ئێمە لە تۆرە کۆمەڵایەتیەکان

جیهان

ئەمریكا: ڕەوشی سوریا مەترسیدارە

خەڵك- بەشی هەواڵ
ولایەتە یەكگرتووەكان ڕایدەگەیەنێت، ڕەوشی سوریا تائیستاش مەترسیدارە وێڕای ئەو بێدەنگییەی باڵی بەسەر وڵاتەكەدا كێشاوە، هۆكاریی ئەو مەترسییەش بۆ كاركردنی 5 هێزی سەربازی وڵاتانی بیانی لەسەر خاكی سوریادا دەگێڕێتەوە.

ئەمڕۆ چوار شەممە، جیمس جێفری، نێردەی ئەمریكا بۆ كاروباری سوریا، لە كۆنفرانسێكی ڕۆژنامەوانی لەڕێی تەلەفۆنەوە ڕایگەیاند، “ڕەوشی ئێستای سوریا مەترسیدارە، ئامانج لە هەنگاوەكانمان چەسپاندنی سەقامگیرییە لەو وڵاتە، پاشان كاركردنە بۆ دۆزینەوەی چارەسەرێكی دوورمەودا”.

ئەو بەرپرسە ئەمریكاییە، ڕەوشی ئێستای سوریای وێناكرد لەسەر خاكی وڵاتەكە، كە هێزە سەربازییەكانی ولایەتە یەكگرتووەكان و ڕوسیا و ئێران و توركیا و ئیسرائیلی تێدایە.

بە وتەی جێفری، “ئەوان دەزانن هێزە سەربازییەكانی 5 وڵات لەسەر خاكی سوریا بەشێوەیەكی ڕاستەوخۆ كار دەكەن و لە نزیك یەكن، ئەمەش وادەكات لەگەڵ دۆخی بێدەنگی ئێستادا، ناكۆكییەكان زۆر مەترسیداربن”.

نێردەی ئیدارەی ئەمریكا دەڵێت: “ئەوەی زۆر گرنگە، هێنانەدی پێشكەوتنە لە دۆزینەوەی ڕێگەچارەی سیاسی بۆ قەیرانی سوریا، كە لە ساڵی 2011وە بەردەوامە”.

جیهان

حەشدی شەعبی خۆی بۆ بەرەوڕووبوونەوەی ئەمریكا لە ئەنبار ئامادە دەكات

خەڵك- بەشی هەواڵ

كاربەدەستێكی پایەبڵندی حكومەتی نێوخۆیی ئەنبار ئەمڕۆ هەینی ئاشكرایكرد، هێزەكانی حەشدی شەعبی بە توندی وەڵامی هەر هێرشێكی ئەمریكا دەدەنەوە كە لە ناوچەكانی خۆرئاوا بكرێنەئامانج.

ئاژانسی هەواڵی مەعلومە لە زاری سەرچاوەكەوە بڵاویكردووەتەوە، سەركردەكانی حەشدی شەعبی جەختیانكردووە لەسەر پشتیوانیكردن لە وەڵامدانەوەی توندی هەر هێرشێكی ئەمریكا لە ناوچەكانی پارێزگەی ئەنبار بۆ سەر پێگەكانیان و نابێت دەستبەستراو بن لە ئاست دەستدرێژییەكاندا.

بەپێی سەرچاوەكە، هێزەكانی حەشدی شەعبی دووبارە بڵاوەیانپێكراوە لە قەزای قائیم لە خۆرئاوای ئەنبار بۆ سنووری سووریا، ئەمەش وەك ڕێوشوێنێكی پێشوەخت بۆ پێشگرتن بە هەر دەستدرێژییەكی هێزە ئەمریكاییەكان.

دەشڵێت “هێزەكانی ئەمریكا كاری بێزاركەر دەكەن لە دژی حەشدی شەعبی لە خۆرئاوا و سەركردەكانیش داوای دانبەخۆداگرتنیان كردووە، تاكو خۆیان نەخزێننە نێو پێكدادانەوە لەگەڵ هێزە ئەمریكاییەكان”.

بەردەوام بە لە خوێندنەوە

جیهان

تەقینەوەیەك لە ئەفغانستان نزیكەی 20 قوربانی لێكەوتەوە

خەڵك- بەشی هەواڵ

ئەمڕۆ هەینی تەقینەوەیەك لە مزگەوتێكی كابوولی پایتەختی ئەفغانستان ڕوویدا لە كاتی نوێژی هەینیدا.

وەزارەتی ناوخۆی ئەفغانستان ڕایگەیاند، بەهۆی تەقینەوەكەوە كەسێك كوژراوە، كە بانگخوازێكی بەنێوبانگە و شازدەی دیكەش بریندار بوون.

ئاماژەی بەوەشكرد، كاتی تەقینەوەكە، مزگەوتەكە پڕبووە لە نوێژخوێن.

بەردەوام بە لە خوێندنەوە

جیهان

زەریف: ترەمپ كۆتاییهاتنی ئێران نابینێت

خەڵك- بەشی هەواڵ
وەزیری دەرەوەی ئێران دەڵێت “سەرۆكی ئەمریكا كۆتایی ئێران نابینێت”.

محەمەد جەواد زەریف وەزیری دەرەوەی ئێڕان ئەمڕۆ هەینی لە دیدار لەگەڵ كاربەدەستانی پاكستانی ڕایگەیاند، ئێران كۆتاییهاتنی ترەمپ دەبینێت، بەڵام ترەمپ كۆتاییهاتنی ئێران نابینێت.

پێشتر دۆناڵد ترەمپ سەرۆكی ئەمریكا لە تویتێكدا ڕایگەیاند، خوازیاری ئێران بۆ شەڕ دەبێتەهۆی كۆتاییهاتنی ئەو وڵاتە.

بەردەوام بە لە خوێندنەوە

کوردستان