ئێمە لە تۆرە کۆمەڵایەتیەکان

ئابوری

لە زەیتی بەشەخۆراك فێڵ لە هاوڵاتیان كراوە؟
لە سلێمانی نهێنیەك ئاشكرادەبێت و فەرمانگەی خۆراكيش بەغدا ئاگادار دەكاتەوە

خەڵك – بەشی هەواڵ
سەرۆكی لیژنەی كشتوكاڵی ئەنجومەنی پارێزگای سلێمانی ڕایدەگەیەنێـت، لە بەدواداچونێكدا بۆمان دەركەوتووە لە زەیتی بەشە خۆراكی هاوڵاتیان هەموو دەبەیەك نزیكەی 50 غرام كەم لە بڕەكەی خۆی تێدەكرێت، بەڕێوەبەری دابەشكردنی خۆراك لە سلێمانی دەڵێت: “لە بەغداوە زەیتمان بۆ ڕەوانە دەكرێت، بۆیە لە ڕێگەی نوسراوێكەوە لە كەم تێكردنی زەیت ئاگاداریان دەكەینەوە”.

كاسترۆ مەعروف، سەرۆكی لیژنەی كشتوكاڵی ئەنجومەنی پارێزگای سلێمانی بە (خەڵك)ی ڕاگەیاند، بەدواداچونم بۆ لای چەند بریكارێكی خۆراك كرد بۆ وەزن كردنی زەیتی دابەشكراو بە سەر هاووڵاتیان، كە بەداخەوە لە هەر 10 تەنێك زەیت 500 كیلۆ زەیت كەمە، واتا لە یەك لیتر زەیت 40 بۆ 50 غرام كەمی تێدەكرێت.

شەوكەت محەمەد، بەڕێوەبەری دابەشكردنی خۆراك لە سلێمانی بە (خەڵك)ی ڕاگەیاند، ئەو زەیتەی دابەشدەكرێت لە بەغداوە ڕەوانە دەكرێت لە هەموو دەبەیەكی زەیت نوسراوە 900 گرام، ئێمەش بە دەبە دابەشی دەكەین بۆ هەر نەفەرێك یەك دەبەی پێ دەدرێت.

وتیشی، “ئێمە لە ڕێگەی نوسراوێكەوە ئەو تێبینیە ڕەوانەی بەغدا دەكەین و چاوەڕێ دەكەین بزانین چی وەڵامێكمان دەدرێتەوە، بەڵام ئەوەی هەیە تەنها دابەشكردن لەسەر ئێمەیە بە پێی ئەو ڕێنماییەی بۆمان ڕەوانە دەكرێت”.

ڕاشیگەیاند، پێم وانیە شتێكی وا هەبێـت لەو كێشەی لەسەر دەبەكان نوسراوە كەمتر یان زیاتر بێت، ئەگەر زیاتر بێ لەوەی نوسراوە ڕەنگە بۆ تەقینی دەبەكە زیانی هەبێت.

ئابوری

بە وێنە؛ پێگەیشتنی هەنار لە دەڤەری باڵەكایەتی

خەڵك-
لەگەڵ هاتنی وەرزی پاییز بەروبوومی هەنار پێدەگات، كە میوەیەكە چەندین سوودی پزیشكی و بەهای خۆراكی هەیە و هاووڵاتیانیش بە تامەزرۆییەوە دەیكڕن.

بەهۆی زۆری بەرهەمی ناوخۆییەوە وەزارەتی كشتوكاڵی هەرێم بڕیاریداوە هاوردەكردنی ئەو میوەیە لە دەرەوە ڕابگرێت تاوەكو بەرهەمی جوتیاران بفرۆشرێت و ڕەنجیان بەفیڕۆ نەچێت و داهاتێكی باشیان دەست بكەوێت.

بەپێی بەدواداچوونی (خەڵك) لە ئێستادا لە بازاڕەكانی هەرێم كیلۆیەك هەنار بەپێی جوانی و خۆشی تامەكەی لەنێوان 500 دینار تا 1500 دیناردایە.

وێنەكان: شارەدێی قەسرێ لە شارۆچكەی چۆمان

بەردەوام بە لە خوێندنەوە

ئابوری

مووچەی فەرمانبەران و خانەنشینان دابەش دەكرێت

خەڵك- بەشی هەواڵ
دوابەدوای گەیشتنی پارە لە بەغداوە، وەزارەتی دارایی و ئابووری هەرێم خشتەی مووچەی سەرجەم وەزارەتەكان و خانەنشینانی بڵاوكردەوە.

بەپێی ئەو خشتەیەی لە وەزارەتی داراییەوە دراوە بە (خەڵك) لەم هەفتەیەدا سەرجەم فەرمانبەران و خانەنشینان مووچە وەردەگرن و بەوەش كۆتایی دێت بە دابەشكردنی مووچەی مانگی 7ی ئەمساڵی فەرمانبەران و 11ی ساڵی ڕابردووی خانەنشینان.

بەپێی خشتەكە، ڕۆژی یەك شەممە مووچەی 5 وەزارەت و 6 دامەزراوە دابەش دەكرێت و ڕۆژی دوو شەممە مووچەی 5 وەزارەت و 7 دامەزراوە و دەستە و ڕۆژی سێ‌ شەممە مووچەی 3 وەزارەت و هەر 3 سەرۆكایەتییەكە دابەش دەكرێت.

ئەوەش ئاشكراكراوە، كە ڕۆژی چوار شەممە مووچەی خانەنشینی پێشمەرگە و پێنج شەممە مووچەی خانەنشینی شارستانی دابەش دەكرێت.

بەردەوام بە لە خوێندنەوە

ئابوری

پەرلەمانتارێكی پارتی: گفتووگۆكانی ڕێككەوتن بۆ مووچە و بودجەی هەرێم بەردەوامن

خەڵك- بەشی هەواڵ

گفتووگۆكانی چارەسەركردنی كێشەكانی بودجە و مووچەی فەرمانبەرانی هەرێمی كوردستان لە نێوان بەغدا و هەرێمی بەردەوامیان هەیە و پەرلەمانتارێكی پارتیش دەڵێت”ئەگەری ڕێككەوتن زۆرە و شاندەكانی هەرێم و بەغدا بەردەوام گفتووگۆ دەكەن”.

هەدار بارزانی، ئەندامی فراكسیۆنی پارتی دیموكراتی كوردستان لە پەرلەمانی عیراق بە (خەڵك)ی ڕاگەیاند، ساڵی داهاتوو پێشبینی ئەوەی لێدەكرا لە ڕووی داراییەوە قورس بێت، بەڵام بەو جۆرە نییە و بەپێی دەرئەنجامی گفتووگۆكانی هەرێم و بەغدا بێت، ڕێككەوتن دەكرێت.

وتیشی”ئەوەیشی دەربارەی خۆپیشاندانەكان و كاریگەریان لەسەر هەرێم دەوتران ڕاست دەرنەچوون، چونكە ئەوكاتە خۆپیشاندەران دەیانوت ئێمە پێمانباشە بەغداش وەكو هەرێمی كوردستانی لێبكرێت”.

بەپێی زانیارییەكان تائێستا هەرێم و بەغدا نەگەیشتوونەتە ڕێككەوتنی كۆتایی بۆ چارەسەركردنی كێشەی مووچە و بودجە و گفتووگۆكان بەردەوامن.

بەردەوام بە لە خوێندنەوە

کوردستان