ئێمە لە تۆرە کۆمەڵایەتیەکان

جیهان

لە حەوت پارێزگای ئێران بەفر و كڕێوەیە

خەڵك- بەشی هەواڵ
سەرۆكی رێكخراوی فریاكەوتن و بەهاناوەچوون لە ئێران رایدەگەیەنێت، حەوت پارێزگای ئێرانی رووبەڕووی تەوژمێكی سەرمای توند بۆتەوە و لەئێستادا بەفر و كڕێوەیە.

ئەمڕۆ چوار شەممە، ئاژانسی (فارس)ی ئێرانی لە زاری مورتەزا سەلیمی، سەرۆكی رێكخراوی فریاكەوتن و بەهاناوەچوون لە ئێران بڵاویكردەوە”لە دوێنێوە، حەوت پارێزگای وڵات كە لە ئازربایجانی شەرقی، و ئەردەبیل، و ئەسفەهان، و چوار مەحال و بەختیاری ، و زنجان، و قەزوین، و مازندەران پێكدێن، رووبەڕووی تەوژمێكی سەرمای توند بونەتەوە و بەفریان تێدا دەبارێت”.

بە وتەی سەلیمی”پرۆسەكانی فریاكەوتن بەردەوامن لە 16 میحوەری رێگەوبان و ناوچە خێڵەكییەكان”، ئاماژەی بە رزگاركردنی 104 ئۆتۆمبێلیش كرد كە بە بەفر گەمارۆدرابوون لەگەڵ داڵدەدانی نزیكەی 800 كەس و رزگاركردنی ژمارەیەكی زۆر لەو گەشتیارانەی لەناكاو بەفر رێگەی پێگرتبوون و رێگەیان لێگیرابوو.

هەر بە وتەی ئەو بەرپرسە ئێرانییە”لە هەشت پارێزگای ئێرندا بارانی بەلێزە باریوە و لافاو دروستبووە،ئەو پارێزگایانەش بریتین لە: مازندەران و گەیلان، و فارس، و خوزستان، و چوار محال و بەختیاری، و بوشەهر، و ئیلام، و ئازربایجانی غەربی، فریاگوزارییەكانیش لە 24 شار و گوند، پێشكەش بە هاوڵاتیان كراون”.

جیهان

ژمارەیەك هاوڵاتی دیكە بەهۆی كۆرۆناوە گیانیان لەدەستدا

خەڵك-بەشی هەواڵ

دەسەڵاتدارانی چین ئاشكرایدەكەن، 47 كەسی دیكە بەهۆی ڤایرۆسی كۆرۆنا گیانیان لەدەستدا.

لێپرسراوانی وڵاتی چین ڕایدەگەیەنن، لە 24 كاتژمێری ڕابردوودا 47 كەسی دیكە بەهۆی ڤایرۆسی كۆرۆناوە گیانیان لەدەستداوە و ژمارەی ئوە كەسانەشی بەهۆی ڤایرۆسەكەوە گیانیان لەدەستداوە گەیشتە دوو هەزار و 835 كەس.

جەخت لەوەش دەكەنەوە، 427 حاڵەتی تووشبوون دیكەیان تۆمار كردووە و ژمارەی تووشبووانیش بە ڤایرۆسەكە گەیشتە 79 هەزار و 251 كەس.

ئەمەش لەكاتێكدایە ڤایرۆسی كۆرۆنا بە چەندین وڵاتی دیكەی جیهان گەیشتووە و بووەتە هۆكارێك بۆ شڵەژانی كۆمەڵایەتی و ئابووری لە جیهاندا، هاوكات لە هەرێمی كوردستانیش ڕێوشوێنەكان بۆ ڕووبەڕووبوونەوەی ئەو ڤایرۆسە گیراوەتەبەر، بەڵام خۆشبەختانە تاكو ئێستا هیچ حاڵەتێك تۆمار نەكراوە.

بەردەوام بە لە خوێندنەوە

جیهان

پۆمپۆ: بۆ ڕووبەڕووبوونەوەی كۆرۆنا هاوكاری خۆمان بۆ ئێران پێشنیازكردووە

خەڵك – بەشی هەواڵ

وەزیری دەرەوەی ئەمریكا ڕایدەگەیەنێت، بۆ ڕووبەڕووبوونەوەی ڤایرۆسی كۆرۆنا هاوكاری خۆیان بۆ كۆماری ئیسلامی ئێران پێشنیازكردووە.

مایك پۆمپیۆ وەزیری دەرەوەی ئەمریكا لە كۆنگرێسی وڵاتەكەی لەبارەی ڤایرۆسی كۆرۆنا لە ئێران ڕایگەیاند:”بۆ هەموو جیهان و ناوچەكەشمان ڕوونكردووەتەوە كە یارمەتیدانی مرۆیی بۆ ڕووبەڕووبوونەوەی ڤایرۆسی كۆرۆنا لە ئێران شتێكە كە ئەمریكا بەتەواوی پاڵپشتی لێدەكات. ئێمە بەردەوامدەبین لەو پاڵپشتیكردنە. هەر وڵاتێكی تریش بێت هەمان شتی بۆ دەكەین. ئێمە هێزی دیپلۆماتی و تواناكانمان بەكاردەهێنین بۆ ئەوەی هاوكاری تەكنیكی و پزیشكی بگەیەنینە هەرشوێنێك كە بتوانین”.

وەزیری دەرەوەی ئەمریكا ئاماژەی بەوەشكرد، “ژێرخانی تەندروستی ئێران باش و نوێ نییە. ویستی ئەوان بۆ بڵاوكردنەوەی زانیاری لەسەر ئەوەی كە چی لە ئێران دەگوزەرێت باش نییە. من زۆر نیگەرانی ئەوەم كە ئەوە خودی ئێرانە نایەوێت ئەو زانیاریانە بڵاوبكاتەوە كە سوود بە خەڵكی ئێران دەگەیەنن”.

ك.ج

بەردەوام بە لە خوێندنەوە

ئابوری

ڤایرۆسەكە، 5 تریلیۆن دۆلار زیانی لەبازاڕەكانی جیهان داوە

لوقمان غەفوور

بەهۆی ترسی ڤایرۆسی كۆرۆنا (COVID-19) پشكی بازاڕەكانی جیهان داڕمانی گەورەی بەخۆیەوە دیوە، ئەمە ئەو ترسەیە كە ئابووریناسانی ئەمریكایی دوو مانگە سەرقاڵكردووە و ئەم هەفتەیە بە خراپترین هەفتە دانراوە لە دوای قەیرانی ئابووری جیهان لە ساڵی 2008 ەوە. تێكڕاش زیانی تۆقێنەرەكە (COVID-19) بە پێنج تریلیۆن دۆلار دەخەمڵێنرێت.

بەپێی هەواڵێكی وۆڵ ستریت جۆرناڵ-ی چاپی ئەوروپا، قەیران دەبینرێت و هیچ ئاماژەیەكیش نییە بۆ پێچەوانەكردنەوەی ئەو قەیرانە لەكاتێكدا بازاڕی سەرەكی ئەوروپا سەرلەبەیانی ڕۆژی 28ی فێبریوەری بە ڕێژەی %3 دابەزینی تری بەخۆیەوە بینی. هەموو چاوەكانیش لەسەر ئەمریكان كە بتوانێت سەلامەتی بازاڕی جیهان ڕاگرێت بە ناردنی قەواڵە داراییەكانیی كە ببێتە هۆیەك بۆ پاراستنی جیهان لەمكاتەدا.

ئومێد دەكرێت دەردەكە لە مانگی مارچ-دا كۆتایی بێت و چالاكی ئابووری بەخێرایی گەشەبكاتەوە بۆ سروشتی خۆی.

وۆل ستریت جۆرناڵ نووسیەتی، ئێستا گرەوەكە لەسەر ئەوەیە یەدەكی فیدراڵی (دەستەیەكی بانكی فیدراڵییە لە ئەمریكا كارەكانی بانكی ناوەندی ڕێكدەخات و ساڵی 1913 دامەزراوە) لە نزیكترین كاتی مانگی داهاتوودا ڕێژەی نرخی سوودەكانی ئەمریكا كەمكاتەوە و چاودێری بانكە ناوەندییەكان بكات لەم نەخۆشی ئابوورییەدا لەماوەی قەیرانەكە و لاوازبوونی جیهاندا.

جۆن لاو سەرۆكی پشكەكانی ئاسیا لە بانكی نێودەوڵەتی و بەڕێوەبەری كۆمپانیای ئێس ئی ئای بۆ وەبەرهێنان لە ئەمریكا بە ئێن بی سی نیوز-ی ڕاگەیاند:” وەبەرهێنەران هەوڵدەدەن نرخەكان دیاریكەن لە خراپترین سیناریۆدا و ترسی گەورە ئەوەیە چی لە بازاڕی ئەمریكا ڕوودەدات و بازاڕەكانی دەرەوەی ئاسیا ڕوودەدەن”.

لەناوبردنی هاتوچۆكردنی نێودەوڵەتی لەنێوان وڵاتاندا، زیاتركردنی بەربەستەكانی بڵاوبوونەوەی ڤایرۆسەكە و داخستنی قوتابخانە و زانكۆكان تەنگی بەئابووری جیهان هەڵچنیوە.

بەهۆی نەخۆشی كۆرۆنا ڤایرۆس، كە چین سەرچاوەكەیەتی، بازاڕەكانی جیهان زیانی گەورەیان بەركەوتووە، لەكاتێكدا تا ڕۆژی 28ی فێبریوەری نەخۆشییەكە لە جیهاندا 84 هەزار و 112 كەس تووشی بووە و 2 هەزار و 876 كەسیش مردوون.

بەردەوام بە لە خوێندنەوە

کوردستان