ئێمە لە تۆرە کۆمەڵایەتیەکان

جیهان

كۆبوونەوەی ترەمپ و ئۆن بەڕێوەچوو

كۆبونەوەی ترەمپ و ئۆن لە سەنگاپورە. 12ی 6ی 2018 . فۆتۆ: ئەسۆشێتدپرێس

خەڵك – بەشی هەواڵ

كۆبوونەوە مێژوویـیەكەی نێوان دۆناڵد ترەمپ سەرۆكی ویلایەتە یەكگرتووەكانی ئەمەریكا و كیم جۆنگ ئون ڕێبەری كۆریای باكور ئەمڕۆ سێشەممە لە كاژمێر 9:05 ی بەیانی بە كاتی سەنگاپـورە لە ئوتێلی كاپـێلای دورگەی سێنتۆسای ئەو وڵاتە دەسـتیپـێكرد.

سەرەتا لە بەردەم ئاڵاكانی ئەمەریكا و كۆریای باكور تەوقەیان لەگەڵ یەكتر كرد و پاشان پـێكەوە بەرەو شوێنی كۆبوونەوەكەیان بەڕێكەوتن و لەوێ بە كورتی بۆ پەیامنێرانیان ڕاگەیاند كە هیوادارن كۆبوونەوەكەیان سەركەوتوو بێت.

ترەمپ رایگەیاند، پـێشبینی دەكات پەیوەندیـیەكی زۆر باش لە نێوانیان دروستببێت. كیم جۆنگ ئون لای خۆیەوە گوتی كۆریای باكور و ئەمەریكا زاڵبوون بەسەر كۆسپە مێژوویـیەكانی نێوانیان و ئێستا لە سەنگاپورە كۆدەبنەوە. ئاماژەی بۆ ئەوەش كرد ئەوەی ئەمڕۆ هاتووەتە دی هەروا بە سانایی نەبووە.

بەپـێی بەرنامەی كۆبوونەوەكان، دەبوایە سەرەتا بۆ ماوەی 2 كاتژمێر تەنیا خۆیان بە ئامادەبوونی وەرگێڕەكانیان كۆببنەوە، بەڵام كۆبوونەوە دوو قۆڵیـیەكەی نێوانیان لە 48 خولەك زیاتری نەخایاند و كۆبوونەوە گشتیـیەكە بە ئامادەبوونی كاربەدەستانی دیكەی هەردوولا دەستیپـێكرد.
سەرچاوە/ دەنگی ئەمریكا

جیهان

پـۆلیس؛ باوكێك كوڕە گەورەكەی دەكوژێت تا كوڕە بچوكەكەی ڕزگاربكات

خەڵك – بەشی هەواڵ
لە ناوچەی مارتنی ڕۆژهەڵاتی ویلایەتی فلۆریدا باوكێك لە پـێناو ئەوەی كوڕە بچوكەكەی لە دەستی برا گەورەكەی ڕزگار بكات، بە دەمانچە كوڕە گەورەكەی كوشت، پۆلیس-یش دەڵێت،”بەپـێی بەڵگەكان باوكەكە ناچاربووە دەمانچەكەی بەكاربهێنێت بۆیە بە تاوانكار دانانرێت”.

ولیەم سنایدەر، بەرپرسی پـۆلیسی ناوچەی مارتن لە كۆنگرەیەكی ڕۆژنامەوانی ڕایگەیاندووە، دوایی ئەوەی ئاگاركراینەوە لەوەی دوو برا لە كاتی یاریكردنی بلیارد بۆتە شەریان برا گەورەكە قەچۆی لە ملی برا بچوكەكەی توند كردووە، بە مەبەستی كوشتنی دواتر باوكیان لە رێگەی چەكی جۆری دەمانچەوە كورە گەورەكەی داوەتە بەر دەسترێژی گوللە و كوشتویەتی .

وتیشی ،”بەپـێی شایەتحاڵەكان برا گەورەكە (جۆزێف مەلۆنی، تەمەن 30 ساڵ) و برا بچوكەكەی (جێمس مەلۆنی، تەمەن 26 ساڵ) یاری بلیاردیان كردووە و پاشان بووە بە شەڕیان، هەرچەندە زۆر هەوڵیان دابوو لە ژێر دەستی ڕزگاریبكەن، بەڵام بێ سوود بووە، بۆیە باوكیان (جۆن مەلۆنی، تەمەن 56 ساڵە) چووە دەمانچەكەی هێناوە و كوڕە گەورەكەی بەر گولـلە داوە و كوشتویەتی”.

ڕاشیگەیاندووە، بەپـێی بەڵگەكان و قسەی شایەتحاڵەكان باوكەكە ناچاربووە دەمانچەكەی بەكاربهێنێت هەتا كوڕە بچوكەكەی ڕزگاربكات، بۆیە بە تاوانكار دانانرێت.

VOA

بەردەوام بە لە خوێندنەوە

جیهان

سەرۆكوەزیرانی كەنەدا؛ كار بۆ هەڵوەشاندنەوەی گرێبەستی چەك لەگەڵ سعودیـیە دەكەین

خەڵك – بەشی هەواڵ
سەرۆكوەزیرانی كەنەدا ڕایدەگەیەنێت، هەرچەندە كارێكی قورسە بەڵام وڵاتەكەی هەوڵ دەدات ڕێگەیەك بدۆزیتەوە بۆ هەڵوەشاندنەوەی گرێبەستێكی چەك لەگەڵ عەرەبستانی سعودیـیە.

جەستن ترودو، سەرۆكوەزیرانی كەنەدا لە چاوپـێكەوتنێكی تەلەفیزیۆنیدا لە كەناڵی CTV ڕایگەیاندووە، بەهای گرێبەستەكە 15 ملیار دۆلاری كەنەدیـیە و حكومەتی پـێشوو، كە كۆنەپارێزەكان سەرۆكایەتیان دەكرد ئەو گرێبەستەیان لەگەڵ سعودیـیەكان مۆركردووە.

ڕاشیگەیاندووە، زۆر قورسە كەنەدا بتوانێت بەبێ ئەوەی پارە بە سعودیـیەكان بدات لە گرێبەستەكە بكشێتەوە، بەپـێی گرێبەستەكە ئەگەر بێت و كەنەدا لێی بكشێتەوە، ئەوا دەبێت زیاتر لە یەك ملیار دۆلاری كەنەدی بدات بە عەرەبستانی سعودیـیە.

دەشڵێت،”گرێبەستەكە لە ساڵی 2014 وە مۆركراوە بۆ فرۆشتنی زیاتر 700 ماشێنی زرێپـۆش جۆری LAV 6 بە سعودیـیە، ئەمەش گەورەترین گرێبەستی فرۆشتنی چەكی كەنەدیـیە لە مێژوودا بڕیارە كۆمپانیای General Dynamic Land Systems بەو كارە هەستێت”.

ئاماژەی بۆ ئەوەشكردووە، هەرچەندە كارێكی قورسە، بەڵام وڵاتەكەی هەوڵ دەدات ڕێگەیەك بدۆزیتەوە بۆ هەڵوەشاندنەوەی گرێبەستێكی چەك لەگەڵ عەرەبستانی سعودیـیە.

بەردەوام بە لە خوێندنەوە

جیهان

وێنەی كاروانە تەنكەرەكان دەخاتەڕوو
“گروپە توندڕەوەكان بە چاودێری ئەمریكا نەوتی سوريا بەرەو توركيا دەبەن”

خەڵك- بەشی هەواڵ
ئاژانسی دەنگوباسی فەرمی سوریا (سانا) وێنەی كاروانێكی تەنكەر دەخاتەڕوو، كە دەڵێت لەلایەن “گروپە تیرۆرستییەكانی خۆرهەڵاتی ڕوباری فوڕات-ەوە” بەڕێخراون بەرەو توركیا و بە چاودێری ڕاستەوخۆی ئەمریكا ئەو كارە دەكرێت.

ئەمڕۆ دوو شەممە، ئاژانسی (سانا) وێنەیەكی بڵاوكردۆتەوە كە دەڵێت، لەلایەن مانگە دەستكردەكان و فڕۆكەكانی توركیاوە گیراون و تێیاندا كاروانێكی تانكەری نەوت دەركەوێت، بەپێی ئاژنسەكەش “ئەو نەوتە لەلایەن گروپە تیرۆرستییەكانی خۆرهەڵاتی ڕوباری فوڕات-ەوە بە سەرپەرشتی هاوپەیمانی نێودەوڵەتی، كە لەلایەن ئەمریكاوە سەركردایەتی دەكرێت، بەرەو سوریا بەقاچاخ دەرێت”.

ئاژانسەكەی سوریا پێیوایە، “ئەو كارە بەڕوونی پاڵپشتی هاوپەیمانییەكەی ئەمریكا بۆ گروپە تیرۆرستیییەكانی سوریا و پێشكەشكردنی یارمەتی بۆ ئەو گروپانە دەردەخات لەبەرانبەر دزینی نەوتی وڵاتەكە و داهاتەكەشی دەچێتە گیرفانی ڕێكخراوە تیرۆرستییەكان و لەپێش هەمووشیاوە، رێكخراوی داعش و هێزە ناشەرعییەكانی ناوچەكە”.

پێشتر وەزارەتی بەرگری ڕوسیا چەند جارێك ڕایگەیاندبوو، “حكومەتی توركیا بەكاربەری سەرەكی ئەو نەوتەیە، كە لەلایەن ریَِكخراوی داعشەوە لە سوریا و عیراق بە قاچاخ دەبرێت، و وێنەی ئەو تانكەرە نەوتانەشی خستبووە ڕوو، كە لە ناوچەكانی ژێر دەستی داعشەوە لە نزیك شاری ڕەقە بەرەو قوڵایی خاكی توركیا بەڕێدەخران”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 84%, 32
    32 84%
    32 - 84% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین