ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

کۆمپانیاکان دەستبەرداری سیدان دەبن و ڕوو لە ئۆتۆمبێلە بەرزەکان دەکەن

خەڵک-

بەھۆی ئەوەی کڕیارانی نوێی ئۆتۆمبێل ڕوویان لە ئۆتۆمبێلە بەرزەکان کردووە، ئاستی فرۆشی ئۆتۆمبێلی سیدان لە چارەکی یەکەمی ئەمساڵ بەرەو کەمبوونەوە چووە و پێدەچێت زۆرێک لە کۆمپانیاکان دەستبەرداری دروستکردنی ئەو جۆرەی ئۆتۆمبێل بھێنن.

بەپێی ئامارە نوێیەکانی بازاڕی ئۆتۆمبێل، ٥٢٪ ـی ئەوانە لەمساڵدا ئۆتۆمبێلی نوێیان کڕیوە لە سەرتاسەری جیھان، ئۆتۆمبێلە بەرزەکان (کرۆس ئۆڤەر و ئێس یو ڤی)یان ھەڵبژاردووە، ئەو ڕێژەیە ١٠ ساڵ پێش ئێستا تەنھا ٢١٪ بووە.

راپۆرتی تایبەتیی کۆمپانیاکانیش ئاماژە بەوە دەکەن، فرۆشی ئۆتۆمبێلی سیدان (قەمەرە) بە شێوەیەکی بەرچاو لە جیھان کەمیکردووە، ئەمەش وایکردووە زۆرێک لە کۆمپانیاکان بیر لە دەستبەرداربوونی دروستکردنی ئەو جۆرەی ئۆتۆمبێل بکەنەوە.

لە ئێستاشدا جگە لە کۆمپانیای تۆیۆتا کە بەھۆی دوو ئۆتۆمبێلی کامری و کۆرۆلاوە تا ڕادەیەک لە دەرەوەی کێشەکەیە، بە شێوەیەکی گشتیی ھەموو کۆمپانیاکانی دیکە ئەو کێشەیان ھەیە، تەنانەت کۆمپانیای تۆیۆتاش لە فرۆشی ئۆتۆمبێلە سیدانەکانی دیکەی وەک ئەڤالۆن و یاریس کێشەی گەورەی ھەیە.

ئەم کێشەیە ھەموو ئۆتۆمبێلە سیدانەکانی بەھەموو جۆر و تایپەکانیانەوە گرۆتەوە، ھەر لە سیدانی بچوک تا دەگات بە سیدانی لۆکسۆری وەک ئەوانەی مارسیدس و ئۆدی و بی ئێم دەبلیو و ئینفینیتی و لێکسز و کادیلاک.

بۆ ئەوەشی لە پڕ نەکەونە قەیرانەوە، تەواوی ئەو کۆمپانیایانە لە ماوەی چەند ساڵی ڕابردوودا زۆرینەی لێکۆڵینەوە و پەرەپێدانەکانیان لەسەر ئۆتۆمبێلەکانی ئێس یو ڤی و کرۆس ئۆڤەر بووە، کە ئێستا خواستی بازاڕ ڕووی لێکردوون.

ئۆتۆمبێل و تەکنەلۆژیا

فێڵێكی كورتكردنەوە لە ئایفۆندا كەم كەس دەیزانێت

خەڵك- بەشی هەواڵ
زۆرێك لە بەكارهێنەرانی مۆبایلەكانی ئایفۆن، كورتكردنەیەكی بەسود نازانن، كە لە كیبۆردی ئامێرەكانیاندا هەیە و تا ئەندازەیەكی زۆر بەرهەمهێنەرە لەكاتی نوسینی دەقە دوورودرێژەكان.

كریسی برایەر دایڤیس، ئەو تایبەتمەندییەی (زۆرێك نایزانن) مۆبایلی ئایفۆنی لە تۆڕی كۆمەڵایەتی (تویتەر) بڵاوكردۆتەوە و دەڵێت: “ڕێگە بە جوڵاندنی دەستەواژەی نوسین دەدرێت لە ناوەڕاستی دەقەكەدا بەبێ‌ ماندووبوون و تەواوكاریی بەدوادادێت، بەكارهێنەران دەتوانن، ئەو دەستەواژەی نوسینە لە ناوەڕاستی دەقی نامەكاندا بجوڵێنن بە گوشاری بەردەوام لەسەر سپەیس، لە ناوەڕاستی تابلۆی پیتەكان، پاشان بە ڕاستی و چەپ بەشێوەیەكی خێرا بجوڵێنرێت بەبێ‌ ئەوەی پەنجەی لەسەر شاشەكە هەڵبگیرێت”.

دایڤیس لە تویتەكەیدا نوسیویەتی، “بۆچی كەس ئەم فێڵەی لە ئایفۆندا پێنەوتووم؟”.

ئەو تویتەی دایڤیس كارلێكێكی گەورەی لە تۆڕە كۆمەڵایەتییەكاندا لەگەڵ كرا و زۆرێك سەرسامییان بەرانبەر بەو تایبەتمەندییە دەربڕی، كە پێشتر نەیانزانی بوو.

تایمەتمەندییەكی یاریدەدەرە بۆ ڕاستكردنەوەی ئەو دەقانەی لەو ئەپانەدا دەنوسرێن، كە پشت بە (ئێس ئێم ئێس) دەبەستن، وەك (واتساپ) و (فەیسبوك ماسنجەر) و (سناپ چات).

بەردەوام بە لە خوێندنەوە

ئۆتۆمبێل و تەکنەلۆژیا

فەیسبوك و ئینیستاگرام لەكاركەوتن

خەڵك- بەشی هەواڵ
هەردوو پێگەی كۆمەڵایەتی (فەیسبوك) و (ئینیستاگرام) لە هەندێك وڵاتدا لەكاردەكەون، ئەمەش وادەكات لە زۆرێك لە وڵاتانی جیهاندا بكەونە دەرەوەی بازنەی خزمەتگوزارییەكان.

ئەمڕۆ سێ‌ شەممە، ڕاپۆرتەكان باس لە بوونی كێشەكانی گەیشتن بە خزمەتگوزاریی (فەیسبوك) و (ئینیستاگرام)یان كرد لە هەموو ناوچەكانی جیهان، بە ولایەتە یەكگرتووەكانی ئەمریكا، ڤێتام، ئەرجەنتین، بەریتانیا و تەنانەت عیراق و هەرێمی كوردستانیشەوە.

بەكارهێنەرانی تۆڕە كۆمەڵایەتییەكان، لەدوای كاتژمێر یەكی نیوەڕۆوە (بە كاتی گرێنیچ)، سكاڵایان كردبوو بەرانبەر بە بوونی كێشەكانی گەیشتن بە ئاپەكان.

هاوكات لە بەدواداچوونێكی (خەڵك)دا دەركەوتووە، كە كێشە لە فەیسبووك و ئینیستاگرام دروست بووە و هاوڵاتیان بە ئاسانی ناتوانن وێنە و پۆستەكانیان بڵاوبكەنەوە.

لەو بارەیەشەوە، ڕەوەند جەمال، شارەزا لەبواری ئایتی بۆ (خەڵك) ڕایگەیاند، كێشەكە زۆربەی خەڵكی گرتۆتەوە و پەیوەندی ڕاستەوخۆ بە كۆمپانیاكانی خاوەنی ئەو پێگە كۆمەڵایەتییانەوە هەیە.

بەردەوام بە لە خوێندنەوە

ئۆتۆمبێل و تەکنەلۆژیا

جیپ پیکابێکی نوێی لەسەر بنچینەی رانگلەر ڕاگەیاند

خەڵک-

کۆمپانیای جیپ سەر بە گروپی کرایسلەر ڕایگەیاندووە، لە پێشانگەی ساڵانەی لۆس ئەنجیلێس لە مانگی داھاتوو ئۆتۆمبێلێکی نوێ ڕادەگەیەنن، بەڵام پێش وادەی خۆی ھەواڵەکان دزەیان کردووە و ئاشکرا کرا، ئۆتۆمبێلە نوێیەکەی جیب پیکابێکە لەسەر بنچینەی جیپ رانگلەر.

وێنەکانی ئەو ئۆتۆمبێلە نوێیە دزەیان پێکراوە و بە خێرایی بڵاوبوونەوە، ئەوەش وای لە کۆمپانیاکە کرد، چەند زانیارییەکی لەبارەی ئۆتۆمبێلە نوێیەکەوە ڕابگەیەنێت.

ئۆتۆمبێلە نوێیەکە ناوی Jeep Gladiator 2020 ـی لێنراوە، لەسەر بنچینەی رانگلەری 2019 دروستکراوە، درێژی حەوزەکەی ١٥٢ سانتیمەترە لەگەڵ چەند جیاوازییەکی سادە لە دیزاینی پێشەوەیدا.

سەبارەت بە بزوێنەرەکانی ئەم پیکابە نوێیە، کۆمپانیاکە ڕایگەیاندووە، بە 2 جۆر بزوێنەر بەردەست دەبێت:

یەکەم: بزوێنەرێکی V6 ـی قەبارە 3.6 لە جۆری پێنتاستار، بە ھێزی 285 HP و تۆرکی 352 NM. ئەم بزوێنەرە لەسەر ژمارەیەکی زۆر لە ئۆتۆمبێلەکانی گروپی کرایسلەر ھەیە، وە: کرایسلەر S300 و دۆج چارجەر و دۆج چالێنجەر و جیپ گراند چێرۆکی.

دووەم: بزوێنەرێکی دیزڵ V6 ـی قەبارە 3.0، بە ھێزی 260 HP و تۆرکی 598 NM.

ھەردوو جۆر بزوێنەرەکەش بە گێربۆکسێکی نویێ ٨ نمرەییەوە پەیوەست دەکرێن.

پیکابە نوێیەکەی جیپ دەتوانێت کێشی 725 کیلۆگرام بۆ گواستنەوەی دوور ماوە ھەڵبگرێت و توانای ڕاکێشانی 3470 کیلۆگرامیشی ھەیە.

تا ئێستا ھیچ زانیارییەک لەبارەی نرخی جیپ گڵادیەیتەر ڕانەگەیەنراوە، بەڵام پێدەچێت نرخەکەی نزیک بێت لە نرخی ھاوتاکەی خۆی، جیپ رانگلەر 2019.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین