ئێمە لە تۆرە کۆمەڵایەتیەکان

عێراق

پارتی: وەزیرەكەمان بەعسی نەبووە
وەزیرێكی پارتی لە بەغدا بە بەعسی تۆمەتبار دەكرێت

خەڵك- بەشی هەواڵ
پەرلەمانتارێكی پارتی دیموكراتی كوردستان، وەڵامی ئەو تۆمەتانە دەداتەوە، كە ڕووبەڕووی بەنگین ڕێكانی، وەزیری نیشتەجێ‌ كردن و شارەوانییەكانی ئێستای حكومەتی فیدڕاڵ دەكرێن، سەبارەت بەوەی “سەر بە حزبی بەعس بووە”.

بەشار كیكی، پەرلەمانتاری پارتی دیموكراتی كوردستان لە لێدوانێكیدا بۆ ماڵپەڕی (بغداد الیوم)، ڕایگەیاندووە، “پارتی هیچ ترسی نییە لەسەر تانەدان لە بەنگین ڕێكانی، وەزیری نیشتەجێكردن و شارەوانییەكانی حكومەتی فیدڕاڵ، چونكە ڕێكانی هەموو خسڵەتەكانی وەزیری تێدایە و كاتێكیش كەسێك بۆ وەزارەتێك دیاریی دەكەین، دەبێت هەموو كارامەیی و لێوەشاوەییەكی تێدابێت بۆ گرتنەدەستی پۆستەكەی”.

بە بۆچوونی كیكی، “ئەو تۆمەتانەی ڕووبەڕووی بەنگین ڕێكانی دەكرێنەوە سەبارەت بەوەی ڕێوشوێنەكانی لێپرسینەوە و دادپەروەری دەیگرێتەوە، بەو پێیەی یەكێك بووە لە سەركردەكانی حزبی بەعس، درۆیە و دوورە لە ڕاستییەوە”.

بەشار كیكی ڕایگەیاندووە، “ڕێكانی وەك یەكەم وەزیری حكومەتەكەی عادل عەبدولمەهدی، ئامادەیی خۆی ڕاگەیاند، كە ئامادەیە بچێتە بەردەم لیژنەی لێكۆڵینەوە و ئەو تۆمەتانە ڕەتبكاتەوە”.

بۆ وەرگرتنی زانیاریی زیاتر لەو بارەیەوە، (خەڵك) پەیوەندی كرد بە بەشار كیكی، پەرلەمانتاری پارتی لە بەغدا، بەڵام پەیوەندییەكە بێ‌ وەڵام بوو.

لە 29ی مانگی رابردوو، چالاكوانانی كورد، داوایان كرد بەنگین ڕێكانی لە پۆستەكەی دووربخرێتەوە، چونكە “سەركردەیەكی حزبی بەعس بووە و كەسێكی نزیكی عودەی سەدام حسێن، كوڕی سەرۆكی لەسێدارەدراوی ڕژێمی پێشوو بووە”.

چالاكوانان لەو دەمەدا، ئاگادارییەكیان لەژێر ناوی (زانیاریی لەسەر وەزیرێكی كابینەی شەشی كۆماری عیراق) دەركرد و رەِوانەی دەزگای نیشتمانی باڵای لێپرسینەوە و دادپەروەری عیراقیان كرد و تێیدا ڕایانگەیاندووە، “ئێمە وەك ژمارەیەك لە چالاكوانان و ڕۆژنامەوانان لە پارێزگای دهۆك، پێمانوایە پێویستە دەزگا بەڕێزەكەتان ئاگاداربكەینەوە لەوەی، كە لێكۆڵینەوە لە سیڤی (بەنگین عەبدوڵڵا ڕێكانی) كاندید بۆ وەرگرتنی وزارەت لەلایەن پارتی دیموكراتی كوردستانەوە بكرێت، كە پێشتر سەر بە حزبی بەعس بووە، تا ڕێگەی پێنەدرێت پۆستەكە وەربگرێت یان لە پۆستەكەیدا بمێنێتەوە”.

هەر لە ڕاگەیەندراوەكەدا هاتووە، “ئەو كەسە تۆمارێكی گەورەی هەیە لە رۆژگاری دەسەڵاتی حزبی بەعس و زیانێكی گەورەی بە عیراق و هەرێمی كوردستان گەیاندووە، بەو پێیەی پلە و پایەی گرنگی لەنێو ڕژێمی بەعسدا هەبووە و بەوەش ناسراوە، كە پەیوەندی كۆمەڵایەتی و بازرگانی بە كەسی عودەی سەدام حسێن، سەرۆكی رژێمی پێشووەوە هەبووە، زنجیرەی پەیوەندیش بووە لەنێوان عودەی و بەرپرسانی پارتی دیموكراتی كوردستان و لە پۆستی ئەمینداری گشتی تەڵەبە و شەبابی عیراق بووە لە ساڵی 1996 تا ئەو كاتەی ڕژێمی گۆڕبەگۆڕ ڕوخاوە”.

هەر بەپێی ڕاگەیەندراوەكە، “ئەو كەسە زاوای (تارق كافی فلەیح)، بەرپرسی یەكەمی حزبی بەعس بووە لە پارێزگای دهۆك و بەو هۆیەوە دانیشتوانی شاری دهۆكی چەوساندۆتەوە و توندوتیژی لەبەرانبەر هاوڵاتیان ئەنجامداوە، لە ترسی ئەوەش، كە لەلایەن گەلەوە دووچاری لێپێچینەوە نەبێت، لە دوای ڕوخانی ڕژێمی بەعس، لەگەڵ باوكی ژنەكەی (تارق كافی فلەیح) ئەندامی سەركردایەتی قوتری حزبی بەعسی عیراقی، بەرەو ئوردن هەڵاتوون”.

عێراق

بەشداریی لە لوتكەیەكی مێژووییدا دەكات
سەرۆكایەتی كۆمار بۆ (خەڵك): بەرهەم ساڵح دەچێتە میسر

خەڵك-بەشی هەواڵ
سەرۆك كۆماری عیراق بەشداریی لە لوتكەیەكی مێژوویدا دەكات لە میسر كە سبەینێ‌ كارەكانی لە شرم ئەلشێخ دەستپێدەكات.

ئەمڕۆ شەممە، حەسەن جیهاد، وتەبێژی سەرۆكایەتی كۆماری عیراق، لە لیدوانێكی تایبەت بە (خەڵك) ڕایگەیاند:”بەرهەم ساڵح سەرۆك كۆماری عیراق، بەشداریی لە لوتكەی عەرەبی-ئەوروپایی دەكات لە شرم ئەلشێخ لە میسر كە زۆرێك لە سەرۆك و میر و كەسێتییەكانی ناوچەكە بەشداریی تێدا دەكەن”.

بە وتەی حەسەن جیهان”ئەو كۆنگرەیەی میسر، گرنگییەكی زۆری هەیە و سەرۆك كۆماری عیراقیش بە نوێنەرایەتی وڵاتەكەی بەشداریی دەكات كە سبەینێ‌ یەك شەممە، دەستپێكردنی كارەكانی لەلایەن عەبدولفەتاح سیسی سەرۆكی میسرەوە ڕادەگەیەنرێت”.

سەبارەت بە گرنگی لوتكەكەی شەرم ئەلشێخ، وتەبێژی سەرۆكایەتی كۆماری عیراق وتی:”لوتكەكە لوتكەیەكی عەرەبی- ئەوروپاییە، هەر تەنیا دۆسێ‌ سیاسيیەكان لەخۆناگرێت و زیاتر دۆسێ‌ ئابورییەكان و گەشەپێدانی ئابوری تێدا تاوتوێ‌ دەكریت، (دكتۆر بەرهەم)یش بەوپێیەی پێشتر جیگری سەرۆك وەزیران و وەزیری پلاندانان بووە لە حكومەتەكانی پێشووی عیراق، و سەرۆك وەزیران بووە لە هەرێمی كوردستان، شارەزاییەكی زۆری لە بوارە ئابورییەكاندا هەیە”.

حەسەن جیهاد وتەبێژی سەرۆكایەتی كۆماری عیراق ڕایگەیاند”دوای تەوابوونی كارەكانی لوتكەی شرم ئەلشێخ، بەرهەم ساڵح بەرەو پاریس بەڕێدەكەوێت و لە كۆشكی ئیلیزێ‌ لەلایەن ئیمانوێل ماكرۆن سەرۆكی فەرەنساوە، پێشوازی لیدەكرێت”.

بەردەوام بە لە خوێندنەوە

عێراق

شەوی ڕابردوو دانیشتوانی گوندێك بەرپەرچی پەلامارێكی داعشیان دایەوە

خەڵك- بەشی هەواڵ

دانیشتوانی گوندێك لە باشووری قەزای شەرقاتی سەر بە پارێزگەی سەڵاحەدین، بە پاڵپشتی حەشدی شەعبی، بەرپەرچی هێرشێكی چەكدارانی داعش دەدەنەوە.

بەڕێوەبەرایەتی حەشدی شەعبی، بەرپەرچدانەوەی پەلامارێكی خۆكوژی چەكدارانی داعش لە گوندێكی باشووری شەرقات بە بەشداریی دانیشتوانی گوندەكە، ڕادەگەیەنێت.

بەڕێوەبەرایەتی حەشدی شەعبی، لەڕێی ئەژماری خۆی لەسەر تۆڕی كۆمەڵایەتی (تویتەر) بڵاویكردۆتەوە”هێزەكانیان بەرپەرچی گروپێكی چەكدارانی داعشیان دایەوە كە لەنێوانیاندا خۆكوژ هەبووە و هەوڵیانداوە بچنە نێو گوندی ئەلنەملی باشووری شەرقات”.

حەشدی شەعبی لەكاتی بڵاوكردنەوەی نوسینەكەی، ئاماژەی بە بەردەوامی پێكداهەڵپژانەكان كردبوو، لەگەڵ ئەوەشدا ڕایگەیاندبوو كە “دانیشتوانی دلێری گوندەكە، شان بەشانی برایانیان لە حەشدی شەعبی، چەكییان هەڵگرتووە و شەڕ لەگەڵ چەكدارانی داعش دەكەن كە هەوڵیاندابووە بچە نێو گوندەكەیان”.

بەردەوام بە لە خوێندنەوە

عێراق

دەوترێت 500 چەكداری لەگەڵدایە
شوێنی ئەبو بەكر بەغدادی ئاشكرا دەكرێت

خەڵك- بەشی هەواڵ
سەرچاوە ئەمریكایی و عیراقییەكان، ئاماژە بە بوونی ئەبو بەكر بەغدادی سەركردەی ڕێكخراوی داعش دەكەن لە بیابانی ئەنبار لە خۆرئاوای عیراق.

بەپێی سەرچاوەیەكی نزیك لە هێزە ئەمریكاییەكانی نێو عیراق” بەغدادی هەوڵ بۆ ڕێكخستنەوەی ریزی چەكدارانی داعش دەدات و بیابانەكانی ئەنبار وەك سەربازگەیەكی نوێ‌ بۆ ڕێكخراوەكە بەكاردەهێنێت”.

ڕۆژنامەی (عەرەبی پۆست)ی ئەلیكترۆنی بڵاویكردۆتەوە” بەغدادی و یاریدەدەرەكانی بۆ چەند ڕۆژێكە لەڕێی تونێلەكان كە شاری قایمی عیراقی دەبەستنەوە بە ناوچەكانی دێرلزوری سوریا، هاتوونەتە بیابانی ئەنبار”.

بەپێی سەرچاوەكە، ئەو تونێلانە لەلایەن چەكدارانی داعشەوە لەنێوان سنورەكانی سوریا و عیراق بەكاردەهێنرێن و بە ئۆتۆمبێل و ماتۆڕسكیل بەدوور لە چاوی فرۆكەكانی هاوپەیمانی نێودەوڵەتی هاتووچۆیان پێدا دەكرێت.

ماڵپەڕەكە نوسیویەتی”ئەو زانیارییانەی گەیشتوونەتە دەست سوپای ئەمریكا، ئاماژە بە بوونی بەغدادی و یاریدەرانی دەكەن لە ناوچەی حسێنیات كە پاسەوانییەكی توند دەكرێن و 350-500 چەكداری ڕێكخراوەكەیان لەگەڵدایە، بەڵام بەغدادی لەشوێنێكی دیاریكراو جێگرنییە، لە ناوچەكانی حسێنیات و دۆڵی حۆراندا هاتووچۆ دەكات”.

سەرچاوەكە ئاماژەی بەبێ‌ توانایی فڕۆكەكانی هاوپەیمانی نێودەوڵەتی و سوپای ئەمریكا و هێزە ئەمنییەكانی عیراق دەكات لەڕووی گەیاندنی ئوتۆمبێل و زریپۆشە سەربازییەكان بەو ناوچانە، بەتایبەت كە بەشێكی زۆری بیابانی ئەنبار لە دۆڵی زۆر قوڵ و نزمایی پێكدێت.

سەرچاوەكەی نزیك لە سوپای ئەمریكا لە عیراق دەڵێت” چەكدارانی ڕێكخراوی داعش لە بیابانی ئەنبار، ژمارەیان 3000 چەكدار دەبێت”.

هەر بە وتەی ئەو سەرچاوەیە”دوای پێشڕەوی هێزەكانی سوریای دیموكرات و دەستگرتنيان بەسەر ناوچەكانی دێرلزوری سوریا، سەدان چەكداری داعش دەستییان كردووە بە پاشەكشەكردن بەرەو عیراق، ئەمەش وایكردووە ژمارەیان لە عیراقدا زۆر ببێت و پێشبینییەكانیش ڕوولەوەن لەماوەی دوو رۆژی داهاتوودا 5000 چەكداری تر  بگەنە عیراق”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان