ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

لە زستاندا بوونی ئەم کەرەستانە لە نێو ئۆتۆمبێلەکەت فەرامۆش مەکە

خەڵک-

شۆفێری کردن لە وەرزی سەرما و باراندا پێویستی بە ئەزموون و ئارامگریی ھەیە، دەکرێت شۆفێر ڕووبەڕووی چەندین دۆخی سەختی وەک لافاو و بای بەھێز و تەم و بەفر و ڕێگای بەستوو و قوڕ و چەندین گرفتی دیکەش ببێتەوە.

بۆ تێپەڕاندنی ئەو دۆخانە، پێویستە شۆفێر لانی کەمی کەرەستە پێویستەکانی پێبێت، تا نەکەوێتە دۆخێکی سەختترەوە. یان بڵێین خۆی ئامادەکردبێت بۆ ھەر دۆخێک لەو وەرزەدا دێتە ڕێی.

ئەمەش ژمارەیەک لەو کەرەستە ھەرە پێویستانەیە کە پێویستە لە ھەموو ئۆتۆمبێلێکدا ھەبێت لە وەرزی زستاندا، بە تایبەت ئەوانەی ھاتووچۆی ڕێگاکانی دەرەوەی شارەکان دەکەن:

  • پەتی ڕاکێشان: لەگەڵ دابارینی باران، ئۆتۆمبێل ڕووبەڕووی تەڕبوون و کوژانەوە، چەقین و رۆچوون دەبێت، لەم کاتەدا بوونی پەتێک ئۆتۆمبێلەکەتی لەو دۆخە پێ ڕزگار بکەیت، لە ھەموو شتێک گرنگترە.
  • وایەری چەتاڵ: لەوەرزی سەرمادە سوڕە کارەباییەکان و باتریی ئۆتۆمبێل زیانیان پێدەگات، دەکرێت لە شوێنێکدا باترییەکەت شەحنی تیا نەمێنێت یان لەکار بکەوێت، لێرەدا بوونی وایەری چەتاڵ زۆر پێویستە تا بتوانیت بە باتریی ئۆتۆمبێلێکی تر ئۆتۆمبێلەکەت بخەیتەوە کار.
  • گڵۆپێکی لید: بەھۆی تەم و تاریکی لە وەرزی زستاندا، بوونی رۆشناییەک بتوانیت بەھۆیەوە شوێنە تاریکەکانی نێو بۆنیدی ئۆتۆمبێلەکەتی پێ ببینێت پێوستە، گڵۆپێکی لید کە بە چەرخی ئۆتۆمبێلەکەت یان راستەوخۆ بە باتریی کاردەکات، دەیان کاری دیکەت بۆ ئاسان دەکات.
  • فیول پەمپ و کەرەستەکانی گۆڕینی: فیول پەمپی ئۆتۆمبێل ھەموو کات ئەگەری لەکار کەوتنی ھەیە، بە تایبەت لە وڵاتی خۆمان بە بوونی بەنزینی کوالێتی خراپ کێشەکە چەند ئەوەندە بووە، دەستگەشتن بە شوێن و کەسانی دیکەش کاتێک فیول پەمپی ئۆتۆمبێلەکەت لەکار کەوتووە لە کاتی باران و سەرما ئاسان نییە، باشترین ھەڵبژاردە ئەوەیە خۆت کاری خۆت ڕایی بکەیت.
  • کیسەخەو یان مەتەری: بوونی کیسە خەوێک یان بەتانییەک یان لانی کەم بەرگێکی دژە تەڕبوون و باران لە ھەرە پێویستییەکانە، مانەوەت لە شوێنێکدا بە ناچاری لە وەرزی سەرمادا بە بێ یەکێک لەو کەرەستانە کارێکی سەخت و مەترسیدار دەبێت.
  • بەرگێکی تەپەدۆر: لەو ناوچانەی ئەگەر دروستبوونی لافاو ھەیە، بوونی بەرگێکی تەپەدۆر یان ھەر شتێک سەرئاوت بخات، شتێکی پێویستە، کەرەستەیەکی سادەی وا دەکرێت ببێتە ھۆی ڕزگارکردنی ژیانی کەسێک خنکان.
  • کەمێک خواردن: بوونی کەمێک خواردن لە نێو ئۆتۆمبێلەکەت بۆ ڕێگای دوور پێویستە، بەتایبەت بۆ ئەوانەی بە خێزانی گەشت دەکەن و منداڵیان لەگەڵدایە، لەم وەرزەدا ئەگەری گیرانی ڕێگا بەھۆی ڕووداوەکانی ھاتووچۆ و دیاردە سروشتییەکانەوە لە ھەموو وەرزەکانی تر زیاترە، باشتر وایە یەدەکی خۆتت خستبێت و کەمێک خواردنت پێبێت لەو جۆرەی خراپ نابێت یان درەنگ خراپ دەبن، وەک گوێز یان بستە، خواردنی قوتوو، پسکیت و کێکی پاکەتی یان ھەر شتێکی دیکە، لەگەڵ کەمێک ئاو.

بەھیوای سەلامەتیی بۆ ھەموو لایەک

ئۆتۆمبێل و تەکنەلۆژیا

بژاردەی دیاریەکانی رەمەزان و جەژن لە HONOR

خەڵك – بەشی هەواڵ

 

جوانترین دیاری پێشکەش بە خۆشەویستانت بکە لە کۆمەڵە بەرهەمە ئەلیکترۆنییە جوان و داهێنراوەکان

لە جەژن ئاهەنگ دەگێڕین بە تەواوبونی مانگی رەمەزانی پیرۆز، هیچ کاتێک لە جەژن باشتر نییە بۆ ئەوەی نوێترین بەرهەمە ئەلیکترۆنییەکانی(HONOR) پێشکەش بە ئەندامانی خێزان و هاوڕێیانت بکەی.

 

HONOR 10i خۆشییەکان سێ ئەوەندەن لەگەڵ کامیرای سێ لێنزی:

 

مۆبایلیHONOR 10i جوانترین دیارییە کە دەکرێ پێشکەشی خۆشەویستانت بکەی ئەوانەی عاشقی وێنەگرتنی سێلفی و دیکیۆمنت کردنی ژیانیانن لە جیهانی مەجازیدا.

ئەم مۆبایلە بە زیرەکترین کامیرای سێڵفی جیادەکرێتەوە بە قەبارەی پۆستەر 2.3×1.7 مەتر بێ ئەوەی وردەکارییەکانی لە دەست بدات. HONOR 10i، کە بەم دواییە خراوەتە روو تایبەتمەندێتی جوانکاریی پاڵپشت بە زیرەکیی دەستکردنی هەیە کە دەستکاری وێنەکانت دەکات و شێوەیەکی سروشتی و جوانی پێدەبەخشێت لەم مانگە پیرۆزەدا ، سێڵفیی سروشتی بە دەست بهێنە لەگەڵ کامیرای سێڵفی لە مۆبایلی HONOR10i!

HONOR View20 دانەی مۆسشکینۆ: رێکتر و جوانترین ئەو خۆشەویستیی بێ مەرجەی کە خانەوادەکەت و هاوڕێیانت بۆ تۆیان هەیە، شایەنی دیارییەکی جوانن، مۆبایلی HONOR View20 دانەی مۆسکینۆ دیارییەکی نموونەیی ئەو ئیکسسوارانەیە کە هەڵگری دروشمی بڕاند و باکگراوەندی ورچی مۆسکینۆی ناسراوە کە هەموو کەس خۆشیاندەوێ.

مۆبایلی HONOR View20 گرنگیدانی نەوەی نوێی بە تەندروستی لەبەرچاو گرتووە، بۆیە ئەو کالۆریانەی بەکاریان دەهێنی دەژمێری لە رێگای کامیرایەکی سێ رەهەندیی پاڵپشت بە زیرەکی دەستکرد، هەروەها ئەو کالۆریانە دەژمێری کە لە ژەمە خۆراکەکانتدا هەیە.

 

HONOR 10 Lite: جوانییەکی بێ وێنە و دیزاینێکێ هاوچەرخی

HONOR 10 Lite بە هەشت چین لە ماددەی بریسکەدار دیزاین کراوە بە چوار رەنگی رێزبەند کراو کە بریتین لە شینی ئاسمانی و سووری بریسکەدا و یاقوتی و رەش.

مۆبایلی (HONOR 10 Lite) لە رێگای تایبەتمەندییە پاڵپشت کراوەکانی بە زیرەکیی دەستکرد دەرفەت بە بەکارهێنەرانی دەدات کە وێنەی پیشەگەر بگرێت بە کوالیتی (٢٤) میگاپێکسڵ و سیستمی لێنزی دوانەیی لە کامیرای دواوە بە کوالیتی (١٣ و ٢ میگا پێکسڵ)، ئەم کامیرایە جوانترین وێنەی کەسی دەگرێت بە کوالیتییەکی نایاب وەک ئەوانەی لە ستۆدیۆ گیراون.

کاتژمێری HONOR Watch Magic: چاودێری سیستمی توانای جەستەییت بکە لە رێگای مەچەکت

بوونی کاتژمێرێکی ناوازە بۆ دەربڕینی کەسایەتیت هەستێکی خۆشە. تەمەنی پاتریی کاتژمێریHONOR Watch Magic یەک هەفتەی تەواو دەبێت کە چەندین تایبەتمەندی هەیە بۆ چاودێری کردنی توانای جەستەییت، بەشێوەیەک دیزاین کراوە بۆ ئەوەی زانیارییەکان دەربارەی تەندروستیت تۆمار دەکات، ئەمەش یارمەتیدەرە بۆ گۆڕینی شێوازی ژیانێکی تەندروست، کاتژمێرەکە مایەی رەزامەندی هاوڕێکانت دەبێت بە هۆی وردیی سیستمی(GPS) و دژە ئاوی و تایبەتمەندییەکانی پیوانی چالاکییەکانی مەلەوانی و یارییە وەرزشییە جۆراوجۆرەکان کە سەرنجی عاشقانی توانا جەستەییەکان رادەکێشێت.

 

هیدفۆنی HONOR Fly Pods:کوالیتی دەنگی نموونەیە و ئاسانی بەستنی بە ئامێرەکانەوە

تایبەتمەندیی هیدفۆنەکانی HONOR Fly Pods تەنیا لە دیزاینە جوان و هاوچەرخەکەیدا نییە، بەڵکو هەڵبژێردراوە وەک باشترین هیدفۆنی بێتەڵی لە بازاڕدا، ئاسانە لە بەکارهێنان و سووکە و تایبەتمەندییەکانی نوێی دەنگی هەیە کە بە تەچ کار دەکات و تەمەنی پاترییەکەشی درێژە .

ئەگەر بە مۆبایل قسە بکەی یان گوێ لە قورئان یان مۆسیقا یان تەنانەت کە سەیری شتێک دەکەی لەسەر مۆبایلەکەت، ئەوا HONOR کۆمەڵە هیدفۆنێکی دیزاین کردووە کە دەتوانی بەردەوام لە پەیوەندیدا بی، هەروەها HONOR ئەپڵیکەیشنێکی پەرەپێداوە کە وات لێدەکات دەستت بەکار نەهێنی لەگەڵ مۆبایل و فشارەکانی ژیانت کەم دەکاتەوە .

HONOR تەکنۆلۆژیا تایبەتەکانی پێشکەش دەکات بۆ لەبەر کردن کە چەندین تایبەتمەندیی بێ هاوتای هەیە کە جوانییەکی زیاتر بە ژیانی خۆت وخۆشەویستانت دەبەخشێت بۆ ئاهەنگ گێڕان لە جەژن و کۆبوونەوە لەگەڵ خۆشەویستانت.

بەردەوام بە لە خوێندنەوە

ئۆتۆمبێل و تەکنەلۆژیا

ئەپێکی پێشکەوتوو بۆ ڕاست کردنەوەی نووسینە ئینگلیزییەکان لە ناو مۆبایلەکەتدا

خەڵک-

ئەپی Grammarly Keyboard بەرنامەیەکی تەواو پێشکەوتووە تاوەکوو بە شێوەیەکی درووست و ڕێک ڕستە ئینگلیزییەکانت بنووسیت ، ئەویش بە ڕاست کردنەوە و ڕێنمایی کردنت لە گۆڕینی دەستەواژە و ڕستەکاندا تاوەکوو شێوازێکی پێشکەوتووی هەبێت لە نووسیندا.

هەتاوەکوو ئەپەکە بارەکانی ڕابردوو وە داهاتوو و لێک دەداتەوە بۆ ڕستەکان و کۆ و تاکی وشە و کەرەستەکانیش یەکێکی دیکەیە لە وردەکارییەکانی ئەپەکە کە هاوشێوەی دەفتەرێکی مسودة دەستەواژەکانت بۆ ڕاست دەکاتەوە.

Image result for Grammarly Keyboard — Type with confidence

ئەم ئەپە لەگەڵ سەرجەم ئەپەکانی سۆشیاڵ میدیاکاندا کاردەکات تەنانەت ئەپی ئیمەیڵ و تێبینییەکانیش.
تایبەتمەندی AutoCorrect یارمەتیت دەدات بەشێوەیەکی خۆ کارانە دەستەواژەکان ڕاست بکاتەوە لە کاتی نوسین و پێش ناردنی پەیامەکەدا.
ئەم ئەپە بەشێوەیەکی خۆڕایی بەردەستە لە کۆگای گوگڵ پلەی و لەم بەستەرەوە دایبگرن.

Image result for Grammarly Keyboard — Type with confidence

بەردەوام بە لە خوێندنەوە

ئۆتۆمبێل و تەکنەلۆژیا

هواوی سیستمی جێگرەوەی ئەندرۆید ڕادەگەیەنێت

خەڵك- تەكنەلۆجیا

كۆمپانیای هواوی ڕایگەیاند، كە بە نیازی دروستكردنی سیستمیكی نوێن بۆ مۆبایلە هوشمەندەكان و لاپتۆپەكانی ئەوەش دوای سزاكانی ئەمریكا بۆ سەر كۆمپانیاكە و بلۆك كردنی سیستمی ئەندرۆید و ئەپەكانی گووگڵ لەسەر ئامێرەكانی ئەو كۆمپانیایە.

دوای سەپاندنی ئەم سزا قورسە لەسەر هواوی لە لایەن ئەمریكاوە بە بڕیاری دۆنالد ترمپ، سەرۆكی ویلایەتە یەكگرتووەكانی ئەمریكا گۆگل هەلسا بە بلووك كردنی سیستمی ئەندرۆید لەسەر گشت ئامێرە نوێیەكانی Mate 20 و Mate 20 Pro و P 30 و ..هتد، ئەمەش لەكاتێكدا، كە وا نیشان ئەدرا هواوی یاسای ئەمریكای شكاندووە بە تۆمەتی سیخوری كردن بەسەر ڕاژەكانی وڵاتی ئەمریكا، بۆیە بەپێی بڕیارەكە كۆمپانیای گۆگل-ی گەشەپێدەری سیستمی ئەندرۆید ناچار كرا سیستمەكە لەسەر گشت ئامیرە نوێیەكانی هواوی بوەستێنێ و پەیوەندی نیوانیان كۆتایی پی بهێنێت .

هەر لەم بارەیەوە دامەزرینەری كۆمپانیای هواوی لە كۆنگرەیەكی تایبەت لەسەر ئەم باسە ڕایگەیاند، كە هواوی بەم كارە هیچ كەوتنیك بە خۆیەوە نابینێ و تەنانەت بەهێزتریش لە جاران لە ڕكابەری لەگەڵ كۆمپانیاكانی تری بواری ئەلیكترۆنیات و وەبەرهێنانی ئامیرە هوشمەندەكاندا ئەبێت بە شێوازێكی جیاوزتر.

وتیشی، “بە نیازی دروستكردنی سیستمێكی تەواو نوێ و جیاوازن بۆ ئامیرەكانی جۆری لاپتۆپ و مۆبایلە هۆشمەندەكان” و جەختیشی كردەوە، واز لە بەكارهێنانی سیسمی ئەندرۆید و مایكرۆسۆفت دێنن لەسەر بەرهەمەكانیان .

دوێنێ‌ دوو شەممە، گۆگل هەڵسا بە بلۆك كردنی سیستمی ئەندرۆید لەسەر ئامێرەكانی هواوی و ڕاگرتنی گشت نەرمەواڵەكانی، كە بە ئۆنلاین كار ئەكەن بە بڕیاری سەرۆكی ویلایەتە یەكگرتووەكانی ئەمریكا .

بەپێی ڕاپۆرتێكی ماڵپەڕی (تێك ئای) كۆمپانیای هواوی لە پەیوەندیەكدا لەگەل دەزگای ڕاگەیاندنی CNBC لە ڕۆژی هەینی ڕایگەیاند، كە بە نیازی دامەزراندنی سیستمێكی تایبەت بە بەرهەمەكانیانن و بەرهەمەكانی هواوی چیتر پشتگیری سیستمەكانی ئەندرۆید و مایكرۆسۆفت ناكا.

ڕیچارد یو؛ بەرێوەبەری بەشی دارایی كۆمپانیای هواوی لە دوا چاوپێكەوتنی بە دەزگای Die Welt ی وت، “بەرهەمەكانمان پێویستیان بە سیستمێكە پشتگیری بەرهەمەكان بكا، چونكە لە ئێستادا ئەو سیستمەی پێشتر هواوی كاری پێ ئەكرد بە پێی گرێبەستێك لەگەل كۆمپانای گوگڵ لەلایەن ویلایەتە یەكگرتووەكانی ئەمریكاوە بلۆك كراوە، بۆیە ئێمە خۆمان بۆ ئەوە ئامادە كردووە بۆ ئەوەی ڕێگر بن لە بەكارهێنانی ئەم سیستمە لە ئامیرەكانماندا بۆ هەتا هەتایە”.

بەردەوام بە لە خوێندنەوە

کوردستان