسییەكانی هاتنەدی ئەو ئەگەرە و یەكگرتنی تواناكانی هەردوو ڕێكخراوەكە .

ئەمڕۆ چوار شەممە، ئەلكسەندەر بۆرتنیكۆڤ لە وتارێكیدا لە كۆنگرەی حەڤدەیەمی سەركردەی دەزگا ئەمنییەكان لە مۆسكۆ ڕایگەیاندووە، “سەركەوتنەكانی هێزە حكومییەكانی سوریا، كە لەلایەن فڕۆكەوانی جەنگی توركیاوە پاڵپشتی دەكرێن و سوپای عیراق بە بەشداریی هاویمانی نێودەوڵەتی، پیلانەكانی داعشیان لەگۆڕنا بۆ دامەزراندنی دەوڵەتێكی ئیسلامی ساختە لە خۆرهەڵاتی ناوەڕاست”.

بە وتەی ئەو بەرپرسە ئەمنییەی ڕوسیا، “تێكشكانی تیرۆریستان لە بەرەكانی شەڕ، وایكرد بەشوێن توانای نوێدا بگەڕێن بۆ بەردەوامبوون لە چالاكییە خوێناوییەكانیان، بە فراوانكردنی ڕووبەری بونیان لە وڵاتە ئارامەكانی تر، وێڕای دەستنیشانكردنی ڕووداوی گواستنەوەی چەكداران بۆ وڵاتانی خۆیان لە ئەوروپا و باكووری ئەفریقا و باشووری خۆرهەڵاتی ئاسیا و ئەفغانستان، ئەمەش وادەكات مەترسی دزەكردنیان بۆ ناوچەی ئاسیای ناوەند بێتەئارا”.

بۆرتنیكۆڤ دەڵێت: “یەكگرتنی تواناكانی هەردوو ڕێكخراوی داعش و قاعیدە، دیاردەیەكی زۆر مەترسیدارە و هەڵگری دەستەواژەی نەرێنی هەمەجۆرە، لەئێستاشدا ئاماژەكانی ئەگەری لێكنزیكبوونەوەی ئەو دوو ڕێكخراوە دەركەوتوون”.

جیهان

حەشدی شەعبی خۆی بۆ بەرەوڕووبوونەوەی ئەمریكا لە ئەنبار ئامادە دەكات

خەڵك- بەشی هەواڵ

كاربەدەستێكی پایەبڵندی حكومەتی نێوخۆیی ئەنبار ئەمڕۆ هەینی ئاشكرایكرد، هێزەكانی حەشدی شەعبی بە توندی وەڵامی هەر هێرشێكی ئەمریكا دەدەنەوە كە لە ناوچەكانی خۆرئاوا بكرێنەئامانج.

ئاژانسی هەواڵی مەعلومە لە زاری سەرچاوەكەوە بڵاویكردووەتەوە، سەركردەكانی حەشدی شەعبی جەختیانكردووە لەسەر پشتیوانیكردن لە وەڵامدانەوەی توندی هەر هێرشێكی ئەمریكا لە ناوچەكانی پارێزگەی ئەنبار بۆ سەر پێگەكانیان و نابێت دەستبەستراو بن لە ئاست دەستدرێژییەكاندا.

بەپێی سەرچاوەكە، هێزەكانی حەشدی شەعبی دووبارە بڵاوەیانپێكراوە لە قەزای قائیم لە خۆرئاوای ئەنبار بۆ سنووری سووریا، ئەمەش وەك ڕێوشوێنێكی پێشوەخت بۆ پێشگرتن بە هەر دەستدرێژییەكی هێزە ئەمریكاییەكان.

دەشڵێت “هێزەكانی ئەمریكا كاری بێزاركەر دەكەن لە دژی حەشدی شەعبی لە خۆرئاوا و سەركردەكانیش داوای دانبەخۆداگرتنیان كردووە، تاكو خۆیان نەخزێننە نێو پێكدادانەوە لەگەڵ هێزە ئەمریكاییەكان”.

بەردەوام بە لە خوێندنەوە

جیهان

تەقینەوەیەك لە ئەفغانستان نزیكەی 20 قوربانی لێكەوتەوە

خەڵك- بەشی هەواڵ

ئەمڕۆ هەینی تەقینەوەیەك لە مزگەوتێكی كابوولی پایتەختی ئەفغانستان ڕوویدا لە كاتی نوێژی هەینیدا.

وەزارەتی ناوخۆی ئەفغانستان ڕایگەیاند، بەهۆی تەقینەوەكەوە كەسێك كوژراوە، كە بانگخوازێكی بەنێوبانگە و شازدەی دیكەش بریندار بوون.

ئاماژەی بەوەشكرد، كاتی تەقینەوەكە، مزگەوتەكە پڕبووە لە نوێژخوێن.

بەردەوام بە لە خوێندنەوە

جیهان

زەریف: ترەمپ كۆتاییهاتنی ئێران نابینێت

خەڵك- بەشی هەواڵ
وەزیری دەرەوەی ئێران دەڵێت “سەرۆكی ئەمریكا كۆتایی ئێران نابینێت”.

محەمەد جەواد زەریف وەزیری دەرەوەی ئێڕان ئەمڕۆ هەینی لە دیدار لەگەڵ كاربەدەستانی پاكستانی ڕایگەیاند، ئێران كۆتاییهاتنی ترەمپ دەبینێت، بەڵام ترەمپ كۆتاییهاتنی ئێران نابینێت.

پێشتر دۆناڵد ترەمپ سەرۆكی ئەمریكا لە تویتێكدا ڕایگەیاند، خوازیاری ئێران بۆ شەڕ دەبێتەهۆی كۆتاییهاتنی ئەو وڵاتە.

بەردەوام بە لە خوێندنەوە

کوردستان